ശൈത്യകാല സമ്മർദ്ദം പാരമ്യത്തിൽ; അത്യാഹിത വിഭാഗങ്ങൾ നിറഞ്ഞു കവിയുന്നു

Jan 10, 2025

ലണ്ടൻ: ആശുപത്രികളിലെ അത്യാഹിത വിഭാഗങ്ങളിലെ സമ്മർദ്ദം കോവിഡ് പാൻഡെമിക് സമയത്തെപ്പോലെ മോശമാണെന്ന് എൻഎച്ച്എസ് മേധാവികൾ. ഇൻഫ്ലുവൻസ കേസുകൾ വർദ്ധിച്ചുകൊണ്ടിരിക്കുകയും തണുത്ത കാലാവസ്ഥയും തുടരുന്നതിനാൽ, ആശുപത്രികൾ അസാധാരണമായ സമ്മർദ്ദത്തിലാണെന്നും മാമോത്ത് ഡിമാൻഡ് നേരിടുന്നുണ്ടെന്നും എൻഎച്ച്എസ് ഇംഗ്ലണ്ട് മെഡിക്കൽ ഡയറക്ടർ പ്രൊഫസർ സ്റ്റീഫൻ പോവിസ് പറഞ്ഞു.

കോവിഡ് പകർച്ചവ്യാധിയുടെ മൂർദ്ധന്യത്തിൽ തങ്ങൾക്കുണ്ടായിരുന്ന ചില ദിവസങ്ങൾ പോലെ ബുദ്ധിമുട്ട് അനുഭവിക്കുകയാണെന്ന് ചില ജീവനക്കാർ പറഞ്ഞു. ഇംഗ്ലണ്ടിലെ ആശുപത്രിയിൽ വൈറസ് ബാധിച്ച രോഗികളുടെ ശരാശരി എണ്ണം കഴിഞ്ഞ ആഴ്ച ഒരു ദിവസം 5,400 ആയി ഉയർന്നു, ഒരാഴ്ച മുമ്പുള്ളതിനേക്കാൾ 1,000 ത്തോളം അധിക രോഗികളാണെത്തിയത്.

ഇംഗ്ലണ്ടിലെ ഏകദേശം 20 എൻഎച്ച്എസ് ട്രസ്റ്റുകൾ ഈ ആഴ്‌ച നിർണായക സംഭവങ്ങൾ പ്രഖ്യാപിച്ചു,
വെൽഷ് ആംബുലൻസ് സർവീസ് കഴിഞ്ഞയാഴ്ച ഒരു നിർണായക സംഭവം പ്രഖ്യാപിച്ചു. ഈ ആഴ്ച ആദ്യം, റോയൽ കോളേജ് ഓഫ് എമർജൻസി മെഡിസിൻ സ്കോട്ട്‌ലൻഡിലെ ആശുപത്രികൾ പൂർണ്ണമായും ഗ്രിഡ്‌ലോക്ക് ആണെന്ന് മുന്നറിയിപ്പ് നൽകി.

ഇൻഫ്ലുവൻസ ബാധിച്ച രോഗികളുടെ എണ്ണം കഴിഞ്ഞ വർഷം ഈ സമയത്തേക്കാൾ മൂന്നിരട്ടി കൂടുതലാണ്, കൂടാതെ 2023 ൻ്റെ തുടക്കവുമായി തുല്യമാണ്. നിരവധി വർഷങ്ങളായി ഏറ്റവും മോശം ഫ്ലൂ സീസണുകളിൽ ഒന്നാണ് നിലവിലത്തേതെന്ന് എൻഎച്ച്എസ് ഡയറക്ടർ പറയുന്നു. തണുത്ത കാലാവസ്ഥയും പനിയും ചേർന്ന് പുതുവർഷത്തിന് ക്രൂരമായ തുടക്കമാണ് നൽകിയതെന്ന് ഹെൽത്ത് മാനേജർമാരെ പ്രതിനിധീകരിക്കുന്ന എൻഎച്ച്എസ് പ്രൊവൈഡേഴ്സിൻ്റെ സാഫ്രോൺ കോർഡറി വ്യക്തമാക്കുന്നു. അതേസമയം നിലവിലെ പ്രതിസന്ധികൾ പരിഹരിക്കുന്നതിനുള്ള ശ്രമത്തിലാണ് എൻഎച്ച്എസ് മേധാവികൾ.