‘ഗീതുവിന് നന്ദി’; മലയാളി നഴ്സിന്റെ സേവനത്തെ പരസ്യമായി പ്രശംസിച്ച് മാൾട്ട പ്രധാനമന്ത്രി
Nov 19, 2026
മാൾട്ട: പ്രധാനമന്ത്രിയുടെ കുടുംബത്തിന് ഒരു വർഷത്തോളം നൽകിയ സമർപ്പിത സേവനത്തിന് മലയാളി നഴ്സിന് പ്രധാനമന്ത്രിയുടെ ഔദ്യോഗിക ആദരം. തൃശൂർ ചാലക്കുടി സ്വദേശിനിയായ ഗീതു ലൂയിസിന്റെ സേവനത്തെ മാൾട്ട പ്രധാനമന്ത്രി റോബർട്ട് അബേല പൊതുവേദിയിൽ പ്രത്യേകം പരാമർശിച്ച് നന്ദി അറിയിച്ചു.
മാൾട്ടയിൽ മൂന്നാം രാജ്യങ്ങളിൽ നിന്നുള്ള വിദേശ പൗരന്മാരുടെ സംഭാവനകളെക്കുറിച്ച് സംസാരിക്കുന്നതിനിടെയാണ് പ്രധാനമന്ത്രി ഗീതുവിന്റെ പേര് എടുത്തുപറഞ്ഞത്. ഇന്ത്യയിൽ നിന്നുള്ള ഗീതു കഴിഞ്ഞ ഒരു വർഷമായി തന്റെ കുടുംബത്തിന്റെ ആരോഗ്യപരിചരണത്തിൽ നിർണായക പങ്കുവഹിച്ചെന്നും അവരുടെ അർപ്പണബോധവും സേവനവും ഏറെ വിലമതിക്കുന്നുവെന്നും അദ്ദേഹം പറഞ്ഞു.
മാൾട്ടയുടെ മുൻ പ്രസിഡന്റ് ജോർജ് അബേലക്ക് അപകടം സംഭവിച്ചതിനെത്തുടർന്നാണ് ഒരു വർഷം മുമ്പ് ഗീതുവിന് പ്രധാനമന്ത്രിയുടെ കുടുംബത്തിൽ നഴ്സിങ് പരിചരണത്തിന്റെ ചുമതല ലഭിച്ചത്. പിന്നീട് പ്രധാനമന്ത്രിയുടെ മകൾക്ക് അസുഖം ബാധിച്ചപ്പോഴും ഗീതു പരിചരണത്തിനായി ഒപ്പമുണ്ടായിരുന്നു. ജോലിയുടെ രഹസ്യസ്വഭാവം കാരണം സ്വന്തം മാതാപിതാക്കൾക്കുപോലും താൻ പരിചരിച്ചിരുന്നത് പ്രധാനമന്ത്രിയുടെ കുടുംബത്തെയാണെന്ന് അറിയില്ലായിരുന്നുവെന്ന് 35കാരിയായ ഗീതു വെളിപ്പെടുത്തി. പ്രധാനമന്ത്രി തന്റെ പേര് പരസ്യമായി പരാമർശിച്ചത് അപ്രതീക്ഷിതമായിരുന്നുവെന്നും അവർ പറഞ്ഞു.
ചാലക്കുടി സ്വദേശികളായ ലൂയിസ് പി.വി., ബീന ലൂയിസ് ദമ്പതികളുടെ മകളാണ് ഗീതു. മാൾട്ടയിലെ ആരോഗ്യരംഗത്ത് കോവിഡ് കാലം മുതൽ സജീവമായി പ്രവർത്തിക്കുന്ന അവർ ഹെൽത്ത് മാർക്ക് പ്രൈവറ്റ് ലിമിറ്റഡ് എന്ന സ്ഥാപനത്തിലെ ജീവനക്കാരിയാണ്. കോവിഡ് കാലത്ത് എയർപോർട്ട് സേവനങ്ങൾ, പരിശോധനാ കേന്ദ്രങ്ങൾ, വാക്സിനേഷൻ കേന്ദ്രങ്ങൾ എന്നിവിടങ്ങളിൽ പ്രവർത്തിച്ച ഗീതു 250ലധികം നഴ്സുമാർ അടങ്ങുന്ന ടീമിനും നേതൃത്വം നൽകിയിട്ടുണ്ട്.
ഇന്ന് മാൾട്ടയിൽ ഇന്ത്യയിൽ നിന്നുള്ള 1,200ലധികം നഴ്സുമാർ ജോലി ചെയ്യുന്നുണ്ടെന്നും ഇവരിൽ 80 ശതമാനത്തോളം മലയാളികളാണെന്നും ഗീതു പറയുന്നു.
വിദേശ ആരോഗ്യപ്രവർത്തകരുടെ ആനുകൂല്യങ്ങൾ സംബന്ധിച്ച് മാൾട്ടയിൽ ചർച്ചകൾ ശക്തമായിരിക്കെയാണ് മലയാളി നഴ്സിന്റെ സേവനത്തിന് പ്രധാനമന്ത്രിയുടെ അംഗീകാരം ലഭിച്ചിരിക്കുന്നത്. ഗീതുവിന് ലഭിച്ച ഈ ആദരം മാൾട്ടയിലെ മലയാളി നഴ്സിങ് സമൂഹത്തിനും പ്രവാസി മലയാളികൾക്കും അഭിമാനമായി മാറിയിരിക്കുകയാണ്.
യുക്മ ദേശീയ പൊതുതിരഞ്ഞെടുപ്പ് 2027: ഡോ. ബിജു പെരിങ്ങത്തറ ചെയർമാനായി മൂന്നംഗ തിരഞ്ഞെടുപ്പ് കമ്മീഷൻ; മനോജ് കുമാർ പിള്ളയും കുര്യൻ ജോർജ്ജും കമ്മീഷൻ അംഗങ്ങൾ. /
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
click on malayalam character to switch languages