യുക്മ ഈസ്റ്റ്-വെസ്റ്റ് മിഡ്ലാൻഡ്സ് കായികമാമാങ്കം ഇന്ന് റെഡ്ഡിച്ചിൽ…… ഒരുക്കങ്ങൾ പൂര്ത്തിയായി…… വർഗീസ് ഡാനിയേൽ ഉദ്ഘാടനം ചെയ്യും
Jun 13, 2026
രാജപ്പൻ വർഗീസ്
(പി ആർ ഒ, യുക്മ മിഡ്ലാൻഡ്സ് റീജിയൻ)
റെഡ്ഡിച്ച്: യുക്മയുടെ ഏറ്റവും സജീവവും ശക്തവുമായ ഈസ്റ്റ് – വെസ്റ്റ് മിഡ്ലാൻഡ്സ് റീജിയൻ സംഘടിപ്പിക്കുന്ന കായികമാമാങ്കം ഇന്ന്, ജൂൺ 13-ന് റെഡിറ്റ്ചിലെ Abbey Stadium-ൽ വച്ച് നടക്കും. ശ്രദ്ധേയമായ മത്സരങ്ങൾക്കും ചടങ്ങുകൾക്കും വേണ്ടിയുള്ള ഒരുക്കങ്ങൾ പൂര്ത്തിയായതായി റീജിയണൽ പ്രസിഡന്റ് അഡ്വ. ജോബി പുതുകുളങ്ങര അറിയിച്ചു.
കായികമേളയുടെ ഔപചാരികമായ ഉദ്ഘാടനം യുക്മ നാഷണൽ വൈസ് പ്രസിഡൻ്റ് വർഗ്ഗീസ് ഡാനിയേൽ ഫ്ലാഗ് ഓഫ് ചെയ്ത് നിർവഹിക്കും. തുടർന്ന് വിവിധ അസോസിയേഷനുകളെ പ്രതിനിധീകരിച്ച് അണിനിരക്കുന്ന താരങ്ങളുടെ മാർച്ച് പാസ്റ്റ് അരങ്ങേറും.
ഈ വർഷം റെക്കോർഡ് പങ്കാളിത്തമാണ് കായികമാമാങ്കത്തിന് ലഭിച്ചിരിക്കുന്നത്. ട്രാക്ക് & ഫീൽഡ് ഇനങ്ങളിലായി വിവിധ പ്രായവിഭാഗങ്ങളിൽ നിന്നുള്ള താരങ്ങൾ മാറ്റുരക്കും. രാവിലെ 10:00 മണിക്ക് രജിസ്ട്രേഷൻ ആരംഭിച്ച്, 10:30-ന് മത്സരങ്ങൾ ആരംഭിക്കുമെന്ന് സ്പോർട്സ് കോർഡിനേറ്റർ സജീവ് സെബാസ്റ്റ്യൻ അറിയിച്ചു. ട്രാക്ക് മത്സരങ്ങളുടെ ഏകോപന ചുമതല ജിനു സെബാസ്റ്റ്യൻ നിർവഹിക്കും.
കഴിഞ്ഞ മൂന്ന് വർഷമായി യുക്മ നാഷണൽ സ്പോർട്സ് ഡേയിലെ ഓവറോൾ ചാമ്പ്യൻമാരായ ഈസ്റ്റ്-വെസ്റ്റ് മിഡ്ലാൻഡ്സ് റീജിയൻ, ഇത്തവണയും കിരീടം നിലനിർത്താനുള്ള ആത്മവിശ്വാസത്തിലാണ്. റീജിയണൽ കായികമാമാങ്കം ദേശീയ മത്സരങ്ങൾക്കുള്ള മികച്ച താരങ്ങളെ തിരഞ്ഞെടുക്കുന്നതിനുള്ള പ്രധാന വേദിയുമാണ്. വിവിധ ഇനങ്ങളിലെ വിജയികൾക്കും മികച്ച പ്രകടനം കാഴ്ചവയ്ക്കുന്ന താരങ്ങൾക്കും ജൂൺ 20-ന് നടക്കുന്ന യുക്മ നാഷണൽ സ്പോർട്സ് ഡേയിൽ ഈസ്റ്റ്-വെസ്റ്റ് മിഡ്ലാൻഡ്സ് റീജിയനെ പ്രതിനിധീകരിച്ച് മത്സരിക്കാനുള്ള അവസരം ലഭിക്കും.
ഉദ്ഘാടന ചടങ്ങിൽ നാഷണൽ എക്സിക്യൂട്ടീവ് അംഗം ജോർജ് തോമസ്, റീജിയണൽ സെക്രട്ടറി ലൂയിസ് മേനച്ചേരി, ട്രഷറർ പോൾ ജോസഫ് എന്നിവരോടൊപ്പം റീജിയണൽ എക്സിക്യൂട്ടീവ് കമ്മിറ്റി അംഗങ്ങളായ ജോസ് തോമസ്, സോമി കുരുവിള, രാജീവ് ജോൺ, അനിത മധു, ജോർജ് മാത്യു, രേവതി അഭിഷേക്, രാജപ്പൻ വർഗീസ്, അരുൺ സെബാസ്റ്റ്യൻ, സനൽ ജോസ്, അരുൺ ജോർജ്, ആനി കുര്യൻ, ബെറ്റി തോമസ് എന്നിവരും സന്നിഹിതരായിരിക്കും.
വൈകിട്ട് നടക്കുന്ന സമ്മാനദാന സമ്മേളനത്തിൽ യുക്മ നാഷണൽ സെക്രട്ടറി ജയ്കുമാർ നായർ വിശിഷ്ടാതിഥിയായി പങ്കെടുക്കും. Kerala Cafe Coventry ഒരുക്കുന്ന രുചികരമായ ദക്ഷിണേന്ത്യൻ വിഭവങ്ങൾ, ശീതള പാനീയങ്ങൾ, ഐസ് ക്രീം മുതലായവ സ്റ്റേഡിയത്തിനടുത്തുള്ള ഭക്ഷണ സ്റ്റാളുകളിൽ ലഭ്യമാകും.
റീജിയണൽ എക്സിക്യൂട്ടീവ് കമ്മിറ്റി കായികമാമാങ്കത്തിന്റെ വിജയത്തിനായി എല്ലാവരുടെയും സഹകരണം ഹൃദയപൂർവ്വം അഭ്യർത്ഥിക്കുന്നു. രാവിലെ 10:00 മണിക്ക് രജിസ്ട്രേഷൻ ആരംഭിക്കും. എല്ലാ അസോസിയേഷനുകളിലെയും താരങ്ങളും അനുഭാവികളും സമയബന്ധിതമായി എത്തിച്ചേരണമെന്ന് സംഘാടകർ അഭ്യർത്ഥിച്ചു.
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages