ഈസ്റ്റർ വിഷു ആഘോഷവേദിയിൽ മൂന്ന് നാടകങ്ങൾ; ചരിത്രം കുറിച്ച് ബേസിംഗ്സ്റ്റോക്ക് മലയാളികൾ
May 27, 2023
സ്വന്തം ലേഖകൻ
വിദേശമലയാളികൾ പൊതുവെ ഗൃഹാതുരത്വമുണർത്തുന്ന കലാപരിപാടികളോട് അതിയായ താല്പര്യംപുലർത്തുന്നവരാണ്. നാടകങ്ങൾ തനത് രീതിയിൽ അവതരിപ്പിക്കുവാനുള്ള പ്രായോഗീക ബുദ്ധിമുട്ടുകൾക്കൊണ്ടും മറ്റും പൊതുവെ ‘യൂട്യൂബ്’ നാടകങ്ങളെ അതേപടി വേദിയിൽ അവതരിപ്പിക്കുകയായിരുന്നു പതിവ്. എന്നാൽ കഴിഞ്ഞ ചിലമാസങ്ങൾക്കുമുമ്പ് UK ബേസിംഗ്സ്റ്റോക്ക് മലയാളി അസോസിയേഷന്റെ വേദിയിൽ രതീഷ് പുന്നേലിയുടെ കഥയെ ആസ്പദമാക്കി ജോജി തോട്ടത്തിൽ രചനയും സംവിധാനവും നിർവ്വഹിച്ച “മധുരസ്നേഹത്തിന്റെ പുതുജീവൻ” എന്ന നാടകം വേറിട്ട ദൃശ്യ-ശ്രാവ്യ അനുഭവം പകർന്ന ഒന്നായിരുന്നു.
ഒരു പുതിയ നാടക സമിതി ജന്മമെടുക്കാൻ മാത്രം ആവേശകരമായിരുന്നു ആ നാടകത്തിന്റെ വിജയം. ഏപ്രിൽ മാസത്തിൽ നടന്ന ഈസ്റ്റർ വിഷു ആഘോഷങ്ങളിൽ മൂന്ന് നാടകങ്ങൾ ബേസിംഗ്സ്റ്റോക്കിന്റെ മണ്ണിൽ അരങ്ങേറി. ജോജി തോട്ടത്തിൽ രചനയും സംവിധാനവും നിർവ്വഹിച്ച “പൊലിക” എന്ന നാടകം സവിശേഷ പ്രേക്ഷക പ്രശംസ പിടിച്ചുപറ്റി.
ഒരുകാലത്തു മലയാളക്കരയിൽ നിലനിന്നിരുന്ന അടിമത്വ വ്യവസ്ഥിതിയുടെയും തൊട്ടുകൂടായ്മയുടെയും ബന്ധനങ്ങളിൽ കുടുങ്ങിയ ഒരു സമൂഹത്തിന്റെ ഉയിർത്തെഴുന്നേൽപ്പിന്റെ കഥ പറഞ്ഞ “പൊലിക” ഇന്നത്തെ സാമൂഹീക വ്യവസ്ഥിതികളുടെ ബന്ധനത്തിൽ അറിയാതെ കുടുങ്ങിയ പ്രേക്ഷകരോട് വിമോചനത്തിന്റെ തെയ്യവേഷമണിയുവാൻ ആഹ്വാനം ചെയ്തുകൊണ്ടാണ് അവസാനിച്ചത്.
ഷൈജു കെ ജോസഫ് രചനയും സംവിധാനവും നിർവ്വഹിച്ച ബൈബിൾ അധിഷ്ഠിത നാടകം ‘ഉത്ഥിതനിലേക്ക്’ അഭിനയ മികവുകൊണ്ടും അവതരണ ശൈലികൊണ്ടും ശ്രദ്ധനേടി. ഡോ. അജി പീറ്റർ രചനയും സംവിധാനവും നിർവ്വഹിച്ച “വെളിച്ചം” എന്ന നാടകവും ഇതിന്റെ ഭാഗമായിരുന്നു.
ഇനിയുള്ള കാലം നാടകങ്ങളുടെ കാലമാണെന്നുള്ള സൂചനയിൽ വീണ്ടും മികച്ച നാടകങ്ങളുമായി വേദികൾ കയ്യടക്കാനൊരുങ്ങുകയാണ് അണിയറ പ്രവർത്തകർ. പുതുതലമുറയ്ക്ക് അപരിചിതമായിക്കൊണ്ടിരിക്കുന്ന നാടകം എന്ന കലാരൂപത്തെ വളർത്തുവാൻ ശ്രമിക്കുന്നവർക്ക് അഭിനന്ദനങ്ങൾ.
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages