കലാവിസ്മയങ്ങളുടെ പകൽപ്പൂരം, യുക്മ റോസ്റ്റർ കെയർ  നോർത്ത് വെസ്റ്റ്  റീജിയണൽ കലാമേളക്കു വർണാഭമായ കൊടിയിറക്കം. കലാകിരീടം മാഞ്ചസ്റ്റർ മലയാളി അസോസിയേഷന്; രോഹൻ റോബിൻ കലാപ്രതിഭ, ആൻ ട്രീസ ജോബി കലാതിലകം

അനിൽ ഹരി

(പി ആർ ഒ, യുക്മ നോർത്ത് വെസ്റ്റ്)

കലാവിസ്മയങ്ങളുടെ പകൽപ്പൂരത്തിനു കൊടിയിറങ്ങി. വിഗൻ മലയാളി അസോസിയേഷൻ ആതിഥേയത്വം വഹിച്ച യുക്മ റോസ്റ്റർ കെയർ  നോർത്ത് വെസ്റ്റ്  റീജിയണൽ കലാമേള  ഒക്ടോബർ 11 വിഗാൻ ഡീൻ ട്രസ്റ്റ് അങ്കണത്തിൽ വൻ ജനാവലിയുടെ സാന്നിധ്യത്തിൽ തിരശീല വീണു. രാവിലെ 9 മണിയോടെ ആരംഭിച്ച കലാമേളയിൽ യുക്മ നോർത്ത് വെസ്റ്റ് റീജിയണിലുള്ള  അംഗ അസ്സോസിയേഷനുകളിൽ നിന്നുമുള്ള  നാനൂറിലധികം കലാകാരന്മാരും കലാകാരികളും പങ്കെടുത്തു. പ്രായം അനുസരിച്ച് കിഡ്സ്, സബ്-ജൂനിയര്‍, ജൂനിയര്‍, സീനിയർ, സൂപ്പര്‍ സീനിയര്‍ എന്നീ വിഭാഗങ്ങളില്‍ ആയാണ് മത്സരങ്ങൾ നടന്നത്. 

 യുക്മ നോര്‍ത്ത് വെസ്റ്റ് റീജിയണല്‍ പ്രസിഡണ്ട് ശ്രീ ഷാജി തോമസ് വരാകുടി അദ്ധ്യക്ഷതയിൽ നടന്ന ഉദ്ഘാടന സമ്മേളനത്തിൽ യുക്മ പ്രസിഡന്റ് അഡ്വ. എബി സെബാസ്റ്റ്യൻ തിരി തെളിയിച്ചു. യുക്മ നാഷണൽ ട്രെഷറർ  ഷീജോ വർഗ്ഗീസ് മുഖ്യാതിഥി ആയിരുന്നു. ജനറൽ സെക്രട്ടറി  സനോജ് വർഗ്ഗീസ് സ്വാഗതം ആശംസിച്ചപ്പോൾ, ആർട്സ്  കോ ഓർഡിനേറ്റർ ശ്രീ രാജീവ് നന്ദി പ്രകാശിപ്പിച്ചു. യുക്മ നാഷണൽ പബ്ലിക് റിലേഷൻസ് ഓഫീസറും മീഡിയ കോർഡിനേറ്ററുമായ  കുര്യൻ ജോർജ്, യുക്മ സംസ്കരിക വേദി ജനറൽ കൺവീനർ അഡ്വ. ജാക്സൺ തോമസ്, ദേശീയ സമിതിയംഗം ബിജു പീറ്റർ, റീജിയണൽ ട്രഷറർ ഷാരോൺ ജോസഫ്, 

വൈസ പ്രസിഡൻ്റ് അഭിറാം, ജോയിൻ്റ് സെക്രട്ടറി ജെറിൻ ജോസ്, ജോയിൻ്റ് ട്രഷറർ  ജോസഫ് മാത്യു, പി ആർ ഒ അനിൽ ഹരി, മീഡിയ കോർഡിനേറ്റർ ജനീഷ് കുരുവിള തുടങ്ങി യുക്മ നോർത്ത് വെസ്റ്റ് റീജിണൽ ഭാരവാഹികളും യുക്മ റോസ്റ്റർ കെയർ  നോർത്ത് വെസ്റ്റ്  റീജിയണൽ കലാമേളക്കു ആതിഥേയത്വം വഹിച്ച വിഗൻ മലയാളി അസോസിയേഷനിലെ പ്രധാന ഭാരവാഹികളും വേദിയിൽ സന്നിഹിതരായിരുന്നു.

കിരീടപോരാട്ടത്തിൽ ഇത്തവണയും കലാകിരീടം  മാഞ്ചസ്റ്റർ മലയാളി അസോസിയേഷൻ (123 പോയിന്റ്) സ്വന്തമാക്കി. 94 പോയിന്റുമായി മലയാളി അസോസിയേഷൻ ഓഫ് സ്റ്റോക്‌പോട്ട് രണ്ടാസ്ഥാനവും, 68 പോയിന്റുമായി നോർത്ത്‌മാഞ്ചെസ്റ്റെർ മലയാളി അസോസിയേഷൻ മൂന്നാം സ്ഥാനവും 62 പോയിന്റുമായി ആതിഥേയരായ വിഗൻ മലയാളി അസോസിയേഷൻ നാലാം സ്ഥാനവും സ്വന്തമാക്കി.  കലാപ്രതിഭ പുരസ്കാരവും കലാതിലകവും വിഗൻ മലയാളി അസോസിയേഷൻ കരസ്ഥമാക്കി,  രോഹൻ റോബിൻ കലാപ്രതിഭ ആയപ്പോൾ, ആൻ ട്രീസ ജോബി കലാതിലകം ആയി തിരഞ്ഞെടുത്തു. ഭാഷ കേസരിപട്ടം വാറിംഗ്ടൺ മലയാളി അസോസിയേഷനിലെ ആൻലിയ വിനീതും  ആൻ ട്രീസ ജോബിയും പങ്കിട്ടപ്പോൾ നാട്യറാണി  പട്ടം സ്വന്തമാക്കിയത് ലിവർപൂൾ മലയാളി കൾച്ചറൽ അസോസിയേഷനിലെ അർപ്പിത അശോക് ആണ്. 

കിഡ്സ് വിഭാഗത്തിൽ  ക്രിസ്റ്റൽ ജീവൻ (നോർത്ത് മാഞ്ചസ്റ്റർ മലയാളി അസോസിയേഷൻ – നോർമ ), സബ് ജൂനിയഴ്സ് വിഭാഗത്തിൽ ആൻലിയാ (വാറിംഗ്ടൺ മലയാളി അസോസിയേഷൻ), ജൂനിയഴ്സ് വിഭാഗത്തിൽ ആൻ ട്രീസ ജോബി (വിഗൻ മലയാളി അസോസിയേഷൻ), സീനിയഴ്സ്  വിഭാഗത്തിൽ നിമ്മി ചിന്നു തോമസ് (ബെറി മലയാളി കൾച്ചറൽ അസോസിയേഷൻ ) . സീനിയഴ്സ്  വിഭാഗത്തിൽ അർപ്പിത അശോക് (ലിവർപൂൾ മലയാളി കൾച്ചറൽ അസോസിയേഷൻ ) എന്നിവർ ഓരോ വിഭാഗങ്ങളിലെ വ്യക്തിഗത ചാമ്പ്യന്മാരായി. 

ഓരോ വേദിക്ക് മുന്നിലും നിറസാന്നിധ്യമായി കാണികൾ. നടനചാരുത പകർന്ന കുച്ചുപ്പുടിയും മോഹിനിയാട്ടവും ഭരതനാട്യവും കാണികളുടെ മനം നിറച്ചു. നാടൻ പാട്ടുകളും, ലളിത ഗാനവും ശബ്ദാനുകരണ കലയുടെ വിസ്മയവും ചേർന്നതോടെ ആഹ്ലാദം ഇരട്ടിച്ചു. അപ്പീലുകളുടെ അതിപ്രസരം എല്ലായിപ്പോഴും കലാമത്സരങ്ങളുടെ  മാറ്റു കുറക്കുന്നത് സ്ഥിരം കാഴ്ചയാണ്. പക്ഷെ ഒരു അപ്പീൽ പോലും ഇത്തവണ വരാതിരുന്നത്, നോർത്ത് വെസ്റ്റ് യുക്മ കലാമേളയ്ക്ക് ഒരു പൊൻ തൂവലായി മാറി. മനസ്സിന്റെ ഇരുട്ട് നീക്കി അന്തർപ്രകാശം പകരാനുള്ള കലയുടെ അതുല്യമായ ശക്തിയെ ഓർമ്മപ്പെടുത്തുകയാണ് ഈ കലോത്സവം.

വൈകിട്ട് നടന്ന സമാപന സമ്മേളനത്തിൽ യുക്മ ജനറൽ സെക്രട്ടറി ജയകുമാർ നായരും, ദേശീയ വൈസ് പ്രസിഡൻ്റും കലാമേള കോർഡിനേറ്ററുമായ വർഗ്ഗീസ് ഡാനിയലും  മുഖ്യാതിഥികളായിരുന്നു. സമാപന സമ്മേളനത്തിൽ മത്സരങ്ങളിൽ വിജയികളായവർക്കുള്ള സമ്മാനദാനം നിർവഹിക്കുകയും, കലാകിരീടം, കല പ്രതിഭ, കലാതിലകം പുരസ്‌കാരങ്ങൾ നൽകുകയും ചെയ്തു. 

റീജിയണൽ തലത്തിൽ വ്യക്തിഗത ഇനങ്ങളിൽ ആദ്യ രണ്ടു സ്ഥാനങ്ങളും ഗ്രൂപ്പ് ഇനങ്ങളിൽ ആദ്യ മൂന്നു സ്ഥാനങ്ങൾ ലഭിക്കുന്നവർക്കും ആണ് നവംബർ ഒന്നിന് ചെൽറ്റൻഹാമിൽ നടക്കുന്ന പതിനാറാമത് ദേശീയ കലാമേളയിൽ പങ്കെടുക്കുവാനുള്ള അവസരം ലഭിക്കുന്നത്.

യുക്മ നോർത്ത് വെസ്റ്റ് റീജിയണൽ കലാമേള ടൈറ്റിൽ സ്പോൺസേഴ്സ്

റോസ്റ്റർ കെയർ (Roster Care),

ഹംഗ്രി ഹാർവെസ്റ്റ് സൗത്ത് ഇന്ത്യൻ റെസ്റ്റോറന്റ് (Hungry Harvest South Indian  Restaurant & Takeaway),

സ്‌പൈസ് എക്സ്പ്രസ്സ് (Spicexpress ) Kerala grocery shop.

കലാമേളയുടെ മറ്റ് സ്പോൺസേഴ്സ്: 

ലൈഫ് ലൈൻ പ്രൊട്ടക്ട് മോർട്‌ഗേജ് ആൻഡ് ഇൻഷുറൻസ് (Life Line Protect) 

പോൾ ജോൺ & കോ സോളിസിറ്റേഴ്‌സ്. (Paul John & co solicitors)

സേവ്യേഴ്സ് ചാർട്ടേഡ് സർട്ടിഫൈഡ് അക്കൗണ്ടന്റ്സ് (Xaviers Accounts & Registered Auditors) 

ജിയ ട്രാവൽ ആൻഡ് ഹോളിഡേയ്‌സ് (GIA Travel and Holidays) 

റോയൽ ഈവന്റ്സ് (Royal Events) 

എൽ റ്റി സി ഗ്ലോബൽ കൺസൽറ്റൻസി (LTC Global Consultancy)

ഡോ. സൈമൺസ് അക്കാദമി ഓഫ് സയൻസ് (Dr. Simon’s Academy of science ).

ജെ എം പി സോഫ്റ്റ്‌വെയർ (JMP Software)

ക്ലിക്ക് 2 ബ്രിങ്ങ് ഗ്രോസറീസ്, ഫ്രൂട്സ്  & വെജിറ്റബിൾസ്, മാഞ്ചസ്റ്റർ (www.click2bring.co.uk)

എനോറ  ഡിസൈനർ ബൊട്ടീക്  (Enora Designer Boutique )

പാർക്ക് ഹാൾ റിസോർട്ട് & സ്പാ (Park Hall Park Hall Resort & Spa) 

മാസ് ഹൈപ്പർ മാർക്കറ്റ് (MAAS Hypermarket) 

യുക്മ ന്യൂസ് (UUKMA News)

യുക്മ നോർത്ത് വെസ്റ്റ് റീജിയണൽ കലാമേള വൻ വിജയമാക്കുവാൻ സഹകരിച്ച എല്ലാവർക്കും യുക്മ നോർത്ത് വെസ്റ്റ് റീജിയണൽ കമ്മിറ്റിക്കു വേണ്ടി പ്രസിഡൻ്റ് ഷാജി വരാക്കുടി, സെക്രട്ടറി സനോജ് വർഗീസ് എന്നിവർ നന്ദി അറിയിച്ചു. 

കലാമേളയ്ക്ക് വേണ്ടി Jeevan4u Photography യുടെ ജീവൻ പകർത്തിയ കൂടുതൽ ഫോട്ടോകൾ കാണുവാനായി താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക:

https://drive.google.com/drive/folders/16H-udnYxkWiYFeFAhvxkPZmW5H2nvrLn?usp=sharing

കലാമേളയ്ക്കു വേണ്ടി Abhishek Alex Photography യുടെ അഭിഷേക് പകർത്തിയ ഫോട്ടോകൾ കാണുവാനായി താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക:

https://drive.google.com/drive/folders/1VHaNaIfHQVZgMUdCqJ4nhycSr2WtnRup?usp=sharing