കാത്തിരിപ്പിന്റെ പൊൻ തിളക്കം; യുക്മ സൗത്ത് വെസ്റ്റ് റീജിയണൽ കലാമേളയിൽ ഐ എം എ ബാൻബറി ജേതാക്കൾ
Oct 24, 2025
സുജു ജോസഫ്, പിആർഒ, യുക്മ സൗത്ത് വെസ്റ്റ്
സാലിസ്ബറി: ഇക്കഴിഞ്ഞ ശനിയാഴ്ച്ച നടന്ന യുക്മ സൗത്ത് വെസ്റ്റ് കലാമേള വേദി സാക്ഷിയായത് ചരിത്രനിമിഷങ്ങൾക്ക്. റിക്കോർഡുകൾ തിരുത്തിക്കുറിച്ച് അഞ്ഞൂറോളം മത്സരാർത്ഥികളാണ് ഇക്കുറി കലാമേള വേദിയിൽ മത്സരിക്കാനെത്തിയത്. സാലിസ്ബറിയിലെ ഗോഡോൾഫിൻ സ്കൂളിൽ അഞ്ചു വേദികളിലായി നടന്ന വാശിയേറിയ മത്സരങ്ങൾക്കൊടുവിൽ ഐ എം എ ബാൻബറി കലാമേള വേദിയുടെ പടിയിറങ്ങിയത് പൊന്നിൻ തിളക്കത്തോടെ.
ഏറെ നാളത്തെ കാത്തിരിപ്പിന് ശേഷം 117 പോയിന്റുമായാണ് ഐ എം എ ബാൻബറി ചാമ്പ്യൻ പട്ടം നേടിയെടുത്തത്. 2024 കലാമേളയിൽ ആദ്യ മൂന്ന് സ്ഥാനങ്ങളിലേതെങ്കിലുമൊന്ന് കൈപ്പിടിയിലൊതുക്കുമെന്ന വാശിയോടെയെത്തിയ ബാൻബറി ടീമിന് പക്ഷെ നിരാശയായിരുന്നു ഫലം. എന്നാലിക്കുറി ഒന്നാം സ്ഥാനം തന്നെ നേടുമെന്ന ദൃഢനിശ്ചയത്തിൽ തന്നെയായിരുന്നു ബാൻബറിക്കാർ. അറുപതോളം മത്സരാർത്ഥികളുമായി നൂറിലധികം പേരടങ്ങുന്ന സംഘമെത്തിയത് തികഞ്ഞ ആത്മവിശ്വാസത്തിലായിരുന്നു.
മാസങ്ങൾ നീണ്ട കഠിന പ്രയത്നവും പരിശീലന കളരികളുമായി സംഘടനയിലെ മുഴുവൻ അംഗങ്ങളും റീജിയണൽ കലാമേളയ്ക്കായുള്ള തയ്യാറെടുപ്പിലായിരുന്നു. ഐ എം എ ബാൻബറി യുക്മ പ്രതിനിധിയും യുക്മ സൗത്ത് വെസ്റ്റ് റീജിയൺ വൈസ് പ്രസിഡന്റുമായ ചാർളി മാത്യു, മറ്റ് യുക്മ പ്രതിനിധികളായ ജിസ്മോൻ ജോസഫ്, ജിനീഷ്, ഐ എം എ ഭാരവാഹികളായ പ്രസിഡന്റ് ഷിബു ചാക്കോ, സെക്രട്ടറി ലിജു ജോസഫ്, മറ്റ് കമ്മറ്റിയംഗങ്ങൾ തുടങ്ങിയവർ തേര് തെളിക്കാൻ മുന്നിൽ നിന്നതോടെ അസോസിയേഷൻ അംഗങ്ങളും സജീവമാകുകയായിരുന്നു.
പരിശീലകരും കോർഡിനേറ്റർമാരുമായി ഉമേഷ്, ശരണ്യ, ഷാഹില, അമ്മു, ജീന, ആസിഫ്എന്നിവർക്കൊപ്പം നവ്യോദയ ഡാൻസ് സ്കൂളും എത്തിയതോടെ രണ്ടു മാസത്തിലേറെയായി നിരന്തരമായ പരിശീലന കളരികളായിരുന്നു. ഗ്രൂപ്പിനങ്ങളിലും വ്യക്തിഗത ഇനങ്ങളിലും മികച്ച കലാപരിപാടികളാണ് ഐ എം എ ബാൻബറി അവതരിപ്പിച്ചതെന്ന് കലാമേള വേദിയിലെത്തിയ ഓരോരുത്തരും പറയുന്നു. മുൻ ചാമ്പ്യന്മാരെ പിന്നിലാക്കിയാണ് ഐ എം എ ബാൻബറിയുടെ തേരോട്ടം അവസാനിച്ചത്. നാഷണൽ കലാമേളയിലും ഐ എം എ ബാൻബറി വെന്നിക്കൊടി പാറിക്കുമെന്നാണ് അസോസിയേഷൻ അംഗങ്ങൾ ഏകസ്വരത്തിൽ പറയുന്നത്. സമാപന സമ്മേളനത്തിൽ ചാമ്പ്യൻ ട്രോഫി യുക്മ നാഷണൽ സെക്രട്ടറി ജയകുമാർ നായരും എവർറോളിങ് ട്രോഫി യുക്മ ന്യൂസ് ചീഫ് എഡിറ്റർ സുജു ജോസഫും ഐ എം എ ബാൻബറിക്ക് സമ്മാനിച്ചു.
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages