1 GBP = 113.99

ഭാഷാവൈവിധ്യം ഭാരതത്തിന്‍റെ അഭിമാനം: വി.മുരളീധരൻ

ഭാഷാവൈവിധ്യം ഭാരതത്തിന്‍റെ അഭിമാനം: വി.മുരളീധരൻ

ഭാഷാ വൈവിധ്യം ഭാരതത്തിന്‍റെ അഭിമാന ഘടകമെന്ന് കേന്ദ്രവിദേശകാര്യസഹമന്ത്രി വി.മുരളീധരൻ. ഏകഭാഷാവിവാദം കത്തിനിൽക്കെയാണ് കേരളപ്പിറവി ദിനത്തിൽ മന്ത്രി ഫേസ്ബുക്കിൽ നിലപാട് കുറിച്ചത്. മാതൃഭാഷ എന്നത് ഏതൊരു മനുഷ്യന്‍റെയും ഹൃദയഭാഷയാണ്. ഓരോ ഇന്ത്യൻ ഭാഷയും രാജ്യത്തിന്‍റെ ആത്മാഭിമാനത്തിന്‍റെ ഭാഗമാണെന്ന് പ്രധാനമന്ത്രി തന്നെ വിശദീകരിച്ചിട്ടുണ്ടെന്നും വി.മുരളീധരൻ കേരളപ്പിറവി ദിനത്തിലെ ആശംസാക്കുറിപ്പിൽ വ്യക്തമാക്കി.

‘കേരളാമോഡൽ ‘ ജീർണതകളിൽ നിന്ന് ഉയർത്തെഴുന്നേൽക്കണമെന്നും കേന്ദ്രമന്ത്രി പറഞ്ഞു. ആത്മനിർഭരതയുടെ കാലത്ത് സ്വാശ്രയത്വത്തിലൂന്നി മുന്നേറാൻ കേരളത്തിനാകണം. സംസ്ഥാനത്തിന്‍റെ സാധ്യതകളെ പരമാവധി പ്രയോജനപ്പെടുത്താൻ ഒത്തൊരുമിച്ച് പ്രവർത്തിക്കാമെന്നും വി.മുരളീധരൻ പറഞ്ഞു. അഴിമതിയും സ്വജനപക്ഷപാതവുമായി ഭരണം മാറിയെന്നും സ്ത്രീസുരക്ഷ വാക്കിലൊതുങ്ങിയെന്നും മന്ത്രി വിമർശിച്ചു. ലഹരിക്കെതിരായ പ്രതിരോധം ശക്തിപ്പെടുത്തണമെന്നും വി.മുരളീധരൻ പ്രതികരിച്ചു.

Latest News:

Post Your Comments Here ( Click here for malayalam )

Press Esc to close
show more