കലാപ്രതിഭകളേ, ഇനി വൈകേണ്ട; യുക്മ ഡോ. സൈമൺസ് അക്കാദമി നോർത്ത് വെസ്റ്റ് റീജിയൺ കലാമേളയുടെ രജിസ്ട്രേഷൻ നാളെ സെപ്റ്റംബർ 26-ന് അവസാനിക്കും….
Sep 25, 2026
അനിൽ ഹരി
(പി ആർ ഒ, യുക്മ നോർത്ത് വെസ്റ്റ് റീജിയൻ്)
ലിവർപൂൾ: നോർത്ത് വെസ്റ്റ് റീജിയണിലെ മലയാളി കലാപ്രതിഭകൾ ഒരേ വേദിയിൽ മാറ്റുരയ്ക്കുന്ന ഏറ്റവും വലിയ കലാ മാമാങ്കമായ യുക്മ ഡോ. സൈമൺസ് അക്കാദമി ഓഫ് സയൻസ് നോർത്ത് വെസ്റ്റ് റീജിയണൽ കലാമേള ഒക്ടോബർ 3 ശനിയാഴ്ച ലിവർപൂളിൽ അരങ്ങേറും. കലാമേളയ്ക്കുള്ള ഒരുക്കങ്ങൾ സജീവമായി പുരോഗമിക്കുന്നതിനിടെ മത്സരാർത്ഥികളുടെ രജിസ്ട്രേഷൻ നാളെ സെപ്റ്റംബർ 26 ശനിയാഴ്ച രാത്രി 12 മണിക്ക് അവസാനിക്കും. രജിസ്ട്രേഷൻ നാളെ പൂർത്തിയാകാനിരിക്കെ ഇത്തവണ മത്സരാർത്ഥികളുടെ പ്രാതിനിധ്യം റെക്കോർഡ് കടക്കുമെന്നുറപ്പായി. റീജിയണിലെ വിവിധ അംഗ അസോസിയേഷനുകളിൽ നിന്ന് മികച്ച പ്രതികരണമാണ് ഇത്തവണ ലഭിച്ചുവരുന്നത്. ഇനിയും രജിസ്റ്റർ ചെയ്യാത്ത മത്സരാർത്ഥികൾ അവസാന ദിവസത്തേക്ക് കാത്തിരിക്കാതെ തങ്ങളുടെ അംഗ അസോസിയേഷനുകളുമായി ബന്ധപ്പെട്ട് രജിസ്ട്രേഷൻ പൂർത്തിയാക്കണമെന്ന് യുക്മ നോർത്ത് വെസ്റ്റ് റീജിയണൽ നേതൃത്വം അഭ്യർത്ഥിച്ചു.
ഡോ. സൈമൺസ് അക്കാദമി ഓഫ് സയൻസ് ടൈറ്റിൽ സ്പോൺസറാകുന്ന ഇത്തവണത്തെ കലാമേളയ്ക്ക് ലിവർപൂളിലെ Broughton Hall Catholic High School വേദിയാകും. നോർത്ത് വെസ്റ്റിന്റെ വിവിധ ഭാഗങ്ങളിൽ നിന്നെത്തുന്ന കലാപ്രതിഭകളുടെ ആവേശകരമായ മത്സരങ്ങൾക്കാണ് ഒക്ടോബർ 3-ന് ലിവർപൂൾ സാക്ഷ്യം വഹിക്കുക.
വിവിധ പ്രായവിഭാഗങ്ങളിലായി അരങ്ങേറുന്ന മത്സരങ്ങളിൽ സംഗീതം, നൃത്തം തുടങ്ങി നിരവധി കലാ ഇനങ്ങളിൽ പ്രതിഭകൾ മാറ്റുരയ്ക്കും. വേദികളിൽ വിജയത്തിനായുള്ള പോരാട്ടം നടക്കുമ്പോൾ, വേദിക്ക് പുറത്തും കുടുംബങ്ങളുടെയും സുഹൃത്തുക്കളുടെയും കലാസ്നേഹികളുടെയും ഒത്തുചേരൽ കലാമേളയ്ക്ക് ഉത്സവാന്തരീക്ഷം പകരും.
കലാമേളയുടെ നിയമാവലി, മത്സര ഇനങ്ങൾ, പ്രായവിഭാഗങ്ങൾ, രജിസ്ട്രേഷൻ നടപടികൾ തുടങ്ങിയ വിശദവിവരങ്ങൾ അതത് യുക്മ അംഗ അസോസിയേഷനുകളിൽ നിന്ന് ലഭ്യമാണ്. യുക്മയുടെ അംഗ അസോസിയേഷനുകളിൽ അംഗത്വമുള്ളവർക്കാണ് മത്സരങ്ങളിൽ പങ്കെടുക്കാൻ അവസരം.
രജിസ്ട്രേഷൻ അവസാനിക്കാൻ ഇനി ഒരു ദിവസം മാത്രം ശേഷിക്കുന്ന സാഹചര്യത്തിൽ പങ്കെടുക്കാൻ ആഗ്രഹിക്കുന്നവർ നാളെ സെപ്റ്റംബർ 26-നകം നടപടികൾ പൂർത്തിയാക്കണമെന്ന് സംഘാടകർ ഓർമ്മിപ്പിച്ചു.
യുക്മ നോർത്ത് വെസ്റ്റ് റീജിയൺ കലാമേള സ്പോൺസർ ചെയ്യുന്ന സ്ഥാപനങ്ങൾ:
ഡോ. സൈമൺസ് അക്കാദമി ഓഫ് സയൻസ് (Dr. Simon’s Academy of science), ലൈഫ് ലൈൻ മോർട്ടഗേജ് ആൻഡ് ഇൻഷുറൻസ് സെർവീസ്സ് (LifeLine Protect Limited), ജെ എം പി സോഫ്റ്റ് വെയർ (JMP Software ), പോൾ ജോൺ & കോ സോളിസിറ്റേഴ്സ് (Paul John & co solicitors), സേവ്യേഴ്സ് ചാർട്ടേഡ് സർട്ടിഫൈഡ് അക്കൗണ്ടന്റ്സ് (Xaviers Accounts &Registered Auditors), ബോബ് കെയർ ഹെൽത്ത് കെയർ ഏജൻസി (Bob Care), ജിയാ ട്രാവൽസ് ആൻഡ് ഹോളിഡേയ്സ് (Gia Travels and Holidays ), ഏലൂർ സ്റ്റഡി അബ്രോഡ് (Ealoor Study Abroad UK). ക്ലിക്ക്2ബ്രിംഗ് ഗ്രോസറീസ് (Click to Bring Groceries ), ഓറ ക്ലോത്തിങ് ആൻഡ് ജുവല്ലറി (AURA Clothing and Jewelry), പാർക്ക് ഹാൾ റിസോർട്ട് & സ്പാ (Park Hall Park Hall Resort & Spa), Book Box UK, JOVEN PROMISE.
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages