1 GBP = 127.35
Logos
breaking news

ഇറാന്റെ ആവശ്യങ്ങൾ അംഗീകരിച്ചാൽ 48 മണിക്കൂറിനുള്ളിൽ ഹുർമുസ് കടലിടുക്ക് തുറക്കും; അമേരിക്കയ്ക്ക് മുന്നിൽ ഉപാധികൾ വെച്ച് തെഹ്റാൻ

  • Nov 03, 2026
ഇറാന്റെ ആവശ്യങ്ങൾ അംഗീകരിച്ചാൽ 48 മണിക്കൂറിനുള്ളിൽ ഹുർമുസ് കടലിടുക്ക് തുറക്കും; അമേരിക്കയ്ക്ക് മുന്നിൽ ഉപാധികൾ വെച്ച് തെഹ്റാൻ

തെഹ്റാൻ: അമേരിക്കയുമായുള്ള നയതന്ത്ര ചർച്ചകളിൽ ഇറാൻ മുന്നോട്ടുവെച്ച ആവശ്യങ്ങൾ അംഗീകരിക്കപ്പെട്ടാൽ 48 മണിക്കൂറിനുള്ളിൽ ഹുർമുസ് കടലിടുക്ക് വീണ്ടും തുറക്കാൻ തയ്യാറാണെന്ന് ഇറാൻ. ആവശ്യങ്ങൾ നടപ്പാക്കുമെന്ന ഉറപ്പാണ് ഇതിന് വേണ്ടതെന്നും ഇറാൻ വിദേശകാര്യ മന്ത്രാലയ വക്താവ് ഇസ്മായിൽ ബാഗായി വ്യക്തമാക്കി. മധ്യസ്ഥരുടെ നേതൃത്വത്തിൽ അമേരിക്കയുമായി ചർച്ചകൾ തുടരുകയാണെന്നും ഇറാനോടുള്ള വാഷിങ്ടണിന്റെ സമീപനത്തെ ആശ്രയിച്ചായിരിക്കും തുടർനടപടികളെന്നും അദ്ദേഹം അറിയിച്ചു.

മധ്യേഷ്യയിലെ യുദ്ധങ്ങൾ അവസാനിപ്പിക്കുക, വിദേശരാജ്യങ്ങളിൽ മരവിപ്പിച്ചിരിക്കുന്ന ഇറാന്റെ ആസ്തികൾ വിട്ടുനൽകുക, ഇറാന്റെ എണ്ണ കയറ്റുമതിക്കുമേലുള്ള ഉപരോധങ്ങൾ നീക്കുക, ഐക്യരാഷ്ട്രസഭ ഏർപ്പെടുത്തിയ നാവിക ഉപരോധം അവസാനിപ്പിക്കുക തുടങ്ങിയവയാണ് ഇറാന്റെ പ്രധാന ആവശ്യങ്ങൾ. ഒമാനുമായി സഹകരിച്ച് രൂപവത്കരിച്ച പുതിയ സമുദ്രഗതാഗത പാതയ്ക്ക് അമേരിക്കയുടെ അംഗീകാരവും ഇറാൻ തേടുന്നുണ്ട്.

Please Read: ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം

കഴിഞ്ഞ മാസങ്ങളിൽ ഏർപ്പെടുത്തിയ ഉപരോധങ്ങൾ പിൻവലിക്കണമെന്നും പശ്ചിമേഷ്യയിലെ അമേരിക്കൻ സൈനിക സാന്നിധ്യം കുറയ്ക്കണമെന്നും ഇറാൻ വിദേശകാര്യ മന്ത്രി അബ്ബാസ് അരാഗ്ചി അൽ ജസീറയ്ക്ക് നൽകിയ അഭിമുഖത്തിൽ ആവശ്യപ്പെട്ടിരുന്നു. ഈ ആവശ്യങ്ങളിൽ അമേരിക്കയുടെ നിലപാട് വ്യക്തമാകുന്നതുവരെ ചർച്ചകളിൽ അന്തിമ തീരുമാനമുണ്ടാകില്ലെന്നാണ് ഇറാന്റെ സൂചന.

നെതന്യാഹുവിന്റെ സമ്മർദത്തിൽ ട്രംപ്?

അതിനിടെ, അമേരിക്കയിലെ ഇടക്കാല തെരഞ്ഞെടുപ്പിന് പിന്നാലെ ഇറാനെതിരെ അമേരിക്കയും ഇസ്രായേലും സൈനിക നടപടികൾ ശക്തമാക്കുമെന്ന ആശങ്കയും നിലനിൽക്കുന്നുണ്ട്. തെരഞ്ഞെടുപ്പിന് ശേഷം ഉടൻ ഇറാനെതിരെ സൈനിക നീക്കം നടത്തണമെന്ന് ഇസ്രായേൽ പ്രധാനമന്ത്രി ബെന്യാമിൻ നെതന്യാഹു അമേരിക്കൻ പ്രസിഡന്റ് ഡൊണാൾഡ് ട്രംപിനുമേൽ സമ്മർദം ചെലുത്തുന്നതായും റിപ്പോർട്ടുകളുണ്ട്.

എന്നാൽ ഇറാനുമായുള്ള ചർച്ചകളുടെ പുരോഗതി വിലയിരുത്തിയ ശേഷമേ അന്തിമ തീരുമാനമെടുക്കൂ എന്ന നിലപാടിലാണ് ട്രംപെന്നാണ് സൂചന. ഞായറാഴ്ച നെതന്യാഹുവുമായി നടത്തിയ ഫോൺ സംഭാഷണത്തിനും പശ്ചിമേഷ്യയിലെ തുടർനീക്കങ്ങളുടെ കാര്യത്തിൽ നിർണായക പ്രാധാന്യമുണ്ടെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.

വീണ്ടും യുദ്ധമുണ്ടായാൽ ശക്തമായ തിരിച്ചടിയെന്ന് ഇറാൻ

അമേരിക്കയുമായി വീണ്ടും സൈനിക സംഘർഷമുണ്ടായാൽ അത് മുമ്പുണ്ടായ യുദ്ധത്തേക്കാൾ ദീർഘകാലം നീണ്ടുനിൽക്കാൻ സാധ്യതയുണ്ടെന്ന് ഇറാൻ മുന്നറിയിപ്പ് നൽകിയിട്ടുണ്ട്. ഇത്തവണ ശക്തമായ തിരിച്ചടി നൽകുമെന്നാണ് ഇറാനിലെ ഉന്നത രാഷ്ട്രീയ-സൈനിക നേതൃത്വത്തിന്റെ നിലപാട്.

ലോകത്തിലെ നിർണായക എണ്ണക്കടത്തു പാതകളിലൊന്നായ ഹുർമുസ് കടലിടുക്കിന്റെ നിയന്ത്രണവും തുറന്നുകൊടുക്കലും ആഗോള ഊർജവിപണിയെ നേരിട്ട് ബാധിക്കുന്ന വിഷയമാണ്. അതിനാൽ ഇറാന്റെ പുതിയ പ്രഖ്യാപനം അന്താരാഷ്ട്ര തലത്തിൽ വലിയ പ്രാധാന്യത്തോടെയാണ് വിലയിരുത്തപ്പെടുന്നത്.

പശ്ചിമേഷ്യയിലെ യുദ്ധം അവസാനിപ്പിക്കാൻ നയതന്ത്ര ശ്രമങ്ങൾ തുടരുമ്പോഴും അമേരിക്കയും ഇസ്രായേലും വീണ്ടും വ്യോമാക്രമണങ്ങൾ ആരംഭിച്ചേക്കുമെന്ന ആശങ്ക ശക്തമാണ്. ഇറാന്റെ ആവശ്യങ്ങളിൽ അമേരിക്ക എത്രത്തോളം വിട്ടുവീഴ്ചയ്ക്ക് തയ്യാറാകുമെന്നതും ഹുർമുസ് കടലിടുക്ക് തുറക്കുന്നതുമായി ബന്ധപ്പെട്ട തീരുമാനം എന്താകുമെന്നതും മേഖലയുടെ ഭാവി നിർണയിക്കുന്നതിൽ നിർണായകമാകും.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 4,574
More Videos
യുക്മ കേരളപൂരത്തിന് ആവേശം പകരാൻ സ്വാഗതഗാനം പുറത്തിറക്കി; ദേവലാൽ സഹദേവൻ ചിട്ടപ്പെടുത്തിയ ഗാനം സോഷ്യൽ മീഡിയയിൽ തരംഗമാകുന്നു
More Gallery
ലോകകപ്പ് വേദിയിൽ സുരക്ഷാ ആശങ്ക; ഇംഗ്ലണ്ട് ക്യാമ്പിന് സമീപം വെടിവെപ്പ്, 9 പേർക്ക് പരിക്ക്

Latest Updates

show more

uukma special

show more