- റഷ്യയ്ക്കുവേണ്ടി ചാരപ്രവർത്തനം നടത്തിയെന്ന സംശയം; ഗ്ലോസ്റ്റർഷെയറിൽ യുഎസ് സൈനികൻ അറസ്റ്റിൽ
- ബ്രിട്ടനിലെ രണ്ടാമത്തെ സൈനിക താവളത്തിൽ നിന്നും 12-ലധികം യുഎസ് സൈനിക വിമാനങ്ങൾ പിൻവാങ്ങി; ഇറാൻ ഭീഷണിയെന്ന് റിപ്പോർട്ട്
- ഇന്ത്യൻ ഒളിമ്പിക് അസോസിയേഷൻ വനിതാ പ്രതിനിധികളുടെ തിരഞ്ഞെടുപ്പ്; പി ടി ഉഷയ്ക്ക് തോൽവി
- ഇംഗ്ലണ്ടിലെ സ്കൂളുകളിൽ മൊബൈൽ ഫോൺ നിയന്ത്രണം കടുപ്പിക്കുന്നു; വിദ്യാർഥികൾക്ക് ഫോൺ ബാഗിലോ പോക്കറ്റിലോ സൂക്ഷിക്കാനും വിലക്ക്
- ജോലി ചെയ്തിരുന്ന പോലീസ് സേനയിൽ നിന്ന് 85,000 പൗണ്ടിലധികം മോഷ്ടിച്ച വനിതാ ഡിറ്റക്ടീവിന് നാല് വർഷത്തിലധികം തടവ്
- കറുത്തവർഗക്കാരും ഏഷ്യൻ വംശജരും ‘ഇംഗ്ലീഷ്’ എന്ന് രേഖപ്പെടുത്താൻ അവസരം വേണം; സെൻസസ് വിഭാഗങ്ങൾ വിപുലീകരിക്കണമെന്ന് എംപിമാർ
- യൂറോപ്പിലെ സൂപ്പർമാർക്കറ്റുകളിലെ സൈബർ ആക്രമണത്തിന് പിന്നിൽ ഇറാനെന്ന് ഫ്രാൻസ്; നടപടിയുണ്ടാകുമെന്ന് മുന്നറിയിപ്പ്
ഗർഭസ്ഥ ശിശു മരിച്ച വിവരം സ്ഥിരീകരിച്ചിട്ടും യുവതിയെ വീട്ടിലേക്ക് തിരിച്ചയച്ചു; പ്രസവത്തിന് മറ്റൊരു ദിവസം സമയം ബുക്ക് ചെയ്യാൻ നിർദേശം
ന്യൂകാസിൽ: ഗർഭസ്ഥ ശിശു മരിച്ച വിവരം സ്ഥിരീകരിച്ചിട്ടും യുവതിയെ ഉടൻ പ്രസവത്തിനായി പ്രവേശിപ്പിക്കാതെ വീട്ടിലേക്ക് തിരിച്ചയച്ച്, മറ്റൊരു ദിവസം പ്രസവത്തിനായി സമയം ബുക്ക് ചെയ്യാൻ നിർദേശിച്ച സംഭവത്തിൽ ന്യൂകാസിലിലെ ആശുപത്രി അധികൃതർക്ക് വീഴ്ച സമ്മതിക്കേണ്ടിവന്നു. ചികിത്സാപിഴവിനെത്തുടർന്ന് കുഞ്ഞ് മരിച്ചതായി സമ്മതിച്ച ആശുപത്രി ട്രസ്റ്റ്, കുടുംബത്തിന് വെളിപ്പെടുത്താത്ത തുക നഷ്ടപരിഹാരമായി നൽകുകയും ചെയ്തു.
2023 ഫെബ്രുവരിയിലായിരുന്നു സംഭവം. ഏഴുമാസം ഗർഭിണിയായിരുന്ന യുവതിക്ക് ഗർഭകാലത്ത് ജീവന് ഭീഷണിയാകാവുന്ന പ്രീ-എക്ലാംപ്സിയ (Pre-eclampsia) എന്ന ഗുരുതര ആരോഗ്യപ്രശ്നം കണ്ടെത്തിയതിനെത്തുടർന്ന് ന്യൂകാസിലിലെ റോയൽ വിക്ടോറിയ ഇൻഫർമറി ആശുപത്രിയിൽ പ്രവേശിപ്പിച്ചിരുന്നു. കുഞ്ഞിന്റെ ഹൃദയമിടിപ്പിലും ആശങ്കാജനകമായ മാറ്റങ്ങൾ നിരീക്ഷണത്തിൽ കണ്ടെത്തിയിരുന്നു.
ആരോഗ്യനില പരിഗണിച്ച് പ്രസവം നടക്കുന്നതുവരെ ആശുപത്രിയിൽ തുടരണമെന്ന് ഒരു കൺസൾട്ടന്റ് ഡോക്ടർ നിർദേശിച്ചെങ്കിലും, മറ്റൊരു ഡോക്ടറുടെ പരിശോധനയ്ക്കുശേഷം 24 മണിക്കൂറിനുള്ളിൽ യുവതിയെ ഡിസ്ചാർജ് ചെയ്തു. ഫെബ്രുവരി 14നായിരുന്നു ഇത്.
Please Read: ബ്രിട്ടൻസ് ഗോട്ട് ടാലന്റിലൂടെ ലോകശ്രദ്ധ നേടിയ സൗപർണിക നായർ പതിനേഴാമത് യുക്മ ദേശീയ കലാമേളയിൽ സെലിബ്രിറ്റി അതിഥി!
തൊട്ടടുത്ത ദിവസം കൂടുതൽ ആരോഗ്യപ്രശ്നങ്ങൾ അനുഭവപ്പെട്ടതിനെത്തുടർന്ന് യുവതി ആശുപത്രിയിലെ മെറ്റേണിറ്റി അസസ്മെന്റ് യൂണിറ്റുമായി ഫോണിൽ ബന്ധപ്പെട്ടു. എന്നാൽ വയറ്റിലെ അണുബാധയോ ദഹനപ്രശ്നമോ ആയിരിക്കാമെന്നായിരുന്നു ആശുപത്രിയിൽനിന്നുള്ള പ്രാഥമിക പ്രതികരണം. തുടർന്ന് യുവതി നിർബന്ധം പിടിച്ച് വീണ്ടും ആശുപത്രിയിലെത്തി.
ഏകദേശം 90 മിനിറ്റ് കാത്തിരുന്നശേഷം നടത്തിയ പരിശോധനയിൽ കുഞ്ഞിന്റെ ഹൃദയമിടിപ്പ് കണ്ടെത്താനായില്ല. തുടർന്ന് ഗർഭസ്ഥ ശിശു മരിച്ചതായി ദമ്പതികളെ അറിയിച്ചു.
എന്നാൽ കുഞ്ഞിനെ ഉടൻ പ്രസവിപ്പിക്കുന്നതിനുള്ള നടപടികൾ സ്വീകരിക്കുന്നതിന് പകരം, മരിച്ച കുഞ്ഞിനെ പ്രസവിക്കാനുള്ള സമയം മറ്റൊരു ദിവസത്തേക്ക് ബുക്ക് ചെയ്യാനാണ് യുവതിയോട് നിർദേശിച്ചത്. ദുഃഖിതരായ മാതാപിതാക്കൾക്കുള്ള ഒരു വിവരപുസ്തകവും കൈമാറി. ആശുപത്രി അധികൃതരുടെ ഭാഗത്തുനിന്ന് ആവശ്യമായ കരുതലും സഹാനുഭൂതിയും ലഭിച്ചില്ലെന്ന പരാതിയും യുവതി ഉന്നയിച്ചു.
സംഭവത്തിൽ നഷ്ടപരിഹാരം ആവശ്യപ്പെട്ട് നിയമനടപടി സ്വീകരിച്ചതിനെത്തുടർന്നാണ് ന്യൂകാസിൽ അപോൺ ടൈൻ ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ് ചികിത്സാപിഴവ് സമ്മതിച്ചത്. ആദ്യത്തെ ആശുപത്രി പ്രവേശനത്തിനിടെ യുവതിയെ വീട്ടിലേക്ക് തിരിച്ചയച്ചിരുന്നില്ലെങ്കിൽ കുഞ്ഞിന്റെ ജീവൻ രക്ഷിക്കാനാകുമായിരുന്നുവെന്നും ട്രസ്റ്റ് അംഗീകരിച്ചു.
പ്രീ-എക്ലാംപ്സിയ ഗുരുതരമായ ആരോഗ്യപ്രശ്നമാണെന്നും ഇത്തരം സാഹചര്യങ്ങളിൽ ഗർഭിണികൾക്ക് കർശനമായ വൈദ്യപരിശോധനയും നിരീക്ഷണവും ആവശ്യമാണെന്നും കുടുംബത്തിനുവേണ്ടി നിയമസഹായം നൽകിയ അഭിഭാഷകർ ചൂണ്ടിക്കാട്ടി. രാജ്യത്തുടനീളം പ്രസവചികിത്സയിലെ വീഴ്ചകൾ മൂലം ദുരിതമനുഭവിക്കുന്ന നൂറുകണക്കിന് കുടുംബങ്ങളെ പ്രതിനിധീകരിക്കുന്നുണ്ടെന്നും അവർ വ്യക്തമാക്കി.
Please Read: ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം
സംഭവത്തെത്തുടർന്ന് 2023ൽ വിശദമായ പരിശോധന നടത്തിയതായും, അടിയന്തര ലക്ഷണങ്ങളുമായോ ഗർഭകാല സങ്കീർണതകളുമായോ ആശുപത്രിയിലെത്തുന്ന സ്ത്രീകളുടെ പരിശോധനാ സംവിധാനങ്ങൾ മെച്ചപ്പെടുത്തിയതായും ട്രസ്റ്റ് അറിയിച്ചു. ചികിത്സയിൽ സംഭവിച്ച വീഴ്ചകളിൽ ആത്മാർത്ഥമായി ക്ഷമ ചോദിക്കുന്നതായും അധികൃതർ വ്യക്തമാക്കി.
സംഭവത്തിനുശേഷം ദമ്പതികൾക്ക് മറ്റൊരു കുഞ്ഞ് ജനിച്ചെങ്കിലും നഷ്ടപ്പെട്ട കുഞ്ഞിന്റെ ഓർമകൾ കുടുംബത്തെ ഇന്നും വേദനിപ്പിക്കുന്നുണ്ട്. പ്രസവചികിത്സയുടെ നിലവാരം മെച്ചപ്പെടുത്തുന്നതിനൊപ്പം ഇത്തരം ദുരന്തങ്ങൾ സംഭവിക്കുമ്പോൾ കുടുംബങ്ങൾക്ക് ആവശ്യമായ മാനസിക പിന്തുണയും കരുതലും ഉറപ്പാക്കണമെന്നും യുവതി ആവശ്യപ്പെട്ടു.
പ്രസവശേഷം കുഞ്ഞുങ്ങളുമായി സന്തോഷത്തോടെ മടങ്ങുന്ന മാതാപിതാക്കളെ കണ്ടുകൊണ്ട് ആശുപത്രിയിലെ പ്രസവവാർഡിലൂടെ പുറത്തേക്ക് നടക്കേണ്ടിവന്ന അനുഭവം ജീവിതകാലം മുഴുവൻ മറക്കാനാവില്ലെന്നും അവർ പറഞ്ഞു.
Latest News:
റഷ്യയ്ക്കുവേണ്ടി ചാരപ്രവർത്തനം നടത്തിയെന്ന സംശയം; ഗ്ലോസ്റ്റർഷെയറിൽ യുഎസ് സൈനികൻ അറസ്റ്റിൽ
ലണ്ടൻ: റഷ്യയുമായി ബന്ധപ്പെട്ട ചാരപ്രവർത്തന ആരോപണത്തിൽ യുഎസ് സൈനികനെ ബ്രിട്ടനിലെ ഭീകരവിരുദ്ധ പൊലീസ് ...UK NEWS
ബ്രിട്ടനിലെ രണ്ടാമത്തെ സൈനിക താവളത്തിൽ നിന്നും 12-ലധികം യുഎസ് സൈനിക വിമാനങ്ങൾ പിൻവാങ്ങി; ഇറാൻ ഭീഷണിയ...
ലണ്ടൻ: ബ്രിട്ടനിലെ രണ്ടാമത്തെ സൈനിക താവളമായ സഫോക്കിലെ RAF മിൽഡൻഹാളിൽ നിന്ന് 12-ലധികം യുഎസ് വ്യോമസേന...UK NEWS
കിഫ്ബി ഭൂമി ഇടപാട്; അന്വേഷണം ആരംഭിച്ച് വിജിലന്‍സ്, ഭൂമി വാങ്ങിയതിന്റെ വിവരങ്ങള്‍ കിഫ്ബിയില്‍ നിന്ന് ...
തിരുവനന്തപുരം: കിഫ്ബി ഫണ്ട് ഉപയോഗിച്ചുള്ള ഭൂമി വാങ്ങലില് അന്വേഷണം ആരംഭിച്ച് വിജിലന്‍സ്. ഭൂമി വാങ്ങ...Latest News
500, 2000 രൂപാ നോട്ടുകള്‍ പിന്‍വലിക്കണം, പ്രധാനമന്ത്രിയുമായി സംസാരിച്ചിരുന്നു: എന്‍ ചന്ദ്രബാബു നായിഡ...
ഹൈദരാബാദ്: 500, 2000 രൂപാ നോട്ടുകള്‍ പിന്വലിക്കണമെന്ന ആവശ്യവുമായി ആന്ധ്രപ്രദേശ് മുഖ്യമന്ത്രി എന്‍ ...Latest News
ഇന്ത്യൻ ഒളിമ്പിക് അസോസിയേഷൻ വനിതാ പ്രതിനിധികളുടെ തിരഞ്ഞെടുപ്പ്; പി ടി ഉഷയ്ക്ക് തോൽവി
ഡൽഹി: ഇന്ത്യൻ ഒളിമ്പിക് അസോസിയേഷൻ വനിതാ പ്രതിനിധികളുടെ തിരഞ്ഞെടുപ്പിൽ പി ടി ഉഷയ്ക്ക് തിരിച്ചടി. നില...Latest News
ബോര്‍ഡ് കോര്‍പ്പറേഷന്‍ വിഭജനം, കെപിസിസി അധ്യക്ഷന്‍; യുഡിഎഫിലെ ആഭ്യന്തര ചര്‍ച്ചകള്‍ വീണ്ടും വഴിമുട്ടി
തിരുവനന്തപുരം: യുഡിഎഫിലെ ബോര്‍ഡ് കോര്‍പ്പറേഷന്‍ വിഭജനവും കെപിസിസി അധ്യക്ഷനെ സംബന്ധിച്ച ചര്ച്ചകളും ...Latest News
ശബരിമല സ്വർണക്കൊള്ള കേസ്: പ്രോസിക്യൂഷന്‍ അനുമതി തേടി എസ്‌ഐടി
കൊച്ചി: ശബരിമല സ്വർണക്കൊള്ളയിൽ, കട്ടിളപ്പാളി കേസിൽ കുറ്റപത്രം സമർപ്പിക്കാൻ പ്രോസിക്യൂഷന്‍ അനുമതി തേ...Latest News
കോവളം സ്പാ പീഡനക്കേസ്; ഹെൽത്ത് ഇൻസ്പെക്ടർ അനുരൂപിനെ ജോലിയിൽ നിന്ന് പിരിച്ച് വിടണം: നഗരസഭ സർക്കാരിന് ...
തിരുവനന്തപുരം: കോവളം സ്പാ പീഡനക്കേസിൽ തിരുവനന്തപുരം കോർപ്പറേഷനിലെ ഹെൽത്ത് ഇൻസ്പെക്ടർ എം ഒ അനുരൂപിനെ...Latest News
click on malayalam character to switch languages