യുക്മ സൗത്ത് വെസ്റ്റ് റീജിയണൽ ക്രിക്കറ്റ് ടൂർണ്ണമെന്റിന് പ്രൗഢ ഗംഭീരമായ തുടക്കം; യുക്മ പ്രസിഡന്റ് അഡ്വ എബി സെബാസ്റ്റിയൻ മുഖ്യാതിഥിയായെത്തി
Aug 17, 2025
സുജു ജോസഫ്, പിആർഒ യുക്മ സൗത്ത് വെസ്റ്റ്
പ്ലിമത്: യുക്മ സൗത്ത് വെസ്റ്റ് റീജിയണും പ്ലിമത് മലയാളി കൾച്ചറൽ കമ്മ്യൂണിറ്റിയും സംയുക്താഭിമുഖ്യത്തിൽ സംഘടിപ്പിക്കുന്ന ക്രിക്കറ്റ് ടൂർണമെന്റും ഫുഡ് ഫെസ്റ്റും ഇന്ന് (ആഗസ്റ്റ് 17 ഞായറാഴ്ച്ച) രാവിലെ എട്ടു മണിമുതൽ പ്ലിമത്തിലെ പ്ലിംപ്ടൺ ക്രിക്കറ്റ് ക്ലെബ്ബിൽ ആരംഭിച്ചു. യുക്മ സൗത്ത് വെസ്റ്റ് റീജിയൺ ജോയിന്റ് സെക്രട്ടറിയും പിഎംസിസി പ്രസിഡന്റുമായ സാനി മൈക്കിൾ അധ്യക്ഷനായ സമ്മേളനത്തിൽ മുഖ്യാതിഥിയായെത്തിയ യുക്മ നാഷണൽ പ്രസിഡന്റ്അഡ്വ എബി സെബാസ്റ്റിയൻ ക്രിക്കറ്റ് ടൂർണമെന്റ് ഔദ്യോഗികമായി ഉദ്ഘാടനം ചെയ്തു. ഉദ്ഘാടന സമ്മേളനത്തിൽ സൗത്ത് വെസ്റ്റ് റീജിയണൽ പ്രസിഡന്റ് സുനിൽ ജോർജ്ജ് റീജിയണൽ സെക്രട്ടറി ജോബി തോമസ് തുടങ്ങിയവർ വിശിഷ്ടാതിഥികളായി പങ്കെടുത്തു. റീജിയണൽ പ്രസിഡന്റ് സുനിൽ ജോർജ്ജ് ടോസ് ചെയ്ത് കൊണ്ടാണ് മത്സരങ്ങൾക്ക് തുടക്കം കുറിച്ചത്.
എട്ട് ടീമുകൾ രണ്ടു പൂളുകളിലായി മാറ്റുരയ്ക്കുന്ന ടൂർണമെന്റിൽ വിജയികളെ കാത്തിരിക്കുന്നത് ക്യാഷ് അവാർഡുകളും ട്രോഫികളും. ഫൈനലിൽ വിജയികളാകുന്നവർക്ക് 801പൗണ്ടും ട്രോഫിയും സമ്മാനിക്കും. രണ്ടാം സ്ഥാനത്തെത്തുന്നവർക്ക് 401 പൗണ്ടും ട്രോഫിയും മൂന്നാം സ്ഥാനക്കാർക്ക് 151 പൗണ്ടും ട്രോഫിയുമായിരിക്കും സമ്മാനമായി ലഭിക്കുക. ടോർക് ചലഞ്ചേഴ്സ് സിസി, സൗത്താംപ്ടൺ ഇലവൻ, റോയൽ സ്ട്രൈക്കേഴ്സ് സീറ്റൻ, പ്ലിമത് റോയൽസ്, ടിസിസി വെസ്റ്റോൺ, പിഎംഎ, പിഎംസിസി ഇലവൻ, റോയൽ ഡെവൺ എന്നീ ടീമുകളാണ് ടൂർണമെന്റിൽ മാറ്റുരക്കുന്നത്.
വിശാലമായ പ്ലിമത്തിലെ പ്ലിംപ്റ്റൻ ക്രിക്കറ്റ് ക്ലെബ്ബിൽ കുടുംബങ്ങളുമായെത്തുന്നവർക്ക് ദിവസം മുഴുവൻ ആസ്വദിക്കാൻ കഴിയുന്ന തരത്തിലാണ് സംഘാടകർ ടൂർണമെന്റ് സംഘടിപ്പിച്ചിരിക്കുന്നത് . രണ്ടാം തവണയും വളരെ ഗംഭീരമായി തന്നെ യുക്മ സൗത്ത് വെസ്റ്റ് റീജിയൺ ക്രിക്കറ്റ് ടൂർണമെന്റ് സംഘടിപ്പിക്കാൻ മുന്നോട്ട് വന്ന പിഎംസിസിയെ സൗത്ത് വെസ്റ്റ് റീജിയണൽ പ്രസിഡന്റ് സുനിൽ ജോർജ്ജ് അഭിനന്ദിച്ചു. ലൈഫ് ലൈൻ പ്രൊട്ടക്ട്, മട്ടാഞ്ചേരി റെസ്റ്റോറന്റ് ടോണ്ടൻ, റേഡിയോ ലൈം, ജിയ ട്രാവൽസ്, പിഎംസി ആർക്കിടെക്ടറൽ ഡിസൈൻസ്, ശ്രീ ഡിസൈൻസ്, ലോമ എഡ്യൂക്കേഷണൽ കൺസൾട്ടന്റസ്, ട്രിൻറ് യുകെ പ്രിന്റിംഗ് കമ്പനി, ലാ & ലയേഴ്സ് സോളിസിറ്റേഴ്സ് എന്നിവരാണ് ടൂർണമെന്റിന്റെ സ്പോൺസർമാർ.
ടൂർണമെന്റ് നടക്കുന്ന സ്ഥലത്തിന്റെ വിലാസം: PLIMPTON CRICKET CLUB, PLYMPTON, PLYMOUTH, PL7 2AS
പുതിയ യു.കെ ഇമിഗ്രേഷന് നിയമങ്ങളെക്കുറിച്ചുള്ള ആശങ്കകള് നീക്കാന് സുവര്ണാവസരം: പ്രമുഖ ഇമിഗ്രേഷന് സോളിസിറ്റര് നയിക്കുന്ന പ്രത്യേക സെഷന് യു.എന്.എഫ് ദേശീയ കോണ്ഫ്രന്സില് നിര്ണ്ണായകമായ സെഷനാകും /
click on malayalam character to switch languages