1 GBP = 123.43
breaking news

ഈസ്റ്റ് ലണ്ടൻ മലയാളി അസോസിയേഷന് പുതിയ നേതൃത്വം; ശുഭ ജെന്റിൽ പ്രസിഡന്റ്, ജെറിൻ എപ്പൻപറമ്പിൽ വർഗീസ് സെക്രട്ടറി

ഈസ്റ്റ് ലണ്ടൻ മലയാളി അസോസിയേഷന് പുതിയ നേതൃത്വം; ശുഭ ജെന്റിൽ പ്രസിഡന്റ്, ജെറിൻ എപ്പൻപറമ്പിൽ വർഗീസ് സെക്രട്ടറി

ലണ്ടൻ: ഈസ്റ്റ് ലണ്ടൻ മലയാളി അസോസിയേഷന്റെ (ELMA) 2026–2028 കാലയളവിലേക്കുള്ള പുതിയ എക്സിക്യൂട്ടീവ് കമ്മിറ്റിയെയും യുക്മ ജനറൽ കൗൺസിൽ മെമ്പർമാരെയും തിരഞ്ഞെടുത്തു. സംഘടനയുടെ പ്രവർത്തനങ്ങൾക്ക് പുതിയ ദിശാബോധം നൽകുന്നതിനും കിഴക്കൻ ലണ്ടനിലെ മലയാളി സമൂഹത്തിന്റെ ഐക്യവും സാംസ്കാരിക കൂട്ടായ്മയും ശക്തിപ്പെടുത്തുന്നതിനും ലക്ഷ്യമിട്ടാണ് പുതിയ നേതൃത്വം ചുമതലയേൽക്കുന്നത്.

ശുഭ ജെന്റിൽ പ്രസിഡന്റായും ജെറിൻ എപ്പൻപറമ്പിൽ വർഗീസ് സെക്രട്ടറിയായും പ്രവർത്തിക്കും. ആഷിക് ഉമ്മൻ വൈസ് പ്രസിഡന്റ്, സാബു മാത്യു ട്രഷറർ, ഷീബ റെജി ജോയിന്റ് സെക്രട്ടറി, വിൻസെന്റ് ജോസഫ് ജോയിന്റ് ട്രഷറർ എന്നീ ചുമതലകൾ വഹിക്കും.

യുക്മയുമായുള്ള സംഘടനയുടെ പ്രവർത്തനങ്ങൾ ഏകോപിപ്പിക്കുന്നതിനായി സോണിയ ലൂബി, ജെറിൻ വർഗീസ്, ലിനീഷ് ലൂക്കോസ് എന്നിവരെ യുക്മ ജനറൽ കൗൺസിൽ മെമ്പർമാരായും തിരഞ്ഞെടുത്തു.

യുക്മയുടെ പ്രാദേശിക, ദേശീയ തലത്തിലുള്ള സാംസ്കാരിക പരിപാടികളിൽ ELMAയുടെ പങ്കാളിത്തം വർധിപ്പിക്കുക, അംഗങ്ങളുടെ കഴിവുകൾക്ക് കൂടുതൽ അവസരങ്ങൾ ഒരുക്കുക, സംഘടനകൾ തമ്മിലുള്ള ആശയവിനിമയവും സഹകരണവും ശക്തിപ്പെടുത്തുക തുടങ്ങിയവയായിരിക്കും യുക്മ ജനറൽ കൗൺസിൽ മെമ്പർമാരുടെ പ്രധാന ഉത്തരവാദിത്വങ്ങൾ.

കേരളത്തിന്റെ സമ്പന്നമായ സാംസ്കാരിക പൈതൃകം ബ്രിട്ടനിലെ പുതുതലമുറയിലേക്ക് കൈമാറുന്നതിനും സാമൂഹിക, സാംസ്കാരിക, വിദ്യാഭ്യാസ പ്രവർത്തനങ്ങളിൽ കൂടുതൽ അംഗപങ്കാളിത്തം ഉറപ്പാക്കുന്നതിനും പുതിയ നേതൃത്വത്തിന്റെ പ്രവർത്തനങ്ങൾ സഹായകമാകുമെന്നാണ് പ്രതീക്ഷ.

2026–2028 കാലയളവിൽ കൂടുതൽ സജീവമായ പ്രവർത്തനങ്ങളിലൂടെ ഈസ്റ്റ് ലണ്ടനിലെ മലയാളി സമൂഹത്തിന്റെ കൂട്ടായ്മയും സംഘടനയുടെ സാന്നിധ്യവും ശക്തിപ്പെടുത്തുകയാണ് പുതിയ നേതൃത്വത്തിന്റെ ലക്ഷ്യം.

Latest News:

Post Your Comments Here ( Click here for malayalam )

Press Esc to close
show more