സുരേന്ദ്രൻ ആരക്കോട്ട് (അസ്സോസിയേറ്റ് എഡിറ്റർ)
ഇക്കഴിഞ്ഞ സെപ്തംബർ 14-ന് ശനിയാഴ്ച, ഡാർട്ഫോർഡ് മലയാളീ അസോസിയേഷന്റെ (DMA) ഓണാഘോഷപരിപാടികൾ ഡാർട്ഫോർഡ് വാളർ പാർക്കിൽവെച്ചു വൈവിധ്യമാർന്ന പരിപാടികളോടെ ആഘോഷിക്കപ്പെട്ടു.
![](https://uukmanews.com/wp-content/uploads/2019/09/IMG_4032-1024x683.jpg)
![](https://uukmanews.com/wp-content/uploads/2019/09/IMG_4033-1024x683.jpg)
രാവിലെ മുതൽ കുട്ടികളും മുതിർന്നവരുമായി, നൂറുകണക്കിനാളുകൾ വിവിധ മത്സര ഇനങ്ങളിൽ പങ്കെടുക്കാനായി വാളർ പാർക്ക് ഗ്രൗണ്ടിലെത്തി. കൊച്ചു കുട്ടികൾ, കൗമാര പ്രായക്കാർ, യുവതീ യുവാക്കൾ, സ്ത്രീ പുരുഷന്മാർ എന്നീ വിഭാഗങ്ങൾക്കായി ഓട്ടം, ചാക്കിലോട്ടം, നാരങ്ങാ-സ്പൂൺ കടിച്ചുപിടിച്ചുള്ള ഓട്ടം,വെള്ളം-പകർന്നൊഴിക്കൽ എന്നീ മത്സരങ്ങൾക്ക് പുറമെ ആൺ-പെൺ വിഭാഗത്തിൽ വാശിയേറിയ വടംവലിയും വെവ്വേറെ നടത്തപ്പെട്ടു.
![](https://uukmanews.com/wp-content/uploads/2019/09/IMG_4030-1024x683.jpg)
വടംവലിയിൽ പുരുഷ വിഭാഗത്തിൽ ജോയൽ ജോസെഫിന്റെ ടീം ഒന്നാം സ്ഥാനവും അനിരുദ്ധ് ജിജിയുടെ ടീം രണ്ടാം സ്ഥാനവും കരസ്ഥമാക്കി. വനിതാ വിഭാഗത്തിൽ പ്രിയ റെനോൾഡിന്റെ ടീം ഒന്നാം സ്ഥാനം നേടിയപ്പോൾ എലിസബത്ത് ജിന്റോ നയിച്ച ടീം രണ്ടാം സ്ഥാനം കൈക്കലാക്കി.
![](https://uukmanews.com/wp-content/uploads/2019/09/IMG_4197-1024x683.jpg)
![](https://uukmanews.com/wp-content/uploads/2019/09/IMG_4171-1024x683.jpg)
![](https://uukmanews.com/wp-content/uploads/2019/09/IMG_4180-1024x683.jpg)
ഉച്ചക്ക് 1 മണി മുതൽ വിളമ്പാൻ തുടങ്ങിയ, നാവിൽ രുചിയേറുന്നതും കേരളത്തനിമയാർന്നതുമായ ഓണസദ്യ, പ്രായഭേദമെന്യേ എല്ലാവരും നന്നായി ആസ്വദിച്ചു.
![](https://uukmanews.com/wp-content/uploads/2019/09/IMG_4475-1024x683.jpg)
![](https://uukmanews.com/wp-content/uploads/2019/09/IMG_4417-1024x683.jpg)
തുടർന്ന് ശ്രീ അന്നമ്മ ജോസെഫിന്റെ ടീം അവതരിപ്പിച്ച നയനാനന്ദകരമായ തിരുവാതിര കേരളത്തിന്റെ ഗൃഹാതുരത്വമുണർത്തുന്ന ഓർമ്മകളിലേക്ക് കാണികളെ ആനയിപ്പിച്ചു.
![](https://uukmanews.com/wp-content/uploads/2019/09/IMG_4503-1024x683.jpg)
![](https://uukmanews.com/wp-content/uploads/2019/09/IMG_4506-1024x683.jpg)
വിവിധ ഇനങ്ങളിൽ ജേതാക്കളായിട്ടുള്ളവർക്കുള്ള ട്രോഫികളും മെഡലുകളും തുടർന്ന് നടന്ന പൊതു ചടങ്ങിന്റെ വേദിയിൽ വെച്ച് സമ്മാനിക്കപ്പെട്ടു.
![](https://uukmanews.com/wp-content/uploads/2019/09/IMG_4975_InPixio-1024x683.jpg)
DMA യുടെ ഈ വർഷത്തെ ഓണാഘോഷവേളയിൽ യുക്മ ദേശീയ വൈസ്-പ്രസിഡണ്ടും ഡാർട്ഫോർഡ് നിവാസിയുമായ ശ്രീ എബി സെബാസ്റ്റ്യൻ മുഖ്യാതിഥി ആയിരുന്നു.
![](https://uukmanews.com/wp-content/uploads/2019/09/IMG_4059-1024x683.jpg)
കായിക മത്സരങ്ങൾക്കും, ഓണസദ്യ, തുടർന്നുള്ള കല പരിപാടികൾ, പൊതു ചടങ്ങു് എന്നിവക്കുമെല്ലാം DMA യുടെ പ്രസിഡന്റ് ശ്രീ റെനോൾഡ് മാൻവെൽ, സെക്രട്ടറി ശ്രീ സുരേന്ദ്രൻ ആരക്കോട്ട്, ട്രഷറർ ശ്രീ സഞ്ജീവ് മേനോൻ എന്നിവർ നേതൃത്വം നൽകി.
![](https://uukmanews.com/wp-content/uploads/2019/09/IMG_4955-1024x683.jpg)
![](https://uukmanews.com/wp-content/uploads/2019/09/IMG_4521-1024x683.jpg)
സംഘാടന മികവുകൊണ്ടും, പങ്കെടുത്ത ജനാവലിയുടെ അംഗബലം കൊണ്ടും, വൈവിധ്യമാർന്ന കലാ -കായിക പരിപാടികളാലും വളരെ മികവുറ്റ ഒരാഘോഷ ദിവസമായി 2019-ലെ ഓണം ഓർമകളിൽ നിറഞ്ഞുനിൽക്കുമെന്നതിൽ ഒട്ടും സംശയമില്ല!
![](https://uukmanews.com/wp-content/uploads/2019/09/IMG_4373-1024x683.jpg)
![](https://uukmanews.com/wp-content/uploads/2019/09/IMG_4317-1024x683.jpg)
![](https://uukmanews.com/wp-content/uploads/2019/09/IMG_4376-1024x683.jpg)
![](https://uukmanews.com/wp-content/uploads/2019/09/IMG_4313-1024x683.jpg)
click on malayalam character to switch languages