1 GBP = 125.38
Logos
breaking news

ആൻഡി ബേൺഹാമിന്റെ പത്തുവർഷത്തെ ബ്രിട്ടൻ വികസന പദ്ധതി വൈകും; പ്രഖ്യാപനം ഡിസംബറിലോ ജനുവരിയിലോ

  • Nov 05, 2026
ആൻഡി ബേൺഹാമിന്റെ പത്തുവർഷത്തെ ബ്രിട്ടൻ വികസന പദ്ധതി വൈകും; പ്രഖ്യാപനം ഡിസംബറിലോ ജനുവരിയിലോ

ലണ്ടൻ: ബ്രിട്ടന്റെ ഭാവി വികസനവും സർക്കാരിന്റെ ദീർഘകാല നയപരിപാടികളും വിശദീകരിക്കുന്ന പ്രധാനമന്ത്രി ആൻഡി ബേൺഹാമിന്റെ പത്തുവർഷത്തെ പദ്ധതി (10-Year Plan) പ്രഖ്യാപിക്കുന്നത് വൈകിയേക്കും. ഈ വർഷം പദ്ധതി അവതരിപ്പിക്കുമെന്നായിരുന്നു നേരത്തേ പ്രഖ്യാപിച്ചിരുന്നതെങ്കിലും, ഡിസംബറിലോ അടുത്ത വർഷം ജനുവരിയിലോ മാത്രമേ ഇത് സംബന്ധിച്ച പ്രഖ്യാപനം ഉണ്ടാകൂവെന്ന് ബേൺഹാം സൂചന നൽകി.

പ്രധാനമന്ത്രിയായി ചുമതലയേറ്റ ദിവസം ഡൗണിങ് സ്ട്രീറ്റിന് മുന്നിൽ നടത്തിയ പ്രസംഗത്തിലാണ് ബ്രിട്ടനെ നിലവിലെ സാഹചര്യത്തിൽനിന്ന് താൻ വിഭാവനം ചെയ്യുന്ന ഭാവിയിലേക്ക് നയിക്കുന്ന പത്തുവർഷത്തെ വികസനരേഖ ഈ വർഷം തന്നെ അവതരിപ്പിക്കുമെന്ന് ബേൺഹാം പ്രഖ്യാപിച്ചത്. ഈ വർഷം സർക്കാരിന്റെ ഭാഗത്തുനിന്നുള്ള ഏറ്റവും പ്രധാനപ്പെട്ട നയപ്രഖ്യാപനമായി പദ്ധതി വിലയിരുത്തപ്പെട്ടിരുന്നു. ബജറ്റിൽ വലിയ പ്രഖ്യാപനങ്ങൾ ഒഴിവാക്കിയതും പത്തുവർഷ പദ്ധതിക്കായി പ്രധാന തീരുമാനങ്ങൾ മാറ്റിവെച്ചതിനാലാണെന്ന റിപ്പോർട്ടുകളും പുറത്തുവന്നിരുന്നു.

Please Read: യുക്മ ദേശീയ കലാമേളയുടെ കരുത്തായി സ്പോൺസർമാർ; ലൈഫ്‌ലൈൻ പ്രൊട്ടക്ട് ടൈറ്റിൽ സ്പോൺസർ, കാർഗോഫോഴ്സ് കോ-സ്പോൺസർ; പതിനായിരം പൗണ്ടും സ്വർണനാണയങ്ങളും സമ്മാനമായി യുക്മ ഫോർച്യൂൺ ടിക്കറ്റ് നറുക്കെടുപ്പ് നവംബർ 7ന്….

എന്നാൽ, ദി ഇക്കണോമിസ്റ്റിലെ ഹ്യൂഗോ ഗൈയുമായുള്ള അഭിമുഖത്തിൽ പദ്ധതി എപ്പോൾ അവതരിപ്പിക്കുമെന്ന ചോദ്യത്തിന് മറുപടി നൽകവെയാണ് സമയക്രമത്തിൽ മാറ്റമുണ്ടാകാമെന്ന് ബേൺഹാം വ്യക്തമാക്കിയത്. ഡിസംബറിലോ ജനുവരിയിലോ പ്രഖ്യാപനം ഉണ്ടായേക്കാമെന്നും കൃത്യമായ തീയതി ഇപ്പോൾ ഉറപ്പിക്കാനാകില്ലെന്നും അദ്ദേഹം പറഞ്ഞു.

അതേസമയം, പദ്ധതി പ്രഖ്യാപനം പ്രതീക്ഷിച്ചതുപോലെ സമഗ്രമായ രേഖയായിരിക്കില്ലെന്ന ആശങ്കകളും ഉയർന്നിട്ടുണ്ട്. ന്യൂ സ്റ്റേറ്റ്സ്മാനിലെ ഐൽഭെ റിയയുടെ റിപ്പോർട്ട് പ്രകാരം, വർഷാവസാനത്തോടെയോ ജനുവരിയിലോ പ്രധാനമന്ത്രി നടത്തുന്ന പ്രസംഗത്തോടൊപ്പം പ്രതീക്ഷിച്ചതിലും ചുരുങ്ങിയ രേഖയായിരിക്കും ആദ്യം പുറത്തുവരിക. ഇത് അന്തിമ നയരേഖയാകില്ലെന്നും തുടർന്നുള്ള വിപുലമായ കൂടിയാലോചനകൾക്ക് തുടക്കമിടുക മാത്രമായിരിക്കുമെന്നും റിപ്പോർട്ട് ചൂണ്ടിക്കാട്ടുന്നു.

പൊതുജനങ്ങൾ, ഗവേഷണ സ്ഥാപനങ്ങൾ, നയരൂപീകരണ വിദഗ്ധർ തുടങ്ങിയവരുമായി ആറു മുതൽ ഒൻപത് മാസം വരെ നീളുന്ന കൂടിയാലോചനകൾക്കാണ് സർക്കാർ തയ്യാറെടുക്കുന്നതെന്നാണ് വിവരം. ഇതിനൊപ്പം വിവിധ സർക്കാർ വകുപ്പുകൾ പദ്ധതികളുടെ വിശദാംശങ്ങൾ രൂപപ്പെടുത്തുന്നതിനുള്ള പ്രവർത്തനങ്ങളും ആരംഭിക്കും. ഈ നടപടികൾക്ക് ശേഷമായിരിക്കും സർക്കാരിന്റെ ചെലവുകളും നിക്ഷേപ മുൻഗണനകളും നിശ്ചയിക്കുന്ന അടുത്ത ചെലവുനയ അവലോകനത്തിലേക്ക് (Spending Review) കടക്കുക.

എന്നാൽ, രാജ്യത്തിന്റെ പ്രധാന പ്രശ്നങ്ങൾക്ക് അടിയന്തര പരിഹാരം കാണേണ്ട സമയത്ത് സർക്കാർ ഒരു വർഷത്തിലേറെ നയചർച്ചകളിലും ആസൂത്രണത്തിലും ചെലവഴിക്കേണ്ടിവരുമെന്ന വിമർശനവും ഉയരുന്നുണ്ട്.

ബ്രിട്ടന്റെ സാമ്പത്തിക വളർച്ച, പൊതുസേവനങ്ങളുടെ നവീകരണം, തൊഴിൽ, ജീവിതനിലവാരം തുടങ്ങി രാജ്യത്തിന്റെ ഭാവി നിർണയിക്കുന്ന മേഖലകളിൽ സർക്കാരിന്റെ ദിശ വ്യക്തമാക്കേണ്ടതാണ് പത്തുവർഷ പദ്ധതി. എന്നാൽ പ്രഖ്യാപനത്തിലെ കാലതാമസവും തുടർനടപടികൾക്കായി നീണ്ട കൂടിയാലോചനകൾ ആവശ്യമായി വരുമെന്ന സൂചനയും ബേൺഹാം സർക്കാരിന്റെ പ്രവർത്തനവേഗത്തെക്കുറിച്ച് പുതിയ ചോദ്യങ്ങൾ ഉയർത്തുകയാണ്.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 4,586
More Videos
യുക്മ കേരളപൂരത്തിന് ആവേശം പകരാൻ സ്വാഗതഗാനം പുറത്തിറക്കി; ദേവലാൽ സഹദേവൻ ചിട്ടപ്പെടുത്തിയ ഗാനം സോഷ്യൽ മീഡിയയിൽ തരംഗമാകുന്നു
More Gallery
ലോകകപ്പ് വേദിയിൽ സുരക്ഷാ ആശങ്ക; ഇംഗ്ലണ്ട് ക്യാമ്പിന് സമീപം വെടിവെപ്പ്, 9 പേർക്ക് പരിക്ക്

Latest Updates

show more

uukma special

show more