യുക്മ ഡോ. സൈമൺസ് അക്കാദമി ഓഫ് സയൻസ് – നോർത്ത് വെസ്റ്റ് റീജിയണൽ കായികമേള ഇന്ന് വാറിങ്ടണിൽ…….. യുക്മ നാഷണൽ ട്രഷറർ ഷീജോ വർഗീസ് ഉദ്ഘാടനം നിർവഹിക്കും…. സമാപന സമ്മേളനത്തിൽ ജോയിൻ്റ് ട്രഷറർ പീറ്റർ താണോലിൽ മുഖ്യാതിഥി
Jun 13, 2026
അനിൽ ഹരി
(പി ആർ ഒ, യുക്മ നോർത്ത് വെസ്റ്റ് റീജിയൺ)
വാറിങ്ടൺ: യുക്മ ഡോ. സൈമൺസ് അക്കാദമി ഓഫ് സയൻസ് – നോർത്ത് വെസ്റ്റ് റീജിയണൽ കായികമേള നാളെ (ജൂൺ 13) വാറിങ്ടണിൽ അരങ്ങേറും. വാറിങ്ടൺ മലയാളി അസോസിയേഷൻ (വാമ) ആതിഥേയത്വം വഹിക്കുന്ന കായികമേള യുക്മ നാഷണൽ യുക്മ നാഷണൽ ട്രഷറർ ഷീജോ വർഗീസ് ഉദ്ഘാടനം ചെയ്യും.
യുക്മ നോർത്ത് വെസ്റ്റ് റീജിയണൽ പ്രസിഡന്റ് ഷാജി തോമസ് വരാകുടി അദ്ധ്യക്ഷത വഹിക്കുന്ന ഉദ്ഘാടനച്ചടങ്ങിൽ യുക്മ ദേശീയ സമിതി അംഗങ്ങളും വാമ ഭാരവാഹികളും ആശംസകൾ നേർന്ന് സംസാരിക്കും.
യുക്മ ദേശീയ സമിതി അംഗം ബിജു പീറ്റർ,നോർത്ത് വെസ്റ്റ് റീജിയണൽ പ്രസിഡന്റ് ഷാജി തോമസ് വരാകുടി, സെക്രട്ടറി സനോജ് വർഗീസ്, ട്രഷറർ ഷാരോൺ ജോസഫ്, സ്പോർട്സ് കോ – ഓർഡിനേറ്റർ ബിനോയ് മാത്യു, വൈസ് പ്രസിഡൻ്റുമാരായ അശ്വതി, അഭിറാം ജോയിൻ്റ് സെക്രട്ടറി ജെറിൻ ജോസ്, ജോയിൻ്റ് ട്രഷറർ ജോബി മാത്യു, വാറിംഗ്ടൺ മലയാളി അസോസിയേഷൻ പ്രസിഡൻ്റ് സുനിൽ, റീജിയണൽ ഭാരവാഹികളായ ബെന്നി ജോസഫ്, ജനീഷ് കുരുവിള, ജിൽസൻ, ബിനു, രാജീവ്, സിജോ തുടങ്ങിയവരുടെ നേതൃത്വത്തിൽ കായികമേളയുടെ എല്ലാ ഒരുക്കങ്ങളും പൂർത്തിയായതായി സംഘാടകർ അറിയിച്ചു.
നാനൂറിലധികം മത്സരാർത്ഥികളും കായികപ്രേമികളും പങ്കെടുക്കുന്ന ഈ കായികമാമാങ്കം നോർത്ത് വെസ്റ്റ് മേഖലയിലെ ഏറ്റവും വലിയ കായികസംഗമങ്ങളിലൊന്നായിരിക്കും. കായികമേളയുമായി ബന്ധപ്പെട്ട വിവരങ്ങൾ ഉൾക്കൊള്ളുന്ന മാനുവൽ എല്ലാ അംഗ അസോസിയേഷനുകൾക്കും ഇതിനകം കൈമാറിയിട്ടുണ്ടെന്ന് റീജിയണൽ സ്പോർട്സ് കോർഡിനേറ്റർ ബിനോയ് മാത്യു അറിയിച്ചു.
ലാച്ച്ഫോർഡിലെ വിക്ടോറിയ പാർക്ക് സ്റ്റേഡിയത്തിൽ രാവിലെ 8.30 മുതൽ രജിസ്ട്രേഷൻ ആരംഭിക്കും. തുടർന്ന് നടക്കുന്ന മാർച്ച് പാസ്റ്റോടെയാണ് മത്സരങ്ങൾക്ക് തുടക്കമാകുക. ട്രാക്ക് ആൻഡ് ഫീൽഡ് മത്സരങ്ങൾ വൈകിട്ട് മൂന്ന് മണിവരെ തുടരും. മത്സരങ്ങൾ രാവിലെ തന്നെ ആരംഭിക്കുന്നതിനാൽ എല്ലാ മത്സരാർത്ഥികളും രാവിലെ 9 മണിക്കുമുമ്പ് രജിസ്ട്രേഷൻ പൂർത്തിയാക്കണമെന്ന് കമ്മിറ്റി അറിയിച്ചു.
വിശാലമായ ഗ്രൗണ്ടും അനുകൂലമായ കാലാവസ്ഥയും കായികമേളയ്ക്ക് കൂടുതൽ മികവ് പകരും. കൂടാതെ, വിഭവസമൃദ്ധമായ ഭക്ഷണശാലയുമായി Ma’s House ദിനം മുഴുവൻ പ്രവർത്തിക്കും. കായികമേളയിൽ പങ്കെടുക്കുന്നവർക്കായി പ്രഭാതഭക്ഷണം, ഉച്ചഭക്ഷണം, സായാഹ്ന ഭക്ഷണം എന്നിവ തനത് കേരളീയ വിഭവങ്ങളോടെ ഒരുക്കുമെന്ന് Ma’s House അറിയിച്ചു. കൂടാതെ കുട്ടികൾക്കായി പ്രത്യേക മെനുവും ലഭ്യമാകുമെന്നും സംഘാടകർക്ക് Ma’s House ഉറപ്പ് നൽകിയിട്ടുണ്ട്. സമാപനച്ചടങ്ങിനോടനുബന്ധിച്ച് പ്രത്യേക ടേക്ക്-അവേ കൗണ്ടറും ഒരുക്കിയിട്ടുണ്ട്.
നോർത്ത് വെസ്റ്റ് റീജിയണിലെ വിവിധ മലയാളി അസോസിയേഷനുകളിൽ നിന്നുള്ള മത്സരാർത്ഥികൾ പങ്കെടുക്കുമെന്ന് യുക്മ ഭാരവാഹികൾ അറിയിച്ചു.
വൈകിട്ട് നടക്കുന്ന സമാപന സമ്മേളനത്തിൽ യുക്മ നാഷണൽ ജോയിൻറ് ട്രഷറർ പീറ്റർ താണോലിൽ മുഖ്യാതിഥിയായി പങ്കെടുക്കും. യുക്മ ചാരിറ്റി ഫൗണ്ടേഷൻ വൈസ് ചെയർമാൻ അലക്സ് വർഗീസ്, യുക്മ നാഷണൽ പി.ആർ.ഒ. കുര്യൻ ജോർജ്, യുക്മ സാസ്കാരിക വേദി ജനറൽ കൺവീനർ ജാക്സൻ തോമസ് എന്നിവർ വിശിഷ്ടാതിഥികളായും പങ്കെടുക്കും.
സമാപന സമ്മേളനത്തിൽ വിജയികൾക്കുള്ള ട്രോഫികളും സർട്ടിഫിക്കറ്റുകളും വിതരണം ചെയ്യും. മാഞ്ചസ്റ്റർ മലയാളിയും, സംരംഭകനുമായ ലൈജു മാനുവൽ തന്റെ ഗ്രാൻഡ് ഫാദറിൻ്റെ സ്മരണാർത്ഥം സമർപ്പിച്ച പോത്തൻ ഔസേപ്പ് പുളിച്ചമാക്കിയിൽ മെമ്മോറിയൽ എവർറോളിംഗ് ട്രോഫിയാണ് ഏറ്റവും കൂടുതൽ പോയിന്റുകൾ നേടുന്ന അസോസിയേഷനാണ് സ്വന്തമാകുക. കൂടാതെ രണ്ടും മൂന്നും സ്ഥാനങ്ങൾ നേടുന്ന അസോസിയേഷനുകൾക്കും ട്രോഫികൾ സമ്മാനിക്കും.
കായികമേളയിൽ പങ്കെടുക്കുന്നവർക്കും അനുഗമിക്കുന്നവർക്കുമായി വിപുലമായ സൗകര്യങ്ങളാണ് സംഘാടക സമിതി ഒരുക്കിയിട്ടുള്ളത്.
നോർത്ത് വെസ്റ്റ് റീജിയണൽ മത്സരങ്ങളിൽ വിജയികളാകുന്നവർക്ക് ജൂൺ 20-ന് നടക്കുന്ന യുക്മ ദേശീയ കായികമേളയിൽ റീജിയണിനെ പ്രതിനിധീകരിച്ച് പങ്കെടുക്കാനുള്ള സുവർണാവസരവും ലഭിക്കും.
യുക്മ നേർത്ത് വെസ്റ്റ് റീജിയൻ സ്പോർട്സിൻ്റെ സ്പോൺസേഴ്സ്:
ഡോ. സൈമൺസ് അക്കാദമി ഓഫ് സയൻസ് (Dr. Simon’s Academy of science ).
പോൾ ജോൺ & കോ സോളിസിറ്റേഴ്സ്. (Paul John & co solicitors)
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages