1 GBP = 108.38

ഫ്രാന്‍സിലെ സ്‌കൂളില്‍ വെടിവെപ്പ് ; രണ്ട് പേര്‍ക്ക് പരിക്ക്

ഫ്രാന്‍സിലെ സ്‌കൂളില്‍ വെടിവെപ്പ് ; രണ്ട്  പേര്‍ക്ക് പരിക്ക്

പാരീസ്: ദക്ഷിണ ഫ്രാന്‍സിലെ ഗ്രാസ്സെയിലെ ഒരു സ്‌കൂളിലുണ്ടായ വെടിവെപ്പില്‍ രണ്ടു പേര്‍ക്ക് പരിക്കേറ്റു. സംഭവത്തിനുശേഷം ഒരു റൈഫിള്‍, ഒരു ഹാന്റ് ഗണ്‍, രണ്ട് ഗ്രനേഡ് എന്നിവയുമായി 17 വയസുകാരന്‍ വിദ്യാര്‍ഥിയെ അറസ്റ്റ് ചെയ്‌തെന്ന് വാര്‍ത്താ ഏജന്‍സിയായ റോയിട്ടേഴ്‌സ് റിപ്പോര്‍ട്ട് ചെയ്തു. പിടികൂടിയ വിദ്യാര്‍ഥിയെ തിരിച്ചറിഞ്ഞിട്ടില്ല.

രണ്ടു വിദ്യാര്‍ഥികള്‍ വെടിയുതിര്‍ത്തെന്നും പരിക്കേറ്റ ഒരാള്‍ സ്‌കൂളിലെ പ്രധാന അധ്യാപകനാണെന്നും ഒരു ദൃക്‌സാക്ഷി പറഞ്ഞു. വെടിവെച്ചത് തീവ്രവാദികളല്ലെന്നും ദൃക്‌സാക്ഷി പറഞ്ഞു. ഒരാള്‍ പോലീസിനെ വെട്ടിച്ചു കടന്നു. വെടിവെപ്പിനെത്തുടര്‍ന്ന് വിദ്യാര്‍ഥികള്‍ സമീപത്തെ സൂപ്പര്‍മാര്‍ക്കറ്റുകളില്‍ അഭയം തേടിയിരിക്കുകയാണ്. പ്രദേശത്തെ സ്‌കൂളുകള്‍ അടച്ചു.

മറ്റൊരു സംഭവത്തില്‍ പാരീസിലെ അന്താരാഷ്ട്ര നാണയ നിധിയുടെ ഓഫീസില്‍ നടന്ന ലെറ്റര്‍ ബോംബ് സ്‌ഫോടനത്തില്‍ ഒരാള്‍ക്ക് ഗുരുതര പരിക്കേറ്റു. കത്ത് തുറക്കാന്‍ ശ്രമിക്കുന്നതിനിടെ പൊട്ടിത്തെറിക്കുകയായിരുന്നു.

Latest News:

Post Your Comments Here ( Click here for malayalam )

Press Esc to close
show more