1 GBP = 125.38
Logos
breaking news

സ്ത്രീകൾക്കെതിരെയുള്ള ദുരുപയോഗം വർദ്ധിക്കുന്നു; സ്മാർട്ട് ഗ്ലാസുകൾക്ക് നിയന്ത്രണം ഏർപ്പെടുത്താൻ ബ്രിട്ടീഷ് സർക്കാർ

  • Nov 05, 2026
സ്ത്രീകൾക്കെതിരെയുള്ള ദുരുപയോഗം വർദ്ധിക്കുന്നു; സ്മാർട്ട് ഗ്ലാസുകൾക്ക് നിയന്ത്രണം ഏർപ്പെടുത്താൻ ബ്രിട്ടീഷ് സർക്കാർ

ലണ്ടൻ: സ്ത്രീകളെ അവരുടെ അറിവോ സമ്മതമോ കൂടാതെ രഹസ്യമായി ചിത്രീകരിക്കാൻ സ്മാർട്ട് ഗ്ലാസുകൾ ദുരുപയോഗം ചെയ്യുന്നതായുള്ള പരാതികൾ വർധിക്കുന്ന സാഹചര്യത്തിൽ സാങ്കേതികവിദ്യയ്ക്ക് നിയന്ത്രണം ഏർപ്പെടുത്താൻ ബ്രിട്ടീഷ് സർക്കാർ ആലോചിക്കുന്നു. ചില പ്രത്യേക സാഹചര്യങ്ങളിൽ ഉപയോഗം നിയന്ത്രിക്കുന്നതിനൊപ്പം നിശ്ചിത വിഭാഗം ആളുകൾക്ക് വിൽപ്പന നിരോധിക്കുന്നതും പരിഗണനയിലുണ്ട്.

ഹൗസ് ഓഫ് കോമൺസിൽ നടന്ന ചർച്ചയിൽ സുരക്ഷാ ചുമതലയുള്ള മന്ത്രി സത്വീർ കൗറാണ് ഇക്കാര്യം വ്യക്തമാക്കിയത്. സ്മാർട്ട് ഗ്ലാസുകളുടെ പ്രയോജനങ്ങൾക്കൊപ്പം അവ സൃഷ്ടിക്കുന്ന സ്വകാര്യതാ-സുരക്ഷാ ഭീഷണികളും പരിഗണിക്കേണ്ടതുണ്ടെന്ന് മന്ത്രി പറഞ്ഞു.

Please Read: തിരഞ്ഞെടുപ്പ് തിരിച്ചടി ട്രംപിന്റെ ആഭ്യന്തര അധികാരം പരിമിതപ്പെടുത്തും; വിദേശനയത്തിൽ കൂടുതൽ ആക്രമണാത്മക നീക്കങ്ങൾക്ക് സാധ്യത

ക്യാമറയും മൈക്രോഫോണും ഡിസ്പ്ലേയും ഘടിപ്പിച്ച ഇത്തരം കണ്ണടകൾ ഉപയോഗിച്ച് സ്ത്രീകളെ രഹസ്യമായി ചിത്രീകരിച്ച് ദൃശ്യങ്ങൾ സമൂഹമാധ്യമങ്ങളിൽ പ്രചരിപ്പിക്കുന്നതായി പരാതികളുണ്ടെന്ന് ചർച്ചയ്ക്ക് നേതൃത്വം നൽകിയ ലിബറൽ ഡെമോക്രാറ്റ് എംപി അന്ന സബീൻ ചൂണ്ടിക്കാട്ടി. രാത്രിയിൽ പുറത്തിറങ്ങിയ ശേഷം അറിയാതെ ചിത്രീകരിക്കപ്പെട്ട ദൃശ്യങ്ങൾ ഓൺലൈനിൽ വൈറലാകുന്നതായി സ്ത്രീകൾ പരാതിപ്പെടുന്നുണ്ടെന്നും അവർ പറഞ്ഞു.

കോടതികൾ പോലുള്ള സ്ഥലങ്ങളിൽ അനുമതിയില്ലാതെ ചിത്രീകരിക്കുന്നത് നിലവിൽ നിയമലംഘനമാണ്. ആരോഗ്യ-വിദ്യാഭ്യാസ മേഖലകളിലും ഇത്തരം ഉപകരണങ്ങളുടെ ഉപയോഗം നിയന്ത്രിക്കുന്നതിനുള്ള സുരക്ഷാ മാർഗനിർദേശങ്ങൾ പരിശോധിച്ചുവരികയാണെന്ന് മന്ത്രി അറിയിച്ചു.

അതേസമയം, കാഴ്ചപരിമിതിയുള്ളവർക്ക് ചുറ്റുപാടുകൾ തിരിച്ചറിയാനും സഞ്ചരിക്കാനും സഹായിക്കുന്നതുപോലുള്ള ഗുണങ്ങളും സ്മാർട്ട് ഗ്ലാസുകൾക്കുണ്ടെന്ന് മന്ത്രി വ്യക്തമാക്കി.

സാങ്കേതികവിദ്യയുടെ പ്രയോജനം നിലനിർത്തിക്കൊണ്ട് വ്യക്തികളുടെ സ്വകാര്യതയും സുരക്ഷയും ഉറപ്പാക്കുന്നതിനുള്ള നിയന്ത്രണങ്ങൾ കൊണ്ടുവരണമെന്ന ആവശ്യം ബ്രിട്ടനിൽ ശക്തമാകുകയാണ്.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 4,586
More Videos
യുക്മ കേരളപൂരത്തിന് ആവേശം പകരാൻ സ്വാഗതഗാനം പുറത്തിറക്കി; ദേവലാൽ സഹദേവൻ ചിട്ടപ്പെടുത്തിയ ഗാനം സോഷ്യൽ മീഡിയയിൽ തരംഗമാകുന്നു
More Gallery
ലോകകപ്പ് വേദിയിൽ സുരക്ഷാ ആശങ്ക; ഇംഗ്ലണ്ട് ക്യാമ്പിന് സമീപം വെടിവെപ്പ്, 9 പേർക്ക് പരിക്ക്

Latest Updates

show more

uukma special

show more