യുക്മ സൗത്ത് വെസ്റ്റ് റീജിയണൽ കലാമേള രജിസ്ട്രേഷൻ പുരോഗമിക്കുന്നു; കലാമേളയിൽ നവാഗതരായി ടോണ്ടൻ മലയാളി അസോസിയേഷനും ട്രൂറോ മലയാളി അസോസിയേഷനും ഈസ്റ്റ് ഡെവൺ മലയാളി അസോസിയേഷനും
Oct 02, 2025
സുജു ജോസഫ്, പി ആർ ഓ, യുക്മ സൗത്ത് വെസ്റ്റ് റീജിയൺ
സാലിസ്ബറി: യുക്മ ദേശീയ കലാമേളയ്ക്ക് മുന്നോടിയായി ഒക്ടോബർ 18 ന് സാലിസ്ബറിയിൽ നടക്കുന്ന സൗത്ത് വെസ്റ്റ് റീജിയണൽ കലാമേളയുടെ രജിസ്ട്രേഷൻ നടപടികൾ പുരോഗമിക്കുന്നു. നാന്നൂറിലധികം മത്സരാർത്ഥികളെ പ്രതീക്ഷിക്കുന്ന കലാമേളയിൽ ഇക്കുറി മത്സരാർത്ഥികളുടെ എണ്ണത്തിൽ സർവ്വകാല റിക്കോർഡാകുമെന്നാണ് സംഘാടകരുടെ പ്രതീക്ഷ.
കലാമേളയുടെ ആവേശം അംഗ അസോസിയേഷനുകളും ഏറ്റെടുത്തിരിക്കുകയാണ് ഇക്കുറി. കലാമേളയിൽ നവാഗതരായി ഇക്കുറി ടോണ്ടൻ മലയാളി അസോസിയേഷനും ട്രൂറോ മലയാളി അസോസിയേഷനും ഈസ്റ്റ് ഡെവൺ മലയാളി അസോസിയേഷനും ഇക്കുറിയുണ്ടാകും. കലാമേളയിൽ ആദ്യമായി മാറ്റുരയ്ക്കാനെത്തുന്ന ടോണ്ടൻ മലയാളി അസോസിയേഷൻ യുക്മ പ്രതിനിധികളായ വിനു വി നായർ, ബിജു ഏലംതുരുത്തിൽ, ജിജി ജോർജ്ജ് എന്നിവരുടെ നേതൃത്വത്തിൽ ഇതിനകം തന്നെ കാര്യമായ തയ്യാറെടുപ്പുകൾ നടത്തിക്കഴിഞ്ഞുവെന്ന് പ്രസിഡന്റ് ജതീഷ് പണിക്കർ പറഞ്ഞു. കഴിഞ്ഞ ഭരണസമിതിയുടെ കാലയളവിൽ യുക്മ അംഗമായ ട്രൂറോ മലയാളി അസോസിയേഷൻ ആദ്യമായാണ് കലാമേളയുടെ ഭാഗമാകുന്നത്. കലാമേളയിൽ പങ്കെടുക്കുന്നതിനുള്ള പരിശീലന പരിപാടികൾ ഇതിനകം തന്നെ അണിയറയിൽ ഒരുങ്ങുന്നതായി ഭാരവാഹികളായ പ്രസിഡന്റ് അനീഷ് വർഗ്ഗീസ്, സെക്രട്ടറി ജിസ് ദേവസ്യ, ട്രഷറർ സിബിൻ ബാബു എന്നിവർ അറിയിച്ചു. അതേസമയം പുതുതായി അംഗത്വമെടുത്ത ഈസ്റ്റ് ഡെവൺ മലയാളി അസോസിയേഷൻ പരമാവധി മത്സരാർത്ഥികളുമായെത്തുന്നതിനുള്ള ഒരുക്കത്തിലാണെന്ന് ഭാരവാഹികളായ പ്രസിഡന്റ് പ്രിൻസ് കുര്യൻ, സെക്രട്ടറി അനില സോബിൻ, ട്രഷറർ ലോജി തോമസ് എന്നിവർ പറഞ്ഞു.
റീജിയണിലെ പ്രമുഖ അസോസിയേഷനുകളിൽ ഒന്നായ സാലിസ്ബറി മലയാളി അസ്സോസിയേഷനാകും ഇക്കുറിയും കലാമേളയ്ക്ക് ആതിഥേയത്വം വഹിക്കുക. തുടർച്ചയായി ഇത് നാലാം തവണയാണ് റീജിയണൽ കലാമേളയ്ക്ക് സാലിസ്ബറി മലയാളി അസോസിയേഷൻ ആതിഥേയത്വം വഹിക്കുന്നത്. സാലിസ്ബറിയിലെ ഗൊഡോൾഫിൻ സ്കൂളിൽ നാല് വേദികളിലായി രാവിലെ എട്ടു മണി മുതൽ വൈകുന്നേരം എട്ടു മണി വരെയാണ് മത്സരങ്ങൾ ക്രമീകരിച്ചിരിക്കുന്നത്.
രജിസ്ട്രേഷൻ സംബന്ധിച്ച വിവരങ്ങളും രജിസ്ട്രേഷൻ ലിങ്കുകളും ഇതിനകം തന്നെ അംഗ അസ്സോസിയേഷനുകൾക്ക് അയച്ചു നൽകിയിട്ടുണ്ടെന്നും, ലഭിക്കുന്നത് മികച്ച പ്രതികരണമാണെന്നും സെക്രട്ടറി ജോബി തോമസ് അറിയിച്ചു. നാനൂറിലേറെ മത്സരാർത്ഥികളെ പ്രതീക്ഷിക്കുന്ന കലാമേള വേദിയിൽ ഇക്കുറിയും വിപുലമായ സൗകര്യങ്ങളാണ് ഒരുക്കുന്നതെന്ന് പ്രസിഡന്റ് സുനിൽ ജോർജ്ജ് അറിയിച്ചു. വിശാലമായ സൗജന്യ കാർപാർക്കിംഗ് സൗകാര്യമുള്ള ഗൊഡോൾഫിൻ സ്കൂളിൽ മുഴുവൻ സമയവും പ്രവർത്തിക്കുന്ന ഭക്ഷണശാലയും ഒരുക്കുന്നുണ്ട്. റീജിയണൽ കലാമേള ഇക്കുറിയും വൻ വിജയമാക്കുവാൻ എല്ലാ കലാപ്രേമികളെയും സ്വാഗതം ചെയ്യുന്നതായി സൗത്ത് വെസ്റ്റ് റീജിയണൽ കമ്മിറ്റിയ്ക്ക് വേണ്ടി നാഷണൽ എക്സിക്യു്ട്ടീവ് കമ്മിറ്റിയംഗം രാജേഷ് രാജ്, ട്രഷറർ ബേബി വർഗ്ഗീസ് ആലുങ്കൽ എന്നിവർ അറിയിച്ചു.
ലൈഫ് ലൈൻ പ്രൊട്ടക്ട്, പോൾ ജോൺ ആൻഡ് കോ സോളിസിറ്റേഴ്സ്, ഫസ്റ്റ് കോൾ, ജിയ ട്രാവെൽസ്, മട്ടാഞ്ചേരി റെസ്റ്റോറന്റ്, ബെറ്റർ ഫ്രെയിംസ് എന്നിവരാണ് കലാമേളയുടെ സ്പോൺസർമാർ. ജെ എം പി സോഫ്റ്റ്വെയർ ടെക്നിക്കൽ പാർട്ട്ണറും യുക്മ ന്യൂസ് മീഡിയ പാർട്ണറുമാകും.
യുക്മയുടെ മുൻ ദേശീയ പ്രസിഡന്റുമാർ ഉൾപ്പെടെ ആറു പ്രമുഖർക്ക് വിശിഷ്ട സേവന പുരസ്കാരങ്ങൾ; മന്ത്രി പി. സി. വിഷ്ണുനാഥ് ആദരിച്ചു……. ഡോ. ബിജു പെരിങ്ങത്തറ, മനോജ് പിള്ള, അലക്സ് വർഗീസ്, കുര്യൻ ജോർജ്ജ്, സ്മിത ബാബു തോട്ടം, റെയ്മോൾ നിധീരി എന്നിവർക്ക് ആദരം; യുക്മ ദേശീയ കലാമേളയുടെ ഉദ്ഘാടനവേദിയിൽ നേതൃത്വമികവിനും ദീർഘകാല സംഘടനാ സേവനത്തിനും അംഗീകാരം /
യുക്മ ഫോർച്യൂൺ ലോട്ടറി 2026 ഒന്നാം സമ്മാനം പതിനായിരം പൌണ്ട് ഈസ്റ്റ്ബോണിലെ മാജിദ് തച്ചപറമ്പന്, രണ്ടാം സമ്മാനം 1 പവൻ സ്വർണ്ണം വാറിംഗ്ടണിലെ ആൻ്റ്ലിൻ ആൻ്റോയ്ക്ക്. അര പവൻ സ്വർണ്ണത്തിൻ്റെ 2 മൂന്നാം സമ്മാനങ്ങൾ ഡോർചെസ്റ്ററിലെ പ്രിജിമോൾ വാസു, ഹേവാർഡ്സ് ഹീത്തിലെ ചിഞ്ചു കുര്യാക്കോസ് എന്നിവർക്ക്. /
പതിനേഴാമത് യുക്മ ദേശീയ കലാമേളയിൽ മിഡ്ലാൻഡ്സ് റീജിയൻ ഓവറോൾ ചാമ്പ്യന്മാർ; വാർവിക് ആൻഡ് ലീമിങ്ടൺ മലയാളി അസോസിയേഷൻ അസോസിയേഷൻ ചാമ്പ്യന്മാർ….. യോർക്ക്ഷെയർ ആൻഡ് ഹംബർ രണ്ടാം സ്ഥാനത്ത്; നോർത്ത് വെസ്റ്റ് മൂന്നാമത്; കലാതിലകമായി അമേയ കൃഷ്ണ നിധീഷ്, നാട്യമയൂരമായി ഐശ്വര്യ വിനു നായർ; ഏഴ് വേദികളിലായി 46 മത്സരയിനങ്ങൾ — സമയനിഷ്ഠയിലും സംഘാടനമികവിലും ശ്രദ്ധേയമായി യുക്മ ദേശീയ കലാമേള 2026 /
യുകെയിൽ യുക്മയുമായി സഹകരിച്ച് ‘മിനി ഐ.എഫ്.എഫ്.കെ’ സംഘടിപ്പിക്കുമെന്ന് മന്ത്രി പി. സി. വിഷ്ണുനാഥ്; കേരള രാജ്യാന്തര ചലച്ചിത്രമേളയ്ക്ക് ബ്രിട്ടനിലും വേദിയൊരുങ്ങുന്നു……ഡിസംബറിൽ തിരുവനന്തപുരത്ത് നടക്കുന്ന ഐ.എഫ്.എഫ്.കെ.യ്ക്ക് ശേഷം യുകെയിൽ മിനി ചലച്ചിത്രമേള; അടുത്ത ഓണക്കാലത്ത് കേരള സർക്കാരിന്റെ ഏകോപനത്തിൽ യുകെയിൽ ഓണാഘോഷം; ലോകമെമ്പാടുമുള്ള പ്രവാസി മലയാളികളെ കേരള ടൂറിസത്തിന്റെ അംബാസഡർമാരാക്കാൻ പദ്ധതികൾ; യുക്മ ദേശീയ കലാമേള ലോക മലയാളി സമൂഹത്തിന് മാതൃകയെന്നും മന്ത്രി /
ഐ.എൽ.ആർ പോരാട്ടത്തിൽ യുക്മയുടെ ഇടപെടലിന് നിർണായക നേട്ടം; കെയർ വർക്കർമാർക്ക് അഞ്ച് വർഷത്തെ കാലാവധി തുടരും; ഒന്നര ലക്ഷത്തോളം കെയർ ജീവനക്കാർക്കും അവരുടെ കുടുംബങ്ങൾക്കും ആശ്വാസം; യുക്മയുടെ ദേശീയതല ക്യാംപെയ്ൻ ഫലം കണ്ടുതുടങ്ങുന്നു /
click on malayalam character to switch languages