“എല്ലാവരും ബിസിയാണ്”; ഓൺലൈൻ തിരഞ്ഞെടുപ്പുമായി സോമർസെറ്റ് മലയാളി കൾച്ചറൽ അസ്സോസിയേഷൻ; സംഘടനാ തിരഞ്ഞെടുപ്പും കളറാക്കുകയാണ് എസ്എംസിഎ

Mar 24, 2025

യോവിൽ: യുക്മ സൗത്ത് വെസ്റ്റ് റീജിയണിലെ പ്രമുഖ അസ്സോസിയേഷനുകളിൽ ഒന്നായ സോമർസെറ്റ് മലയാളി കൾച്ചറൽ അസ്സോസിയേഷന്റെ തിരഞ്ഞെടുപ്പ് മാമാങ്കമാണ് സോഷ്യൽ മീഡിയകളിൽ വൈറലാകുന്നത്. തിരക്കേറിയ ജീവിത ശീലങ്ങൾക്കിടയിൽ ഓൺലൈൻ തിരഞ്ഞെടുപ്പുമായാണ് സംഘടനാ ഭാരവാഹികൾ രംഗത്ത് വരുന്നത്. അതേസമയം സംഘടന തിരഞ്ഞെടുപ്പ് കളറാക്കുകയാണ് എസ്‌ എം സി എ.

തിരഞ്ഞെടുപ്പ് സംബന്ധിച്ച് അംഗങ്ങൾക്ക് നൽകിയ നിർദ്ദേശങ്ങൾ:

SMCA യുടെ ചരിത്രത്തിലെ ആദ്യ ഓൺലൈൻ തിരഞ്ഞെടുപ്പിന്റെ വിശദവിവരങ്ങൾ താഴെ കൊടുക്കുന്നു തിരഞ്ഞെടുപ്പിന്റെ ഉദ്ദേശ്യം:

വരാനിരിക്കുന്ന കമ്മിറ്റിയിലേക്ക് 14 കമ്മിറ്റി അംഗങ്ങളെ തിരഞ്ഞെടുക്കുന്നതിനാണ് ഈ തിരഞ്ഞെടുപ്പ്. പ്രസിഡന്റ്‌ സെക്രട്ടറി തുടങ്ങിയ നിർദ്ദിഷ്ട സ്ഥാനങ്ങൾ തിരഞ്ഞെടുപ്പ് പ്രക്രിയയ്ക്ക് ശേഷം തിരഞ്ഞെടുക്കപ്പെട്ട 14 അംഗങ്ങളും 3 UUKMA പ്രതിനിധികളും 1 exofficio ചേർന്ന 18 അംഗ കമ്മിറ്റി തീരുമാനിക്കും.
താൽപ്പര്യമുള്ള സ്ഥാനാർത്ഥികൾ:
ഓൺലൈൻ ഫോം വഴി നിങ്ങളുടെ അപേക്ഷകൾ സമർപ്പിക്കുക.
അപേക്ഷ സമർപ്പിക്കാനുള്ള അവസാന തീയതി മാർച്ച് 28 വെള്ളിയാഴ്ച വൈകുന്നേരം 5 മണി.
*നാമനിർദ്ദേശങ്ങൾ പിൻവലിക്കാൻ ആഗ്രഹിക്കുന്നവർ *[email protected]* എന്ന വിലാസത്തിലേക്ക് മാർച്ച് 29 ശനിയാഴ്ച*, *വൈകുന്നേരം 5 മണി* ന് മുമ്പ് ഒരു ഇമെയിൽ അയയ്ക്കുക.
നാമനിർദ്ദേശങ്ങൾ നിയുക്ത തെരഞ്ഞെടുപ്പ് ഉദ്യോഗസ്ഥന്റെ സാന്നിധ്യത്തിൽ (നിവിൽ ലോനക്കുട്ടി ) മാർച്ച് 30 ഞായറാഴ്ച* അവലോകനം ചെയ്യും.
സ്ഥാനാർത്ഥി പ്രഖ്യാപനം:
അംഗീകൃത സ്ഥാനാർത്ഥികളുടെ പേരുകൾ മാർച്ച് 31 തിങ്കളാഴ്ച പ്രഖ്യാപിക്കും.
വോട്ടെടുപ്പ് കാലയളവ്:
ഏപ്രിൽ 5 ന് രാവിലെ 9 മണിക്ക് ഓൺലൈൻ ആയി ആരംഭിക്കുന്നു ഏപ്രിൽ 6 ന് വൈകുന്നേരം 6 മണിക്ക് അവസാനിക്കുന്നു.
വോട്ടിംഗ് യോഗ്യത:
18 വയസ്സിനു മുകളിൽ SMCA യിൽ രജിസ്റ്റർ ചെയ്ത വാർഷിക വരിസംഖ്യ കൃത്യമായി അടച്ച കുടിശ്ശികയില്ലാത്ത അംഗങ്ങൾക്ക് മാത്രമേ വോട്ടുചെയ്യാൻ കഴിയൂ.
രജിസ്റ്റർ ചെയ്യാത്ത അംഗങ്ങളിൽ നിന്നോ കുടിശ്ശികയുള്ളവരിൽ നിന്നോ ഉള്ള വോട്ടുകൾ അസാധുവായിരിക്കും.
⁠അതിനോടൊപ്പം തന്നെ ഒരാൾ ഒന്നിൽ കൂടുതൽ തവണ വോട്ട് രേഖപ്പെടുത്തിയതായി കണ്ടെത്തിയാൽ ആ വോട്ട് അസാധുവായിരിക്കും
തിരഞ്ഞെടുപ്പ് നിരീക്ഷണം:
മുഴുവൻ തിരഞ്ഞെടുപ്പ് പ്രക്രിയയും നിലവിലുള്ള എക്സിക്യൂട്ടീവ് കമ്മിറ്റി നിയോഗിക്കപ്പെട്ട ഉദ്യോഗസ്ഥൻ നിവിൽ ലോനക്കുട്ടി നിരീക്ഷിക്കും.