ഗ്രേയ്റ്റർ മാഞ്ചസ്റ്റർ മലയാളി ഹിന്ദു കമ്യൂണിറ്റിയുടെ രാമായണ മാസാചരണം ജൂലൈ 17 മുതൽ ആഗസ്റ്റ് 16 വരെ….
Jul 13, 2021
ഗ്രേയ്റ്റർ മാഞ്ചസ്റ്റർ മലയാളി ഹിന്ദു കമ്യൂണിറ്റിയുടെ ഈ വർഷത്തെ രാമയണമാസം ജൂലൈ17 കർക്കടകം 1ന് ആരംഭിച്ച് ആഗസ്റ്റ് 16 കർക്കടകം 31ന് പര്യവസാനിക്കും. നാടെങ്ങും രാമയണ ശീലുകൾ മുഴങ്ങുന്ന നാളുകൾ, എൈശ്വര്യവും സമൃദ്ധിയും നിറഞ്ഞ ചിങ്ങത്തെ വരവേല്കാനുള്ള മനസ്സൊരുക്കമായാണ് രാമയണ പാരായണത്തെ കണക്കാക്കുന്നത്. കള്ളകർക്കടകം പുണ്യകർക്കടകമാകുന്ന നാളുകൾ.
അടുത്ത പതിനൊന്ന് മാസം എങ്ങനെ ജീവിക്കണം എന്നതിൻ്റെ തയ്യാറെടുപ്പുകൾക്കായുള്ള മാസമാണ് കർക്കടകം. കർക്കടകത്തിലെ 30 നാളുകളിൽ പലവിധ പൂജകൾ ഭവനങ്ങളിലും ക്ഷേത്രങ്ങളിലും നടത്താറുണ്ട്. എല്ലാ ഹൈന്ദവഭവനങ്ങളിലും കർക്കടക നാളുകളിൽ രാമയണ പാരായണം നടത്തിവരാറുണ്ട് . ധാർമ്മികമൂല്യങ്ങളെ മുറുകെപിടിക്കാനായി, മഹത്തായ സിംഹാസനംവരെ ഉപേക്ഷിച്ച രാമനേയും ഭരതനേയും പോലുള്ള മഹാത്മാക്കളുടെ കഥകളിലൂടെ ധർമ്മസരക്ഷണത്തെക്കുറിച്ചുള്ള സന്ദേശമാണ് രാമയണം നൽകുന്നത്.
ബ്രഹ്മാവിൻ്റെ ഉപദേശപ്രകാരം 500 അധ്യായങ്ങളിലെ 20000 ശ്ലോകം കൊണ്ട് വാല്മീകി മഹർഷി ശ്രീരാമൻ്റെ ചരിതമായ രാമയണം രചിച്ചു. ഏഴ് കാണ്ഡങ്ങളായാണ് രാമകഥ രചിച്ചിരിക്കുന്നത്. ഭക്തി, യുക്തി, വിഭക്തി എന്നിവയുടെ സംക്ഷിപ്തരൂപമാണ് രാമയണം. ധർമ്മം പാലിക്കാത്തവരുടെ പതനം ഏതു വിധത്തിലാണെന്ന് രാമയണം പറയുന്നു. ഭക്തിയോടെ രാമയണ പാരായണം നടത്തുന്നതിലൂടെ മനസ്സും ശരീരവും ഭവനങ്ങളും ക്ഷേത്രങ്ങളും ശുദ്ധമാകുന്നു എന്ന് വിശ്വസിക്കുന്നു.
ഈ വർഷത്തെ കർക്കടകം ഒന്ന് ജൂലൈ 17 ശനിയാഴ്ചയാണ്. കഴിഞ്ഞ കുറെ വര്ഷങ്ങളായി ഗ്രേയ്റ്റർ മാഞ്ചസ്റ്റർ മലയാളി ഹിന്ദു കമ്യുണിറ്റിയുടെ (GMMHC ) നേതൃത്വത്തില് ഓരോ കുടുംബാഗങ്ങളുടെയും വീടുകളില് രാമായണ പാരായണം നടത്താറുണ്ടായിരുന്നു. കഴിഞ്ഞ വർഷം കോവിഡ് പശ്ചാതലത്തിൽ രാമായണ പാരായണം ഓൺലൈൻ ആയിട്ടാണ് നടത്തിയത്. ഈ വര്ഷം സ്ഥിതി മെച്ചപ്പെടുമെന്നും വീടുകളിൽ പാരായണം ചെയ്യാൻ സാധിക്കുമെന്നും വിചാരിച്ചിരുന്നു. എന്നാൽ സാഹചര്യം എല്ലാവര്ക്കും അറിയാവുന്നതുപോലെ അനുകൂലമല്ലാത്തതിനാൽ ജി.എം.എം.എച്ച്. സി ഓൺലൈൻ ആയിട്ടാണ് ഈ വര്ഷവും രാമായണ മാസം ആചരിക്കുന്നത്. ജൂലൈ 17 (കർക്കിടകം ഒന്ന് ) മുതൽ ആഗസ്റ്റ് 16 ( കർക്കിടകം മുപ്പത്തിയൊന്ന്) വരെ എല്ലാ ദിവസവും വൈകിട്ട് 7.30 PM മുതൽ 8.30 PM വരെ സൂം മീഡിയ വഴി ആയിരിക്കും രാമയണ പാരായണം നടക്കുന്നത്. എല്ലാവരും ഓൺലൈൻ പാരായണത്തില് പങ്ക് ചേരണമെന്ന് ഭാരവാഹികൾ അഭ്യര്ത്ഥിച്ചു.
അതുപോലെ രാമായണത്തെക്കുറിച്ച് കുട്ടികൾക്ക് കൂടുതല് മനസ്സിലാക്കിക്കൊടുക്കാൻ വേണ്ടി ഓരോ ആഴ്ചകളിലായി ഓരോ കാണ്ഡത്തിനെ അടിസ്ഥാനമാക്കി ശനിയാഴ്ചകളിൽ കഹൂട്ട് ഗെയിം നടത്താനും തീരുമാനിച്ചിട്ടുണ്ട്. ഒരു മാസം നീണ്ടുനില്കുന്ന ഈ പുണ്യമാസത്തിൽ ഒരോ കുടുംബവും ഒരു ദിവസത്തെ പാരായണത്തിന് നേതൃത്വം കൊടുക്കാൻ തയ്യാറായി മുന്നോട്ട് വരണമെന്നും, എല്ലാ കുടുംബങ്ങളുടെയും പൂർണ്ണമായ സഹകരണം കമ്മറ്റിക്ക് വേണ്ടി പ്രസിഡൻ്റ് ഹരികുമാർ കെ.വി യും സെക്രട്ടറി ചന്ദ്രശേഖറും അഭ്യർത്ഥിച്ചു.
കൂടുതൽ വിവരങ്ങൾ അറിയാൻ താഴെകാണുന്ന നമ്പറുകളിൽ ബന്ധപ്പെടുക:-
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages