- യുക്മ വെയിൽസ് റീജിയണൽ അപ്റ്റസ് ലീഗൽ കലാമേള ഒക്ടോബർ 10ന്; ചീഫ് ഗസ്റ്റായി ഷീജോ വർഗ്ഗീസ്, ഉൽഘാടനം പീറ്റർ താണോലിലും മേയർ കൗൺസിലർ ലോറ റോച്ചെഫോർട്ടും, സമാപന സമ്മേളനത്തിൽ സണ്ണിമോൻ മത്തായിയും റെയ്‌മോൾ നിധിരിയും മുഖ്യാതിഥികൾ.
- 18 -ാമത് യുക്മ നോർത്ത് വെസ്റ്റ് റീജിയൻ കലാമേളയുടെ തീയ്യതി പ്രഖ്യാപിച്ചു....കലാമേള 2027 ഒക്ടോബർ 9 ശനിയാഴ്ച
- യുക്മ സാംസ്കാരിക വേദി 'സൃഷ്ടിലയ 2026' സാഹിത്യപുരസ്‌കാരത്തിന് രചനകൾ ക്ഷണിക്കുന്നു. ഉപന്യാസം, കവിത, ചെറുകഥ എന്നിവയിൽ മത്സരങ്ങൾ.
- യുക്മ യോർക്ഷയർ & ഹംബർ റീജിയണൽ കലാമേള: ഷെഫീൽഡ് ചാമ്പ്യൻ, EYCO റണ്ണറപ്പ്; അവന്തിക ഗിരീഷ് കലാ തിലകം, സനൽ ദാമോദരൻ കലാ പ്രതിഭ.
- ഹോൾബോൺ ആൻഡ് സെന്റ് പാൻക്രാസ് ഉപതെരഞ്ഞെടുപ്പ്; ഗ്രീൻ പാർട്ടിയെ മറികടന്ന് ലേബർ പാർട്ടിക്ക് വിജയം
- ചാൾസ് രാജാവിന്റെ സഹോദരന്റെ വസതികളിൽ പരിശോധന നടത്താനുപയോഗിച്ച വാറന്റുകൾ നിമയവിരുദ്ധമെന്ന് കോടതി
- ഇന്ത്യൻ പൈലറ്റ് സ്മിത് മച്ചാറിന് ഇസ്രായേലിന്റെ പരമോന്നത ധീരതാ പുരസ്കാരം
ഇന്ത്യൻ പൈലറ്റ് സ്മിത് മച്ചാറിന് ഇസ്രായേലിന്റെ പരമോന്നത ധീരതാ പുരസ്കാരം
തെൽ അവീവ്: ദുബൈയിൽ നിന്ന് തെൽ അവീവിലേക്കുള്ള ഫ്ലൈദുബൈ വിമാനത്തിൽ സഹപൈലറ്റിന്റെ ആക്രമണം ചെറുത്ത് 174 യാത്രക്കാരുടെയും ജീവനക്കാരുടെയും ജീവൻ രക്ഷിച്ച ഇന്ത്യൻ പൈലറ്റ് ക്യാപ്റ്റൻ സ്മിത് മച്ചാറിന് ഇസ്രായേലിന്റെ സിവിലിയൻ ധീരതാ പുരസ്കാരം. സാധാരണ പൗരന്മാർക്ക് നൽകുന്ന രാജ്യത്തെ ഏറ്റവും ഉയർന്ന ധീരതാ ബഹുമതിയാണിത്.
പരിക്കേറ്റ ഇന്ത്യൻ പൈലറ്റ് നിലവിൽ യു.എ.ഇയിലെ ആശുപത്രിയിൽ ചികിത്സയിൽ കഴിയുകയാണ്. ആരോഗ്യം വീണ്ടെടുത്തശേഷം പുരസ്കാരം സമ്മാനിക്കുമെന്ന് ഇസ്രായേൽ പ്രസിഡന്റ് ഐസക് ഹെർസോഗ് അറിയിച്ചു.“ഇന്ന് ആദരിക്കുന്ന ഇസ്രായേലി ധീരന്മാർക്കൊപ്പം ഇന്ത്യക്കാരനായ ക്യാപ്റ്റൻ സ്മിത് മച്ചാറിന്റെ വേഗത്തിലുള്ള പൂർണ സുഖപ്രാപ്തിക്കായി ഞങ്ങൾ ആശംസിക്കുന്നു. അദ്ദേഹത്തിന്റെ അസാധാരണ ധീരതയും പ്രൊഫഷണൽ മികവും വലിയൊരു ദുരന്തം ഒഴിവാക്കാൻ സഹായിച്ചു. അദ്ദേഹം ആരോഗ്യം വീണ്ടെടുത്തുകഴിഞ്ഞാൽ, ഇസ്രായേൽ ജനതക്ക് വേണ്ടി ഈ പുരസ്കാരം സമ്മാനിക്കും,” ഹെർസോഗ് പറഞ്ഞു.
വിമാനം തകർക്കാനുള്ള ശ്രമം തടയാൻ സഹപൈലറ്റിനെ കീഴടക്കിയ അഞ്ച് ഇസ്രായേൽ പൗരന്മാർക്കും പ്രസിഡന്റ് ഹെർസോഗ് ധീരതാ പുരസ്കാരങ്ങൾ സമ്മാനിച്ചിരുന്നു.
ഇസ്രായേൽ രഹസ്യാന്വേഷണ വിഭാഗത്തെ ഉദ്ധരിച്ചുള്ള റിപ്പോർട്ടുകൾ പ്രകാരം, വിമാനം നിയന്ത്രണത്തിലാക്കി തെൽ അവീവിലേക്ക് പറത്തുകയും അവിടെയുള്ള ഒരു കെട്ടിടത്തിലേക്ക് ഇടിച്ചിറക്കുകയും ചെയ്യാനായിരുന്നു സഹപൈലറ്റിന്റെ ആദ്യ പദ്ധതി. സ്മിത് മച്ചാറിന്റെ ഇടപെടൽ ഈ നീക്കം തടയുകയായിരുന്നു. പിന്നീട് വിമാനം മരുഭൂമിയിൽ തകർക്കാൻ സഹപൈലറ്റ് ശ്രമിച്ചതായും റിപ്പോർട്ടുകളുണ്ട്.
ദുബൈയിൽ നിന്ന് ഇസ്രായേലിലേക്ക് പുറപ്പെട്ട വിമാനത്തിൽ വെച്ച് ഒമാൻ പൗരനായ സഹപൈലറ്റ് ഹമ്മാം അൽ ഹമ്മാമിയാണ് വിമാനം തകർക്കാൻ ശ്രമിച്ചെന്നും, അതിനെ ക്യാപ്റ്റൻ സ്മിത് മച്ചാർ സാഹസികമായി ചെറുത്തു തോൽപ്പിച്ചെന്നുമാണ് റിപ്പോർട്ടുകൾ. കോക്പിറ്റിലെ എമർജൻസി കോടാലി ഉപയോഗിച്ചാണ് സഹപൈലറ്റ് ക്യാപ്റ്റൻ മച്ചാറെ ആക്രമിക്കുകയും ഗുരുതരമായി പരിക്കേൽപ്പിക്കുകയും ചെയ്തത്. 174 യാത്രക്കാരുമായി സഞ്ചരിച്ച വിമാനം 34,000 അടി ഉയരത്തിൽ നിന്ന് 17,000 അടിയിലേറെ താഴ്ചയിലേക്ക് അതിവേഗം താഴേക്ക് പതിച്ചു. ഗുരുതരമായി പരിക്കേറ്റ ക്യാപ്റ്റൻ മച്ചാർ കോക്പിറ്റ് വാതിൽ തള്ളിത്തുറന്നതിനെ തുടർന്ന് യാത്രക്കാർക്ക് അകത്തുകയറി അക്രമിയെ കീഴ്പെടുത്തുകയായിരുന്നു.
തുടർന്ന് ഡ്യൂട്ടിയിലല്ലാതിരുന്ന രണ്ട് പൈലറ്റുമാർ ചേർന്ന് സൗദി അറേബ്യയിലെ തബൂക്ക് നഗരത്തിലുള്ള പ്രിൻസ് സുൽത്താൻ ബിൻ അബ്ദുൽ അസീസ് എയർപോർട്ടിൽ വിമാനം സുരക്ഷിതമായി ലാൻഡ് ചെയ്തു. അക്രമിയായ പൈലറ്റിനെ സുരക്ഷാ സേന കസ്റ്റഡിയിലെടുത്തു. നിലവിൽ സംഭവത്തെക്കുറിച്ചുള്ള അന്വേഷണം പുരോഗമിക്കുകയാണ്.
Latest News:
സമാധാന നൊബേല്‍ ഇന്ത്യന്‍ വംശജ നവനേതം നവിപിള്ളൈയ്ക്ക്
ജനീവ: ഇത്തവണത്തെ സമാധാന നൊബേല്‍ ഇന്ത്യന്‍ വംശജ നവനേതം നവിപിള്ളൈയ്ക്ക്. രാജ്യാന്തരതലത്തില് യുദ്ധവിര...Latest News
വിഴിഞ്ഞത്ത് മത്സ്യത്തൊഴിലാളികൾക്ക് കൂടി പങ്കാളിത്തമുള്ള തുറമുഖമാണ് നിർമിക്കാൻ പോകുന്നത്: മുഖ്യമന്ത്ര...
വിഴിഞ്ഞം: മത്സ്യത്തൊഴിലാളികളുടെ കണ്ണുനീർ വീണിട്ടല്ല തുറമുഖം നിർമ്മിക്കാൻ പോകുന്നതെന്ന് മുഖ്യമന്ത്രി...Latest News
യുക്മ വെയിൽസ് റീജിയണൽ അപ്റ്റസ് ലീഗൽ കലാമേള ഒക്ടോബർ 10ന്; ചീഫ് ഗസ്റ്റായി ഷീജോ വർഗ്ഗീസ്, ഉൽഘാടനം പീറ്റ...
ബെന്നി അഗസ്റ്റിൻ, യുക്മ ദേശീയ കമ്മിറ്റി അംഗം പെനാർത്ത് (കാർഡിഫ്): യുകെയിലെ മലയാളി സമൂഹത്തിന്റെ സ...uukma region
അതീവ ജാഗ്രത പാലിക്കണം; ഇന്ത്യൻ പൗരന്മാർക്ക് നിർദ്ദേശം നൽകി റിയാദിലെ എംബസി
റിയാദ്: നിലവിലെ സാഹചര്യം കണക്കിലെടുത്ത് സൗദി അറേബ്യയിലുള്ള മുഴുവൻ ഇന്ത്യൻ പൗരന്മാരും അതീവ ജാഗ്രത പാ...World
മലപ്പുറം ജില്ലക്കാർക്ക് റെയിൽവേയുടെ സന്തോഷ വാർത്ത, സുപ്രധാനമായ തീരുമാനം ഉടൻ ?; വേണാട് എക്സ്ര്പസ് നില...
മലപ്പുറം: വേണാട് എക്സ്പ്രസ് നിലമ്പൂരിലേക്ക് നീട്ടണമെന്ന മലപ്പുറം ജില്ലയിലെ മലയോരവാസികളുടെ ദീർഘകാല...Kerala
മാസപ്പടി കേസ്: ‘പിണറായി വിജയന് ലഭിച്ചത് കൈക്കൂലിപ്പണം’; ED ഡിജിപിയ്ക്ക് നൽകിയ റിപ്പോർട്ട് പുറത്ത്
കൊച്ചി: സിഎംആർഎൽ- എക്സാലോജിക് ഇടപാടിൽ പിണറായി വിജയനും മുഹമ്മദ് റിയാസിനും വീണ ടി ക്കും എതിരെ കേസെടുക...Kerala
ബാലഭാസ്‌കറിന്റെ മരണം: തുടരന്വേഷണം നടത്താന്‍ സിബിഐക്ക് ഹൈക്കോടതി നിര്‍ദേശം
കൊച്ചി: വയലിനിസ്റ്റ് ബാലഭാസ്‌കറിന്റെ മരണത്തില് തുടരന്വേഷണം നടത്താന്‍ സിബിഐക്ക് നിര്‍ദേശം. രണ്ട് തവ...Latest News
മാസപ്പടി കേസ്: ഹൈക്കോടതി ഉത്തരവ് പഠിച്ച ശേഷം തീരുമാനമെടുക്കും, സർക്കാരിന് തിരിച്ചടിയല്ല; രമേശ് ചെന്ന...
കൊച്ചി: സിഎംആർഎൽ- എക്സാലോജിക് ഇടപാടിലെ ഹൈക്കോടതി ഉത്തരവ് പഠിച്ച ശേഷം തീരുമാനമെടുക്കുമെന്ന് ആഭ്യന്തര...Kerala
click on malayalam character to switch languages