1 GBP = 110.75
Logo
breaking news

വയനാടിന് വേണ്ടി സഹായഹസ്തം അഭ്യർത്ഥിച്ച് യുക്മ ചാരിറ്റി ഫൗണ്ടേഷൻ…… മിനിമം ഒരു പൗണ്ടെങ്കിലും സംഭാവന ചെയ്യാൻ ആഹ്വാനം ചെയ്തുകൊണ്ട് യുക്മ ദേശീയ സമിതി

  • Aug 02, 2024
വയനാടിന് വേണ്ടി സഹായഹസ്തം അഭ്യർത്ഥിച്ച് യുക്മ ചാരിറ്റി ഫൗണ്ടേഷൻ…… മിനിമം ഒരു പൗണ്ടെങ്കിലും സംഭാവന ചെയ്യാൻ ആഹ്വാനം ചെയ്തുകൊണ്ട് യുക്മ ദേശീയ സമിതി

അലക്സ് വർഗ്ഗീസ്
(യുക്മ നാഷണൽ പി ആർ ഒ & മീഡിയ കോർഡിനേറ്റർ)

കേരളം ഇന്നേവരെ കണ്ടിട്ടില്ലാത്ത ഏറ്റവും വലിയ പ്രകൃതി ദുരന്തമായ വയനാട് ദുരന്തത്തിൽ ജീവൻ നഷ്ടപ്പെട്ട പ്രിയ സോദരർക്ക് യുക്മ ദേശീയ സമിതിയുടെ കണ്ണീരിൽ കുതിർന്ന ആദരാഞ്ജലികൾ. ഇന്നലെ യുക്മ പ്രസിഡൻറ് ഡോ.ബിജു പെരിങ്ങത്തറയുടെ അദ്ധ്യക്ഷതയിൽ കൂടിയ അടിയന്തിര യുക്മ ദേശീയ സമിതി യോഗത്തിൽ സാധ്യമായ എല്ലാ സഹായവും നൽകാൻ തീരുമാനിച്ചു.

വയനാട് ദുരന്തത്തിന്റെ ആഘാതം വാക്കുകൾക്കതീതമാണ്. മനുഷ്യൻ്റെ ഉള്ളുലയ്ക്കുന്ന കാഴ്ചകളാണ് ദുരന്ത ഭൂമിയിലെമ്പാടും. പ്രകൃതി സംഹാര താണ്ഡവമാടിയ വയനാട്ടിലെ ദുരന്ത ഭൂമിയിൽ അവശേഷിക്കുന്ന നമ്മുടെ സഹോദരങ്ങൾക്ക് ഒരു കൈത്താങ്ങാകുവാൻ നമുക്കും ധാർമ്മികമായ ബാദ്ധ്യതയുണ്ട്. ദുരന്തത്തിന് ഇരയായവർക്ക് സാധനങ്ങളെക്കാൾ, പുനരധിവാസത്തിനുള്ള പിന്തുണയാണ് നമ്മൾ നൽകേണ്ടത്. ഇക്കാര്യത്തിന് ഒരു ഫണ്ട് ശേഖരണം യുക്മ ചാരിറ്റിയുടെ നേതൃത്വത്തിൽ ആരംഭിക്കുകയാണ്.

യുക്മ ആരംഭിച്ചിരിക്കുന്ന ഫണ്ട് ശേഖരത്തിൽ സഹകരിക്കുവാൻ താല്പര്യമുള്ളവർ ഈ ലിങ്കിലൂടെ പണം അയക്കാവുന്നതാണ്.

കേരളം ഇന്നേവരെ കണ്ടിട്ടില്ലാത്ത സമാനതകളില്ലാത്ത ഏറ്റവും വലിയ പ്രകൃതിദുരന്തത്തിൽ വിറങ്ങലിച്ചു നിൽക്കുന്ന വയനാട്ടിൽ എല്ലാം നഷ്ടപ്പെട്ടവർക്കായുള്ള പുനരധിവാസത്തിനായി ഫണ്ട് ശേഖരണം നടത്താൻ ഇന്നലെ അടിയന്തിരമായി ചേർന്ന ദേശീയ സമിതി യോഗം തീരുമാനിച്ചു.

യുക്മ ചാരിറ്റി ഫൗണ്ടേഷൻ്റെ ആഭിമുഖ്യത്തിൽ നടത്തുന്ന ഫണ്ട് ശേഖരണത്തിൽ യുക്മ റീജിയണൽ കമ്മിറ്റികളുടെയും അംഗ അസോസിയേഷനുകളുടേയും യു കെ മലയാളികളുടേയും മറ്റെല്ലാ സുമനസുകളുടേയും സഹകരണം തേടിക്കൊണ്ട് ഫണ്ട് ശേഖരിക്കാനാണ് ദേശീയ സമിതി യോഗം തീരുമാനിച്ചത്.

2018 ലെ പ്രളയത്തിൽ എല്ലാം നഷ്ടപ്പെട്ടവർക്കായി യുക്മ അംഗ അസോസിയേഷനുകളുടെ സഹകരണത്തോടെ നടത്തിയ ഫണ്ട് ശേഖരണത്തിൽ ലഭിച്ച തുക ഉപയോഗിച്ച് പത്തോളം വീടുകൾ അർഹരായ ആളുകൾക്ക് പണിയിപ്പിച്ചു നൽകാനായത് അഭിമാനാർഹമാണ്. വീടുകൾക്ക് അർഹരായവരെ നിശ്ചയിച്ചത് പ്രാദേശീക പഞ്ചായത്തുകളിൽ നിന്നും ലഭിച്ച ലിസ്റ്റിൽ നിന്നും ഏറ്റവും പാവപ്പെട്ടവരും അർഹരുമായവർക്കാണ് നമ്മൾ നൽകിയത്.

ഒരോരുത്തർക്കും നൽകാൻ കഴിയുന്ന പരമാവധി തുക ഇതിനായി രൂപീകരിച്ചിരിക്കുന്ന ലിങ്കിലൂടെ നൽകി ഈ മാനുഷിക പുണ്യകർമ്മത്തിൽ പങ്കാളികളാകാൻ യുക്മ ദേശീയ സമിതി ആഹ്വാനം നൽകുകയാണ്. കൂടുതൽ തുകകൾ സംഭാവന ചെയ്യുവാൻ സാധിക്കാത്തവർ, വിദ്യാർത്ഥികൾ തുടങ്ങിയവർ മിനിമം ഒരു പൗണ്ടെങ്കിലും സംഭാവന ചെയ്യുവാൻ താല്പര്യം കാണിക്കണമെന്ന് യുക്മ ദേശീയ സമിതിക്കു വേണ്ടി പ്രസിഡന്റ് ഡോ.ബിജു പെരിങ്ങത്തറ, സെക്രട്ടറി കുര്യൻ ജോർജ് എന്നിവർ യുകെ മലയാളി സമൂഹത്തോട് അഭ്യർത്ഥിച്ചു.

യുക്മ ആരംഭിച്ചിരിക്കുന്ന ഫണ്ട് ശേഖരത്തിൽ സഹകരിക്കുവാൻ താല്പര്യമുള്ളവർ ഈ ലിങ്കിലൂടെ പണം അയക്കാവുന്നതാണ്.
https://gofund.me/6dc0d036

Latest News:

Post Your Comments Here ( Click here for malayalam )

Press Esc to close

click on malayalam character to switch languages

other news

1 2 3 … 3,772
More Videos
More Gallery
മാഞ്ചസ്റ്റർ മലയാളി സിറിൾ മാത്യുവിൻ്റെ പിതാവ് മാത്യു നിര്യാതനായി…. സംസ്കാരം ഇന്ന്

Latest Updates

show more

uukma special

show more