ലണ്ടനിൽ ബംഗ്ലാദേശ് രാഷ്ട്രീയ ഗ്രൂപ്പുകൾ തമ്മിൽ തെരുവുയുദ്ധം; ആറുപേർക്ക് പരിക്ക്
Nov 17, 2026
ചാഡ്വെൽ ഹീത്തിൽ ഏറ്റുമുട്ടിയത് എതിർ രാഷ്ട്രീയ വിഭാഗങ്ങളുടെ അനുയായികൾ; ഒരാൾ ആശുപത്രിയിൽ, അന്വേഷണം ആരംഭിച്ച് മെട്രോപൊളിറ്റൻ പൊലീസ്
ലണ്ടൻ: കിഴക്കൻ ലണ്ടനിലെ ചാഡ്വെൽ ഹീത്തിൽ എതിർ രാഷ്ട്രീയ വിഭാഗങ്ങളിൽപ്പെട്ട ബംഗ്ലാദേശ് അനുകൂലികൾ തമ്മിലുണ്ടായ രൂക്ഷമായ ഏറ്റുമുട്ടലിൽ ആറുപേർക്ക് പരിക്കേറ്റു. തിങ്കളാഴ്ച രാത്രി (നവംബർ 16) ഹൈ റോഡിലെ മേഫെയർ വേദിക്ക് സമീപമാണ് സംഘർഷം പൊട്ടിപ്പുറപ്പെട്ടത്. സംഭവത്തിൽ ഒരാളെ ആശുപത്രിയിൽ പ്രവേശിപ്പിച്ചു.
ബംഗ്ലാദേശിലെ നാഷണൽ സിറ്റിസൺ പാർട്ടി (NCP) കൺവീനർ നാഹിദ് ഇസ്ലാം പങ്കെടുക്കുന്ന സ്വീകരണ പരിപാടിക്കിടെയാണ് സംഘർഷമുണ്ടായതെന്നാണ് റിപ്പോർട്ടുകൾ. എൻസിപി അനുയായികളും എതിർ രാഷ്ട്രീയ കക്ഷിയായ അവാമി ലീഗ് അനുകൂലികളുമാണ് ഏറ്റുമുട്ടിയതെന്നാണ് പ്രാഥമിക വിവരം.
സംഘർഷത്തിനിടെ ഇരുവിഭാഗങ്ങളും വടികളും മറ്റ് വസ്തുക്കളും ഉപയോഗിച്ച് പരസ്പരം ആക്രമിച്ചു. മാലിന്യപ്പെട്ടികൾ, കുപ്പികൾ, മുട്ടകൾ എന്നിവയും വലിച്ചെറിഞ്ഞതായി റിപ്പോർട്ടുകളുണ്ട്. വേദിക്ക് മുന്നിൽ ആരംഭിച്ച സംഘർഷം സമീപത്തെ താമസമേഖലകളിലേക്കും വ്യാപിച്ചു. തെരുവുകളിലൂടെ ഇരുവിഭാഗങ്ങളും പരസ്പരം പിന്തുടർന്ന് ആക്രമിക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.
രാത്രി 10.12ന് ലഭിച്ച വിവരത്തെത്തുടർന്ന് ലണ്ടൻ ആംബുലൻസ് സർവീസ് സ്ഥലത്തെത്തി. ആറുപേർക്ക് പ്രാഥമിക ചികിത്സ നൽകിയതായും ഒരാളെ ആശുപത്രിയിലേക്ക് മാറ്റിയതായും അധികൃതർ അറിയിച്ചു.
രാത്രി 9.59നാണ് സംഘർഷത്തെക്കുറിച്ച് പൊലീസിന് ആദ്യ വിവരം ലഭിച്ചത്. അമ്പതോളം പുരുഷന്മാർ പ്രതിഷേധത്തിൽ പങ്കെടുത്തിരുന്നുവെന്നും പിന്നീട് അക്രമം പൊട്ടിപ്പുറപ്പെട്ടുവെന്നുമാണ് മെട്രോപൊളിറ്റൻ പൊലീസിന്റെ വിശദീകരണം. മൂന്ന് പേരെ ആശുപത്രിയിൽ പ്രവേശിപ്പിച്ചതായും ഇവരുടെ പരിക്കുകൾ ജീവന് ഭീഷണിയാകുന്നതോ സ്ഥിരമായ വൈകല്യത്തിന് കാരണമാകുന്നതോ അല്ലെന്നും പൊലീസ് വ്യക്തമാക്കി.
പൊലീസ് സ്ഥലത്തെത്തിയപ്പോഴേക്കും സംഘർഷത്തിൽ ഏർപ്പെട്ടവർ പിരിഞ്ഞുപോയിരുന്നു. സംഭവത്തിൽ ഇതുവരെ ആരെയും അറസ്റ്റ് ചെയ്തിട്ടില്ല. അന്വേഷണം തുടരുകയാണ്.
സംഭവത്തെ ശക്തമായി അപലപിച്ച് പ്രാദേശിക രാഷ്ട്രീയ നേതാക്കളും രംഗത്തെത്തി. ഇൽഫോർഡ് സൗത്ത് ലേബർ എംപി ജാസ് അത്വാൾ സംഭവത്തിൽ സമഗ്രമായ അന്വേഷണം നടത്തണമെന്നും പ്രദേശത്ത് പൊലീസ് പട്രോളിങ് ശക്തമാക്കണമെന്നും ആവശ്യപ്പെട്ടു. രാഷ്ട്രീയ അഭിപ്രായവ്യത്യാസങ്ങൾ ഉണ്ടാകാമെങ്കിലും അക്രമം ഒരിക്കലും അംഗീകരിക്കാനാവില്ലെന്ന് അദ്ദേഹം പ്രതികരിച്ചു.
റോംഫോർഡ് റിഫോം യുകെ എംപി ആൻഡ്രൂ റോസൻഡേലും സംഭവത്തെ അപലപിച്ചു. ബ്രിട്ടനിലെ തെരുവുകളിൽ ഇത്തരം അക്രമങ്ങൾക്ക് സ്ഥാനമില്ലെന്ന് അദ്ദേഹം പറഞ്ഞു. അതേസമയം, സംഭവത്തെ രാജ്യത്തെ കുടിയേറ്റ നയങ്ങൾക്കെതിരായ വിമർശനത്തിനായി ഉപയോഗിച്ച് റിഫോം യുകെ രംഗത്തെത്തി.
ബംഗ്ലാദേശിലെ രാഷ്ട്രീയ സാഹചര്യങ്ങളുമായി ബന്ധപ്പെട്ട സംഘർഷങ്ങളുടെ പശ്ചാത്തലത്തിലാണ് ലണ്ടനിലെ സംഭവവും ശ്രദ്ധേയമാകുന്നത്. മുൻ പ്രധാനമന്ത്രി ഷെയ്ഖ് ഹസീനയെ അധികാരത്തിൽ തിരിച്ചെത്തിക്കണമെന്ന് ആവശ്യപ്പെട്ട് അവരുടെ അനുയായികൾ ബംഗ്ലാദേശിൽ പ്രതിഷേധങ്ങൾ തുടരുകയാണ്. പ്രതിഷേധങ്ങൾ നിയന്ത്രിക്കാൻ പൊലീസ് കണ്ണീർവാതകവും റബർ ബുള്ളറ്റുകളും പ്രയോഗിച്ചതായും റിപ്പോർട്ടുകളുണ്ട്.
ബംഗ്ലാദേശിൽ വിദ്യാർഥി പ്രക്ഷോഭത്തെത്തുടർന്ന് അധികാരം നഷ്ടപ്പെട്ട ഷെയ്ഖ് ഹസീന രണ്ട് വർഷം മുമ്പ് ഇന്ത്യയിലേക്ക് പലായനം ചെയ്തിരുന്നു. പ്രക്ഷോഭകാലത്തെ അടിച്ചമർത്തലുമായി ബന്ധപ്പെട്ട മനുഷ്യരാശിക്കെതിരായ കുറ്റകൃത്യങ്ങളിൽ വിചാരണ ചെയ്യപ്പെട്ട അവർക്ക് ബംഗ്ലാദേശിൽ വധശിക്ഷ വിധിച്ചിരുന്നു. ആരോപണങ്ങൾ ഹസീന നിഷേധിച്ചിട്ടുണ്ട്.
സംഭവവുമായി ബന്ധപ്പെട്ട സിസിടിവി, ഡാഷ്ക്യാം ദൃശ്യങ്ങൾ കൈവശമുള്ളവർ പൊലീസിനെ 101 എന്ന നമ്പറിൽ ബന്ധപ്പെടണമെന്ന് അധികൃതർ അഭ്യർഥിച്ചു. CAD 7004/16NOV എന്ന റഫറൻസ് നമ്പർ നൽകണം. ക്രൈംസ്റ്റോപ്പേഴ്സിനെ 0800 555 111 എന്ന നമ്പറിലും ബന്ധപ്പെടാം.
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages