യുക്മ സൗത്ത് വെസ്റ്റ് റീജിയണൽ കലാമേള രജിസ്ട്രേഷൻ പുരോഗമിക്കുന്നു; നവാഗതരായി ഡോർചെസ്റ്റർ മലയാളി അസോസിയേഷൻ; കലാപ്രതിഭകളെത്തുന്നത് 24 അംഗ അസോയിയേഷനുകളിൽ നിന്ന്
Oct 07, 2026
സുജു ജോസഫ്, പി ആർ ഓ, യുക്മ സൗത്ത് വെസ്റ്റ് റീജിയൺ
സാലിസ്ബറി: യുക്മ ദേശീയ കലാമേളയ്ക്ക് മുന്നോടിയായി ഒക്ടോബർ 17 ന് സാലിസ്ബറിയിൽ നടക്കുന്ന സൗത്ത് വെസ്റ്റ് റീജിയണൽ കലാമേളയുടെ രജിസ്ട്രേഷൻ നടപടികൾ പുരോഗമിക്കുന്നു. അഞ്ഞൂറിലധികം മത്സരാർത്ഥികളെ പ്രതീക്ഷിക്കുന്ന കലാമേളയിൽ ഇക്കുറി മത്സരാത്ഥികളുടെ എണ്ണത്തിൽ കഴിഞ്ഞ വർഷത്തിലെ സർവ്വകാല റെക്കോർഡ് മറികടക്കുമെന്നാണ് സംഘാടകരുടെ പ്രതീക്ഷ.
കലാമേളയുടെ ആവേശം അംഗ അസോസിയേഷനുകളും ഏറ്റെടുത്തിരിക്കുകയാണ് ഇക്കുറി. കലാമേളയിൽ നവാഗതരായി ഡോർചെസ്റ്റർ മലയാളി അസ്സോസിയേഷൻ പ്രതിഭകൾ രംഗത്തുണ്ട്. അടുത്തിടെ യുക്മ അംഗത്വം ലഭിച്ച ഡോർചെസ്റ്റർ മലയാളി അസോസിയേഷൻ പ്രസിഡന്റ് അനു തങ്കച്ചൻ, സെക്രട്ടറി റോബിൻ ജേക്കബ് എന്നിവരുടെ നേതൃത്വത്തിൽ ഇതിനകം തന്നെ വിപുലമായ തയ്യാറെടുപ്പുകളാണ് കലാമേളയിൽ പങ്കെടുക്കുന്നതിനായി നടത്തി വരുന്നത്.
തുടർച്ചയായി ഇത് അഞ്ചാം തവണയാണ് റീജിയണൽ കലാമേളയ്ക്ക് സാലിസ്ബറി വേദിയാകുന്നത്. സാലിസ്ബറിയിലെ ഷാഫിൻ ഗൊഡോൾഫിൻ സീനിയർ സ്കൂളിൽ അഞ്ചു വേദികളിലായി രാവിലെ എട്ടു മണി മുതൽ വൈകുന്നേരം എട്ടു മണി വരെയാണ് മത്സരങ്ങൾ ക്രമീകരിച്ചിരിക്കുന്നത്. റീജിയണിലെ 24 അംഗ അസ്സോസിയേഷനുകളുടെയും പങ്കാളിത്തത്തോടെയും സഹകരണത്തോടെയുമാണ് കലാമേളയ്ക്കായുള്ള മുന്നൊരുക്കങ്ങൾ നടത്തി വരുന്നത്. രജിസ്ട്രേഷൻ സംബന്ധിച്ച വിവരങ്ങളും രജിസ്ട്രേഷൻ ലിങ്കുകളും ഇതിനകം തന്നെ അംഗ അസ്സോസിയേഷനുകൾക്ക് അയച്ചു നൽകിയിട്ടുണ്ടെന്നും, ലഭിക്കുന്നത് മികച്ച പ്രതികരണമാണെന്നും സെക്രട്ടറി ജോബി തോമസ് അറിയിച്ചു.
അഞ്ഞൂറിലേറെ മത്സരാർത്ഥികളെ പ്രതീക്ഷിക്കുന്ന കലാമേള വേദിയിൽ ഇക്കുറിയും വിപുലമായ സൗകര്യങ്ങളാണ് ഒരുക്കുന്നതെന്ന് പ്രസിഡന്റ് സുനിൽ ജോർജ്ജ് അറിയിച്ചു. വമ്പിച്ച ജനപങ്കാളിത്തം പ്രതീക്ഷിക്കുന്ന കലാമേളയിൽ സൗജന്യ കാർപാർക്കിംഗ് ഷാഫിൻ ഗൊഡോൾഫിൻ സീനിയർ സ്കൂളിലും തൊട്ടടുത്ത് തന്നെയുള്ള അനുബന്ധ സ്ഥാപനമായ ഷാഫിൻ ഗോഡോൾഫിൻ പ്രീപ്പറേറ്ററി സ്കൂളിലുമായാണ് ക്രമീകരിച്ചിരിക്കുന്നത്. ഇത് കൂടാതെ വേദിയിൽ നിന്ന് നൂറ് മീറ്റർ അകലെ മാത്രമുള്ള സിറ്റി കൗൺസിൽ പെയ്ഡ് കാർ പാർക്കിങ് സൗകര്യവും ലഭ്യമാണ്. കലാമേളയുടെ കാറ്ററിംഗ് പാർട്ട്നറായ മട്ടാഞ്ചേരി റെസ്റ്റോറന്റ് മുഴുവൻ സമയവും പ്രവർത്തിക്കുന്ന ഭക്ഷണശാലയും ഒരുക്കുന്നുണ്ട്. റീജിയണൽ കലാമേള ഇക്കുറിയും വൻ വിജയമാക്കുവാൻ എല്ലാ കലാപ്രേമികളെയും സ്വാഗതം ചെയ്യുന്നതായി സൗത്ത് വെസ്റ്റ് റീജിയണൽ കമ്മിറ്റിയ്ക്ക് വേണ്ടി നാഷണൽ എക്സിക്യു്ട്ടീവ് കമ്മിറ്റിയംഗം രാജേഷ് രാജ്, ട്രഷറർ ബേബി വർഗ്ഗീസ് ആലുങ്കൽ എന്നിവർ അറിയിച്ചു.
ലൈഫ് ലൈൻ പ്രൊട്ടക്ട്, ഇൻഫിൻ ടൂർസ് ആൻഡ് ട്രാവൽസ്, പോൾ ജോൺ ആൻഡ് കോ സോളിസിറ്റേഴ്സ്, ജിയ ട്രാവെൽസ്, ക്യൂബക്സ് ലേർണിംഗ്, ആക്സിമിക്സ് ഡിജിറ്റൽ പ്രിന്റിങ്, മട്ടാഞ്ചേരി റെസ്റ്റോറന്റ്, മന്യ കളക്ഷൻസ്, ബെറ്റർ ഫ്രെയിംസ് എന്നിവരാണ് കലാമേളയുടെ സ്പോൺസർമാർ. ജെ എം പി സോഫ്റ്റ്വെയർ ടെക്നിക്കൽ പാർട്ട്ണറും യുക്മ ന്യൂസ് മീഡിയ പാർട്ണറുമാകും.
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages