യുഎൻഎഫ് നോർത്ത് വെസ്റ്റ് റീജിയൺ ഇന്റർനാഷണൽ നേഴ്‌സസ് ഡേ സെലിബ്രേഷൻ നേഴ്‌സുമാരുടെ പങ്കാളിത്തം കൊണ്ടും പ്രഗത്ഭരായ സ്പീക്കർമാരുടെ സാന്നിദ്ധ്യം കൊണ്ടും ശ്രദ്ധേയമായി

അനിൽ ഹരി, പിആർഒ, യുക്മ നോർത്ത് വെസ്റ്റ് റീജിയൺ

യുക്മ നോർത്ത് വെസ്റ്റ് റീജിയണിലുള്ള നേഴ്സുമാർക്ക് വേണ്ടി യുക്മ നേഴ്‌സസ് ഫോറം (യു എൻ എഫ് ) നോർത്തുവെസ്റ് റീജിയണും ലിവർപൂൾ മലയാളി കൾച്ചറൽ അസോസിയേഷനും (ലിംക ) സംയുക്തമായി മെയ് 10 – തീയതി നടത്തിയ ഇൻ്റർനാഷണൽ നേഴ്‌സസ് ഡേ സെലിബ്രേഷൻ നേഴ്‌സുമാരുടെ പങ്കാളിത്തം കൊണ്ടും എൻ എച്ച എസ് ഇംഗ്ലണ്ടിലെയും, വിവിധ എൻ എച്ച് എസ് ട്രസ്റ്റുകളിലെ നേഴ്സിംഗ് ഉന്നതാധികാരികൾ, ആർ സി എൻ തുടങ്ങിയ വിവിധ മേഖലയിലെ പ്രഗൽഭരായ സ്‌പീക്കർമാരുടെ സാന്നിധ്യം കൊണ്ടും അവിസ്മരണീയമാക്കി.

ആതുരശുശ്രൂഷ രംഗത്തെ നേഴ്‌സുമാരുടെ സംഭാവനകളെ സ്‌മരിക്കുന്നതിനു വേണ്ടിയാണ് അന്താരാഷ്ട്ര നേഴ്‌സസ് ദിനം ആചരിക്കുന്നത്. ഫ്ലോറൻസ് നൈറ്റിംഗേലിന്റെ ജന്മദിനമായ മെയ് 12 ആണ് അന്താരാഷ്ട്ര നേഴ്‌സസ് ദിനമായി എല്ലാവർഷവും ആചരിക്കുന്നത്. 2025 ലെ ലോക നേഴ്‌സസ് ദിനത്തിലെ തീം ആയ “നേഴ്‌സുമാരുടെ ശാരീരികവും മാനസികവുമായ ക്ഷേമം” (Physical and Mental Wellbeing of the Nurses) എന്ന പ്രമേയത്തെ അന്വർത്ഥമാക്കുന്നതരത്തിലുള്ള ക്ലാസുകളും, ഗ്രൂപ്പ് ഡിസ്കഷൻസും ആയിരുന്നു ഈ വർഷത്തെ നേഴ്‌സസ് ദിനത്തിലെ പ്രത്യേകത.

ലിവർപൂളിലെ ഔർ ലേഡി ഓഫ് ദി അസംപ്ഷൻ പാരീഷ് സെന്ററിൽ നടന്ന നേഴ്‌സസ് ഡേ ആഘോഷങ്ങൾക്ക് യുക്മ നോർത്ത് വെസ്റ്റ് റീജണൽ പ്രസിഡന്റ് ശ്രീ ഷാജി തോമസ് വരാകുടിയുടെ ആമുഖ പ്രസംഗത്തോടെ തുടക്കം ആയി.

തുടർന്ന് ശ്രീമതി ജെന്നി ടെയ്‌ലർ (ഡയറക്ടർ ഓഫ് നഴ്സിംഗ് – ഐൻട്രീ യൂണിവേഴ്സിറ്റി ഹോസ്പിറ്റൽ, ശ്രീമതി ജോആൻ മാത്യൂസ് (ഡയറക്ടർ ഓഫ് നഴ്സിംഗ് – ലിവർപൂൾ ഹാർട്ട് ആൻഡ് ചെസ്ററ് ഹോസ്പിറ്റൽ, ശ്രീമതി കാർമേൽ ഓ’ബോയൽ (ചെയർ ഓഫ് ആർ സി ൻ കൗൺസിൽ), എന്നിവർ ആശംസകൾ അറിയിച്ചു. ആദ്യ സെഷനിൽ നേഴ്‌സുമാർ അഭിമുഖീകരിക്കുന്ന പ്രശ്നങ്ങളിൽ പ്രധാനമായുള്ള ഫിസിക്കൽ ഹെൽത്തിന്റെ പ്രാധാന്യത്തെക്കുറിച്ചു പോസ് ആൻഡ് ബോഡി ക്ലിനിക്കിന്റെ കോ – ഡയറക്ടർ ആയ മിസ്. ഹോളി ബൊവെൻ വിശദീകരിച്ചു. ശ്രീമതി വലേറി ബാൽ, മൈൻഡ് ഫുൾനെസ് (Mindfulness) എന്ന വിഷയത്തിൽ എല്ലാവരെയും പങ്കെടുപ്പിച്ചുകൊണ്ട് നടത്തിയ സംവേദാത്മകമായ ക്ലാസ് ശ്രദ്ധയാകർഷിച്ചു.

ഇന്ന് യുകെയിലെ നഴ്സിംഗ് മേഖലയിൽ നഴ്സുമാർ അഭിമുഖീകരിക്കുന്ന തൊഴിൽ നിയമ പ്രശ്‌നങ്ങളെകുറിച്ചും അതിന്റെ പ്രതിവിധികളെക്കുറിച്ചും, യുകെയിലെ പ്രമുഖ ഇമിഗ്രേഷൻ സോളിസിറ്ററും ലീഗൽ കൺസൾട്ടന്റുമായ സോളിസിറ്റർ പോൾ ജോൺ നൽകിയ ക്ലാസ് നേഴ്സുമാർക്ക് വളരെ ഉപകാരപ്രദായകമായിരുന്നു.
രണ്ടാമത് നടന്ന സെഷനിൽ ക്ലിനിക്കൽ ലീഡ് നേഴ്സ് ആയി ലണ്ടനിലെ കിങ്‌സ് കോളേജിൽ ജോലി ചെയ്യുന്ന ശ്രീമതി മിനിജാ ജോസഫ്, തന്റെ ലീഡർഷിപ് സ്‌കിൽസിൽ ഉള്ള പരിചയസമ്പത്തു അതിന്റെ പ്രാധാന്യത്തെപ്പറ്റി വിശദീകരിച്ചുകൊടുത്തത് മറ്റുള്ള നഴ്‌സസിന് പ്രചോദനമായി.
എഡ്യൂക്കേഷണൽ കരിയർ പാത്ത്വെയ്‌സ്നെ പറ്റി ഡോക്ടർ ഡില്ല ഡേവിസ് (ലെക്ച്ചറർ, കിങ്‌സ് കോളേജ് ലണ്ടൻ ), ഇന്റർവ്യൂ പ്രിപ്പറേഷൻസ് ശ്രീമതി രാജി തോമസ് ( ലെക്ച്ചറർ ഇൻ പ്രാക്ടിസ് ലേർണിങ്, ലിവർപൂൾ ജോൺ മൂർസ് യൂണിവേഴ്സിറ്റി), ക്ലിനിക്കൽ ഗവേർണൻസ് ശ്രീ ചാൾസ് എടാട്ടുകാരൻ (ഹെഡ് ഓഫ് ഗവെർണൻസ്, ക്ലെമെമെന്റിൻ ചർച്ചിൽ ഹോസ്പിറ്റൽ, ലണ്ടൻ) , കര്യർ ആസ്പിരേഷൻസ് ശ്രീ ജിനോയ് മാടൻ ( നേഴ്സ് ക്ലിനിഷ്യൻ റോയൽ ലിവർപൂൾ ഹോസ്പിറ്റൽ ), ശ്രീ റ്റിജു ഫിലിപ്പ് ( സീനിയർ തിയറ്റർ പ്രാക്ടിഷനർ) , ഫ്രീഡം ടു സ്പീക്ക് അപ്പ് (ശ്രീമതി സുനിത മാത്യു (ക്വാളിറ്റി ആൻഡ് പേഷ്യന്റ് എക്സ്പീരിയൻസ്, ടീംസൈഡ് ആൻഡ് ഗ്ലോസോപ് എൻ എച്ച് എസ് ട്രസ്റ്റ് ), എന്നിവർ നടത്തിയ ടേബിൾ ടോപ് സെഷൻസ്, പങ്കെടുത്ത ഏവർക്കും വിജ്ഞാനപ്രദവും അവരുടെ തൊഴിൽ മേഖലയിൽ എങ്ങനെ സുരക്ഷിതമായും അനായാസമായും ദൈനംദിന പ്രശ്നങ്ങളെ അഭിമുഖീകരിച്ച് മുന്നേറാം എന്ന് മനസ്സിലാക്കാനുമുള്ള വേദിയായിമാറി.

തുടർന്നുണ്ടായ പാനൽ ചർച്ചയിൽ, നഴ്സുമാരുടെ ചോദ്യങ്ങൾക്കും സംശയങ്ങൾക്കും സ്‌പീക്കർമാർ നൽകിയ ലളിതമായ ഉത്തരങ്ങൾ ഏവർക്കും ആശ്വാസമേകി.

യു എൻ ഫ് ദേശീയ കോർഡിനേറ്റർ ശ്രീമതി സോണിയ ലൂബി, യു എൻ ഫിന്റെ പ്രവർത്തങ്ങളെപ്പറ്റി പരാമർശിച്ചു.

ഉച്ചയ്ക്ക് ശേഷം നടന്ന സാംസ്കാരിക സമ്മേളനത്തിൻ്റെ ആമുഖമായി ഇംഗ്ലണ്ടിന്റെ ചീഫ് നേഴ്സിംഗ് ഓഫീസർ ആയ ശ്രീ ഡങ്കൻ ബർട്ടൻ തൻ്റെ പ്രത്യേക സന്ദേശം യു എൻ എഭിന് വേണ്ടി വെർച്ച്വൽ ആയി നൽകുകയുണ്ടായി. ലാംബ് ലൈറ്റിംഗ് സെറിമണിയിൽ യുക്മ ദേശീയ ജനറൽ സെക്രട്ടറി ശ്രീ ജയകുമാർ നായർ യു എൻ എഭിൻ്റെ ദേശീയ തല നേഴ്‌സസ് ഡേ ആഘോഷങ്ങളുടെ ഉദ്ഘാടനം നിർവഹിച്ചു . മുഖ്യ അതിഥിയായ ശ്രീ നെയ്തൻ അസ്ക്യു (ചീഫ് നഴ്‌സ്‌ – ആൽഡർ ഹേ ഹോസ്പിറ്റൽ,/ ലിവർപൂൾ ), യുക്മ ദേശീയ ഭാരവാഹികളായ ശ്രീ ഷീജോ വർഗീസ്, നാഷണൽ എക്സിക്യൂട്ടീവ് ശ്രീ ബിജു പീറ്റർ, അബ്രഹാം പൊന്നുംപുരയിടം , യുക്മ നോർത്ത് വെസ്റ്റ് റീജിയൺ സെക്രട്ടറി സനോജ് വർഗീസ്, യു എൻ ഫ് ദേശീയ ഭാരവാഹിയായ ശ്രീമതി സോണിയ ലൂബി , യുക്മ നേഴ്സസ് ഫോറം (UNF) നോർത്ത് വെസ്റ്റ് റീജിയൺ കോ ഓർഡിനേറ്റർ ശ്രീ ജിൽസൺ ജോസഫ്, ലിംക ഭാരവാഹികളായ ജേക്കബ് വർഗീസ്, റീന ജോർജ്, റാണി ജേക്കബ് , രാജി തോമസ് തുടങ്ങിയവർ ചേർന്ന് ഭദ്രദീപം കൊളുത്തി. തുടർന്ന് ശ്രീമതി സ്വപ്ന തോമസ് ചൊല്ലിയ നേഴ്സുമാരുടെ പ്രതിജ്ഞവാചകം കൈയിൽ ദീപങ്ങളുമായി നഴ്സുമാർ ഏറ്റുചൊല്ലി.

ഇന്ത്യൻ നഴ്സുമാർ സേവന രംഗത്ത് കാണിക്കുന്ന അർപ്പണബോധത്തെയും ജോലിയിലെ മികവിനെയും ചീഫ് നേഴ്സിൻ്റെ പ്രസംഗത്തിൽ പ്രത്യേകം പരാമർശിച്ചു.

യുക്മ നേഴ്സസ് ഫോറം എന്ന (UNF) യു എൻ എഫിന്റെ സ്ഥാപനം മുതൽ നാളിതുവരെ ആ പ്രസ്ഥാനത്തിൻറെ വളർച്ചയിലും പ്രവർത്തിയിലും ഒരു നിർണായക പങ്കു വഹിക്കുകയും രണ്ട് ദശാബ്ദത്തിലേറെയായി നേഴ്സുമാർക്ക് വേണ്ടി ഒട്ടേറെ സഹായങ്ങൾ ചെയ്തൊരു വ്യക്തിയായ ശ്രീ തമ്പി ജോസിനെ യുക്മ ദേശീയ ജനറൽ സെക്രട്ടറി ശ്രീ ജയകുമാർ നായർ ഫലകം നൽകിയും യുക്മ ദേശിയ ട്രഷറർ ശ്രീ ഷീജോ വർഗ്ഗീസ് പൊന്നാടയണിയിച്ചും ആദരിക്കുകയുണ്ടായി.

യുക്മ നേഴ്സസ് ഫോറം (UNF) നോർത്ത് വെസ്റ്റ് റീജിയൺ കോ ഓർഡിനേറ്റർ ശ്രീ ജിൽസൺ ജോസെഫിന്റെ നന്ദി പ്രസംഗത്തോടെ നോർത്ത് വെസ്റ്റ് റീജിയണൽ ഇന്റർനാഷണൽ നേഴ്‌സസ് ദിനാഘോഷങ്ങൾക്ക് സമാപനംകുറിച്ചു.

പരിപാടിയുടെ സ്പോൺസർമാർ:

ബോബ് കെയർ നേഴ്സിംഗ് ഏജൻസി (Bob Care Health Care Staffing Solutions)

പോൾ ജോൺ & കോ സോളിസിറ്റേഴ്‌സ്. (Paul John & co solicitors)

ലൈഫ് ലൈൻ മോർട്ടഗേജ്‌ ആൻഡ് ഇൻഷുറൻസ് സർവീസ്സ് (LifeLine Protect Limited )

ഗിയ ട്രാവൽ ആൻഡ് ഹോളിഡേസ് (Gia Travel & Holidays)

സേവ്യേഴ്സ് ചാർട്ടേഡ് സർട്ടിഫൈഡ് അക്കൗണ്ടന്റ്സ് (Xaviers Accounts & Registered Auditors)

ഏലൂർ കൺസൾട്ടൻസി (Ealoor Study Abroad UK)

ഡോ. സൈമൺസ് അക്കാദമി ഓഫ് സയൻസ് (Dr. Simon’s Academy of science ).

എനോറ ഡിസൈനർ ബൊട്ടീക് (Enora Designer Boutique ).

ജെ എം പി സോഫ്റ്റ്‌വെയർ (JMP Software)