ഹീത്രു വിമാനത്താവളം ഭാഗികമായി തുറന്നു; സർവീസുകൾ ഇന്ന് മുതൽ സാധാരണ നിലയിലാകുമെന്ന് അധികൃതർ

Mar 22, 2025

ലണ്ടൻ: ലണ്ടൻ ഹീത്രോ വിമാനത്താവളത്തിലെ ഒരു ഇലക്ട്രിക്കൽ സബ്‌സ്റ്റേഷനിൽ ഉണ്ടായ തീപിടുത്തത്തെടുർന്ന് അടച്ചിട്ട വിമാനത്താവളം ഭാഗികമായി തുറന്നു പ്രവർത്തിക്കുന്നു. അതേസമയം 1,350-ലധികം വിമാനങ്ങൾ നിർത്തിവയ്ക്കുകയും ലക്ഷക്കണക്കിന് യാത്രക്കാരുടെ യാത്ര തടസ്സപ്പെടുത്തുകയും ചെയ്തതിനെത്തുടർന്ന് കൂടുതൽ അന്വേഷണം ആവശ്യമാണെന്ന് ഡൗണിംഗ് സ്ട്രീറ്റ് പറഞ്ഞു.

വൈദ്യുതി പുനഃസ്ഥാപിക്കാൻ എഞ്ചിനീയർമാർ തീവ്രശ്രമം നടത്തിയിരുന്നു. ബ്രിട്ടനിലെ ഏറ്റവും വലിയ വിമാനത്താവളത്തെ പ്രവർത്തിക്കാൻ കഴിയാത്ത അഭൂതപൂർവമായ സംഭവത്തെക്കുറിച്ച് തീവ്രവാദ വിരുദ്ധ പോലീസ് അന്വേഷണം നടത്തുകയാണ്, എന്നാൽ അപകടകരമായ ഒരു സംഭവത്തിന്റെ സൂചനയൊന്നുമില്ലെന്ന് പോലീസ് പറഞ്ഞു. തീപിടിത്തം സംശയാസ്പദമാണെന്ന് കരുതുന്നില്ലെന്ന് വെള്ളിയാഴ്ച വൈകുന്നേരം പോലീസ് സ്ഥിരീകരിച്ചു.

ഹീത്രോ വിമാനത്താവളം വെള്ളിയാഴ്ച വൈകുന്നേരത്തോടെ തന്നെ ഭാഗികമായി വീണ്ടും തുറന്നു, ശനിയാഴ്ച പൂർണ്ണമായും പ്രവർത്തനക്ഷമമാകുമെന്നാണ് പ്രതീക്ഷിക്കുന്നത്. അടച്ചുപൂട്ടൽ വരും ദിവസങ്ങളിൽ യാത്രക്കാരിൽ വലിയ ആഘാതം സൃഷ്ടിക്കുമെന്ന് എയർലൈനുകൾ പറഞ്ഞു. സാധാരണ പോലെ ശനിയാഴ്ചയും യാത്രക്കാർ ഹീത്രോയിലേക്ക് വരണമെന്ന് വിമാനത്താവളം അധികൃതർ അറിയിച്ചു.