ഗംഭീര ദൃശ്യ ശ്രാവ്യ വിരുന്നൊരുക്കി പുതുവത്സരവും ക്രിസ്തുമസും ആഘോഷിച്ച് ക്രോളി മലയാളി കമ്മ്യൂണിറ്റി!
Jan 26, 2025
ഇക്കഴിഞ്ഞ ജനുവരി 11 ന്, ക്രോളിയിലെ മെയ്ഡൻബോവർ കമ്മ്യൂണിറ്റി ഹാളിൽ വൈകുന്നേരം 6 മുതൽ രാത്രി 11 വരെ ഇരുന്നൂറിൽ കൂടുതൽ പേർ പങ്കെടുത്ത ക്രിസ്തുമസ് – പുതുവത്സര സംഗീത-നൃത്ത നിശയിൽ, കൊച്ചു കുഞ്ഞുങ്ങൾ പാടിയും അഭിനയിച്ചും പുനഃരാവിഷ്കരിച്ച യേശുദേവന്റെ ലോകരക്ഷയ്ക്കായുള്ള പിറവിയുടെ മികച്ച ദൃശ്യാവിഷ്കാരത്തി ലൂടെയാണ് തുടക്കം കുറിച്ചത്.
പ്രോഗ്രാം കോ ഓർഡിനേറ്റർ ശ്രീമതി അൻസു ജോഫിന്റെയും, ശ്രീ ടിബി വർഗ്ഗീസിൻറെയും നേതൃത്വത്തിൽ നടന്ന ക്രിസ്തു ദേവന്റെ തിരു: പിറവിയുടെ ആവിഷ്കാരം ഏവർക്കും ത്യാഗത്തിന്റെയും സഹനത്തിന്റെയും സന്ദേശം പകർന്നു നൽകുന്നതായിരുന്നു.
ഹൃദയങ്ങളിൽ കുളിരു പെയ്യിച്ച സംഗീവും നൃത്ത നൃത്യങ്ങളും കൊണ്ട് വിസ്മയിപ്പിച്ച അഞ്ചു മണിക്കൂർ നീണ്ടു നിന്ന ആഘോഷ പരിപാടികളിൽ ക്രോളി കൗൺസിൽ അംഗങ്ങളായ സ്യു , ക്രിസ് മലിൻസ് എന്നിവരും റെഡ് ഹിൽ മലയാളി അസോസിയേഷനെ പ്രതിനിധീകരിച്ച് ബാബു, സ്റ്റാലിൻ, ജോബി എന്നിവരും ലൈഫ് ലൈൻ പ്രതിനിധി ബിജേഷും വിശിഷ്ടാതിഥികളായിയിരുന്നു.
‘ജിംഗിൾ ബെൽ ഫിയസ്റ്റ 2025’ എന്ന് പേരിട്ട ആഘോഷരാവിന് തിളക്കമേറ്റികൊണ്ട് മലയാളികൾക്ക് എന്നും പ്രിയപ്പെട്ട നിരവധി പാട്ടുകളുമായി തങ്ങളുടെ സ്വരമാധുര്യവും മനോഹരമായ ആലാപന ശൈലിയും കൊണ്ടു ഏവരുടെയും ഹൃദയങ്ങളിൽ കുളിരേകിയ സൂര്യ ടിവിയിലെ സൂപ്പർ സിങ്ങറിൽ മികച്ച പ്രകടനം കാഴ്ചവച്ച ഗായകൻ ഹരിഗോവിന്ദിന്റെയും പിയാനോ വായന കൊണ്ടു ഹൃദയങ്ങളെ കീഴടക്കിയ തേജസിൻറെയും ഒപ്പം ജനപ്രീതിയേറിയ കലാഭവൻ മണിയുടെ പാട്ടുകൾ അതേ ശൈലിയിൽ പാടിയ സൗണ്ട് എഞ്ചിനിയർ സ്റ്റീവന്റെയും മിന്നുന്ന പ്രകടനങ്ങൾ ഏവരുടെയും മനം കവർന്നു!
കൊച്ചു കുട്ടികൾ മുതൽ മുതിർന്നവർ വരെ പ്രായഭേദമന്യേ പങ്കെടുത്ത സാന്റയുടെ വരവെൽപ്പും പാട്ടും നൃത്തവും അടക്കമുള്ള വിവിധ കലാപരിപാടികൾ ആഘോഷരാവ് നിറപകിട്ടുള്ളതാക്കി.
തുടർന്ന് നടന്ന ചടങ്ങിൽ, പ്രസിഡന്റ് തേജു മാത്യൂസ് വിശിഷ്ട്ടാതിഥികളെ സ്വാഗതം ചെയ്യുകയും ഏവർക്കും ക്രിസ്ത്മസ് പുതുവത്സര സന്ദേശവും ആശംസകളും കൈ മാറുകയും, മുന്നോട്ടുള്ള ക്രോളി മലയാളി കമ്മ്യൂണിറ്റിയുടെ പ്രവർത്തനങ്ങളിൽ അംഗങ്ങൾക്ക് വേണ്ടിയുള്ള ആവിഷ്ക്കരിക്കുന്ന നവീനമായ പദ്ധതികളെക്കുറിച്ചു സംസാരിക്കുകയും ചെയ്തു.
ആഘോഷരാവിന്റെ കൊട്ടികലാശത്തിനായി ഏവരും മതി മറന്നാടിയ ഫ്ലാഷ്മോബും ഡിജെയും ഒരുക്കിയിരുന്നു.
റെഡ്ഹില്ലിലെ ജോഷ്വാ ട്രീ കാറ്ററിംഗ് ആണ് പരിപാടിയിൽ രുചികരമായ ഭക്ഷണം തയ്യാറാക്കിയുന്നത്. ലൈഫ് ലൈൻ ലൈൻ പ്രൊട്ടകട് മോർട്ടഗേജ് & ഇൻഷുറൻസ് ആണ് ഈ പരിപാടി സ്പോൺസർ ചെയ്തിരുന്നത്.
പ്രസിഡന്റ് തേജു മാത്യു, രക്ഷാധികാരി എറിക്സൻ ജേക്കബ്, സെക്രട്ടറി അരുൺ മോഹൻ, ട്രഷറർ അരുൺ വർഗ്ഗീസ്, വൈസ് പ്രസിഡന്റ് ജൂഡിത് റോബിൻ, ജോയിന്റ് സെക്രട്ടറി ജിബിൻ ജോസഫ്, ജോയിൻറ് ട്രഷറർ ഷമാൽ രാമചന്ദ്രൻ, സ്പോർട്സ് സെക്രട്ടറി ബിനു ആൽബർട്ട്, പബ്ലിക് റിലേഷൻ ജിയോ ഫ്രാൻസിസ്, പ്രോഗ്രാം കോ ഓർഡിനേറ്റർസ് ടിബി വർഗീസ്, അൻസു ജോഫിൻ എന്നിവരും ഒപ്പം ഫെസ്റ്റിവ് കമ്മിറ്റി അംഗങ്ങളായ ജസ്റ്റിൻ ചാണ്ടി , തോമസ് ചിറ്റിലപ്പിള്ളി, റോബിൻ ഡികൗറ്റ, അലക്സ് തുരുത്തേൽ, സ്മിത രമേഷ്, അനിൽ തോമസ് എന്നിവരാണ് ‘ജിംഗിൾ ബെൽസ് ഫിയസ്റ്റ 2025’ വിജയത്തിനായി ചുക്കാൻ പിടിച്ചത്.
ഇനിയും വരാനിരിക്കുന്ന ഒട്ടേറെ ക്രിയാത്മകവും വൈവിധ്യവുമാർന്ന പരിപാടികൾക്ക് ഒരുമിച്ചു നിന്ന് പ്രവർത്തിക്കുകയും ഒരു കുടുംബം പോലെ പരസ്പരം തണലും തുണയും ആകാമെന്ന പ്രത്യാശ പകർന്നുകൊണ്ട് നിറപകിട്ടർന്ന രാവിന് തിരശീല വീണു.
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages