സ്വാന്തനമായും കോവിഡ് തളർത്താതെയും മലയാളി അസോസിയേഷൻ സൗത്താംപ്ടൺ
Sep 08, 2021
റോബിൻ അബ്രഹാം
സൗത്താംപ്ടൺ: സൗത്താംപ്ടൺ മലയാളികളുടെ ജീവിതത്തിന്റെ ഭാഗമായ ‘മാസ്’ കമ്മ്യൂണിറ്റി കരുത്തോടെ മുൻപോട്ട് കുതിക്കുകയാണ്. 2006 ൽ ആരംഭിച്ച സംഘടന 2021 ൽ പതിനഞ്ചാമത് വാർഷികത്തിൽ എത്തി നിൽക്കുകയാണ്. മുൻ വർഷങ്ങളിൽ മികച്ച പ്രവർത്തനങ്ങൾ കാഴ്ച്ച വച്ചിട്ടുള്ള സംഘടന ഇത്തവണ നാട്ടിൽ തന്റെ പ്രത്യേക ആരോഗ്യ അവസ്ഥയിൽ ജോലി ചെയ്യുന്ന യുവാവിന് കൈത്താങ്ങാകുന്നതിനൊപ്പം മാസ് ഒരു കുടക്കീഴിൽ ഒരുമിച്ചാണ് എന്ന വലിയ സന്ദേശം യുകെ മലയാളി സമൂഹത്തിന് നൽകുകയാണ്. എല്ലാ കുടുംബങ്ങളിലേക്കും ‘മാസ്’ ലോഗോ പതിച്ച കുടയെത്തിച്ചാണ് സംഘടന വ്യത്യസ്തമാകുന്നത്.
കഴിഞ്ഞ ഒന്നര വർഷമായി യുകെയിൽ മലയാളികൾക്ക് ഒരുമിച്ച് കൂടാൻ കഴിയാത്ത സാഹചര്യത്തിലൂടെയാണ് കടന്ന് പോയിക്കൊണ്ടിരിക്കുന്നത്. കുട്ടികൾക്കും മുതിർന്നവർക്കും അവരുടെ കഴിവുകൾ പ്രദർശിപ്പിക്കുവാനുള്ള വേദികളാണ് മഹാമാരിമൂലം നിശ്ചലമായത്. ഈ സാഹചര്യത്തിൽ ഏവർക്കും അവരുടെ കഴിവുകൾ തൂലികയിൽ വിരിയിക്കുവാനും വ്യക്തിപരമായ നേട്ടങ്ങൾ ഷെയർ ചെയ്യുവാനും മാസ് മാഗസിൻ അംഗങ്ങൾക്കായി തുടക്കം കുറിച്ചു. “MAS EMBRACE” എന്ന് പേരിട്ടിരിക്കുന്ന മാഗസിന്റെ ആദ്യ ലക്കം ആഗസ്റ്റ് ഒന്നിന് നടന്ന സ്പോർട്ട്സ് ഡേയിൽ പ്രകാശനം ചെയ്തിരുന്നു.
ലോക്ക്ഡൗൺ നീക്കിയതിന് ശേഷം ക്രിക്കറ്റ് ടൂർണ്ണമെന്റ് നടത്തിയും സ്പോർട്സ് ഡേ നടത്തിയും സാഹചര്യങ്ങളെ മറികടക്കുവാനുള്ള പരിശ്രമങ്ങളാണ് സംഘടന നടത്തിക്കൊണ്ടിരിക്കുന്നത്. കഴിഞ്ഞ രണ്ടു വർഷമായി റോബിൻ അബ്രഹാമിന്റെ നേതൃത്വത്തിലുളള കരുത്തുറ്റ സാരഥികളാണ് സംഘടനയെ നയിക്കുന്നത്.
കോവിഡ് കാലത്ത് തങ്ങളാൽ കഴിയുന്ന നിസ്വാർത്ഥ സേവനം ചെയ്തുകൊണ്ട് ഒരേ മനസ്സോടെ ഒരേ സ്വരത്തോടെ ഈ സംഘടന സൗത്താംപ്ടൺ മലയാളികളുടെ ഒത്തുചേരലിനും അത്യാവശ്യ ഘട്ടങ്ങളിൽ ഏവർക്കും കൈത്താങ്ങായും കോവിഡിനെ പ്രതിരോധിച്ച് മുന്നേറുകയാണ്. ഈ മഹാമാരിയിൽ നഷ്ടങ്ങൾ ഉണ്ടായെങ്കിലും തളരാതെ, ലാഭേച്ഛയില്ലാതെ നിസ്വാർത്ഥ സേവനം ചെയ്യുമ്പോഴാണ് നമ്മൾ വ്യത്യസ്തരാകുന്നത് എന്ന വലിയ സന്ദേശം മുറുകെപ്പിടിക്കുവാൻ ‘മാസ്’ എന്നും പ്രതിജ്ഞാബന്ധമാണ്.
കൂടുതൽ ചിത്രങ്ങൾ കാണാൻ താഴെ കാണുന്ന ലിങ്കിൽ ക്ലിക്ക് ചെയ്യുക
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages