- ഇടുക്കിയിൽ അനധികൃതമായി കരിങ്കല്ല് കടത്തൽ; ടിപ്പർ ലോറികൾ പിടികൂടി പൊലീസ്
- കെഎസ്യുവിൽ കൂട്ട നടപടി; ജില്ലാ പ്രസിഡന്റ് അടക്കം മൂന്നുപേർക്ക് സസ്പെൻഷൻ
- ജബൽപൂരിൽ ക്രൈസ്തവർക്ക് നേരെയുണ്ടായ ആക്രമണം; പാർലമെന്റിന് പുറത്ത് പ്രതിഷേധിച്ച് കോൺഗ്രസ് എംപിമാർ
- പ്രായപരിധി നിബന്ധന ഒഴിവാക്കണം; സിപിഐഎം പാർട്ടി കോൺഗ്രസിൽ ആവശ്യവുമായി സംസ്ഥാന ഘടകങ്ങൾ
- വീണ്ടും സിനിമയിലേക്ക് നീളുന്ന ലഹരിയുടെ കണ്ണികള്
- സുപ്രിംകോടതി ജഡ്ജിമാർ സ്വത്ത് വിവരങ്ങള് വെളിപ്പെടുത്തും
- വഖഫ് ബില്ല് രാജ്യസഭയിൽ അവതരിപ്പിച്ചു
കേരള സർക്കാരിന്റെ പ്രഥമ കണിക്കൊന്ന പുരസ്കാരം മലയാളം മിഷൻ യുകെ ചാപ്റ്ററിന്; പ്രവർത്തന മികവിന് ലഭിച്ച അംഗീകാരം ഭാഷാസ്നേഹികളോടൊപ്പം ഹൃദയത്തോട് ചേർത്തുവയ്ക്കുന്നുവെന്ന് പ്രസിഡന്റ് സി എ ജോസഫ്
- Feb 20, 2022

സുജു ജോസഫ്
ലണ്ടൻ: കേരള സർക്കാരിന്റെ പ്രഥമ കണിക്കൊന്ന പുരസ്കാരം മലയാളം മിഷൻ യുകെ ചാപ്റ്ററിന് ലഭിച്ചു. ലോകമെമ്പാടും മലയാള ഭാഷ പ്രചരിപ്പിക്കുന്നതിന്റെ ഭാഗമായി സാംസ്കാരിക വകുപ്പിന് കീഴിൽ പ്രവർത്തിക്കുന്ന മലയാളം മിഷൻ നൽകുന്ന പ്രഥമ പുരസ്കാരമാണ് യുകെ ചാപ്റ്ററിന് ലഭിച്ചത്. മലയാളം മിഷന്റെ വിവിധ ചാപ്റ്ററുകളിൽ നിന്ന് സ്തുത്യർഹമായ പ്രവർത്തനങ്ങൾ നടത്തിയ യുകെ ഘടകം 2021 ജനുവരി മുതൽ ഡിസംബർ 31 വരെയുള്ള ഒരു വർഷത്തെ കാലയളവിൽ നടത്തിയ പ്രവർത്തനങ്ങൾ ഏറെ ശ്രദ്ധയാകർഷിച്ചിരുന്നു.
സാംസ്കാരിക വകുപ്പ് മന്ത്രി സജി ചെറിയാന് നടത്തിയ വാർത്താസമ്മേളനത്തിലാണ് അവാർഡുകൾ പ്രഖ്യാപിച്ചത്. കണിക്കൊന്ന പുരസ്കാരത്തിന് പുറമേ മലയാള ഭാഷയെ സാങ്കേതികവിദ്യാ സൗഹൃദമാക്കുന്നതിനു നൂതന ആശയം ആവിഷ്കരിച്ച് അവതരിപ്പിക്കുന്ന വ്യക്തികള്ക്കോ സ്ഥാപനങ്ങള്ക്കോ ലഭിക്കുന്ന പുരസ്കാരമായ ഭാഷാ പ്രതിഭാ പുരസ്കാരത്തിന് അധ്യാപകനായ പ്രവീണ് വര്മ്മ എം കെയും അര്ഹനായി. ഭാഷയുടെ പ്രചാരത്തിനും വളര്ച്ചയ്ക്കും മികച്ച സംഭാവന നല്കിയ പ്രവാസ സംഘടനയ്ക്കുള്ള പ്രഥമ സുഗതാഞ്ജലി പ്രവാസി പുരസ്കാരത്തിന് ബറോഡ കേരള സമാജവും അര്ഹമായി.
ലോക മാതൃഭാഷാദിനമായ ഫെബ്രുവരി 21ന് തിരുവനന്തപുരം അയ്യങ്കാളി ഹാളില് ഉച്ചയ്ക്ക് 12 മണിക്ക് നടക്കുന്ന മലയാണ്മ 2022 മുഖ്യമന്ത്രി പിണറായി വിജയന് ഉദ്ഘാടനം ചെയ്യുകയും പ്രഥമ കണിക്കൊന്ന പുരസ്ക്കാരം സമ്മാനിക്കുകയും ചെയ്യും. ഭാഷാപ്രതിഭാപുരസ്ക്കാരം ഗതാഗത വകുപ്പ് മന്ത്രി അഡ്വ. ആന്റണി രാജു നല്കും. പ്രഥമ സുഗതാഞ്ജലി പ്രവാസി പുരസ്ക്കാരം ധനമന്ത്രി കെ എന് ബാലഗോപാല് സമ്മാനിക്കും. സാംസ്കാരിക കാര്യ വകുപ്പ് മന്ത്രി സജി ചെറിയാന് അധ്യക്ഷത വഹിക്കുന്ന ചടങ്ങില് പ്രതിപക്ഷ നേതാവ് വി ഡി സതീശന് വിശിഷ്ടാതിഥിയും വിദ്യാഭ്യാസ മന്ത്രി വി ശിവന്കുട്ടി മുഖ്യാതിഥിയുമായി പങ്കെടുക്കും. ചടങ്ങില് ശശി തരൂര് എംപി, മേയര് ആര്യ രാജേന്ദ്രന്, സാംസ്കാരിക കാര്യ പ്രിന്സിപ്പല് സെക്രട്ടറി റാണി ജോര്ജ് ഐഎഎസ്, നോര്ക്ക വൈസ് ചെയര്മാന് പി ശ്രീരാമകൃഷ്ണന്, കവി കെ. ജയകുമാര് (ഡയറക്ടര് ഐ.എം.ജി.), പ്രൊഫ. വി. മധുസൂദനന് നായര് (മലയാളം മിഷന് ഭരണസമിതി അംഗം), മലയാളം മിഷന് ഡയറക്ടര് മുരുകന് കാട്ടാക്കട എന്നിവരും പങ്കെടുക്കും.

യുകെ ചാപ്റ്ററിന് ലഭിച്ച പുരസ്കാരം സെക്രട്ടറി എബ്രഹാം കുര്യൻ ഏറ്റു വാങ്ങും. ഒരു ലക്ഷം രൂപയും പ്രശസ്തി പത്രവുമടങ്ങുന്നതാണ് പുരസ്കാരം. പ്രവർത്തന മികവിന് ലഭിച്ച അംഗീകാരം ഭാഷാസ്നേഹികളോടൊപ്പം ഹൃദയത്തോട് ചേർത്തുവയ്ക്കുന്നുവെന്ന് പ്രസിഡന്റ് സി എ ജോസഫ് ഇന്നലെ എഴുതിയ ഫേസ് കുറിപ്പിലൂടെ വ്യക്തമാക്കുന്നു. യുകെ മലയാളികളുടെ ദേശീയ സംഘടനായായ യുക്മയുടെ യുക്മ സാംസ്കാരിക വേദിയുടെ രക്ഷാധികാരിയായും മികച്ച സംഘാടകനായും അറിയപ്പെടുന്ന സി എ ജോസഫ് 2020 നവംബറിലാണ് മലയാളം മിഷന് യുകെ ചാപ്റ്റര് പ്രസിഡണ്ട് ആയി നിയമിതനായത്. യുകെയിലെ വളര്ന്നു വരുന്ന കുട്ടികളില് മലയാള ഭാഷയും സംസ്കാരവും എത്തിക്കുവാനായി ദീര്ഘ വീക്ഷണത്തോടും അതോടൊപ്പം നിശ്ചയദാര്ഢ്യത്തോടും മലയാളം മിഷന് യുകെ ചാപ്റ്റര് ചിട്ടയോടെ കഴിഞ്ഞ വര്ഷം നടത്തിയ എല്ലാ പ്രവര്ത്തനങ്ങള്ക്കും പ്രസിഡന്റ് എന്ന നിലയില് നേതൃത്വം നല്കുവാന് കഴിഞ്ഞത് അഭിമാനമായി കരുതുന്നുവെന്നും ഈ അംഗീകാരം യുകെയിലെ മലയാള ഭാഷാസ്നേഹികളോടൊപ്പം വിനയപൂര്വ്വം ഹൃദയത്തോടപ ചേര്ത്തുവെക്കുന്നുവെന്നും ഇനിയും വരും തലമുറയ്ക്ക് വേണ്ടി കൂടുതല് പ്രവര്ത്തനങ്ങള് നടത്തുവാനുള്ള പ്രചോദനമായി ഈ പുരസ്കാരത്തെ കരുതുന്നുവെന്നും സി. എ ജോസഫ് സൂചിപ്പിച്ചു. സെക്രട്ടറി എബ്രഹാം കുര്യനും യുകെ ചാപ്റ്റർ പ്രവർത്തക സമിതിയംഗങ്ങളും അടങ്ങിയ കമ്മിറ്റിയുടെ കൂട്ടായ പ്രവർത്തനവും പുരസ്കാര നേട്ടത്തിന് പിന്നിലുണ്ടെന്നും അദ്ദേഹം കൂട്ടിച്ചേർത്തു.

2021 ജനുവരി മുതല് ഡിസംബര് വരെയുള്ള കാലയളവില് മലയാളം മിഷന് നടത്തിയിട്ടുള്ള വ്യത്യസ്തങ്ങളായ മുപ്പതോളം പ്രവര്ത്തനങ്ങളും പരിപാടികളും ഉള്പ്പെടുത്തി 9/1/2022ല് മലയാളം മിഷന് നല്കിയ റിപ്പോര്ട്ട് വിലയിരുത്തിയതിന്റെ അടിസ്ഥാനത്തിലാണ് കണിക്കൊന്ന പുരസ്കാരത്തിനായി മലയാളം മിഷന് യുകെ ചാപ്റ്ററിനെ തെരഞ്ഞെടുത്തത്. കവിയും ഗാനരചയിതാവും മലയാളം സര്വ്വകലാശാല മുന് വൈസ് ചാന്സലറും മുന് ചീഫ് സെക്രട്ടറിയുമായ കെ ജയകുമാര് ഐഎഎസ്, പ്രമുഖ സാഹിത്യകാരന് ഡോ ജോര്ജ് ഓണക്കൂര്, കഥാകൃത്തും നോവലിസ്റ്റും മുന് പൊതുവിദ്യാഭ്യാസ ഡയറക്ടറുമായ കെ വി മോഹന്കുമാര് എന്നിവരടങ്ങിയ സമിതിയാണ് പുരസ്കാരങ്ങള് നിര്ണ്ണയിച്ചത്.

സി എ ജോസഫ് പങ്കു വച്ച ഫേസ്ബുക്ക് കുറിപ്പ്
സ്നേഹമുള്ളവരെ,
മലയാളം മിഷൻ യുകെ ചാപ്റ്ററിനെ സംബന്ധിച്ചിടത്തോളം വളരെ അഭിമാനം സമ്മാനിക്കുന്ന ഒരു വാർത്തയാണ് ഇന്ന് ലഭിച്ചത്. കേരള ഗവൺമെന്റിന്റെ മലയാളം മിഷൻ പ്രഖ്യാപിച്ച മൂന്ന് പുരസ്കാരങ്ങളിൽ ഒന്നായ ‘കണിക്കൊന്ന’ പുരസ്ക്കാരം ( ഒരു ലക്ഷം രൂപയും പ്രശസ്തിപത്രവും) മലയാളം മിഷൻ യുകെ ചാപ്റ്ററിനാണ് ലഭിച്ചത് എന്നുള്ള വിവരം ബഹു. സാംസ്കാരിക വകുപ്പ് മന്ത്രി ശ്രീ സജി ചെറിയാൻ ഇന്ന് വാർത്താസമ്മേളനത്തിൽ അറിയിച്ചു.
2021 ജനുവരി ഒന്നു മുതൽ 2021 ഡിസംബർ 31 വരെയുള്ള ഒരു വർഷത്തെ പ്രവർത്തനങ്ങളെ മുൻനിർത്തിയാണ് ഈ പുരസ്കാരം നൽകിയിരിക്കുന്നത്.
കവിയും ഗാനരചയിതാവും മലയാളം സർവ്വകലാശാല മുൻ വൈസ് ചാൻസലറും മുൻ ചീഫ് സെക്രട്ടറിയുമായ കെ ജയകുമാർ ഐഎഎസ്, പ്രമുഖ സാഹിത്യകാരൻ ഡോ ജോർജ് ഓണക്കൂർ, കഥാകൃത്തും നോവലിസ്റ്റും മുൻ പൊതുവിദ്യാഭ്യാസ ഡയറക്ടറുമായ കെ വി മോഹൻകുമാർ എന്നിവരടങ്ങിയ സമിതിയാണ് പുരസ്കാരങ്ങൾ നിർണ്ണയിച്ചത്.
ദീർഘവീക്ഷണത്തോടെയും അതോടൊപ്പം നിശ്ചയദാർഢ്യത്തോടെയും മലയാളം മിഷൻ യുകെ ചാപ്റ്റർ നടത്തിയ എല്ലാ പ്രവർത്തനങ്ങൾക്കും പ്രസിഡന്റ് എന്ന നിലയിൽ നേതൃത്വം നൽകുവാൻ എനിക്ക് ലഭിച്ച അവസരം ഞാൻ അഭിമാനമായി കരുതി വളരെ ആത്മാർത്ഥതയോടെ നിസ്വാർത്ഥമായി പ്രവർത്തിക്കുവാൻ ഞാൻ പരമാവധി പരിശ്രമിച്ചിരുന്നു.
ഈ അംഗീകാരം യുകെയിലെ മലയാള ഭാഷാസ്നേഹികളോടൊപ്പം ഞാൻ വിനയത്തോടെ ഹൃദയത്തോട് ചേർത്തുവെക്കുന്നു.
മലയാളം മിഷൻ യുകെ ചാപ്റ്റർ ഭാരവാഹികളുടെയും പഠന കേന്ദ്രങ്ങളിലെ അധ്യാപകരുടെയും വിദ്യാർഥികളുടെയും രക്ഷിതാക്കളുടെയും കൂട്ടായ സഹകരണത്തിന്റെയും പ്രവർത്തനങ്ങളുടെയും ഫലമായാണ് ഈ അംഗീകാരം നേടുവാൻ കഴിഞ്ഞത്.
50 വിദേശ രാജ്യങ്ങളിലും 24 സംസ്ഥാനങ്ങളിലുമായി മലയാളം മിഷൻ ചാപ്റ്ററുകൾ സജീവമായി പ്രവർത്തിക്കുന്നുണ്ട്. അവരുടെയെല്ലാം പ്രവർത്തനങ്ങളെ ഞങ്ങൾ അഭിനന്ദിക്കുന്നു. 2021 ജനുവരി ഒന്നു മുതൽ 2021 ഡിസംബർ 31 വരെയുള്ള കാലയളവിൽ യുകെയിലെ വളർന്നു വരുന്ന കുട്ടികളിൽ മലയാള ഭാഷയും സംസ്കാരവും എത്തിക്കുവാൻ ഞങ്ങൾ ചിട്ടയോടെ നടത്തിയിട്ടുള്ള പ്രവർത്തനങ്ങൾക്കുള്ള ഒരു അംഗീകാരമായാണ് ഞങ്ങൾ ഈ പുരസ്കാരത്തെ കാണുന്നത്. ഇനിയും വരും തലമുറയ്ക്കുവേണ്ടി കൂടുതൽ പ്രവർത്തനങ്ങൾ നടത്തുവാനുള്ള പ്രചോദനമായും ഞങ്ങൾ ഇതിനെ കരുതുന്നു.
2021 ജനുവരി 1 മുതൽ ഡിസംബർ 31 വരെയുള്ള കാലയളവിൽ മലയാളംമിഷൻ നടത്തിയിട്ടുള്ള വ്യത്യസ്തങ്ങളായ മുപ്പതോളം പ്രവർത്തനങ്ങളും പരിപാടികളും അവയുടെ തെളിവിനായി നൽകിയ വാർത്താ ലിങ്കുകളും ഫോട്ടോകളും ഉൾപ്പെടുത്തി 9 / 1 / 2022ൽ മലയാളം മിഷന് നൽകിയ റിപ്പോർട്ട് വിലയിരുത്തിയതിന്റെ അടിസ്ഥാനത്തിലാണ് കണിക്കൊന്ന പുരസ്കാരത്തിനായി മലയാളം മിഷൻ യുകെ ചാപ്റ്ററിനെ തെരഞ്ഞെടുത്തത്.
മലയാളം മിഷൻ യുകെ ചാപ്റ്ററിൽ യു കെ സൗത്ത് , യു കെ മിഡ്ലാൻഡ്സ്, യുകെ നോർത്ത്, യു കെ സ്കോട്ട്ലൻഡ് , യുകെ യോർക്ക് ഷെയർ ആന്റ് ഹമ്പർ, യു കെ നോർത്തേൺ അയർലൻഡ് എന്നീ 6 മേഖലകളിലായി 49 പഠന കേന്ദ്രങ്ങളും 158 അധ്യാപകരും 927 പഠിതാക്കളും രജിസ്റ്റർ ചെയ്തിട്ടുണ്ട്.
2020 നവംബറിലാണ് മലയാളം മിഷൻ യുകെ ചാപ്റ്റർ പ്രസിഡണ്ടായി എന്ന നിയമിച്ചത്.
കോവിഡ് മഹാമാരിയുടെ വിഷമതകളിലൂടെയും നിയന്ത്രണങ്ങളിലൂടെയും കടന്നുപോയ കാലഘട്ടമായിട്ടും 2021 ജനുവരി മുതൽ ഡിസംബർ 31 വരെയുള്ള കാലയളവിൽ ഏവർക്കും മാതൃകാപരമായ ഒട്ടേറെ കാര്യങ്ങൾ എന്റെ നേതൃത്വത്തിൽ മലയാളം മിഷൻ യുകെ ചാപ്റ്ററിന് നടത്തുവാൻ കഴിഞ്ഞു.
മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ 2021 ൽ നടത്തിയിട്ടുള്ള പ്രധാനപ്പെട്ട ചില പരിപാടികളും അവയ്ക്ക് ഉപോൽബലകമായ ചിത്രങ്ങളും ഒരിക്കൽകൂടി ഈ പുരസ്കാര നിറവിൽ നിങ്ങളെ അറിയിക്കുവാൻ ഞാൻ ആഗ്രഹിക്കുന്നു.
- മലയാള ഭാഷാ പ്രചാരണത്തിനായി മലയാളം മിഷൻ യുകെ ചാപ്റ്റർ സംഘടിപ്പിച്ച ‘മലയാളം ഡ്രൈവ്’ പ്രഭാഷണ പരമ്പരയുടെ എട്ടാമത് പ്രഭാഷണം 2021 ജനുവരി മൂന്നാം തിയതി അന്നത്തെ മലയാളം മിഷൻ ഡയറക്ടർ പ്രൊഫ സുജ സൂസൻ ജോർജ് ” മലയാളം മലയാളി കേരളം” എന്ന വിഷയത്തിൽ നടത്തി.
- 2021 ജനുവരി ഒൻപതിന് പ്രഭാഷണ പരമ്പരയിലെ ഒൻപതാമത് പ്രഭാഷണം ‘മലയാള സാഹിത്യവും ചലച്ചിത്ര ലോകവും’ എന്ന വിഷയത്തിൽ ഡോ പി കെ രാജശേഖരൻ നടത്തി.
- 2021 ജനുവരി 17 ന് ‘മലയാളത്തനിമയുടെ ഭേദങ്ങൾ’എന്ന വിഷയത്തിൽ മലയാളം മിഷനിലെ മുൻ പ്രധാന അധ്യാപക പരിശീലകൻ ഡോ എം ടി ശശി പത്താമത് പ്രഭാഷണം നടത്തി.
- 2021ജനുവരി 24 ന് മലയാളം ഡ്രൈവിന്റെ പതിനൊന്നാമത് പ്രഭാഷണം ‘കലയെഴുത്തിന്റെ മലയാളം’ എന്ന വിഷയത്തിൽ ഡോ കവിതാ ബാലകൃഷ്ണൻ നടത്തി.
- 2021 ജനുവരി മുപ്പതിന് മലയാളം ഡ്രൈവിൽ പന്ത്രണ്ടാമത്തേ പ്രഭാഷണം ‘ബാലസാഹിത്യത്തിൽ കടങ്കഥയുടെ പ്രാധാന്യം’ എന്ന വിഷയത്തിൽ പ്രശസ്ത ബാലസാഹിത്യകാരൻ ശ്രീ പി രാധാകൃഷ്ണൻ ആലുവീട്ടിലിൽ നടത്തി.
- 2021 ഫെബ്രുവരി 6ന് കണിക്കൊന്ന പഠനോത്സവം-ശില്പശാല സംഘടിപ്പിച്ചു.
- 2021 ഫെബ്രുവരി 7ന് ‘ശാസ്ത്രം മലയാളത്തിലൂടെ’ എന്ന വിഷയത്തിൽ മലയാളം ഡ്രൈവിൽ പതിമൂന്നാമത്തെ പ്രഭാഷണം ഡോ വൈശാഖൻ തമ്പി നടത്തി.
- 2021 ഫെബ്രുവരി 24 ന് നടത്തിയ പ്രാഥമിക അധ്യാപക ട്രെയ്നിംഗിൽ യുകെയിൽ നിന്ന് 23 അധ്യാപകരെ പങ്കെടുപ്പിച്ചു.
- സുഗതാഞ്ജലി ചാപ്റ്റർ തല കാവ്യാലാപന മത്സരം
ചാപ്റ്റർ അടിസ്ഥാനപ്പെടുത്തിയുള്ള സുഗതാഞ്ജലി കാവ്യാലാപന മത്സരം സംഘടിപ്പിച്ച് ജൂനിയർ,സീനിയർ വിഭാഗങ്ങളിലായി ഒന്നും രണ്ടും മൂന്നും സ്ഥാനങ്ങൾ ലഭിച്ച യുകെയിൽ നിന്നുള്ള കുട്ടികളെ മാർച്ച് 6, 7 തീയതികളിൽ മലയാളം മിഷൻ നടത്തിയ ആഗോളതല മത്സരങ്ങളിൽ പങ്കെടുപ്പിച്ചു. - 2021 മാർച്ച് 20ന് കണിക്കൊന്ന മാതൃക പoനോത്സവം നടത്തി
- 21-3-2021 ന് മുൻപായി സമർപ്പിക്കേണ്ട യുകെ സെൻസസിൽ പ്രധാന ഭാഷ മലയാളം എന്ന് രേഖപ്പെടുത്തണമെന്ന് ആവശ്യപ്പെട്ടുകൊണ്ടുള്ള ഒരു വീഡിയോ ക്യാമ്പയിൻ സംഘടിപ്പിച്ചു.
- ‘കണിക്കൊന്ന’പഠനോത്സവം 2021 ഏപ്രിൽ 10ന് വിജയകരമായി നടത്തി.

മലയാളം മിഷൻ യുകെ ചാപ്റ്ററിന്റെ ചിരകാലാഭിലാഷമായ കണിക്കൊന്ന പഠനോത്സവം നടത്തി. മലയാളം മിഷന്റെ ചാപ്റ്ററുകൾ യൂറോപ്യൻ രാജ്യങ്ങളിലും മറ്റ് പാശ്ചാത്യ രാജ്യങ്ങളിലും പ്രവർത്തിക്കുന്നുണ്ടെങ്കിലും കണിക്കൊന്ന പഠനോത്സവം ആദ്യമായി സംഘടിപ്പിച്ചത് മലയാളം മിഷൻ യുകെ ചാപ്റ്റർ ആണ് എന്നത് ഞങ്ങൾക്ക് കൂടുതൽ അഭിമാനം സമ്മാനിച്ച കാര്യമാണ്.13 പഠന കേന്ദ്രങ്ങളിൽ നിന്നായി 152 പഠിതാക്കൾ കണിക്കൊന്ന പഠനോത്സവത്തിൽ പങ്കെടുത്തു.
15 ) കണിക്കൊന്ന പഠനോത്സവം റിസൾട്ട് പ്രഖ്യാപനം 2021 ഏപ്രിൽ 21ന് നടത്തി.
കണിക്കൊന്ന പഠനോത്സവത്തിൽ പങ്കെടുത്ത കുട്ടികളുടെ മൂല്യനിർണ്ണയം അധ്യാപകരുടെ മേൽനോട്ടത്തിൽ നടത്തി മലയാളം മിഷനെ അറിയിക്കുകയും നേരത്തേ പ്രഖ്യാപിച്ചിരുന്നതു പോലെ 2021 ഏപ്രിൽ 21ന് തന്നെ ഫലം പ്രസിദ്ധപ്പെടുത്തുകയും ചെയ്തു. പഠനോത്സവത്തിൽ പങ്കെടുത്തവരിൽ 133 കുട്ടികൾ എ ഗ്രേഡിലും 19 കുട്ടികൾ ബി ഗ്രേഡിലും വിജയികളായി.

- 2021 മെയ് 9 ന് ‘കോട്ടയം ടോക്ക് ‘എന്ന ടെലിവിഷൻ ചാനൽ സംഘടിപ്പിച്ച പ്രത്യേക പരിപാടിയിൽ മലയാളം മിഷൻ യുകെ ചാപ്റ്റർ നടത്തുന്ന പ്രവർത്തനങ്ങളുമായി ബന്ധപ്പെട്ട ഒരു ചർച്ച നടത്തുകയും യുകെ ചാപ്റ്റർ പ്രസിഡൻറ് സി എ ജോസഫ് , വിദഗ്ധ സമിതി ചെയർമാൻ ജയപ്രകാശ് എസ് എസ് , യുകെയിലെ പ്രമുഖ സംഘടനയായ യുക്മയുടെ പ്രസിഡന്റ് മനോജ്കുമാർ പിള്ള, യുകെയിലെ എഴുത്തുകാരിയും അധ്യാപികയുമായ മീരാ കമല, എന്നിവരും സജീവമായി പങ്കെടുത്തു.
- വിദേശ രാജ്യങ്ങളിലുള്ള ചാപ്റ്ററുകളിലെ പ്രതിനിധികളെ പങ്കെടുപ്പിച്ചുകൊണ്ട് ബഹു.സാംസ്കാരികവകുപ്പ് മന്ത്രിയുടെയും ബഹു.സാംസ്കാരിക സെക്രട്ടറിയുടെയും ബഹു. മലയാളം മിഷൻ ഡയറക്ടറുടെയും സാന്നിധ്യത്തിൽ ‘ലോകമലയാളം ഒന്നിക്കുന്നു’ എന്ന പേരിൽ 2021 ജൂൺ 5 ന് സംഘടിപ്പിച്ച പരിപാടിയിൽ മലയാളം മിഷൻ യുകെ ചാപ്റ്ററിനെ പ്രതിനിധീകരിച്ച് പ്രസിഡന്റ് സി എ ജോസഫ് ചർച്ചകളിൽ പങ്കെടുക്കുകയും ക്രീയാത്മകമായ ചില നിർദ്ദേശങ്ങൾ സമർപ്പിക്കുകയും ചെയ്തു.
- കോവിഡ് മഹാമാരിയുടെ പ്രയാസങ്ങളിലൂടെ കാന്നുപോയ കേരളത്തിന് കൈത്താങ്ങാകുവാൻ ഗ്രാൻഡ് മാസ്റ്റർ ജി എസ് പ്രദീപിനെ പങ്കെടുപ്പിച്ച് കഹൂട്ട് ക്വിസ് മത്സരം 2021 ജൂൺ 13 ന് സംഘടിപ്പിച്ചു. രജിസ്ട്രേഷനായി സമാഹരിച്ച തുകയും വിജയികൾ സംഭാവനയായി നൽകിയ സമ്മാന തുകയും ചേർത്ത് 980 പൗണ്ട് ലഭിച്ചു. ഈ തുകക്ക് തുല്യമായ 100970 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്ത് മലയാളം മിഷൻ യുകെ ചാപ്റ്റർ ഏവർക്കും മാതൃകയായി.
- 2021 ജൂലൈ 3 ന് യുകെ സൗത്ത് ഈസ്റ്റ് റീജിയണിലെ ഹോർഷം എന്ന സ്ഥലത്ത് “അമ്മ മലയാളം സ്കൂൾ’ എന്ന പേരിൽ ആരംഭിച്ച പഠന കേന്ദ്രത്തിൽ കണിക്കൊന്ന പ്രവേശനോത്സവം സൂമിലൂടെ സംഘടിപ്പിച്ചു.
- 2021 സെപ്തംബർ 26-ാം തീയതി കണിക്കൊന്ന സർട്ടിഫിക്കറ്റ് വിതരണം നടത്തി
മലയാളം മിഷൻ യുകെ ചാപ്റ്റർ നടത്തിയ കണിക്കൊന്ന സർട്ടിഫിക്കറ്റുകൾ കേരളത്തിൽ നിന്നും യുകെയിൽ എത്തിക്കുകയും 2021 സെപ്തംബർ 26-ാം തീയതി ഓൺലൈൻ മീറ്റിംഗിലൂടെ വിവിധ മേഖലകളിലെ സ്ക്കൂളുകളിലെ പ്രതിനിധികൾക്ക് സർട്ടിഫിക്കറ്റുകൾ വിതരണം ചെയ്യുകയും ചെയ്തു.

- കേരള പിറവി 2021 ആഘോഷവും
നോട്ടിംഗ്ഹാം എൻ എം സി എ മലയാളം സ്കൂൾ ഉദ്ഘാടനവും സംഘടിപ്പിച്ചു.
നോട്ടിംങ്ങ്ഹാം മലയാളി കൾച്ചറൽ അസോസിയേഷന്റെ സഹകരണത്തോടെ കേരളപ്പിറവി ആഘോഷം 2021 ഒക്ടോബർ 31 ന് സംഘടിപ്പിച്ചു. പ്രശസ്ത ഗാനരചയിതാവ് ശ്രീ വയലാർ ശരത് ചന്ദ്ര വർമ്മ, മലയാളം മിഷൻ ഡയറക്റ്റർ പ്രൊഫ. സുജ സൂസൻ ജോർജ് എന്നിവർ മുഖ്യാഥിതികളായി പങ്കെടുത്തു . കേരള പിറവി ആഘോഷങ്ങളോടനുബന്ധിച്ച് നോട്ടിംഗ്ഹാം എൻ എം സി എ മലയാളം സ്ക്കൂളിന്റെ ഉദ്ഘാടനവും നടത്തി
- റേഡിയോ മലയാളം ‘കിളിവാതിൽ’
27-12 -2021 മുതൽ 30 -12 -2021 വരെ സംപ്രേഷണം ചെയ്ത റേഡിയോ മലയാളത്തിലെ കിളിവാതിൽ എന്ന പരിപാടിയിൽ മലയാളം മിഷൻ യുകെ ചാപ്റ്ററിന്റെ കീഴിലുള്ള പഠന കേന്ദ്രങ്ങളിലെ അധ്യാപകരുടെയും വിദ്യാർഥികളുടെയും സർഗ്ഗസൃഷ്ടികൾ ആണ് ഉൾപ്പെടുത്തിയത്. ക്രിസ്മസ് -ന്യൂ ഇയർ സ്പെഷ്യൽ പ്രോഗ്രാമായി സംപ്രേഷണം ചെയ്ത ഈ പരിപാടിയിൽ ചാപ്റ്റർ പ്രസിഡന്റ്, വിവിധ പഠന കേന്ദ്രങ്ങളിൽ നിന്നുള്ള അധ്യാപകർ, വിദ്യാർത്ഥികൾ ഉൾപ്പെടെയുള്ളവർ വൈവിധ്യമാർന്ന പരിപാടികൾ അവതരിപ്പിച്ചു.
- മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെയുള്ള സജീവമായ സർഗാത്മക പ്രവർത്തനങ്ങൾ:
മലയാളം മിഷൻ യുകെ ചാപ്റ്റർ 2021 ജനുവരി മുതൽ ഡിസംബർ വരെ നടത്തിയിട്ടുള്ള പ്രധാനപ്പെട്ട എല്ലാ പരിപാടികളും മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ ലൈവ് സ്ട്രീം ആയി സംപ്രേഷണം ചെയ്ത് കൂടുതൽ ആളുകളിൽ എത്തിച്ചിട്ടുണ്ട്.
കൂടാതെ മലയാളം മിഷൻ യുകെ ചാപ്റ്ററിന്റെ കീഴിലുള്ള പഠന കേന്ദ്രങ്ങളിലെ കുട്ടികളുടെ നിരവധി സർഗ്ഗസൃഷ്ടികൾ (കഥ,കവിത, ഗാനം, പ്രസംഗം മുതലായവ) മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിൽ ഈ കാലയളവിൽ പ്രസിദ്ധീകരിച്ചിട്ടുണ്ട്.
ഈ പ്രവർത്തനങ്ങൾക്കെല്ലാം എന്നോടൊപ്പം സഹകരിച്ച സെക്രട്ടറി ഏബ്രഹാം കുര്യൻ,വിദഗ്ധ സമിതി ചെയർമാൻ ജയപ്രകാശ് എസ് എസ്,കൺവീനർ ഇന്ദുലാൽ സോമൻ, ജോയിന്റ് സെക്രട്ടറിമാരായ സ്വപ്ന പ്രവീൺ, രാജി രാജൻ, വൈസ് പ്രസിഡൻറ് ഡോ സീന ദേവകി, റീജിയണൽ കോർഡിനേറ്റർമാരായ ആഷിക് മുഹമ്മദ് നാസർ, ബേസിൽ ജോൺ, ജിമ്മി ജോസഫ് ബിന്ദു കുര്യൻ, പ്രവർത്തക സമിതി അംഗങ്ങളായ മുരളി വെട്ടത്ത്, സുജു ജോസഫ്, ബിൻസി എൽദോ, വിനീതചുങ്കത്ത്, ദീപ സുലോചന, ശ്രീജിത്ത് ശ്രീധരൻ എന്നിവരോടുള്ള ഹൃദയം നിറഞ്ഞ നന്ദിയും അറിയിക്കുന്നു.

‘കണിക്കൊന്ന’പുരസ്കാരം ലഭിക്കുന്നതിനായി പരിഗണിച്ച 2021 ൽ മലയാളം മിഷനെ നയിച്ചിരുന്ന ബഹു.മുൻ ഡയറക്ടർ പ്രൊഫ സുജ സൂസൻ ജോർജ്, ബഹു മുൻ രജിസ്ട്രാർ ശ്രീ എം സേതുമാധവൻ, ബഹു മുൻ ഭാഷാധ്യാപകൻ ഡോ എം ടി ശശി എന്നിവരും മലയാളം മിഷൻ ഓഫീസ് സ്റ്റാഫും നൽകിയ സഹായസഹകരണങ്ങൾ ഞങ്ങൾക്ക് വളരെ വിലപ്പെട്ടതായിരുന്നു. അതോടൊപ്പം മലയാളം മിഷന്റെ പുതിയ ഡയറക്ടറായി ചുമതലയേറ്റ പ്രശസ്ത കവി ശ്രീ മുരുകൻ കാട്ടാക്കടയുടെയും മലയാളം മിഷന്റെ പുതിയ സാരഥികളുടെയും വിലയേറിയ മാർഗ്ഗ നിർദ്ദേശങ്ങൾ ഞങ്ങളെ കൂടുതൽ കർമ്മനിരതരായി മുന്നോട്ടു നയിക്കുവാൻ ഉപകരിക്കുമെന്നും ഞങ്ങൾ കരുതുന്നു.
ലോക മാതൃഭാഷാ ദിനമായ ഫെബ്രുവരി 21ന് മലയാളം മിഷൻ ‘മലയാത്മ 2022’ എന്ന പേരിൽ മാതൃഭാഷാ ദിനാഘോഷം സംഘടിപ്പിക്കുകയാണ്. തിരുവനന്തപുരം അയ്യങ്കാളി ഹാളിൽ നടക്കുന്ന സമ്മേളനത്തിൽ ബഹു സാംസ്കാരിക വകുപ്പ് മന്ത്രി ശ്രീ സജി ചെറിയാൻ അധ്യക്ഷത വഹിക്കുന്നതും ബഹു മുഖ്യ മന്ത്രി ശ്രീ പിണറായി വിജയൻ വിശിഷ്ട അതിഥികളുടെ സാന്നിധ്യത്തിൽ മലയാത്മ 2022 ന്റെ ഉദ്ഘാടനം നിർവ്വഹിക്കുന്നതുമാണ്. പ്രസ്തുത സമ്മേളനത്തിൽ മലയാളം മിഷൻ യുകെ ചാപ്റ്ററിനെ പ്രതിനിധീകരിച്ച് സെക്രട്ടറി ഏബ്രഹാം കുര്യൻ മലയാളം മിഷൻ യുകെ ചാപ്റ്ററിന് ലഭിച്ച കണിക്കൊന്ന പുരസ്കാരം ബഹു മുഖ്യമന്ത്രിയിൽ നിന്നും ഏറ്റുവാങ്ങുന്നതാണ് എന്നുള്ള വിവരം വളരെ സന്തോഷപൂർവ്വം എല്ലാവരെയും അറിയിക്കുന്നു.
മലയാളം മിഷൻ യു കെ ചാപ്റ്ററിന്റെ തുടർന്നുള്ള പ്രവർത്തനങ്ങൾക്കും നിങ്ങൾ എല്ലാവരുടെയും പ്രാർത്ഥനയും സഹായ സഹകരണങ്ങളും ഉണ്ടാകണമെന്ന് അപേക്ഷിക്കുന്നു.
സ്നേഹാദരവോടെ
സി .എ.ജോസഫ്,
പ്രസിഡന്റ്
മലയാളം മിഷൻ യുകെ ചാപ്റ്റർ.
















Latest News:
ഇടുക്കിയിൽ അനധികൃതമായി കരിങ്കല്ല് കടത്തൽ; ടിപ്പർ ലോറികൾ പിടികൂടി പൊലീസ്
ഇടുക്കിയിൽ അനധികൃതമായി കരിങ്കല്ല് കടത്തിയ 14 ടിപ്പർ ലോറികൾ പൊലീസ് പിടികൂടി. അനധികൃത ഖനനത്തിനെതിരെ ന...Latest Newsകെഎസ്യുവിൽ കൂട്ട നടപടി; ജില്ലാ പ്രസിഡന്റ് അടക്കം മൂന്നുപേർക്ക് സസ്പെൻഷൻ
എറണാകുളം കെഎസ്യുവിൽ കൂട്ട നടപടി. ജില്ലാ പ്രസിഡന്റ് അടക്കം മൂന്നുപേർക്ക് സസ്പെൻഷൻ. ജില്ലാ പ്രസിഡന്റ...Latest Newsജബൽപൂരിൽ ക്രൈസ്തവർക്ക് നേരെയുണ്ടായ ആക്രമണം; പാർലമെന്റിന് പുറത്ത് പ്രതിഷേധിച്ച് കോൺഗ്രസ് എംപിമാർ
മധ്യപ്രദേശിലെ ജബൽപൂരിൽ വൈദികർ ഉൾപ്പെടെയുള്ള ക്രൈസ്തവ വിശ്വാസികൾക്ക് നേരെയുണ്ടായ ബജ്റംഗ്ദൾ ആക്രമണത്ത...Latest Newsപ്രായപരിധി നിബന്ധന ഒഴിവാക്കണം; സിപിഐഎം പാർട്ടി കോൺഗ്രസിൽ ആവശ്യവുമായി സംസ്ഥാന ഘടകങ്ങൾ
നേതൃസമിതികളിെലെ അംഗത്വത്തിനുള്ള 75 വയസ് പരിധിക്കെതിരെ നിബന്ധനക്കെതിരെ സിപിഐഎം പാർട്ടി കോൺഗ്രസിൽ സംസ...Latest Newsവീണ്ടും സിനിമയിലേക്ക് നീളുന്ന ലഹരിയുടെ കണ്ണികള്
വന്കിട ലഹരിവേട്ടകള് നടക്കുമ്പോഴെല്ലാം പിടിയിലാവുന്നവരുടെ മൊഴികളില് സിനിമാമേഖലയുമായി ബന്ധപ്പെട്ടവ...Breaking Newsസുപ്രിംകോടതി ജഡ്ജിമാർ സ്വത്ത് വിവരങ്ങള് വെളിപ്പെടുത്തും
സുപ്രിംകോടതി ജഡ്ജിമാർ സ്വത്ത് വെളിപ്പെടുത്തണം.സ്വത്ത് വിവരങ്ങള് പ്രസിദ്ധീകരിക്കാന് സുപ്രിംകോടതി. ...Latest Newsവഖഫ് ബില്ല് രാജ്യസഭയിൽ അവതരിപ്പിച്ചു
വഖഫ് നിയമ ഭേദഗതി ബില്ല് രാജ്യസഭയിൽ അവതരിപ്പിച്ച് കേന്ദ്ര ന്യൂനപക്ഷ കാര്യ മന്ത്രി കിരൺ റിജിജു . ബില്...Latest Newsഅലക്സ് വർഗീസ് യുക്മ ചാരിറ്റി ഫൗണ്ടേഷൻ വൈസ് ചെയർമാൻ…..ഷാജി തോമസ് സെക്രട്ടറി
കുര്യൻ ജോർജ്(നാഷണൽ പി.ആർ.ഒ & മീഡിയ കോർഡിനേറ്റർ യുക്മ ചാരിറ്റി ഫൗണ്ടേഷൻ വൈസ് ചെയർമാനായി അലക്സ...uukma
Post Your Comments Here ( Click here for malayalam )
Latest Updates
- ഇടുക്കിയിൽ അനധികൃതമായി കരിങ്കല്ല് കടത്തൽ; ടിപ്പർ ലോറികൾ പിടികൂടി പൊലീസ് ഇടുക്കിയിൽ അനധികൃതമായി കരിങ്കല്ല് കടത്തിയ 14 ടിപ്പർ ലോറികൾ പൊലീസ് പിടികൂടി. അനധികൃത ഖനനത്തിനെതിരെ നടപടിയെടുക്കുന്നതിന്റെ ഭാഗമായി ഇടുക്കി ജില്ലാ പൊലീസ് മേധാവിയുടെ നിർദേശപ്രകാരം നടത്തിയ പ്രത്യേക പരിശോധനയിലാണ് തൊടുപുഴയിൽ 14 ലോറികൾ പിടികൂടിയത്. ലോഡുകൾക്ക് മതിയായ രേഖകൾ ഇല്ല. വാഹനത്തിൽ അനുവദനീയമായ അളവിനേക്കാൾ കൂടുതൽ കരിങ്കല്ല് കടത്തി. പാസ്സും ബില്ലും ഇല്ലാതെ കരിങ്കല്ല് കടത്തിയ വാഹന ഉടമകളിൽ നിന്ന് പിഴ ഈടാക്കും. അനധികൃത പാറ ഖനനവും കടത്തുമായി ബന്ധപ്പെട്ട ജില്ലയുടെ വിവിധ ഭാഗങ്ങളിൽ വ്യാപക പരിശോധന
- കെഎസ്യുവിൽ കൂട്ട നടപടി; ജില്ലാ പ്രസിഡന്റ് അടക്കം മൂന്നുപേർക്ക് സസ്പെൻഷൻ എറണാകുളം കെഎസ്യുവിൽ കൂട്ട നടപടി. ജില്ലാ പ്രസിഡന്റ് അടക്കം മൂന്നുപേർക്ക് സസ്പെൻഷൻ. ജില്ലാ പ്രസിഡന്റ് കൃഷ്ണ ലാൽ, ജില്ലാ ഭാരവാഹികളായ അമർ മിഷാൽ , കെവിൻ പൗലോസ് എന്നിവർക്കെതിരെയാണ് നടപടി. ദേശീയ നേതൃത്വത്തിന്റെ അന്വേഷണ കമ്മീഷണത്തോട് സഹകരിക്കാത്തതിനെ തുടർന്നാണ് നടപടി. പരാതി നൽകിയ മലപ്പുറം ജില്ലാ സെക്രട്ടറി മുഹമ്മദ് നിയാസിനെതിരെയും നടപടിയെടുത്തു. അതേസമയം സഘടനാ പ്രവർത്തനത്തിൽ ഗുരുതര വീഴ്ച വരുത്തിയ നേതാക്കൾക്കെതിരെ കെപിസിസി നടപടി സ്വീകരിച്ചിരുന്നു. മഹാത്മാഗാന്ധി കുടുംബ സംഗമം, ലീഡർ ഫണ്ട് അടക്കമുളള പരിപാടികൾ സംഘടിപ്പിക്കുന്നതിൽ
- ജബൽപൂരിൽ ക്രൈസ്തവർക്ക് നേരെയുണ്ടായ ആക്രമണം; പാർലമെന്റിന് പുറത്ത് പ്രതിഷേധിച്ച് കോൺഗ്രസ് എംപിമാർ മധ്യപ്രദേശിലെ ജബൽപൂരിൽ വൈദികർ ഉൾപ്പെടെയുള്ള ക്രൈസ്തവ വിശ്വാസികൾക്ക് നേരെയുണ്ടായ ബജ്റംഗ്ദൾ ആക്രമണത്തിൽ പ്രതിഷേധം ശക്തം. വിഷയം ചർച്ച ചെയ്യണമെന്ന് ആവശ്യപ്പെട്ട് ലോക്സഭയിൽ പ്രതിപക്ഷം പ്രതിഷേധമുയർത്തി. നിലവിൽ പാർലമെന്റിന് പുറത്ത് കോൺഗ്രസ് എംപിമാർ പ്രതിഷേധിക്കുകയാണ്. ആക്രമണത്തിനെതിരെ കെ സി വേണുഗോപാൽ അടക്കമുള്ള കോൺഗ്രസ് എംപിമാർ ലോക്സഭയിൽ അടിയന്തര പ്രമേയ നോട്ടീസ് നൽകി. കഴിഞ്ഞ ഒരു വർഷത്തിനിടെ 753 ക്രിസ്ത്യൻ ദേവാലയങ്ങളാണ് ആക്രമിക്കപ്പെട്ടത്, രാജ്യത്ത് ന്യൂനപക്ഷങ്ങൾ വേട്ടയാടപ്പെടുകയാണെന്ന് കെ സി വേണുഗോപാൽ പറഞ്ഞു. രണ്ടു മലയാളി വൈദികരെയാണ് ക്രൂരമായി ആക്രമിച്ചത്
- പ്രായപരിധി നിബന്ധന ഒഴിവാക്കണം; സിപിഐഎം പാർട്ടി കോൺഗ്രസിൽ ആവശ്യവുമായി സംസ്ഥാന ഘടകങ്ങൾ നേതൃസമിതികളിെലെ അംഗത്വത്തിനുള്ള 75 വയസ് പരിധിക്കെതിരെ നിബന്ധനക്കെതിരെ സിപിഐഎം പാർട്ടി കോൺഗ്രസിൽ സംസ്ഥാന ഘടകങ്ങളുടെ നീക്കം. പ്രായപരിധി നിബന്ധന ഒഴിവാക്കണമെന്ന് കേരളം ബംഗാൾ ഉൾപ്പെടെയുളള സംസ്ഥാനങ്ങളുടെ ഗ്രൂപ്പ് ചർച്ചയിൽ ആവശ്യം ഉയർന്നു. നേതാക്കൾ കൂട്ടത്തോടെ ഒഴിഞ്ഞുപോകുന്നത് നേതൃത്വത്തിൽ ശൂന്യത സൃഷ്ടിക്കുമെന്ന വാദം ഉയർത്തിയാണ് പ്രായപരിധി നിബന്ധന നീക്കണമെന്നെ ആവശ്യം മുന്നോട്ട് വെക്കുന്നത്. പൊളിറ്റ് ബ്യൂറോയിൽ നിന്ന് മാത്രം ഏഴ് നേതാക്കളാണ് 75 വയസ്സ് പൂർത്തിയായി ഒഴിയാനിരിക്കുന്നത്. കണ്ണൂരിൽ ചേർന്ന 23 ആം പാർട്ടി കോൺഗ്രസാണ് പാർട്ടി ഭരണഘടന
- വീണ്ടും സിനിമയിലേക്ക് നീളുന്ന ലഹരിയുടെ കണ്ണികള് വന്കിട ലഹരിവേട്ടകള് നടക്കുമ്പോഴെല്ലാം പിടിയിലാവുന്നവരുടെ മൊഴികളില് സിനിമാമേഖലയുമായി ബന്ധപ്പെട്ടവരുടെ പേരുകള് ഉയരുന്നത് പതിവായിരിക്കുകയാണ്. സിനിമാ താരങ്ങള്ക്ക് കൈമാറാന് കൊണ്ടുവന്നതാണ് ഈ ലഹരി എന്ന് മൊഴിനല്കിയ നിരവധി ലഹരിക്കേസുകള് കേരളത്തില് റിപ്പോര്ട്ടു ചെയ്യപ്പെട്ടു. എന്നാല് കേസന്വേഷണം മുന്നോട്ടു പോവുമ്പോള് എല്ലാം ആവിയായിപ്പോവുകയാണ് പതിവ്. ആലപ്പുഴയില് രണ്ടുകോടിയുടെ ലഹരി പിടിച്ച കേസിലും ആരോപണം നീളുന്നത് സിനിമയിലേക്കാണ്. തായ്ലാന്ഡില് നിന്നും കൊണ്ടുവന്ന ഹൈബ്രിഡ് കഞ്ചാവുമായാണ് കണ്ണൂര് സ്വദേശിനിയായ യുവതിയും സഹായിയും അറസ്റ്റിലായത്. ആലപ്പുഴയില് ഒരു പ്രമുഖന് കൈമാറാനായി കൊണ്ടുവന്നതാണ് ഹൈബ്രിഡ് കഞ്ചാവെന്നാണ്

സാസി ബോണ്ട് – 2025 നാളെ കവൻട്രിയിൽ; സെലിബ്രിറ്റി ഗെസ്റ്റായി ഡെയ്ൻ ഡേവിസ്, മുഖ്യാതിഥിയായി ശ്രീ രാജ് ശ്രീകണ്ഠൻ, വിശിഷ്ടാതിഥിയായി വിൽസ് ഫിലിപ്പ് /
സാസി ബോണ്ട് – 2025 നാളെ കവൻട്രിയിൽ; സെലിബ്രിറ്റി ഗെസ്റ്റായി ഡെയ്ൻ ഡേവിസ്, മുഖ്യാതിഥിയായി ശ്രീ രാജ് ശ്രീകണ്ഠൻ, വിശിഷ്ടാതിഥിയായി വിൽസ് ഫിലിപ്പ്
അലക്സ് വർഗ്ഗീസ് അമ്മയെന്ന മനോഹര സങ്കൽപ്പത്തെ പുനരന്വേഷിക്കുകയാണ് സാസി ബോണ്ട് 2025! ആധുനിക കാലഘട്ടത്തിലെ മാറുന്ന മാതൃകല്പനകൾക്ക് ഒരു പുതുഭാവവും ആവിഷ്കാരവും നൽകാൻ ഒരുങ്ങുകയാണ് സാസി ബോണ്ട് 2025 ന്റെ സംഘാടകർ. മാർച്ച് 30 ന് കവെൻട്രിയിലെ എച്ച്.എം.വി എംപയറിൽവച്ച് ഉച്ചമുതൽ ആരംഭിക്കുന്ന കലാ-സാംസ്കാരിക മേള യുക്മ പ്രസിഡന്റ് അഡ്വ എബി സെബാസ്റ്റിയൻ ഉദ്ഘാടനം ചെയ്യും. സെലിബ്രിറ്റി ഗെസ്റ്റായി സിനിമ നടനും അവതാരകനുമായ ഡെയ്ൻ ഡേവിസ് മേളയുടെ ഭാഗമാകും. മുഖ്യാതിഥിയായി ട്വന്റി ഫോർ ചാനലിന്റെ ശ്രീ രാജ്

സാസി ബോണ്ട് – 2025 നാളെ കവന്ട്രിയില്; യുക്മ പ്രസിഡന്റ് അഡ്വ എബി സെബാസ്റ്റിയൻ ഉദ്ഘാടനം ചെയ്യും; സെലിബ്രിറ്റി ഗെസ്റ്റായി സിനിമ നടനും അവതാരകനുമായ ഡെയ്ൻ ഡേവിസ് /
സാസി ബോണ്ട് – 2025 നാളെ കവന്ട്രിയില്; യുക്മ പ്രസിഡന്റ് അഡ്വ എബി സെബാസ്റ്റിയൻ ഉദ്ഘാടനം ചെയ്യും; സെലിബ്രിറ്റി ഗെസ്റ്റായി സിനിമ നടനും അവതാരകനുമായ ഡെയ്ൻ ഡേവിസ്
അലക്സ് വര്ഗ്ഗീസ് മാതൃ- ശിശു ബന്ധങ്ങളുടെ കാവ്യാത്മകതയെയും ആഴത്തെയും ആഘോഷിക്കുന്ന “സാസി ബോണ്ട് 2025” യു.കെ മലയാളികള്ക്കിടയില് ഏറെ ശ്രദ്ധേയമായിക്കഴിഞ്ഞു. അമ്മയെന്ന മനോഹര സങ്കല്പ്പത്തെ പുനരന്വേഷിക്കുന്ന, ആധുനിക കാലഘട്ടത്തിലെ മാറുന്ന മാതൃകല്പനകള്ക്ക് ഒരു പുതുഭാവവും ആവിഷ്കാരവും നല്കാന് ഏറെ പുതുമകളോടെ അണിയിച്ചൊരുക്കിയിരിക്കുന്ന “സാസി ബോണ്ട് 2025” ഫാഷന് മത്സരങ്ങളുടെയും പ്രദര്ശനങ്ങളുടെയും പരമ്പരാഗത സങ്കല്പങ്ങളെ മാറ്റിയെഴുതുന്നതാണ്. മാര്ച്ച് 30 ഞായറാഴ്ച്ച കവന്ട്രിയിലെ എച്ച്.എം.വി എംപയറില് ഉച്ചയ്ക്ക് 1.30 മുതല് ആരംഭിക്കുന്ന കലാ-സാംസ്കാരിക മേള യുക്മ പ്രസിഡന്റ് അഡ്വ എബി

സാസി ബോണ്ട് – 2025 മാര്ച്ച് 30ന് കവന്ട്രിയില്; യുക്മയുടെ അംഗഅസോസിയേഷനുകളില് നിന്നുള്ളവര്ക്ക് പ്രത്യേക നിരക്ക് /
സാസി ബോണ്ട് – 2025 മാര്ച്ച് 30ന് കവന്ട്രിയില്; യുക്മയുടെ അംഗഅസോസിയേഷനുകളില് നിന്നുള്ളവര്ക്ക് പ്രത്യേക നിരക്ക്
അലക്സ് വര്ഗ്ഗീസ് മാതൃ- ശിശു ബന്ധങ്ങളുടെ കാവ്യാത്മകതയെയും ആഴത്തെയും ആഘോഷിക്കുന്ന “സാസി ബോണ്ട് 2025” യു.കെ മലയാളികള്ക്കിടയില് ഏറെ ശ്രദ്ധേയമായിക്കഴിഞ്ഞു. അമ്മയെന്ന മനോഹര സങ്കല്പ്പത്തെ പുനരന്വേഷിക്കുന്ന, ആധുനിക കാലഘട്ടത്തിലെ മാറുന്ന മാതൃകല്പനകള്ക്ക് ഒരു പുതുഭാവവും ആവിഷ്കാരവും നല്കാന് ഏറെ പുതുമകളോടെ അണിയിച്ചൊരുക്കിയിരിക്കുന്ന “സാസി ബോണ്ട് 2025” ഫാഷന് മത്സരങ്ങളുടെയും പ്രദര്ശനങ്ങളുടെയും പരമ്പരാഗത സങ്കല്പങ്ങളെ മാറ്റിയെഴുതുന്നതാണ്. മാര്ച്ച് 30 ഞായറാഴ്ച്ച കവന്ട്രിയിലെ എച്ച്.എം.വി എംപയറില് ഉച്ചയ്ക്ക് 1.30 മുതല് ആരംഭിക്കുന്ന കലാ-സാംസ്കാരിക മേളയില് അമ്മമാരും കുഞ്ഞുങ്ങളുമടങ്ങുന്ന ചെറുസംഘങ്ങളുടെ സര്ഗാത്മക

നവനേതൃത്വം കര്മ്മപഥത്തിലേയ്ക്ക്; യുക്മ ദേശീയ നേതൃയോഗം ഏപ്രില് അഞ്ചിന് /
നവനേതൃത്വം കര്മ്മപഥത്തിലേയ്ക്ക്; യുക്മ ദേശീയ നേതൃയോഗം ഏപ്രില് അഞ്ചിന്
കുര്യൻ ജോർജ് (നാഷണൽ പി.ആർ.ഒ & മീഡിയ കോർഡിനേറ്റർ) ആഗോള പ്രവാസി മലയാളികള്ക്കിടയിലെ ഏറ്റവും വലിയ സംഘടനാ കൂട്ടായ്മയായ യുക്മ (യൂണിയന് ഓഫ് യു.കെ മലയാളി അസോസിയേഷന്സ്) പുതിയ ദേശീയ സാരഥികളുടെ നേതൃത്വത്തില് അടുത്ത രണ്ടു വര്ഷങ്ങളിലെ കര്മ്മ പദ്ധതികള് ആസൂത്രം ചെയ്ത് മുന്നോട്ടുള്ള പ്രയാണം ആരംഭിക്കുകയാണ്. 2027 ഫെബ്രുവരി വരെയുള്ള രണ്ടുവര്ഷക്കാലമാണ് പുതിയ ഭരണസമിതിയുടെ കാലാവധി. 2009 ജൂലൈ 4ന് ആരംഭിച്ച യുക്മ ഇന്ന് 144 പ്രാദേശിക മലയാളി അസോസിയേഷനുകളുടെ അംഗത്വവുമായി ലോക മലയാളികള്ക്കിടയില് തലയെടുപ്പോടെ

“ലണ്ടൻ ഡ്രീംസ്” ഫ്ലവേഴ്സ് ചാനൽ യുക്മയുമായി ചേർന്ന് സംഘടിപ്പിക്കുന്ന വിവിധ ഷോകൾക്കായുള്ള ഓഡിഷൻ ഏപ്രിൽ 7ന് നോർവിച്ചിലും 12ന് നോട്ടിംങ്ങ്ഹാമിലും… /
“ലണ്ടൻ ഡ്രീംസ്” ഫ്ലവേഴ്സ് ചാനൽ യുക്മയുമായി ചേർന്ന് സംഘടിപ്പിക്കുന്ന വിവിധ ഷോകൾക്കായുള്ള ഓഡിഷൻ ഏപ്രിൽ 7ന് നോർവിച്ചിലും 12ന് നോട്ടിംങ്ങ്ഹാമിലും…
കുര്യൻ ജോർജ് (നാഷണൽ പി.ആർ.ഒ & മീഡിയ കോർഡിനേറ്റർ) കേരളത്തിലെ ഏറ്റവും പ്രമുഖമായതും മലയാളി കുടുംബ പ്രേക്ഷകരുടെ ഏറ്റവും ഇഷ്ടപ്പെട്ട വിനോദ ടി വി ചാനലുമായ ഫ്ലവേഴ്സ് ചാനലിൽ നടന്നുവരുന്ന “ഇതു ഐറ്റം വേറെ”, സ്മാർട്ട് ഷോ”, ടോപ് സിംഗർ – 5 എന്നീ കുടുംബ ഷോകളിൽ പങ്കെടുക്കുവാൻ താല്പര്യമുള്ളവർക്കായി വിവിധ പ്രായപരിധിയിലുള്ള മത്സരാർത്ഥികളെ തിരഞ്ഞെടുക്കുവാനുള്ള ഓഡിഷൻ യുകെയിലെ രണ്ട് പ്രമുഖ നഗരങ്ങളിൽ വച്ച് നടക്കുന്നു. ഏപ്രിൽ 7-ാം തീയതി നോർവിച്ചിലും ഏപ്രിൽ 12-ാം തീയതി നോട്ടിംങ്ങ്ഹാമിൽ

click on malayalam character to switch languages