ലൂസിഫർ, ഇരുപത്തിയൊന്നാം നൂറ്റാണ്ട് എന്നീ ബ്രഹ്മാണ്ട സിനിമകളുടെ ടീസറുകൾ മമ്മൂട്ടിയും ദുൽഖര് സല്മാനും ഇന്ന് ഔദ്യോഗികമായി റിലീസ് ചെയ്യും. മമ്മൂട്ടിയുടെയും ദുൽഖര് സല്മാന്റെയും ഫേസ്ബുക്ക് പേജുകളിലൂടെയാണ് ടീസറുകള് പുറത്തു വിടുന്നത്. ഇന്ന് രാവിലെ ഒമ്പത് മണിക്കാണ് ലൂസിഫര് ടീസര് പുറത്തുവിടുന്നത്. വൈകീട്ട് അഞ്ചുമണിക്ക് ഇരുപത്തിയൊന്നാം നൂറ്റാണ്ടിന്റെ ട്രെയ്ലറും പുറത്തുവിടും. അരുണ് ഗോപിയാണ് ഇരുപത്തിയൊന്നാം നൂറ്റാണ്ട് സംവിധാനം ചെയ്യുന്നത് തിരക്കഥ നിര്വഹിക്കുന്നതും സംവിധായകന് തന്നെയാണ്. ടോമിച്ചന് മുളകുപാടമാണ് ചിത്രം നിര്മ്മിക്കുന്നത്.
മുരളി ഗോപി തിരക്കഥയെഴുതിയ ലൂസിഫർ ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മ്മിക്കുന്നത്. മോഹന്ലാലിന്റെ സഹോദരനായി ടൊവിനോ തോമസും മറ്റൊരു പ്രധാനപ്പെട്ട വേഷം ഇന്ദ്രജിത്തും ചിത്രത്തില് കൈകാര്യം ചെയ്യും . പ്രധാനപ്പെട്ട സ്ത്രീ കഥാപാത്ര വേഷങ്ങളില് മഞ്ജു വാരിയര്, മംമ്ത മോഹന്ദാസ്, സാനിയ ഇയ്യപ്പന് എന്നിവരാണ് എത്തുന്നത്. സ്റ്റീഫന് നെടുംപള്ളി എന്ന രാഷ്ട്രീയപ്രവര്ത്തകനെയാണ് ലൂസിഫറില് മോഹന്ലാല് അവതരിപ്പിക്കുക. കലാഭവന് ഷാജോണ് മോഹന്ലാലിന്റെ സഹായിയായി എത്തുന്നു. പൊളിറ്റിക്കല് ത്രില്ലര് ഗണത്തില്പെടുന്ന സിനിമയാണ് ലൂസിഫര്. ബോളിവുഡ് താരം വിവേക് ഒബ്റോയി ആണ് വില്ലന്. ചിത്രത്തിന്റെ ഛായാഗ്രഹണം സുജിത്ത് വാസുദേവ്. സംഗീതം ദീപക് ദേവ്. മാര്ച്ച് 28ന് ചിത്രം തിയറ്ററുകളിലെത്തും.
click on malayalam character to switch languages