യുക്മ മിഡ്ലാൻസ് റീജണൽ കലാമാമാങ്കം ശനിയാഴ്ച കവൻട്രിയിൽ…… രണ്ട് നാൾ മാത്രം ശേഷിച്ചിരിക്കെ ഒരുക്കങ്ങൾ പൂർത്തിയാക്കി റീജിയൺ കമ്മിറ്റി….. യുക്മയുടെ ചാമ്പ്യൻ റീജിയണിൽ കലാമേളയിൽ മത്സരിക്കാനെത്തുന്നത് റെക്കോർഡ് പ്രതിഭകൾ
Oct 09, 2025
രാജപ്പൻ വർഗ്ഗീസ്
(പി ആർ ഒ മിഡ്ലാൻഡ്സ് റീജിയൻ)
പ്രവാസി ലോകത്തെ ഏറ്റവും വലിയ കലാമേളയായ യുക്മ നാഷണൽ കലാമേളയ്ക്ക് മുന്നോടിയായി ഈസ്റ്റ് ആൻഡ് വെസ്റ്റ് മിഡ്ലാൻഡ്സ് കലാമേളയുടെ രജിസ്ട്രേഷൻ ഒക്ടോബർ 6 നു് പൂർത്തിയായി.സർവ്വ റെക്കോർഡുകളും ഭേദിച്ച് 25 അംഗ അസോസിയേഷനിൽ നിന്നായി 850 ഓളം മത്സരാർത്ഥികൾ മാറ്റുരയ്ക്കുന്ന കലാമാമാങ്കം ശനിയാഴ്ച രാവിലെ 9.30 നു് കവൻടിയിലെ ഷേക്സ്പിയർ നഗറിൽ കാർഡിനൽ വൈസ്മാൻ സ്കൂൾ ഹാളിലെ പ്രത്യേകം സജ്ജമാക്കിയ 5 വേദികളിൽ അരങ്ങേറുകയാണ്.
കലാമേള ഒരു വൻ വിജയമാക്കി തീർക്കുവാൻ മിഡ്ലാൻഡ്സ് റീജിയണിലെ എല്ലാ അംഗ അസോസിയേഷനുകളും സജ്ജീവമായി രംഗത്തുണ്ട്. കഴിഞ്ഞ 3 വർഷമായി നാഷണൽ കലാമേളയിലും നാഷണൽ കായിക മേളയിലും മിഡ്ലാൻഡ്സ് റീജിയൺ ആണു് വിജയകിരീടം ചൂടിയത്. അണിയറ പ്രവർത്തനങ്ങൾ ഏകോപിപ്പിക്കുന്നതിന് യുക്മ റീജണൽ ഭാരവാഹികളും മിഡ്ലാൻഡ്സിൽ നിന്നുള്ള നാഷണൽ ഭാരവാഹികളും അരയും തലയും മുറുക്കി രംഗത്തുണ്ട്.
കലാമേളയുടെ ഔപചാരികമായ ഉത്ഘാടനം ശനിയാഴ്ച രാവിലെ യുക്മ നാഷണൽ സെക്രട്ടറി ജയകുമാർ നായർ നിർവ്വഹിക്കുന്നതാണ്. വൈകുന്നേരം നടക്കുന്ന സമാപന സമ്മേളനത്തിൽ യുക്മ നാഷണൽ പ്രസിഡൻ്റ് അഡ്വ. എബി സെബാസ്റ്റ്യൻ മുഖ്യാതിഥിയായിരിക്കും. യുക്മ നാഷണൽ വൈസ് പ്രസിഡൻ്റും യുക്മ ദേശീയ കലാമേള ജനറൽ കൺവീനറുമായ വർഗീസ് ഡാനിയേൽ, യുക്മ നാഷണൽ വൈസ് പ്രസിഡൻ്റ് സ്മിത തോട്ടം മിഡ്ലാൻഡ്സിൽ നിന്നുള്ള നാഷണൽ കമ്മിറ്റി അംഗം ജോർജ്ജ് തോമസ് മറ്റു യുക്മ നാഷണൽ ഭാരവാഹികളും വിവിധ റീജിയണിൽ നിന്നുള്ള പ്രസിഡൻ്റുമാരും ഭാരവാഹികളും അതു കൂടാതെ യുക്മ മിഡ്ലാൻഡ്സ് റീജിയണിൻ്റെ അംഗ അസോസിയേഷനുകളിലെ പ്രസിഡൻ്റുമാരും മറ്റു ഭാരവാഹികളും കലാമേളയ്ക്ക് പിന്തുണയുമായി ഉണ്ടാവും. റീജണൽ കലാമേളയ്ക്ക് അകമഴിഞ്ഞ് സഹായം നൽകിയ സ്പോൺസർമാരും യോഗത്തിൽ പങ്കെടുക്കുമെന്നു അറിയിച്ചിട്ടുണ്ട്.
കലാമേളയുടെ അവസാനവട്ട പ്രവർത്തനങ്ങൾ ഏകോപിപ്പിക്കാൻ ചേർന്ന യോഗത്തിൽ യുക്മ മിഡ്ലാൻഡ്സ് റീജണൽ പ്രസിഡൻ്റ് അഡ്വ. ജോബി പുതുകുളങ്ങര അദ്ധ്യക്ഷനായിരുന്നു. യുക്മ നാഷണൽ സെക്രട്ടറി ജയകുമാർനായർ വൈസ് പ്രസിഡൻ്റ് സ്മിത തോട്ടം നാഷണൽ കമ്മിറ്റി അംഗം ജോർജ്ജ് തോമസ് എന്നിവർ മേളയുടെ നടത്തിപ്പുമായി ബന്ധപ്പെട്ട മാർഗ്ഗനിർദ്ദേശങ്ങൾ നൽകി. ചർച്ചകളിൽ റീജണൽ ആട്സ് കോർഡിനേറ്റർ രേവതി അഭിഷേക് റീജണൽ ഭാരവാഹികളായ ജോർജ്ജ് മാത്യു, രാജപ്പൻ വർഗ്ഗീസ്, അരുൺ ജോർജ്ജ്, സനൽ ജോസ്, ബെറ്റ്സ്, അനിത മധു, ആനി കുര്യൻ എന്നിവർ പങ്കെടുത്തു. യുക്മ റീജണൽ സെക്രട്ടറി ലൂയിസ് മേനാച്ചേരി സ്വാഗതവും റീജണൽ ട്രഷറർ പോൾ ജോസഫ് നന്ദിയും പറഞ്ഞു.
മിഡ്ലാൻഡ്സ് കലാമേളയെ സ്പോൺസർ ചെയ്യുന്നതും പിന്തുണയ്ക്കുന്നവരുമായ സ്ഥാപനങ്ങൾ: 1. LIFE LINE PROTECT
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages