1 GBP = 126.59
Logos

ശമ്പള വർദ്ധനവ് ചർച്ച പരാജയം; ആറ് ദിവസത്തെ പണിമുടക്ക് പ്രഖ്യാപിച്ച് റസിഡന്റ് ഡോക്ടർമാർ

  • Mar 26, 2026
ശമ്പള വർദ്ധനവ് ചർച്ച പരാജയം; ആറ് ദിവസത്തെ പണിമുടക്ക് പ്രഖ്യാപിച്ച് റസിഡന്റ് ഡോക്ടർമാർ

ലണ്ടൻ: ശമ്പളവർദ്ധനവ് ആവശ്യപ്പെട്ട് നടത്തിയ ചർച്ചകൾ പരാജയപ്പെട്ടതിനെതുടർന്ന് ഇംഗ്ലണ്ടിലെ റസിഡന്റ് ഡോക്ടർമാർ ആറ് ദിവസത്തെ പണിമുടക്ക് പ്രഖ്യാപിച്ചു. ദീർഘകാലമായി നിലനിൽക്കുന്ന ശമ്പള-ജോലി തർക്കം അവസാനിപ്പിക്കുന്നതിനായി ആരോഗ്യ സെക്രട്ടറി വെസ് സ്ട്രീറ്റിംഗിന്റെ അന്തിമ ഓഫർ നിരസിച്ചതിനെ തുടർന്നാണ് ഈസ്റ്ററിന് ശേഷം ആറ് ദിവസത്തേക്ക് പണിമുടക്കുന്നത്.

ഏപ്രിൽ 7 ചൊവ്വാഴ്ച രാവിലെ 7 മണി മുതൽ ഏപ്രിൽ 13 തിങ്കളാഴ്ച 6.59 വരെ ഇതുവരെയുള്ള ഏറ്റവും ദൈർഘ്യമേറിയ പണിമുടക്ക് നടത്താൻ തങ്ങൾ നിർബന്ധിതരായതിന് ബ്രിട്ടീഷ് മെഡിക്കൽ അസോസിയേഷൻ സർക്കാരിനെ കുറ്റപ്പെടുത്തി. പൂർണ്ണ ശമ്പള പുനഃസ്ഥാപനം എന്ന പ്രചാരണത്തിൽ റസിഡന്റ് ഡോക്ടർമാർ നടത്തുന്ന 15-ാമത്തെ സമരമാണിത്, തുടർച്ചയായി നാലാം വർഷമാണ് ഡോക്ടർമാരുടെ സമരം തുടരുന്നത്.

അതേസമയം പണിമുടക്ക് ആരോഗ്യ സേവനത്തിന് ഏകദേശം 300 മില്യൺ പൗണ്ട് നഷ്ടമുണ്ടാക്കുമെന്നും, അപ്പോയ്ന്റ്മെന്റുകൾ റദ്ദാകുമെന്നും, പരിശോധനകൾക്കും ചികിത്സയ്ക്കും ശസ്ത്രക്രിയയ്ക്കും രോഗികൾക്ക് കൂടുതൽ കാത്തിരിക്കേണ്ടിവരുമെന്നും എൻഎച്ച്എസ് നേതാക്കൾ മുന്നറിയിപ്പ് നൽകി.

ബിഎംഎയുടെ നീക്കം അങ്ങേയറ്റം നിരാശാജനകമാണെന്ന് ഹെൽത്ത് സെക്രട്ടറി വെസ് സ്ട്രീറ്റിംഗ് പറഞ്ഞു. ന്യായമായ ശമ്പള വർദ്ധനവും കൂടുതൽ പരിശീലനങ്ങൾ വഴി ഉയർന്ന ശമ്പളം കൊണ്ടുവരുമായിരുന്ന ഉദാരമായ ഓഫറും അവരുടെ തൊഴിലിന് നാഴികക്കല്ലായ പുതിയ കരാറും റസിഡന്റ് ഡോക്ടർമാർ നിരസിച്ചതായും അദ്ദേഹം കൂട്ടിച്ചേർത്തു.

എന്നാൽ ജനുവരി ആദ്യം മുതൽ നടക്കുന്ന ചർച്ചകളിൽ, ശമ്പളത്തിലും ആദ്യകാല ഡോക്ടർമാരുടെ സ്പെഷ്യലിസ്റ്റ് മെഡിക്കൽ പരിശീലനത്തിലേക്ക് മാറാനുള്ള കഴിവിലും പുരോഗതി കൈവരിച്ചതായി ഇരുപക്ഷവും സമ്മതിച്ചു.

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 4,351
More Videos
ജലച്ചായം സിനിമയെകുറിച്ചു പഠിക്കാനെത്തി;സ്‌കൂൾ കലോത്സവവും കണ്ടു മടങ്ങി.
More Gallery
മാഞ്ചസ്റ്റർ മലയാളി സിറിൾ മാത്യുവിൻ്റെ പിതാവ് മാത്യു നിര്യാതനായി…. സംസ്കാരം ഇന്ന്

Latest Updates

show more

uukma special

show more