മാൻവേഴ്‌സിൽ താരപ്പകിട്ട്: സനൂഷ സന്തോഷ് കേരളപൂരം 2026-ന്റെ സെലിബ്രിറ്റി ഗസ്റ്റ്….. സ്വാതന്ത്ര്യദിനാഘോഷ ഉദ്ഘാടനത്തിൽ  പങ്കെടുക്കും; ‘ഓണച്ചന്തം മലയാളി സുന്ദരി സീസൺ 2’ വിജയിക്ക് കിരീടം അണിയിക്കും

കുര്യൻ ജോർജ്ജ്

(നാഷണൽ പി.ആർ.ഒ & മീഡിയ കോർഡിനേറ്റർ)

റോതർഹാം: യുക്മ-ഇസ ലണ്ടൻ കേരളപൂരം 2026-ന് ഇത്തവണ സിനിമാ ലോകത്തിന്റെ താരപ്പകിട്ട് പകരാൻ പ്രശസ്ത ദക്ഷിണേന്ത്യൻ ചലച്ചിത്ര–ടെലിവിഷൻ താരം സനൂഷ സന്തോഷ് സെലിബ്രിറ്റി ഗസ്റ്റായി മാൻവേഴ്‌സ് ലേക്കിലെത്തുന്നു.ഓഗസ്റ്റ് 15-ന് നടക്കുന്ന ഇന്ത്യയുടെ സ്വാതന്ത്ര്യദിനാഘോഷങ്ങളുടെ ഉദ്ഘാടനച്ചടങ്ങിൽ പങ്കെടുക്കുന്ന സനൂഷ, വൈകുന്നേരം അരങ്ങേറുന്ന UUKMA – IZA – Theresas London Onachantham ‘Malayali Sundari Season 2’ ഗ്രാൻഡ് ഫിനാലെയിലെ പ്രധാന ആകർഷണമായിരിക്കും. മത്സരവിജയിയെ കിരീടം അണിയിക്കുന്ന പ്രത്യേക ചടങ്ങിലും അവർ പങ്കെടുക്കും.

രണ്ടര പതിറ്റാണ്ടിനടുത്ത് സിനിമ–ടെലിവിഷൻ രംഗത്ത് സജീവ സാന്നിധ്യമായ സനൂഷ സന്തോഷ്, ബാലതാരമായി അരങ്ങേറ്റം കുറിച്ച് പിന്നീട് മലയാളം, തമിഴ്, തെലുങ്ക്, കന്നഡ ഭാഷകളിലായി ശ്രദ്ധേയമായ വേഷങ്ങൾ അവതരിപ്പിച്ച അഭിനേത്രിയാണ്. കേരള സംസ്ഥാന ചലച്ചിത്ര അവാർഡ് ഉൾപ്പെടെ നിരവധി ബഹുമതികൾ നേടിയിട്ടുള്ള അവർ, ബാലതാരത്തിൽ നിന്ന് നായിക–കഥാപാത്ര വേഷങ്ങളിലേക്കുള്ള വിജയകരമായ മാറ്റത്തിലൂടെ ദക്ഷിണേന്ത്യൻ സിനിമയിൽ സ്വന്തമായ വ്യക്തിമുദ്ര പതിപ്പിച്ചു.

‘കാഴ്ച’, ‘സൗമ്യം’ തുടങ്ങിയ ചിത്രങ്ങളിലെ പ്രകടനങ്ങൾ സനൂഷയ്ക്ക് നിരൂപക പ്രശംസയും പുരസ്കാരങ്ങളും നേടിക്കൊടുത്തു. മലയാളത്തിനുപുറമേ തമിഴ്, തെലുങ്ക്, കന്നഡ ഭാഷകളിലായി നാല്പതിലധികം ചിത്രങ്ങളിൽ അഭിനയിച്ചിട്ടുള്ള അവർ സിനിമയ്ക്കൊപ്പം ടെലിവിഷൻ രംഗത്തും സജീവമായിരുന്നു.

കലാരംഗത്തെ നേട്ടങ്ങൾക്കൊപ്പം അക്കാദമിക് മേഖലയിലും ശ്രദ്ധേയമായ യാത്രയാണ് സനൂഷയ്ക്കുള്ളത്. University of Edinburgh-ൽ നിന്ന് MSc Global Mental Health & Society, St. Teresa’s College-ൽ നിന്ന് MA Sociology എന്നിവ നേടിയ അവർ കലയും സാമൂഹികബോധവും ഒരുമിച്ച് കൈകാര്യം ചെയ്യുന്ന വ്യക്തിത്വമായാണ് ശ്രദ്ധിക്കപ്പെടുന്നത്.

മലയാളി സുന്ദരി സീസൺ 2 – മാൻവേഴ്‌സിൽ ഗ്രാൻഡ് ഫിനാലെ

കേരളപൂരം 2026-ന്റെ ഏറ്റവും ശ്രദ്ധേയമായ സാംസ്കാരിക പരിപാടികളിലൊന്നായി ‘ഓണച്ചന്തം മലയാളി സുന്ദരി സീസൺ 2’ ഇത്തവണ കൂടുതൽ വിപുലമായാണ് ഒരുക്കുന്നത്.

യുകെയുടെ വിവിധ ഭാഗങ്ങളിൽ നിന്നെത്തുന്ന 12 പ്രതിഭാധനരായ മത്സരാർത്ഥികൾ ഗ്രാൻഡ് ഫിനാലെ റാമ്പിൽ മാറ്റുരയ്ക്കും. സൗന്ദര്യം മാത്രമല്ല, ആത്മവിശ്വാസം, വ്യക്തിത്വം, കേരളീയ സംസ്കാരബോധം, പാരമ്പര്യത്തിനോടുള്ള ബന്ധം, അവതരണ മികവ് എന്നിവയെല്ലാം ഒരുമിച്ച് ആഘോഷിക്കുന്ന വേദിയായിരിക്കും മലയാളി സുന്ദരി സീസൺ 2.

കേരളത്തിന്റെ ഓണനിറങ്ങളും പാരമ്പര്യസൗന്ദര്യവും സമകാലീന ഫാഷൻ അവതരണങ്ങളുമായി കോർത്തിണക്കിയാണ് പരിപാടി അണിയറയിൽ ഒരുങ്ങുന്നത്.

ഷോ ഡയറക്ടർ കമൽ രാജ് മാണിക്കത്ത്, കൊറിയോഗ്രാഫർ ദിവ്യ രഞ്ജിത്ത്, UUKMA She Leads-ന്റെ റെയ്‌മോൾ നിധിരി എന്നിവരുടെ നേതൃത്വത്തിലാണ് ഗ്രാൻഡ് ഫിനാലെയുടെ ഒരുക്കങ്ങൾ പുരോഗമിക്കുന്നത്.

അവസാനഘട്ട പരിശീലനം പൂർത്തിയാക്കിയ മത്സരാർത്ഥികൾ മാൻവേഴ്‌സിലെ വലിയ വേദിയിലേക്ക് എത്താൻ ഒരുങ്ങിക്കഴിഞ്ഞു. പാരമ്പര്യവും ആധുനികതയും ഒരുപോലെ പ്രതിഫലിപ്പിക്കുന്ന അവതരണങ്ങളിലൂടെ ഇത്തവണത്തെ സീസൺ കൂടുതൽ മനോഹരവും വ്യത്യസ്തവുമായിരിക്കുമെന്ന് സംഘാടകർ പ്രതീക്ഷിക്കുന്നു.

സനൂഷയുടെ സാന്നിധ്യം യുവതലമുറയ്ക്ക് പ്രചോദനം

ചെറുപ്പത്തിൽ തന്നെ അഭിനയരംഗത്ത് ശ്രദ്ധേയ വിജയം കൈവരിച്ച്, പിന്നീട് പല ഭാഷകളിലായി സ്ഥിരതയാർന്ന കരിയർ നിർമ്മിക്കുകയും അതോടൊപ്പം ഉന്നതവിദ്യാഭ്യാസവും തുടരുകയും ചെയ്ത സനൂഷ സന്തോഷിന്റെ സാന്നിധ്യം മത്സരാർത്ഥികൾക്കും യുകെയിലെ യുവതലമുറയ്ക്കും പ്രത്യേക പ്രചോദനമാകും.

കേരളീയ കലാ–സാംസ്കാരിക പാരമ്പര്യം ആഘോഷിക്കുന്ന വേദിയിൽ, സ്വന്തം കഴിവും ആത്മവിശ്വാസവും വ്യക്തിത്വവും മുന്നോട്ടുവയ്ക്കുന്ന പന്ത്രണ്ട് മത്സരാർത്ഥികളിൽ നിന്ന് വിജയിയെ തെരഞ്ഞെടുക്കുന്ന സായാഹ്നത്തിന് സനൂഷയുടെ താരസാന്നിധ്യം കൂടുതൽ മികവ് പകരും.

വൈകുന്നേരത്തെ ഗ്രാൻഡ് ഫിനാലെയിൽ ‘Malayali Sundari Season 2’ വിജയിക്ക് സനൂഷ സന്തോഷ് കിരീടം അണിയിക്കുന്ന നിമിഷം കേരളപൂരം 2026-ന്റെ ഏറ്റവും ഓർമ്മിക്കപ്പെടുന്ന മുഹൂർത്തങ്ങളിലൊന്നാകുമെന്നാണ് പ്രതീക്ഷ.

സ്വാതന്ത്ര്യദിനത്തിൽ നിന്ന് താരനിശയിലേക്ക്

പ്രഭാതത്തിൽ ഇന്ത്യയുടെ സ്വാതന്ത്ര്യദിനാഘോഷത്തിൽ പങ്കുചേരുന്നതിൽ നിന്ന് വൈകുന്നേരം മലയാളി സുന്ദരി ഗ്രാൻഡ് ഫിനാലെയിലെ കിരീടധാരണച്ചടങ്ങുവരെ സനൂഷ സന്തോഷിന്റെ സാന്നിധ്യം കേരളപൂരം 2026-ന് വേറിട്ടൊരു താരമാനം നൽകും.

വള്ളംകളി, സ്വാതന്ത്ര്യദിനാഘോഷം, ഘോഷയാത്ര, കേരളീയ കലാരൂപങ്ങൾ, കുടുംബ കാർണിവൽ, സാംസ്കാരിക പരിപാടികൾ, മലയാളി സുന്ദരി ഗ്രാൻഡ് ഫിനാലെ എന്നിവ ഒരേ വേദിയിൽ സംഗമിക്കുന്ന മാൻവേഴ്‌സ് ലേക്ക് ഓഗസ്റ്റ് 15-ന് യുകെ മലയാളികളുടെ ഏറ്റവും വലിയ ആഘോഷവേദികളിലൊന്നായി മാറും.

സിനിമയുടെ താരപ്പകിട്ടും, കേരളീയ സൗന്ദര്യത്തിന്റെ നിറപ്പകിട്ടും, സ്വാതന്ത്ര്യദിനത്തിന്റെ അഭിമാനവും ഒരുമിക്കുന്ന ഒരു ഓർമ്മയായിരിക്കും കേരളപൂരം 2026.

യുക്മ ദേശീയ ഭാരവാഹികളായ ഷീജോ വര്‍ഗ്ഗീസ്, വര്‍ഗ്ഗീസ് ഡാനിയേല്‍, സ്മിതാ തോട്ടം, സണ്ണിമോന്‍ മത്തായി, റെയ്മോള്‍ നിധീരി, പീറ്റര്‍ താണോലില്‍ എന്നിവരുടെ നേതൃത്വത്തില്‍ ഒരുക്കങ്ങള്‍ പൂര്‍ത്തിയായി വരുന്നു. 

യുക്മ – ഇസ ലണ്ടന്‍ കേരളപൂരം വള്ളംകളി 2026 ടൈറ്റില്‍ സ്പോണ്‍സറായ ഇസ ലണ്ടനോടൊപ്പം ലൈഫ് ലൈന്‍ പ്രൊട്ടക്ട് ലിമിറ്റഡ്, തെരേസാസ് ലണ്ടന്‍, പോള്‍ ജോണ്‍ & കമ്പനി സോളിസിറ്റേഴ്‌സ്, മണവാട്ടി, എല്‍.ടി.സി. ഗ്ലോബല്‍, ഏലൂര്‍ കണ്‍സല്‍ട്ടന്‍സി, കേരള ഡിലൈറ്റ്സ്, ഇന്‍ഫിന്‍ ടൂര്‍സ് ആന്റ് ട്രാവല്‍സ്, മൈ ലോക്കൽ ഇന്ത്യൻ മട്ടാഞ്ചേരി കാറ്ററിംഗ്, ടോണ്ടൻ എന്നിവരും ഉടന്‍ റിലീസിനൊരുങ്ങുന്ന മനോഹരമായ മലയാള ചിത്രം ‘ബത്‌ലഹേം കുടുംബ യൂണിറ്റ്’ ഉം ആയിരിക്കും മറ്റ് പ്രധാന സ്പോണ്‍സര്‍മാര്‍.

മലയാളികളുടെ ഇഷ്ടപ്പെട്ട കായിക വിനോദമായ വള്ളംകളിയും കേരളീയ കലാരൂപങ്ങളും എല്ലാമായി ഈ അവധിക്കാലത്തിൻ്റെയും ഓണാഘോഷങ്ങളുടെയുമിടയിൽ ഒരു ദിവസം മുഴുവൻ ആഹ്ലാദിച്ചുല്ലസിക്കുവാൻ  മുഴുവൻ യുകെ മലയാളികളെയും യുക്‌മ ദേശീയ സമിതി, ആഗസ്റ്റ്‌ 30 ന് റോഥർഹാമിലെ മാൻവേഴ്സ്  തടാകക്കരയിലേക്ക് സ്വാഗതം ചെയ്യുന്നതായി യുക്‌മ പ്രസിഡന്റ് അഡ്വ. എബി സെബാസ്റ്റ്യൻ, ജനറൽ സെക്രട്ടറി ജയകുമാർ നായർ, ട്രഷറർ ഷീജോ വർഗ്ഗീസ് എന്നിവർ അറിയിച്ചു.

യുക്മ – ഇസ ലണ്ടന്‍ കേരളപൂരം വള്ളംകളി 2026 കൂടുതല്‍ വിവരങ്ങള്‍ക്കുമായി താഴെ പറയുന്നവരെ ബന്ധപ്പെടേണ്ടതാണ് 

അഡ്വ. എബി സെബാസ്റ്റ്യന്‍ (പ്രസിഡന്റ്)- 07702862186

ജയകുമാര്‍ നായര്‍ (ജനറല്‍ സെക്രട്ടറി)- 07403223006

ഡിക്സ് ജോര്‍ജ്ജ് (ജനറല്‍ കണ്‍വീനര്‍)- 07403312250

ജോര്‍ജ്ജ് തോമസ് (ടീം മാനേജ്മെന്റ്) – 07903426018

കേരളപൂരം വള്ളംകളി നടക്കുന്ന വേദിയുടെ വിലാസം:-

Manvers Lake

Station Road 

Wath-Upon-Dearne

Rotherham 

South Yorkshire.

S63 7DG.