ഈ വര്ഷത്തെ ക്രിസ്തുമസ് പുതുവത്സര ആഘോഷങ്ങള് അടിച്ചു പൊളിച്ച് ആഘോഷിക്കുവാനും സംഗീതത്തിന്റെയും പൊട്ടിച്ചിരികളുടെയും മായാലോകത്ത് ആര്ത്തുല്ലസിക്കാനും യുകെ മലയാളികള്ക്കായി ഇതാ ഒരു സുവര്ണ്ണാവസരം ഒരുക്കുകയാണ് ഗ്ലോസ്റ്റെര്ഷെയര് മലയാളി അസ്സോസ്സിയേഷന്. കേരളക്കരയിലെ പ്രശസ്തരും പ്രഗത്ഭരുമായ ഏതാനും താരങ്ങള് അണി നിരക്കുന്ന ഒരു സംഗീത ഹാസ്യ നിശായാണ് മ്യൂസിക്കല് കോമഡി ഫിയസ്റ്റ 2016. സിനിമാ സീരിയല് താരം ദിവ്യ വിശ്വനാഥ്, സിനിമാ ടിവി മിമിക്രി കലാകാരായ പ്രശാന്ത് കാഞ്ഞിരമറ്റം, അജീഷ് കോട്ടയം, മുഹമ്മ പ്രസാദ്, ഷിജു അഞ്ചുമന, പ്രശസ്ത പിന്നണി ഗായകരായ ആന് മേരി (ഐഡിയ സ്റ്റാര് സിങ്ങര്), ഷിനോ പോള് തുടങ്ങി ഏഴോളം താരങ്ങളാണ് യു കെ യുടെ മണ്ണില് പറന്നിറങ്ങുന്നത്.
ഈ ഏഴു പേര്ക്കും യുകെയിലേക്ക് വരാനുള്ള വിസിറ്റിംഗ് വിസയും ഇതിനോടകം അടിക്കുകയും ജി എം എ കമ്മിറ്റി അവരുടെ വിസയുടെ കോപ്പി കണ്ടു ബോധ്യപ്പെട്ടിട്ടുമുണ്ട്. പല സ്റ്റേജ് ഷോകളും ആദ്യം വരുമെന്ന് പറയുകയും പിന്നീട് വിസ അടിക്കാതെ റദ്ദാക്കപ്പെട്ടിട്ടുള്ള മുന്കാല അനുഭവം വെച്ച് കൊണ്ടാണ് ജി എം എ അധികാരികള് ഈ ഒരു ഉറപ്പു വരുത്തിയത്.
പഴയതും പുതിയതും ആയ സൂപര് ഹിറ്റ് ഗാനങ്ങളും കലാഭവന് മണി സമര്പ്പണമായൊരുക്കുന്ന നാടന് ഗാനങ്ങളുടെ മിക്സും പുതു പുത്തന് ഹാസ്യ നമ്പറുകളും കോര്ത്തിണക്കിയാണ് മ്യൂസിക്കല് കോമഡി ഫിയസ്റ്റ പ്രേക്ഷക സമക്ഷം എത്തുന്നത്. കൊച്ചിന് പോപ്പിന്സിന്റെ നേതൃത്വത്തില് 2016 ഡിസംബര് അവസാന വാരം മുതല് 2017 ജനുവരി ആദ്യ വാരം വരെ യു കെ യിലെ വിവിധ സ്റ്റേജുകളില് അവതരിക്കപ്പെടുന്ന മ്യൂസിക്കല് കോമഡി ഫിയസ്റ്റ 2016 സംവിധാനം ചെയ്തിരിക്കുന്നത് ശ്രീ. പ്രശാന്ത് കാഞ്ഞിരമറ്റമാണ്.
ദിവ്യ വിശ്വനാഥ്: ഏഷ്യാനെറ് സംപ്രേക്ഷണം ചെയ്തു കൊണ്ടിരിക്കുന്ന സ്ത്രീധനം പരമ്പരയിലെ ദിവ്യ എന്ന കഥാപാത്രത്തിലൂടെ പ്രേക്ഷക മനസ്സില് നിറഞ്ഞു നില്ക്കുന്ന ഈ അഭിനേത്രിക്കു ഒരു ആമുഖത്തിന്റെ ആവശ്യകത തന്നെ വേണ്ടി വരില്ല. വേളാങ്കണ്ണി മാതാവ് എന്ന സീരിയല് മുതല് മലയാളി മനസ്സുകള് ഇരു കൈയും നീട്ടി സ്വീകരിച്ച താരമാണ് ദിവ്യ. അമ്മത്തൊട്ടില്, മറ്റൊരുവന് തുടങ്ങിയ സൂര്യ ടി വി മലയാളം പരമ്പരകള് മാത്രമല്ല ഒട്ടനവധി തമിഴ് പരമ്പരകളിലൂടെയും മലയാളം തമിഴ് ചലച്ചിത്രങ്ങളിലൂടെയും ജനപ്രീതി നേടിയെടുക്കുവാന് ദിവ്യക്കു കഴിഞ്ഞിട്ടുണ്ട്. ഏറ്റവും മികച്ച നടിക്കുള്ള ഏഷ്യാനെറ് ടെലിവിഷന് അവാര്ഡുകളടക്കം നിരവധി പുരസ്കാരങ്ങള് കരസ്ഥമാക്കിയിട്ടുള്ള ദിവ്യ ചന്ദ്രനിലേക്കൊരു വഴി, ഇന്ദ്രജിത്, പുലിവേഷം (തമിഴ്), ഹസ്ബന്ഡ്സ് ഇന് ഗോവ, റോക്സ്റ്റാര് തുടങ്ങിയ ചിത്രങ്ങളിലൂടെയും പ്രേക്ഷകര്ക്ക് പ്രിയങ്കരിയാണ്.
പ്രശാന്ത് കാഞ്ഞിരമറ്റം: സ്റ്റേജ് ഷോ പ്രേക്ഷകര്ക്കു പ്രത്യേക ആമുഖത്തിന്റെ ആവശ്യകത വേണ്ടാത്ത താരം. കൈരളി ടി വി യില് ഒന്പതു വര്ഷക്കാലം വളരെ വിജയകരമായി സംപ്രേക്ഷണം ചെയ്ത ‘ജഗതി ജഗതിമയം’ എന്ന പരിപാടിയുടെ അവതാരകന്. റിഥം എന്ന ചലച്ചിത്രത്തിലൂടെ നായകനായി അരങ്ങേറ്റം കുറിച്ച് നിന്നിഷ്ടം എന്നിഷ്ടം 2, ഏയ്ഞ്ചല് ജോണ്, സീനിയര് മാന്ഡ്രേക്, ലെഫ്റ്റ് റൈറ്റ് ലെഫ്റ്റ്, നവാഗതര്ക്ക് സ്വാഗതം, പറയാന് ബാക്കി വെച്ചത്, ആട് ഒരു ഭീകര ജീവിയാണ് തുടങ്ങിയ ചലച്ചിത്രങ്ങളിലൂടെയും ജനശ്രദ്ധേയനായ നടന്. ജഗതി ശ്രീകുമാര് അപകടത്തിന് മുന്പ് അഭിനയിച്ച പറുദീസ അടക്കം നാല് ചിത്രങ്ങള്ക്ക് ജഗതിയുടെ ശബ്ദം നല്കിയിരിക്കുന്നതും പ്രശാന്താണ്. വിദേശ രാജ്യങ്ങളടക്കം നിരവധി സ്റ്റേജ് പ്രോഗ്രാമുകളുടെ സജീവ സാന്നിധ്യമായ പ്രശാന്ത് മികച്ച ഒരു ഗായകനും കൂടിയാണ്.
അജീഷ് കോട്ടയം: സ്റ്റേജ് പ്രോഗ്രാമുകളിലൂടെയും ദൃശ്യ മാധ്യമങ്ങളിലെ കോമഡി പരിപാടികളിലൂടെയും കുടിയന് കഥാപാത്രങ്ങളെ അവതരിപ്പിച്ച് കൈയ്യടി നേടിയ കലാകാരന്. ഏഷ്യാനെറ്റ് സിനിമാല, ഫൈവ് സ്റ്റാര് തട്ടുകട, ഷാപ്പിലെ കറിയും നാവിലെ രുചിയും, ഫ്ളവേഴ്സ് ടി വി യില് സംപ്രേക്ഷണം ചെയ്യുന്ന നാടോടിക്കാറ്റ് തുടങ്ങിയ ജനപ്രിയ പ്രോഗ്രാമുകളിലൂടെയും ഓഫ് ദി പീപ്പിള്, അണ്ണാറക്കണ്ണനും തന്നാലായത് , പിഗ്മാന്, തത്സമയം ഒരു പെണ്കുട്ടി തുടങ്ങിയ ചലച്ചിത്രങ്ങളിലൂടെയും ജനശ്രദ്ധ നേടിയ അനുകരണ കലയിലെ അനുഗ്രഹീത പ്രതിഭ. പുതു പുത്തന് രസക്കാഴ്ചകളുമായി പ്രേക്ഷകരെ ചിരിപ്പിക്കാന് അനീഷുമുണ്ട് മ്യൂസിക്കല് കോമഡി ഫിയസ്റ്റ 2016 -ല്.
പ്രസാദ് മുഹമ്മ: ഇരുപത്തിയഞ്ചു വര്ഷക്കാലമായി മിമിക്രി രംഗത്തെ സജീവ സാന്നിധ്യം. ഹാസ്യാവതരണത്തില് തനതു ശൈലി സ്വന്തമാക്കിയ അതുല്യ പ്രതിഭ. ഏഷ്യാനെറ്റ് വിജയകരമായി സംപ്രേക്ഷണം ചെയ്തു കൊണ്ടിരിക്കുന്ന വൊഡാഫോണ് കോമഡി സ്റ്റാറിലെ ടീം ബ്ളാക് ആന്ഡ് വൈറ്റിലുടെയും ഫ്ളവേഴ്സ് ടി വി യിലെ കോമഡി സൂപ്പര് നെറ്റിലൂടെയും ജനമസ്സുകളേറ്റുവാങ്ങിയ പ്രകടനങ്ങളിലൂടെ ചിര പരിചിതനായ താരം. വിദേശ രാജ്യങ്ങളടക്കം നിരവധി സ്റ്റേജ് ഷോകളിലൂടെയും ദൃശ്യ മാധ്യമങ്ങളിലൂടെയും പ്രിയങ്കരനായ പ്രസാദ് മുഹമ്മയുടെ സാന്നിധ്യം ഈ പരിപാടിയുടെ മാറ്റ് കൂട്ടും എന്ന കാര്യത്തില് ഒരു സംശയവുമില്ല.
ഷിജു അഞ്ചുമന: വര്ഷാവര്ഷം ഓണക്കാലങ്ങളില് പുറത്തിറങ്ങുന്ന ഓണത്തിനിടക്ക് പൂട്ടുകച്ചവടം എന്ന സൂപര് ഹിറ്റ് കോമഡി പാരഡി ആല്ബത്തിന്റെ രചയിതാവും സംവിധായകനുമായ അത്ഭുത പ്രതിഭ. കൊച്ചിന് ഗിന്നസ്, കൊച്ചിന് നവോദയ, കൊച്ചിന് പോപ്പിന്സ് തുടങ്ങിയ മിമിക്രി സമിതികളുടെ തിരക്കഥാകൃത്തും നടനും കൂടിയായ ഈ കലാകാരന് മികച്ച ഒരു ഗായകന് കൂടിയാണ്. നാടന് പാട്ടുകളും പാരഡി ഗാനങ്ങളും അനായാസേന കൈകാര്യം ചെയ്യുന്ന ഷിജുവിലൂടെ നമുക്ക് കലാഭവന് മണിയേയും അനുസ്മരിക്കാം.
ആന് മേരി: ഏഷ്യാനെറ് ഐഡിയ സ്റ്റാര് സിംഗറിലൂടെ പ്രിയങ്കരിയായ ഈ കലാകാരി കേരളത്തിലെ പ്രശസ്ത ഗാനമേള ഗ്രൂപ്പുകളിലൂടെ കേരളത്തിനകത്തും പുറത്തും വിദേശരാജ്യങ്ങളിലും നിരവധി തവണ പരിപാടികള് അവതരിപ്പിച്ച് ജനശ്രദ്ധ നേടിക്കഴിഞ്ഞു. എല്ലാത്തരം ഗാനങ്ങളും അനായാസേന കൈകാര്യം ചെയ്യുന്ന ആന് മേരി മ്യൂസിക്കല് കോമഡി ഫിയസ്റ്റയിലൂടെ പ്രേക്ഷക മനസ്സുകളെ ഇളക്കി മരിക്കുമെന്നതില് തെല്ലും സംശയിക്കാനില്ല. പ്രേക്ഷകര്ക്ക് പ്രിയങ്കരിയായ ഈ കലാകാരിയുടെ ശബ്ദ സൗകുമാര്യം യു കെ യിലെ സ്റ്റേജുകളില് അലയടിക്കുക തന്നെ ചെയ്യും.
ഷിനോ പോള്: കേരളക്കരയിലെ സംഗീതാസ്വാദകര്ക്കു പ്രിയങ്കരനായ കലാകാരന്. ഏഷ്യാനെറ്റ് സംപ്രേക്ഷണം ചെയ്ത മ്യൂസിക് ഇന്ത്യ എന്ന ബാന്ഡ് സംഗീത റിയാലിറ്റി ഷോയിലൂടെ ജഡ്ജസിന്റെയും പ്രേക്ഷകരുടെയും മുക്തകണ്ഠമായ പ്രശംസക്ക് പാത്രമായ ഗായകന്. കൈരളി ടി വി യില് സംപ്രേക്ഷണം ചെയ്ത സ്കൂള് ബസ് എന്ന പരിപാടിയിലൂടെയും ജനം ടി വി യിലെ പിന് നിലാവ് എന്ന സംഗീത പരിപാടിയിലൂടെയും പ്രേക്ഷക ശ്രദ്ധ ഏറ്റു വാങ്ങി വേദികളില് നിന്നും വേദികളിലേക്ക് ജൈത്ര യാത്ര നടത്തുന്ന ഈ കലാകാരന് യു കെ യിലെ വേദികളെയും പിടിച്ചുലക്കാനായിരിക്കും പറന്നിറങ്ങുന്നത്.
യു കെ മലയാളികള്ക്കായി ഗ്ലോസ്റ്റെര്ഷെയര് മലയാളി അസ്സോസ്സിയേഷന് ഒരുക്കുന്ന ഈ മ്യൂസിക്കല് കോമഡി ഫിയസ്റ്റ -2016 വളരെ ചുരുക്കം സ്റ്റേജുകളില് മാത്രമായിരിക്കും അവതരിപ്പിക്കുന്നത്. കേരളത്തിലും വിദേശത്തും നിറയെ പരിപാടികളുമായി ഓടി നടക്കുന്ന ഈ സംഘം വ്യത്യസ്തവും ഏറെ ആസ്വാദജനകവുമായ ഒരു അടിപൊളി പരിപാടിയാണ് ഉറപ്പു നല്കുന്നത്ഈ. സ്റ്റേജ് ഷോ ബുക്ക് ചെയ്യുന്നതിനും ഇതുമായി ബന്ധപ്പെട്ട വിവരങ്ങള് അറിയുന്നതിനും ഗ്ലോസ്റ്റെര്ഷെയര് മലയാളി അസ്സോസ്സിയേഷന് സെക്രട്ടറി ശ്രീ. എബിന് ജോസുമായി ബന്ധപ്പെടാവുന്നതാണ്.
എബിന് ജോസ് – 07506926360
ടോം ശങ്കൂരിക്കല്
Latest News:
![ഇന്ത്യൻ ഓവർസീസ് കോൺഗ്രസ് (ഐ ഒ സി) സംഘടിപ്പിച്ച ഉമ്മൻ ചാണ്ടി അനുസ്മരണം വികാരോജ്വലമായി; സമ്മേളനം പ്രത...](https://uukmanews.com/wp-content/uploads/2024/07/IMG_9927-281x200.jpeg)
ഇന്ത്യൻ ഓവർസീസ് കോൺഗ്രസ് (ഐ ഒ സി) സംഘടിപ്പിച്ച ഉമ്മൻ ചാണ്ടി അനുസ്മരണം വികാരോജ്വലമായി; സമ്മേളനം പ്രത...
യൂറോപ്പ്: ഇന്ത്യൻ ഓവർസീസ് കോൺഗ്രസ് ജർമ്മനി, യു കെ, അയർലണ്ട്, ഓസ്ട്രിയ, സ്വിറ്റ്സർലൻഡ്, പോളണ്ട് യൂണ...
Associations
![ഒറ്റപ്പെട്ട സ്ത്രീകൾക്ക് കൈത്താങ്ങായി വേൾഡ് പീസ് മിഷൻ](https://uukmanews.com/wp-content/uploads/2024/07/IMG_9926-300x180.jpeg)
ഒറ്റപ്പെട്ട സ്ത്രീകൾക്ക് കൈത്താങ്ങായി വേൾഡ് പീസ് മിഷൻ
തിരുവനന്തപുരം :സ്ത്രീശാക്തീകരണം ലക്ഷ്യമാക്കി വേൾഡ് പീസ് മിഷൻ തിരുവനന്തപുരം ജില്ലാ കമ്മിറ്റി രൂപീകരി...
Associations
![ഒന്നാമത് റോയൽസ് കപ്പിൽ മുത്തമിട്ടു ഗ്ലോസ്റ്റർ ടൈറ്റൻസ്](https://uukmanews.com/wp-content/uploads/2024/07/3561e217-f557-4c43-baa2-3fff628165c2-268x200.jpeg)
ഒന്നാമത് റോയൽസ് കപ്പിൽ മുത്തമിട്ടു ഗ്ലോസ്റ്റർ ടൈറ്റൻസ്
Gloucestershire കൗണ്ടിയിലുള്ള ക്രിക്കറ്റിനെ സ്നേഹിക്കുന്ന ഒരു കൂട്ടം യുവാക്കളെ അണിനിരത്തി കൊണ്ട് സ്...
Sports
![”All at One Place” ഓഫറും ആയി വീണ്ടും ഉഴവൂർ സംഗമം സംഘാടകർ. ഒക്ടോബർ 25, 26 ന് നടക്കുന്ന സംഗമത്തിന് ബുക...](https://uukmanews.com/wp-content/uploads/2024/07/ccba8a84-79f9-406c-bc5d-97277987fc53-267x200.jpeg)
”All at One Place” ഓഫറും ആയി വീണ്ടും ഉഴവൂർ സംഗമം സംഘാടകർ. ഒക്ടോബർ 25, 26 ന് നടക്കുന്ന സംഗമത്തിന് ബുക...
ഒക്ടോബർ 25, 26 തിയ്യതികളിൽ ലണ്ടനിൽ നടക്കുന്ന “ലണ്ടൻ 2024 ഉഴവൂർ സംഗമ”ത്തിനായുള്ള ഒരുക്കങ്ങൾ പൂർത്തിയ...
Associations
![2001-ലെ മിസ് കേരളാ മത്സരത്തിൽ കൈവിട്ടുപോയ കിരീടം 2024 യുകെയിൽ മിസ്സിസ് ഇന്ത്യ ഗ്രേറ്റ് ബ്രിട്ടൺ ജേത...](https://uukmanews.com/wp-content/uploads/2024/07/IMG_9912-300x200.jpeg)
2001-ലെ മിസ് കേരളാ മത്സരത്തിൽ കൈവിട്ടുപോയ കിരീടം 2024 യുകെയിൽ മിസ്സിസ് ഇന്ത്യ ഗ്രേറ്റ് ബ്രിട്ടൺ ജേത...
മിസിസ് ഇന്ത്യ ഗ്രേറ്റ് ബ്രിട്ടൺ 2024 -ദീപ്തി വിജയൻ(സ്റ്റാഫ്ഫോർഡ്)കലാഭവൻ ലണ്ടൻ സംഘടിപ്പിച്ച THE GR...
Associations
![വാറ്റ്ഫോർഡിൽ ഒഐസിസി സംഘടിപ്പിച്ച ഉമ്മൻ ചാണ്ടി സ്നേഹോഷ്മള അനുസ്മരണം വികാരോജ്വലവും ആദരാർച്ചനയുമായി](https://uukmanews.com/wp-content/uploads/2024/07/IMG_9873-267x200.jpeg)
വാറ്റ്ഫോർഡിൽ ഒഐസിസി സംഘടിപ്പിച്ച ഉമ്മൻ ചാണ്ടി സ്നേഹോഷ്മള അനുസ്മരണം വികാരോജ്വലവും ആദരാർച്ചനയുമായി
റോമി കുര്യാക്കോസ്
വാറ്റ്ഫോർഡ്: പൊതുജന സേവകനും, മികച്ച ഭരണാധികാരിയും, കാരുണ്യനിധിയുമായിരുന്ന അന്...
Latest News
![ഐ ഒ സി സംഘടിപ്പിക്കുന്ന ഉമ്മൻ ചാണ്ടി അനുസ്മരണം ജൂലൈ 20, ശനിയാഴ്ച; സമ്മേളനം ബഹു. പ്രതിപക്ഷ നേതാവ് വി ...](https://uukmanews.com/wp-content/uploads/2024/07/IMG_9853-158x200.jpeg)
ഐ ഒ സി സംഘടിപ്പിക്കുന്ന ഉമ്മൻ ചാണ്ടി അനുസ്മരണം ജൂലൈ 20, ശനിയാഴ്ച; സമ്മേളനം ബഹു. പ്രതിപക്ഷ നേതാവ് വി ...
റോമി കുര്യാക്കോസ്
യൂറോപ്പ്: കേരള രാഷ്ട്രീയത്തിലെ ജനകീയ മുഖവും സൗമ്യതയുടേയും ജനപ്രീയതയുടെയും പ്രത...
Associations
![കേരളപ്പിറവിദിനത്തോടനുബന്ധിച്ചു ഈ നവംബറിൽ ലണ്ടനിൽ 'മലയാളോത്സവം 2024' സംഘടിപ്പിക്കുന്നു](https://uukmanews.com/wp-content/uploads/2024/07/IMG_9840-254x200.jpeg)
കേരളപ്പിറവിദിനത്തോടനുബന്ധിച്ചു ഈ നവംബറിൽ ലണ്ടനിൽ 'മലയാളോത്സവം 2024' സംഘടിപ്പിക്കുന്നു
മുരളീ മുകുന്ദൻ
അനേകം മലയാള കലാസാഹിത്യ പ്രതിഭകളാൽ സമ്പന്നമായ യു.കെയിൽ വീണ്ടുമൊരു എഴുത്തുകാരുടെ സം...
Associations
click on malayalam character to switch languages