- നേപ്പാളിലെ മിന്നൽ പ്രളയം: മരണം 300 കടന്നു, കാണാതായവരിൽ 288 ഇന്ത്യക്കാരും
- ഐ ഓ സി ഈസ്ററ് ലണ്ടന്റെ നേതൃത്വത്തിലുള്ള ഓണാഘോഷം ഇന്ന് ഈസ്റ്ഹാമിൽ; ഗാനമേളയും, വടം വലിയും, തിരുവാതിരയും, ഡിജെയും, ഓണസദ്യയും തുടങ്ങി നിരവധി കലാ കായിക ഇനങ്ങൾ പരിപാടിക്ക് മാറ്റ് കൂട്ടും
- നാഷണൽ നഴ്സസ് എക്സലൻസ് അവാർഡ് ഡിസംബർ 12-ന് കവൻട്രിയിൽ
- കൈരളി യുകെ പോർട്ടസ്മൗത്ത് ആൻഡ് സൗത്താംപ്ടൺ യൂണിറ്റും ലീഡ്സ് ടാക്സ് കൺസൾട്ടന്റും സംയുക്തമായി സംഘടിപ്പിക്കുന്ന ഓൾ യുകെ വടംവലി ടൂർണ്ണമെന്റ് ആഗസ്റ്റ് 30 ഞായറാഴ്ച്ച
- സർവീസ് സ്റ്റേഷനിൽ നിറുത്തിയിട്ട മലയാളി കുടുബത്തിന്റെ വാഹനത്തിൽ കവർച്ച; പാസ്പോർട്ടും ലഗേജുകളും നഷ്ടപ്പെട്ടു
- ബാരിയിൽ മലയാളി വെൽഫെയർ അസോസിയേഷന്റെ ഓണാഘോഷം വർണാഭമായി, യുകെ എ ഐ മന്ത്രി ശ്രീ കനിഷ്ക നാരായൺ മുഖ്യാതിഥി.
- മലയാളി യുവതി ലിവർപൂളിൽ മരണമടഞ്ഞു; രേഷ്മ രാജന്റെ വിയോഗം ആശുപത്രിയിൽ ചികിത്സയിലിരിക്കവേ
നേപ്പാളിലെ മിന്നൽ പ്രളയം: മരണം 300 കടന്നു, കാണാതായവരിൽ 288 ഇന്ത്യക്കാരും
കാഠ്മുണ്ടു: നേപ്പാളിൽ ബുധനാഴ്ച ഉണ്ടായ ശക്തമായ മിന്നൽ പ്രളയത്തിൽ ജീവൻ നഷ്ടപ്പെട്ടവരുടെ എണ്ണം 300 കടന്നു. 1500-ഓളം ആളുകളെ ഇനിയും കണ്ടെത്താനുണ്ട്. രക്ഷാപ്രവർത്തനങ്ങൾക്കും ദുരിതാശ്വാസത്തിനുമായി 14 ഹെലികോപ്റ്ററുകളും ദുരന്ത നിവാരണ സേനയെയും വിന്യചിച്ചതായി നേപ്പാൾ സൈന്യം അറിയിച്ചു. കാണാതായവരിൽ 517 പേർ വിദേശികളാണ്. കാണാതായവരിൽ 288 ഇന്ത്യക്കാരും ഉൾപ്പെട്ടതായി വിദേശ കാര്യ മന്ത്രാലയം അറിയിച്ചു. 33 മലയാളികളുമായി ബന്ധപ്പെടാൻ സാധിച്ചില്ലെന്നും വിദേശകാര്യ മന്ത്രാലയം വ്യക്തമാക്കി. തമിഴ്നാട്ടിൽ നിന്നുള്ള 21 പേരെ രക്ഷിച്ചു.100 ചൈനീസ് പൗരന്മാരെ കാണാതായതായി ചൈനീസ് വിദേശകാര്യ മന്ത്രാലയം അറിയിച്ചു.
മരണസംഖ്യ ഇനിയും ഉയരാൻ സാധ്യതയുണ്ട്. ദുരന്തത്തെ നേരിടുന്ന ഇന്ത്യ നേപ്പാളിന് അടിയന്തര സഹായങ്ങൾ എത്തിച്ചു. സൈനിക വിമാനത്തിൽ 10 ടൺ ദുരന്തനിവാരണ സാമഗ്രികളും അവശ്യമരുന്നുകളും ഇന്ത്യ നേപ്പാളിലെത്തിച്ചു. ടിബറ്റൻ സ്വയംഭരണ പ്രദേശമായ ചൈനീസ് അതിർത്തിയോട് ചേർന്നുള്ള നേപ്പാൾ പ്രദേശങ്ങളിലുണ്ടായ മിന്നൽപ്രളയത്തിൽ വൻ നാശനഷ്ടമാണ് ഉണ്ടായത്. ടിബറ്റിന് അതിർത്തിയിലുള്ള നിരവധി പദ്ധതി പ്രദേശങ്ങൾ മിന്നൽ പ്രളയത്തിൽ ഒലിച്ചുപോയി. കൈലാസ് മാനസസരോവർ തീർഥാടകർ ഉൾപ്പെടെ നിരവധി ഇന്ത്യക്കാരെ കാണാതായതോടെ, ദുരന്തത്തിനിരയായ ഇന്ത്യൻ പൗരന്മാരുടെ രക്ഷാപ്രവർത്തനങ്ങൾ ഏകോപിപ്പിക്കുന്നതിനായി കാഠ്മണ്ഡുവിലെയും ബീജിങ്ങിലെയും ഇന്ത്യൻ എംബസികൾ നേപ്പാൾ, ചൈനീസ് അധികൃതരുമായി നിരന്തരം ബന്ധപ്പെട്ടു വരികയാണ്.
നേപ്പാളിന് സാധ്യമായ എല്ലാവിധ മാനുഷിക സഹായങ്ങളും നൽകാൻ ഇന്ത്യ തയ്യാറാണെന്ന് പ്രധാനമന്ത്രി നരേന്ദ്ര മോദി വ്യക്തമാക്കി. പ്രളയത്തിൽ ജീവൻ നഷ്ടപ്പെട്ടവരോടുള്ള അനുശോചനം നേപ്പാൾ പ്രധാനമന്ത്രി ബാലേന്ദ്ര ഷായെ ഫോണിൽ വിളിച്ച് അദ്ദേഹം അറിയിച്ചു. ഈ പ്രയാസകരമായ ഘട്ടത്തിൽ ഇന്ത്യയിലെ ജനങ്ങൾ നേപ്പാളിലെ സഹോദരീസഹോദരന്മാർക്കൊപ്പം ഉറച്ചുനിൽക്കുന്നതായി പ്രധാനമന്ത്രി എക്സിൽ കുറിച്ചു.
ഇന്ത്യയുടെ സഹായ വാഗ്ദാനത്തിനും സഹാനുഭൂതിക്കും നേപ്പാൾ പ്രധാനമന്ത്രി ബാലേന്ദ്ര ഷാ നന്ദി അറിയിച്ചു. ഇരു രാജ്യങ്ങളും തമ്മിലുള്ള ദൃഢമായ സൗഹൃദത്തിന്റെ പ്രതിഫലനമാണ് ഈ നടപടിയെന്ന് അദ്ദേഹം വ്യക്തമാക്കി. ദുരന്തസമയത്ത് ഇന്ത്യ നേപ്പാളിനൊപ്പം നിൽക്കുമെന്നും 10 ടൺ ദുരിതാശ്വാസ സാമഗ്രികളും മരുന്നുകളും അയച്ചിട്ടുണ്ടെന്നും വിദേശകാര്യ മന്ത്രി ഡോ. എസ്. ജയശങ്കറും അറിയിച്ചു. ദുരന്തബാധിതരായ പൗരന്മാരുടെ രക്ഷാപ്രവർത്തനം വേഗത്തിലാക്കാൻ നേപ്പാൾ സർക്കാറുമായി ചേർന്ന് പ്രവർത്തിച്ചു വരികയാണെന്ന് കാഠ്മണ്ഡുവിലെ ഇന്ത്യൻ എംബസിയും വ്യക്തമാക്കി
Latest News:
ഐ ഓ സി ഈസ്ററ് ലണ്ടന്റെ നേതൃത്വത്തിലുള്ള ഓണാഘോഷം ഇന്ന് ഈസ്റ്ഹാമിൽ; ഗാനമേളയും, വടം വലിയും, തിരുവാതിരയു...
ലണ്ടൻ: മാവേലി നാട് വാണീടും കാലം മാനുഷരെല്ലാം ഒന്നുപോലെ എന്ന മാനവിക സന്ദേശമുണർത്തി സ്നേഹപ്പൂക്കള് ...Associations
നാഷണൽ നഴ്സസ് എക്സലൻസ് അവാർഡ് ഡിസംബർ 12-ന് കവൻട്രിയിൽ
ജോർജ് മാത്യു, നുഹ്റോ ഓർഗനൈസിങ് കമ്മിറ്റി ബിർമിംഗ്ഹാം: ആരോഗ്യരംഗത്ത് നിസ്വാർത്ഥ സേവനത്തിലൂടെയും അ...Spiritual
കൈരളി യുകെ പോർട്ടസ്മൗത്ത് ആൻഡ് സൗത്താംപ്ടൺ യൂണിറ്റും ലീഡ്സ് ടാക്സ് കൺസൾട്ടന്റും സംയുക്തമായി സംഘടിപ്...
പോർട്ടസ്മൗത്ത്: കൈരളി യുകെ പോർട്ടസ്മൗത്ത് ആൻഡ് സൗത്താംപ്ടൺ യൂണിറ്റും ലീഡ്സ് ടാക്സ് കൺസൾട്ടന്റും ...Associations
ക്രിക്കറ്റ് ഉൾപ്പെടെ ഏതാനും കായിക ഇനങ്ങളിൽ മാത്രം ശ്രദ്ധ കേന്ദ്രീകരിക്കുന്ന പ്രവണത മാറണം’; പ്രധാനമന്...
ഡൽഹി: ക്രിക്കറ്റ് ഉൾപ്പെടെ ഏതാനും കായിക ഇനങ്ങളിൽ മാത്രം ശ്രദ്ധ കേന്ദ്രീകരിക്കുന്ന പ്രവണത മാറണമെന്ന്...Latest News
ഒരു സമുദായത്തിനും എതിരല്ല; എന്റെ സമുദായത്തിന്റെ ദുഖമാണ് പറഞ്ഞത്,വെള്ളാപ്പള്ളി നടേശൻ
കൊച്ചി: മുസ്ലിംലീഗിനെ പരോക്ഷമായി വിമർശിച്ച് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. പറ...Kerala
ഷൗക്കത്ത് യുഡിഎഫിന്റെ മോഡിഫിക്കേഷൻ വാഗ്ദാനത്തിന്റെ ഇര; സർക്കാർ സ്വീകരിക്കുന്നത് തൊഴിലാളികളുടെ വയറ്റത...
തിരുവനന്തപുരം: മലപ്പുറം കിഴിശ്ശേരിയിൽ കൊണ്ടോട്ടി സബ് ആർ.ടി ഓഫീസിലെ ഉദ്യോഗസ്ഥരുടെ പീഡനത്തിലും അഴിമതി...Kerala
ട്രാന്സ് വുമണ് ദീപ്തി കല്യാണിക്കെതിരായ അധിക്ഷേപ പരാമര്ശം: ‘ഹെലന് ഓഫ് സ്പാര്ട്ട’ക്കെതിരെ കേസ്
തൃശൂര്: ഇന്ഫ്ലുവന്സര് ഹെലന് ഓഫ് സ്പാര്ട്ട എന്ന ധന്യ ഹര്ഷിദിനെതിരെ കേസെടുത്ത് പൊലീസ്. ട്രാന്...Kerala
ഓട്ടോ ഡ്രൈവര് ഷൗക്കത്തിന്റെ മരണം; കുടുംബത്തെ ഫോണില് വിളിച്ച് ആശ്വസിപ്പിച്ച് മുഖ്യമന്ത്രി
മലപ്പുറം: ഓട്ടോറിക്ഷക്ക് ഫിറ്റ്നസ് സര്ട്ടിഫിക്കറ്റ് നല്കാത്തതില് മനംനൊന്ത് കിഴിശ്ശേരി മുണ്ടംപറമ...Kerala
click on malayalam character to switch languages