യുക്മ – ഇസ ലണ്ടന്‍ കേരളപൂരം വള്ളംകളി 2026-ന് കരുത്തായി പ്രമുഖ സ്പോൺസർമാർ; സമൂഹത്തോടൊപ്പം കൈകോർക്കുന്ന സ്ഥാപനങ്ങൾക്ക് നന്ദിയുമായി യുക്മ

കുര്യൻ ജോർജ്ജ്

(നാഷണൽ പി.ആർ.ഒ & മീഡിയ കോർഡിനേറ്റർ)

റോതർഹാം: യുക്മ സംഘടിപ്പിക്കുന്ന എട്ടാമത് കേരളപൂരം വള്ളംകളിയും സാംസ്കാരികോത്സവവും ഓഗസ്റ്റ് 15 ശനിയാഴ്ച ഷെഫീൽഡിന് സമീപമുള്ള റോതർഹാം മാൻവേഴ്‌സ് ലേക്കിൽ അരങ്ങേറുമ്പോൾ, ഈ മഹാമേളയുടെ വിജയത്തിന് കരുത്തേകാൻ യുകെയിലെ വിവിധ മേഖലകളിൽ പ്രവർത്തിക്കുന്ന പ്രമുഖ സ്ഥാപനങ്ങളും കൈകോർക്കുന്നു. യൂറോപ്പിലെ ഏറ്റവും വലിയ മലയാളി സംഗമവേദികളിലൊന്നായി വളർന്ന കേരളപൂരം വള്ളംകളിയുടെ പിന്നിൽ സംഘാടകരുടെയും വോളന്റിയർമാരുടെയും അധ്വാനത്തിനൊപ്പം വർഷങ്ങളായി യുക്മയോടും മലയാളി സമൂഹത്തോടും ചേർന്നുനിൽക്കുന്ന ബിസിനസ് സ്ഥാപനങ്ങളുടെ പിന്തുണയും നിർണായകമാണ്. ഫാഷൻ, മോർട്ട്ഗേജ്–ഇൻഷുറൻസ്, നിയമസേവനം, റിക്രൂട്ട്മെന്റ്, വിദ്യാഭ്യാസം, ഭക്ഷ്യവ്യാപാരം, സിനിമ, യാത്ര–ടൂറിസം, കാറ്ററിംഗ് തുടങ്ങി വ്യത്യസ്ത മേഖലകളിൽ പ്രവർത്തിക്കുന്ന സ്ഥാപനങ്ങളാണ് ഇത്തവണ കേരളപൂരത്തിന് പിന്തുണയുമായി എത്തുന്നത്.

കേരളപൂരം 2026-ന്റെ ടൈറ്റിൽ സ്പോൺസറായി IZA London; കരുത്തായി Theresas London

യുകെയിലെ സൗത്ത് ഇന്ത്യൻ ഫാഷൻ രംഗത്ത് ശ്രദ്ധേയ സാന്നിധ്യമായ Theresas London-ന്റെയും ഫാഷൻ–ഇവന്റ് രംഗത്തെ പരിചയസമ്പത്തിന്റെയും പിൻബലത്തിൽ രൂപംകൊണ്ട IZA London ആണ് ഈ വർഷത്തെ കേരളപൂരത്തിന്റെ Event Title Sponsor. ഇന്ത്യയിലെ പ്രമുഖ ഡിസൈനർമാരുടെ പ്രീമിയം എത്‌നിക് വസ്ത്രങ്ങൾ, വ്യക്തിഗത സ്റ്റൈലിംഗ്, കസ്റ്റം ഡിസൈൻ സേവനങ്ങൾ എന്നിവയ്‌ക്കൊപ്പം സ്വന്തം IZA London Signature Collection അവതരിപ്പിക്കുന്ന മൾട്ടി-ഡിസൈനർ ഫാഷൻ ഡെസ്റ്റിനേഷനായാണ് IZA London മുന്നേറുന്നത്. വിവാഹം, എൻഗേജ്മെന്റ്, നിശ്ചയം, ഹൽദി, സംഗീത് തുടങ്ങിയ ആഘോഷങ്ങൾക്ക് അനുയോജ്യമായ ഡിസൈനർ വസ്ത്രങ്ങളും സ്റ്റൈലിംഗ് സേവനങ്ങളും ഒരേ കുടക്കീഴിൽ ലഭ്യമാക്കുക എന്നതാണ് സ്ഥാപനത്തിന്റെ പ്രത്യേകത. യുകെയിലെ ഇന്ത്യൻ, പ്രത്യേകിച്ച് മലയാളി കുടുംബങ്ങളുടെ മാറുന്ന ഫാഷൻ അഭിരുചികൾക്ക് അനുയോജ്യമായി പാരമ്പര്യവും ആധുനികതയും സമന്വയിപ്പിക്കുന്നതാണ് IZA London-ന്റെ സമീപനം.

കേരളപൂരം പോലൊരു വലിയ സാംസ്കാരിക വേദിയുമായി IZA London കൈകോർക്കുന്നത് ഫാഷൻ ബ്രാൻഡിന്റെ സ്പോൺസർഷിപ്പിനപ്പുറം കേരളത്തിന്റെ പാരമ്പര്യവും പുതുതലമുറയുടെ ആധുനിക അഭിരുചികളും തമ്മിലുള്ള മനോഹരമായ സംഗമം കൂടിയാണ്. മാതൃസ്ഥാപനമായ Theresas London വർഷങ്ങളായി യുകെയിലെ മലയാളികൾക്കിടയിൽ ഫാഷൻ വസ്ത്രങ്ങളുടെ വിപുലമായ ശേഖരവുമായി നേടിയെടുത്ത വിശ്വാസത്തിന്റെ തുടർച്ചയാണ് IZA London. വ്യക്തിഗത സ്റ്റൈലിംഗ്, കസ്റ്റം വസ്ത്രങ്ങൾ, മേക്കപ്പ്, ഫോട്ടോഗ്രഫി, വീഡിയോഗ്രഫി, ഇവന്റ് സ്റ്റൈലിംഗ് തുടങ്ങിയവ ഉൾപ്പെടുന്ന വിവാഹ–ആഘോഷ സേവനങ്ങളിലേക്കും സ്ഥാപനം പ്രവർത്തനം വ്യാപിപ്പിച്ചിട്ടുണ്ട്. കേരളപൂരം 2026-ന്റെ ടൈറ്റിൽ സ്പോൺസറായി എത്തുന്ന IZA London-നും Theresas London-നും യുക്മ ദേശീയ സമിതിയും സംഘാടക സമിതിയും ഹൃദയം നിറഞ്ഞ നന്ദി രേഖപ്പെടുത്തുന്നു.

രണ്ട് പതിറ്റാണ്ടിനടുത്ത വിശ്വാസബന്ധം; യുക്മയുടെ മെഗാ സ്പോൺസറായി Lifeline Protect

യുക്മയുടെ വളർച്ചയോടൊപ്പം ദീർഘകാലമായി സഞ്ചരിക്കുന്ന വിശ്വസ്ത പങ്കാളികളിൽ ഏറ്റവും ശ്രദ്ധേയമായ പേരുകളിലൊന്നാണ് Lifeline Protect Limited. ഏകദേശം രണ്ട് പതിറ്റാണ്ടായി യുക്മയുടെ വിവിധ പ്രവർത്തനങ്ങൾക്കും മലയാളി സമൂഹത്തിന്റെ സംരംഭങ്ങൾക്കും പിന്തുണ നൽകിവരുന്ന Lifeline Protect, കേരളപൂരം 2026-ലും Mega Sponsor ആയി യുക്മയ്ക്കൊപ്പം നിൽക്കുന്നു. Rugby ആസ്ഥാനമായി പ്രവർത്തിക്കുന്ന സ്ഥാപനം യുകെയിലുടനീളം Mortgage, Insurance, Will Services തുടങ്ങിയ മേഖലകളിൽ സേവനം നൽകിവരുന്നു. ആദ്യമായി വീട് വാങ്ങാൻ ആഗ്രഹിക്കുന്നവർ മുതൽ നിലവിലുള്ള മോർട്ട്ഗേജ് റീമോർട്ട്ഗേജ് ചെയ്യാൻ ആഗ്രഹിക്കുന്നവർ, Buy-to-Let, Company Buy-to-Let തുടങ്ങിയ സാധ്യതകൾ അന്വേഷിക്കുന്നവർ വരെ വിവിധ ആവശ്യങ്ങളുള്ള ഉപഭോക്താക്കൾക്ക് പരിചയസമ്പന്നരായ കൺസൾട്ടന്റുമാർ മുഖേന മാർഗനിർദേശം നൽകിവരുന്നതായി സ്ഥാപനം വ്യക്തമാക്കുന്നു.

ഒരു ബിസിനസ് സ്ഥാപനവും ഒരു സമൂഹവും തമ്മിലുള്ള ബന്ധം കേവലം വാണിജ്യ ഇടപാടുകളിൽ ഒതുങ്ങേണ്ടതല്ലെന്നതിന്റെ ഉദാഹരണമാണ് Lifeline Protect-ഉം യുക്മയും തമ്മിലുള്ള ദീർഘകാല സഹകരണം. യുകെയിലെ മലയാളികളുടെ സാമൂഹിക, സാംസ്കാരിക, ജീവകാരുണ്യ പ്രവർത്തനങ്ങൾക്കും വിവിധ കൂട്ടായ്മകളുടെ പരിപാടികൾക്കും വർഷങ്ങളായി കൈത്താങ്ങായി നിൽക്കുന്ന സ്ഥാപനമാണ് Lifeline Protect. മലയാളി കുടുംബങ്ങളുടെ സാമ്പത്തിക ജീവിതത്തിലെ നിർണായക തീരുമാനങ്ങളുമായി ബന്ധപ്പെട്ട സേവനങ്ങൾ നൽകുന്നതിനൊപ്പം സമൂഹത്തിന്റെ ആഘോഷങ്ങളിലും സജീവമായി പങ്കുചേരുന്ന Lifeline Protect Limited-ന്റെ തുടർച്ചയായ വിശ്വാസത്തിനും ഏകദേശം രണ്ട് പതിറ്റാണ്ടായി യുക്മയ്ക്ക് നൽകുന്ന പിന്തുണയ്ക്കും കേരളപൂരം വേദിയിൽ പ്രത്യേക നന്ദി അറിയിക്കുന്നു.

Paul John & Co Solicitors – നിയമസേവന രംഗത്തെ പരിചയസമ്പന്ന സാന്നിധ്യം

ലണ്ടൻ ആസ്ഥാനമായി പ്രവർത്തിക്കുന്ന Paul John & Co Solicitors യുകെ ഇമിഗ്രേഷൻ, നാഷണാലിറ്റി നിയമ മേഖലകളിൽ പരിചയസമ്പന്നമായ നിയമസേവനം നൽകിവരുന്ന സ്ഥാപനമാണ്. പ്രമുഖ ഇമിഗ്രേഷൻ സോളിസിറ്ററായ Paul John നേതൃത്വം നൽകുന്ന സ്ഥാപനം, യുകെയിലേക്ക് കുടിയേറൽ, ജോലി, പഠനം, വിസ സംബന്ധമായ വിഷയങ്ങൾ തുടങ്ങിയവയിൽ നിയമോപദേശം നൽകുന്നതിനൊപ്പം Property Law, Company Law, Family Law തുടങ്ങിയ മേഖലകളിലും സേവനം നൽകുന്നു. Solicitors Regulation Authority-യുടെ നിയന്ത്രണത്തിലുള്ള സ്ഥാപനം വ്യക്തികൾക്കും കോർപ്പറേറ്റ് ക്ലയന്റുകൾക്കും നിയമസഹായം നൽകിവരുന്നു. യുകെയിലെ മലയാളി സമൂഹത്തിന്റെ വളർച്ചയുടെ വിവിധ ഘട്ടങ്ങളിൽ നിയമപരമായ മാർഗനിർദേശം പ്രധാനപ്പെട്ട ഒന്നായിരിക്കെ, കേരളപൂരം 2026-ന് Paul John & Co Solicitors നൽകുന്ന പിന്തുണയ്ക്ക് സംഘാടകർ നന്ദി രേഖപ്പെടുത്തുന്നു.

LTC Global Consultancy – യുക്മയുടെ തുടക്കം മുതൽ ഒപ്പമുള്ള ബന്ധം

കഴിഞ്ഞ 25 വർഷമായി റിക്രൂട്ട്മെന്റ്, വിദേശ വിദ്യാഭ്യാസ മേഖലകളിൽ സേവനം നൽകിവരുന്ന LTC Global Consultancy, യുകെയിലും ഇന്ത്യയിലും പ്രവർത്തന സാന്നിധ്യമുള്ള സ്ഥാപനമാണ്. നഴ്സുമാർ, ഡോക്ടർമാർ ഉൾപ്പെടെയുള്ള ഹെൽത്ത്‌കെയർ പ്രൊഫഷണലുകൾക്ക് വിവിധ രാജ്യങ്ങളിലെ തൊഴിൽ അവസരങ്ങൾ കണ്ടെത്തുന്നതിനും വിദേശപഠനം ലക്ഷ്യമിടുന്ന വിദ്യാർത്ഥികൾക്ക് അനുയോജ്യമായ ഉന്നതവിദ്യാഭ്യാസ അവസരങ്ങൾ തിരഞ്ഞെടുക്കുന്നതിനും സ്ഥാപനം മാർഗനിർദേശവും പിന്തുണയും നൽകിവരുന്നു. LTC Global Consultancy-യുടെ ഉടമ Mathew Alexander, UUKMA-യുടെ പ്രഥമ സെക്രട്ടറിയായി സേവനമനുഷ്ഠിച്ച വ്യക്തിയെന്ന നിലയിൽ സംഘടനയുമായി പ്രത്യേകമായ ചരിത്രബന്ധവും പുലർത്തുന്നു. യുക്മയുടെ രൂപീകരണകാലം മുതൽ വിവിധ സംഘടനാ പ്രവർത്തനങ്ങൾക്കും സാമൂഹിക–സാംസ്കാരിക, ജീവകാരുണ്യ സംരംഭങ്ങൾക്കും തുടർച്ചയായ പിന്തുണ നൽകിവരുന്ന അദ്ദേഹത്തിന്റെയും LTC Global Consultancy-യുടെയും കേരളപൂരം 2026-ലെ പങ്കാളിത്തം സംഘാടകർ ഏറെ നന്ദിയോടെയാണ് സ്വീകരിക്കുന്നത്.

Ealoor Consultancy UK Ltd – ‘Changing Lives’ എന്ന ദൗത്യവുമായി റിക്രൂട്ട്മെന്റിലും വിദ്യാഭ്യാസത്തിലും

2002 മുതൽ റിക്രൂട്ട്മെന്റ്–വിദ്യാഭ്യാസ മേഖലകളിൽ പ്രവർത്തിക്കുന്ന Ealoor Consultancy UK Ltd, Stockport, Manchester ആസ്ഥാനമാക്കി UK, Europe, India, US, UAE എന്നിവിടങ്ങളിലേക്ക് പ്രവർത്തനം വ്യാപിപ്പിച്ച സ്ഥാപനമാണ്. NursingjobsUK, Ealoor Study Abroad എന്നീ പ്രത്യേക വിഭാഗങ്ങളിലൂടെ ആരോഗ്യരംഗത്തെ അന്താരാഷ്ട്ര റിക്രൂട്ട്മെന്റിനും വിദേശ ഉന്നതവിദ്യാഭ്യാസത്തിനും ആവശ്യമായ സഹായങ്ങൾ സ്ഥാപനം നൽകുന്നു. നഴ്സുമാർ ഉൾപ്പെടെയുള്ള ഹെൽത്ത്‌കെയർ പ്രൊഫഷണലുകൾക്ക് NHS, സ്വകാര്യ ആരോഗ്യസ്ഥാപനങ്ങൾ എന്നിവയിലെ അവസരങ്ങളിലേക്കുള്ള റിക്രൂട്ട്മെന്റ് പിന്തുണയും NMC, CBT, OSCE തുടങ്ങിയ ഘട്ടങ്ങളിലെ പരിശീലന–മാർഗനിർദേശങ്ങളും നൽകുന്നതായി സ്ഥാപനം അറിയിക്കുന്നു. അതോടൊപ്പം വിദേശപഠനം ലക്ഷ്യമിടുന്ന വിദ്യാർത്ഥികൾക്ക് യൂണിവേഴ്സിറ്റി തിരഞ്ഞെടുപ്പ് മുതൽ അപേക്ഷ, ഭാഷാപരിശീലനം, വിസ ഡോക്യുമെന്റേഷൻ, താമസസൗകര്യം തുടങ്ങിയ വിഷയങ്ങളിലും സഹായം നൽകുന്നു. ‘Changing Lives’ എന്ന ലക്ഷ്യവുമായി പ്രവർത്തിക്കുന്ന Ealoor Consultancy കേരളപൂരത്തിന് നൽകുന്ന പിന്തുണ സമൂഹത്തോടുള്ള അവരുടെ ബന്ധത്തിന്റെ മറ്റൊരു ഉദാഹരണമാണ്.

Kerala Delights – കേരളത്തിന്റെ രുചി ബ്രിട്ടീഷ് വീടുകളിലേക്ക്

Slough ആസ്ഥാനമായ Malabar Foods Ltd-ന്റെ സ്വന്തം ബ്രാൻഡായ Kerala Delights Frozen Foods, കേരളത്തിന്റെ തനത് രുചികൾ യുകെയിലെ കുടുംബങ്ങളിലേക്ക് എത്തിക്കുന്ന സംരംഭമായാണ് വളരുന്നത്. 2014-ൽ ആരംഭിച്ച Malabar Foods, ഇന്ത്യയും ശ്രീലങ്കയും ഉൾപ്പെടെ വിവിധ രാജ്യങ്ങളിൽനിന്നുള്ള പഴങ്ങൾ, പച്ചക്കറികൾ, പലചരക്ക് ഉൽപ്പന്നങ്ങൾ തുടങ്ങിയവയുടെ ഇറക്കുമതി, മൊത്തവിതരണം എന്നിവയിൽ പ്രവർത്തിക്കുന്നു. South India മുതൽ Sri Lanka, Pakistan, Uganda, Ghana, Brazil, Gambia തുടങ്ങിയ രാജ്യങ്ങളിലേക്ക് വ്യാപിച്ച സോഴ്‌സിംഗ് ശൃംഖലയോടൊപ്പം Malabar Direct എന്ന ഓൺലൈൻ പ്ലാറ്റ്ഫോമിലൂടെയും ഉപഭോക്താക്കളിലേക്ക് ഉൽപ്പന്നങ്ങൾ എത്തിക്കുന്നു. ഇതിന്റെ ഭാഗമായ Kerala Delights, ദക്ഷിണേന്ത്യൻ ഫ്രോസൺ ഭക്ഷണങ്ങളും സ്നാക്കുകളും മറ്റു ഉൽപ്പന്നങ്ങളും പരമ്പരാഗത രുചി നിലനിർത്തിക്കൊണ്ട് ആധുനിക ജീവിതത്തിന്റെ സൗകര്യത്തിന് അനുയോജ്യമായി അവതരിപ്പിക്കുന്നു. കേരളത്തിന്റെ ഭക്ഷ്യപൈതൃകം ആഘോഷിക്കുന്ന കേരളപൂരത്തിന് Kerala Delights നൽകുന്ന പിന്തുണയ്ക്ക് സംഘാടകർ നന്ദി അറിയിക്കുന്നു.

Bethlehem Kudumba Unit – കേരളപൂരത്തിനൊപ്പം ഓണക്കാലത്തെ കുടുംബസിനിമ

മലയാള സിനിമയുടെ ആഘോഷവും കേരളപൂരത്തിനൊപ്പം ചേരുകയാണ് ‘Bethlehem Kudumba Unit’ എന്ന ഓണക്കാല ചിത്രത്തിന്റെ സഹകരണത്തിലൂടെ. Nivin Pauly, Mamitha Baiju എന്നിവർ പ്രധാന കഥാപാത്രങ്ങളാകുന്ന ചിത്രം, Premalu എന്ന ജനപ്രിയ ചിത്രത്തിലൂടെ ശ്രദ്ധേയനായ Girish A.D. സംവിധാനം ചെയ്യുന്നതായാണ് സംഘാടകർ നൽകിയ വിവരം. Bhavana Studios നിർമ്മിക്കുന്ന ചിത്രം കുടുംബം, പ്രണയം, ഹാസ്യം, വിനോദം എന്നിവ ഒരുമിക്കുന്ന ഓണക്കാല ഫാമിലി എന്റർടെയ്‌നറായി പ്രേക്ഷകരിലെത്താനൊരുങ്ങുന്നു. UK & Ireland വിതരണത്തിന് Mastershot Studios UK, Jose Chakkalakal-ന്റെ നേതൃത്വത്തിൽ പ്രവർത്തിക്കുന്നു. ബ്രിട്ടനിലെ മലയാളികളുടെ ഏറ്റവും വലിയ സാംസ്കാരിക ആഘോഷങ്ങളിലൊന്നുമായി പുതിയ മലയാള സിനിമ കൈകോർക്കുന്നത് സിനിമയും പ്രവാസി മലയാളി സമൂഹവും തമ്മിലുള്ള അടുത്ത ബന്ധത്തിന്റെ മനോഹരമായ തുടർച്ചയാണ്.

Infin Tours & Travels – യാത്രയുടെ എല്ലാ ആവശ്യങ്ങൾക്കും ഒരിടത്ത് പരിഹാരം

യാത്രയെ സ്നേഹിക്കുന്ന യുകെ മലയാളികൾക്കായി ഹോളിഡേ പാക്കേജുകൾ മുതൽ ഫ്ലൈറ്റ്, ക്രൂയിസ് ബുക്കിംഗ്, വിസ സേവനങ്ങൾ, ഹോട്ടൽ, ട്രാവൽ ഇൻഷുറൻസ് തുടങ്ങിയ വിവിധ സേവനങ്ങൾ ഒരേ കുടക്കീഴിൽ നൽകുന്ന സ്ഥാപനമാണ് Infin Tours & Travels. കുടുംബത്തോടൊപ്പമുള്ള അവധിക്കാല യാത്രകളായാലും സുഹൃത്തുക്കളോടൊപ്പമുള്ള വിനോദയാത്രകളായാലും വ്യക്തിഗത ആവശ്യങ്ങൾക്കനുസരിച്ചുള്ള യാത്രാ പദ്ധതികൾ ഒരുക്കുന്നതിൽ സ്ഥാപനം ശ്രദ്ധ കേന്ദ്രീകരിക്കുന്നു. വിദേശത്ത് വിദഗ്ധ ചികിത്സ തേടേണ്ടിവരുന്ന സാഹചര്യങ്ങളിൽ ആവശ്യമായ യാത്രാ ക്രമീകരണങ്ങൾ ഉൾപ്പെടുന്ന പാക്കേജുകളും സേവനങ്ങളുടെ ഭാഗമാണെന്ന് സ്ഥാപനം വ്യക്തമാക്കുന്നു. യാത്രയുടെ ആസൂത്രണം മുതൽ ലക്ഷ്യസ്ഥാനത്തെത്തുന്നതുവരെയുള്ള വിവിധ ഘട്ടങ്ങളിൽ ഉപഭോക്തൃ പിന്തുണ നൽകുന്ന Infin Tours & Travels, കേരളപൂരം 2026-ന് കൈത്താങ്ങാകുന്നതിലൂടെ യുകെ മലയാളി സമൂഹവുമായുള്ള ബന്ധം കൂടുതൽ ശക്തമാക്കുകയാണ്.

Mattancherry Catering – മാൻവേഴ്‌സിൽ കേരളത്തിന്റെ രുചിപ്പെരുമ

വള്ളംകളിയുടെ ആവേശത്തിനൊപ്പം നാടൻ കേരളീയ ഭക്ഷണത്തിന്റെ രുചിയും മാൻവേഴ്‌സ് ലേക്കിൽ നിറയ്ക്കാൻ ഇത്തവണയും Mattancherry Catering എത്തുന്നു. മുൻ വർഷങ്ങളിലെ കേരളപൂരം വള്ളംകളികളിൽ ആയിരക്കണക്കിന് സന്ദർശകർക്ക് ഭക്ഷണം ഒരുക്കിയ പരിചയസമ്പത്തുമായാണ് അവരുടെ ഫുഡ് കൗണ്ടറുകൾ ഇത്തവണയും സജ്ജമാകുന്നത്. കേരളത്തിന്റെ തനത് വിഭവങ്ങളുടെ മണവും രുചിയും ആഘോഷവേദിയുടെ അവിഭാജ്യഘടകമാക്കിക്കൊണ്ട്, കുടുംബങ്ങളായി എത്തുന്ന സന്ദർശകർക്ക് വിവിധ രുചികരമായ വിഭവങ്ങൾ ലഭ്യമാക്കാനാണ് ഒരുക്കം. വള്ളംകളി കാണാനും കലാപരിപാടികൾ ആസ്വദിക്കാനും എത്തുന്നവർക്ക് ഇടവേളകളിൽ ചൂടോടെ രുചികരമായ കേരളീയ ഭക്ഷണം ആസ്വദിക്കാനുള്ള പ്രധാന കേന്ദ്രങ്ങളിലൊന്നായിരിക്കും Mattancherry Catering-ന്റെ കൗണ്ടറുകൾ. വർഷങ്ങളായി കേരളപൂരവുമായി സഹകരിക്കുകയും വലിയ ജനക്കൂട്ടത്തിന് ഭക്ഷണം ഒരുക്കുകയും ചെയ്യുന്ന അവരുടെ സേവനത്തിന് സംഘാടകർ പ്രത്യേകം നന്ദി അറിയിക്കുന്നു.

Manavatti – കേരളത്തിന്റെ പരമ്പരാഗത സ്പിരിറ്റിന് അന്താരാഷ്ട്ര അംഗീകാരം

കേരളത്തിന്റെ പരമ്പരാഗത വാറ്റുപാരമ്പര്യത്തെ ആധുനിക അന്താരാഷ്ട്ര വിപണിയിലെത്തിച്ച ബ്രാൻഡായ Manavattiയും കേരളപൂരം 2026-ന് പിന്തുണയുമായി എത്തുന്നു. കൊച്ചി കടവന്ത്ര സ്വദേശിയായ John Xavier യുകെയിൽ സ്ഥാപിച്ച London Baron എന്ന കമ്പനിയുടെ Manavatti, പരമ്പരാഗത ശൈലിയിൽ നിർമ്മിക്കുന്ന ഇന്ത്യൻ arrack ബ്രാൻഡായി അവതരിപ്പിക്കപ്പെടുന്നു. സംഘാടകർ നൽകിയ വിവരമനുസരിച്ച്, London Spirits Competition 2025-ൽ Bronze Medal, International Wine & Spirit Competition-ൽ Spirit Bronze 2025 തുടങ്ങിയ അംഗീകാരങ്ങൾ ബ്രാൻഡിന് ലഭിച്ചിട്ടുണ്ട്. കേരളത്തിന്റെ ഒരു പരമ്പരാഗത ഉൽപ്പന്നത്തെ അന്താരാഷ്ട്ര വിപണിയിലേക്കും മത്സരവേദികളിലേക്കും എത്തിച്ച പ്രവാസി സംരംഭകത്വത്തിന്റെ ഉദാഹരണമായാണ് Manavatti-യുടെ നേട്ടത്തെ കാണുന്നത്. കേരളപൂരത്തിന്റെ സാംസ്കാരിക ആഘോഷവുമായി ബ്രാൻഡ് കൈകോർക്കുന്നതിന് സംഘാടകർ നന്ദി രേഖപ്പെടുത്തുന്നു.

Air Winch International Courier & Cargo – ഇന്ത്യയിൽ നിന്ന് യുകെയിലേക്ക് വേഗതയും വിശ്വാസ്യതയും

കേരളപൂരം 2026-ന്റെ അഭിമാന സ്പോൺസർമാരിൽ ഒരാളായ Air Winch International Courier & Cargo, ഇന്ത്യയിൽ നിന്ന് യുകെയിലേക്കും മറ്റ് രാജ്യങ്ങളിലേക്കും വേഗതയേറിയതും വിശ്വാസ്യതയാർന്നതുമായ കൊറിയർ, കാർഗോ, ലോജിസ്റ്റിക്സ് സേവനങ്ങൾ നൽകിവരുന്ന സ്ഥാപനമാണ്. ചെറുതും വലുതുമായ വിവിധ തരത്തിലുള്ള ഷിപ്പ്മെന്റുകൾ Air, Road, Sea മാർഗങ്ങളിലൂടെ സുരക്ഷിതമായി ലക്ഷ്യസ്ഥാനത്തെത്തിക്കുന്നതിനൊപ്പം, ഉപഭോക്താക്കളുടെ ആവശ്യങ്ങൾക്കനുസരിച്ചുള്ള പ്രത്യേക ലോജിസ്റ്റിക്സ്–ഫ്രൈറ്റ് ഫോർവേഡിംഗ് സേവനങ്ങളും മത്സരാധിഷ്ഠിത നിരക്കിൽ നൽകുന്നു. പ്രമുഖ എയർലൈനുകളുമായും പോർട്ട് അധികൃതരുമായുള്ള ശക്തമായ പ്രവർത്തനബന്ധവും പരിചയസമ്പന്നരായ ടീമിന്റെ സേവനവും ഉപയോഗപ്പെടുത്തി, India to UK courier & cargo ആവശ്യങ്ങൾക്ക് വേഗത, സുരക്ഷ, വിശ്വാസ്യത എന്നിവയ്ക്ക് മുൻഗണന നൽകിയാണ് Air Winch പ്രവർത്തിക്കുന്നത്. 

സ്പോൺസർമാരുടെ പിന്തുണയാണ് മഹോത്സവത്തിന്റെ കരുത്ത്

വള്ളംകളി, സ്വാതന്ത്ര്യദിനാഘോഷം, കേരളീയ കലാരൂപങ്ങൾ, സാംസ്കാരിക പരിപാടികൾ, കുടുംബ കാർണിവൽ, മലയാളി സുന്ദരി ഗ്രാൻഡ് ഫിനാലെ തുടങ്ങി ഒരു ദിവസം മുഴുവൻ നീളുന്ന വലിയൊരു ആഘോഷമാണ് ഇത്തവണത്തെ UUKMA – IZA London Kerala Pooram Boat Race 2026. ഇത്രയും വിപുലമായൊരു പരിപാടി വിജയകരമായി സംഘടിപ്പിക്കാൻ സ്പോൺസർമാരുടെയും ബിസിനസ് പങ്കാളികളുടെയും പിന്തുണ അനിവാര്യമാണ്.

IZA London – Theresas London, Lifeline Protect Limited, Paul John & Co Solicitors, Ealoor Consultancy UK Ltd, Kerala Delights/Malabar Foods, Bethlehem Kudumba Unit/Mastershot Studios UK, LTC Global Consultancy, Infin Tours & Travels, Mattancherry Catering, Manavatti എന്നിവരോടൊപ്പം കേരളപൂരത്തിന്റെ വിജയത്തിനായി വിവിധ തലങ്ങളിൽ കൈകോർക്കുന്ന എല്ലാ സ്ഥാപനങ്ങൾക്കും യുക്മ ദേശീയ സമിതിയും കേരളപൂരം സംഘാടക സമിതിയും ഹൃദയം നിറഞ്ഞ നന്ദി രേഖപ്പെടുത്തുന്നു.

യുക്മ – ഇസ ലണ്ടന്‍ കേരളപൂരം വള്ളംകളി 2026 കൂടുതല്‍ വിവരങ്ങള്‍ക്കുമായി താഴെ പറയുന്നവരെ ബന്ധപ്പെടേണ്ടതാണ് 

അഡ്വ. എബി സെബാസ്റ്റ്യന്‍ (പ്രസിഡന്റ്)- 07702862186

ജയകുമാര്‍ നായര്‍ (ജനറല്‍ സെക്രട്ടറി)- 07403223006

ഡിക്സ് ജോര്‍ജ്ജ് (ജനറല്‍ കണ്‍വീനര്‍)- 07403312250

ജോര്‍ജ്ജ് തോമസ് (ടീം മാനേജ്മെന്റ്) – 07903426018

കേരളപൂരം വള്ളംകളി നടക്കുന്ന വേദിയുടെ വിലാസം:-

Manvers Lake

Station Road 

Wath-Upon-Dearne

Rotherham 

South Yorkshire.

S63 7DG.