കൊറോണ വൈറസ് വാച്ച് ലിസ്റ്റിൽ ഇടം പിടിച്ച് രണ്ടു ബ്രിട്ടീഷ് നഗരങ്ങൾ കൂടി; ലെസ്റ്ററിന് പിന്നാലെ ബ്ലാക്ബേണും ലൂട്ടനും

Jul 24, 2020

കൊറോണ വൈറസ് വാച്ച് ലിസ്റ്റിൽ ഏറ്റവും ഉയർന്ന നിലയിൽ രണ്ട് ഇംഗ്ലീഷ് ബറോകൾ കൂടി ബെഡ്ഫോർഡ്ഷയറിലെ ലൂട്ടൺ, ലങ്കാഷെയറിലെ ഡാർവെൻ ആൻഡ് ബ്ലാക്ക്ബേൺ എന്നിവ രണ്ടും പബ്ലിക് ഹെൽത്ത് ഇംഗ്ലണ്ട് (പിഎച്ച്ഇ) ഒരു “ഇടപെടൽ മേഖല” ആയി നിശ്ചയിച്ചിട്ടുണ്ട്.

അവ ഇപ്പോൾ മിഡ്‌ലാന്റ്സ് നഗരമായ ലെസ്റ്ററിന്റെ പ്രദേശങ്ങളായ ഓഡ്ബി, വിഗ്സ്റ്റൺ എന്നിവയ്ക്ക് തുല്യമാണ്. കോവിഡ് കേസുകളുടെ വർദ്ധനവിനെത്തുടർന്ന് യുകെയുടെ ആദ്യത്തെ പ്രാദേശിക ലോക്ക്ഡൗണിന് വിധേയമായ പ്രദേശങ്ങളാണ് ഇവ.

എന്നിരുന്നാലും, ലൂട്ടനിലോ ബ്ലാക്ക്ബേണിലോ ലെസ്റ്റർ-സ്റ്റൈൽ ലോക്ക്ഡൗൺ പ്രതീക്ഷിക്കരുതെന്ന് സർക്കാർ വൃത്തങ്ങൾ മാധ്യമങ്ങളോട് പറഞ്ഞു. പകരം കൊറോണ വൈറസ് നിയന്ത്രണങ്ങളുടെ ദേശീയ ഇളവുകൾ ഈ വാരാന്ത്യത്തിൽ പ്രഖ്യാപിക്കുമ്പോൾ, ജിമ്മുകളും ഒഴിവുസമയ കേന്ദ്രങ്ങളും വീണ്ടും തുറക്കുന്നത് പോലുള്ളവ ഈ പ്രദേശങ്ങളിൽ വൈകാൻ സാധ്യതയുണ്ടെന്ന് ഉദ്യോഗസ്ഥർ പറഞ്ഞു.

വ്യാഴാഴ്ച പ്രസിദ്ധീകരിച്ച പുതിയ കണക്കുകളിൽ, ഡാർവൻ ആൻഡ് ബ്ലാക്ക്ബേനിൽ ഏഴ് ദിവസത്തെ ഏറ്റവും ഉയർന്ന പുതിയ കോവിഡ്-19 കേസുകളാണ് രേഖപ്പെടുത്തിയിട്ടുള്ളത്. ജൂലൈ 13 വരെയുള്ള ഏഴ് ദിവസങ്ങളിൽ ഒരു ലക്ഷത്തിന് 49.7 കേസുകളിൽ നിന്ന് ജൂലായ് 20 വരെയുള്ള ഏഴ് ദിവസങ്ങളിൽ 81.9 ആയി കേസ് നിരക്ക് ഉയർന്നു., ജൂലൈ 20 വരെ 122 പുതിയ കേസുകൾ റിപ്പോർട്ട് ചെയ്തു.

കഴിഞ്ഞ 24 മണിക്കൂറിനുള്ളിൽ 769 കൊറോണ വൈറസ് കേസുകളും 53 കോവിഡ് -19 അനുബന്ധ മരണങ്ങളും യുകെയിലുടനീളം രേഖപ്പെടുത്തിയിട്ടുണ്ട്. ഇത് സ്ഥിരീകരിച്ച മൊത്തം കോവിഡ് കേസുകളുടെ എണ്ണം 297,146 ഉം കോവിഡ് മരണങ്ങളുടെ എണ്ണം 45,554 ഉം ആയി ഉയർന്നു.