കലാഭവൻ ലണ്ടൻ Zumba പരിശീലനക്ളാസ്സുകളും, കളരിപ്പയറ്റ് പരിശീലനത്തിന്റെ പുതിയ ബാച്ചുകളും ആരംഭിക്കുന്നു.
Jun 07, 2024
യുകെയിൽ ഒരു വാഹനം റോഡിൽ ഇറക്കാൻ MOT നിർബന്ധമാണ്, അത് സ്വന്തം വാഹനത്തിന്റെ ഉടമകളായ നമ്മൾ ഉറപ്പുവരുത്താറുമുണ്ട്. പക്ഷെ നമ്മളിൽ എത്രപേർ നമ്മുടെ സ്വന്തം ശരീരത്തിന്റെ MOT കൃത്യമായി പരിശോധിക്കാറുണ്ട്? ജോലി ചെയ്യാനും ദീർഘകാലം ജീവിക്കാനും ഉതകുന്ന ആരോഗ്യപരമായ ഒരു ശരീരമാണ് നമ്മൾക്കുള്ളതെന്ന് നമ്മൾ എപ്പോഴെങ്കിലും ഉറപ്പു വരുത്താറുണ്ടോ?
യുകെയിലെ തിരക്കേറിയ ജീവിത സാഹചര്യങ്ങളിൽ ശരിയായ ആരോഗ്യ പരിപാലനത്തിന് സമയം കണ്ടെത്താൻ സാധിക്കാത്തവരാണ് മലയാളികളായ നമ്മൾ. പക്ഷെ അതുമൂലമുണ്ടാകുന്ന ഭവിഷ്യത്തുകൾ പലപ്പോഴും ഞെട്ടിപ്പിക്കുന്നതാണ്. ക്രമമല്ലാത്ത ഭക്ഷണ രീതികൾ കാരണവും ശരിയായ വ്യായാമത്തിന്റെ കുറവു കൊണ്ടും വളരെ ചെറുപ്പത്തിൽ തന്നെ ഹൃദ് രോഗികൾ ആകുകയും അകാലത്തിൽ മരണപ്പെടുകയും ചെയ്യുന്നവരുടെ എണ്ണം നമ്മുടെ ഇടയിൽ കൂടി വരികയാണ്. നമ്മുടെ ഭക്ഷണ രീതികളും ശരീര ഘടനയും യുകെയിലെ കാലാവസ്ഥ സാഹചര്യങ്ങളോട് പൊരുത്തപ്പെടണമെങ്കിലും അതിജീവിക്കണമെങ്കിലും ഏതെങ്കിലും രീതിയിലുള്ള ശാരീരികമായ വ്യായാമത്തിൽ ഏർപ്പെടേണ്ടത് അനിവാര്യമാണ്. ഈ സാഹചര്യത്തിലാണ് സ്ത്രീകൾക്കും പുരുഷന്മാർക്കും പിന്തുടരാൻ സാധിക്കുന്ന വളരെ ലളിതവും,ശരീരത്തോടൊപ്പം മനസ്സിനും ആരോഗ്യവും ആനന്ദവും നൽകുന്ന Zumba പരിശീലനക്ളാസ്സുകൾ കലാഭവൻ ലണ്ടൻ ആരംഭിക്കുന്നത്. നർത്തകിയും Zumba പരിശീലനത്തിൽ യുകെയിൽ നിന്നും സർട്ടിഫൈഡ് ട്രെയിനറുമായ ആർച്ച അജിത് ആണ് ക്ലാസുകൾ നയിക്കുന്നത്.
കേരളത്തിന്റെ തനത് ആയോധനകലയാണ് കളരിപ്പയറ്റ്.ഈ ലോകത്ത് ആദ്യമായി നിയമങ്ങളാൽ ചിട്ടപ്പെടുത്തിയ ആയോധന മുറ കളരിപ്പയറ്റാണ്. അത് കൊണ്ട് തന്നെ കളരിപ്പയറ്റിനെ എല്ലാ ആയോധനകലകളുടെയും മാതാവ് എന്ന് വിളിക്കുന്നു. മറ്റുള്ള എല്ലാ മാർഷ്യൽ ആർട്ടുകളും കളരിപ്പയറ്റിൽ നിന്നോ പ്രത്യക്ഷമായോ പരോക്ഷമായോ അതിന്റെ സ്വാധീനത്തിൽ നിന്നോ ഉണ്ടായതാണ്, ആയോധന കലയായ കളരിപ്പയറ്റ് പരിശീലിക്കുന്നതിലൂടെ ആരോഗ്യ പരിപാലനം കൂടിയാണ് കലാഭവൻ ലണ്ടൻ ലക്ഷ്യം വെക്കുന്നത്. കളരി പരിശീലന ക്ലാസ്സുകൾ ക്രമീകരിച്ചിരിക്കുന്നത് ആരോഗ്യ പരിപാലനത്തിന് ഉതകുന്ന വ്യായാമ മുറകൾ ഉൾപ്പെടുത്തിയാണ്. കളരിപ്പയറ്റിന്റെ പുതിയ ബാച്ചുകളും ഉടൻ ആരംഭിക്കുന്നു. കളരിപ്പയറ്റ് പരിശീലനത്തിലും അഭ്യാസങ്ങളിലും നിരവധി റെക്കോർഡുകൾ കരസ്ഥമാക്കിയ മാസ്റ്റർ മനു സുനിൽകുമാർ ആണ് ക്ലാസ്സുകൾക്ക് നേതൃത്വം നൽകുന്നത്. സ്ത്രീകൾക്കും കുട്ടികൾക്കും പുരുഷന്മാർക്കും ക്ലാസുകൾ ഉണ്ടായിരിക്കും. Zumba / കളരിപ്പയറ്റ് ക്ളാസ്സുകൾ ഓൺലൈനും നേരിട്ടും പരിശീലനം നേടാവുന്നതാണ് . കൂടുതൽ വിവരങ്ങൾക്ക് ബന്ധപ്പെടുക, കലാഭവൻ ലണ്ടൻ Tel : 07841613973 / email : [email protected]
കേരളാപൂരം 2024 – യുക്മ ട്രോഫിക്ക് പുതിയ അവകാശികൾ…കഴിഞ്ഞ വർഷത്തെ ചാമ്പ്യൻമാരായ SMA സാൽഫോർഡിനെ പിന്നിലാക്കി NMCA നോട്ടിംങ്ങ്ഹാം ചാമ്പ്യൻമാർ….. BMA കൊമ്പൻസ് ബോൾട്ടൻ മൂന്നാമത്…..സെവൻ സ്റ്റാർസ് കവൻട്രിയ്ക്ക് നാലാം സ്ഥാനം…..വനിതാ വിഭാഗത്തിൽ റോയൽ ഗേൾസ് ജേതാക്കൾ….. /
വഞ്ചിപ്പാട്ടിന്റെ മേളത്തോടെ യു കെ മലയാളികൾ മാൻവേഴ്സ് തടാകക്കരയിലേക്ക്…യുക്മ – ടിഫിൻബോക്സ് കേരളാപൂരം വള്ളംകളി ഇന്ന്….സുരഭി ലക്ഷ്മി സെലിബ്രിറ്റി ഗസ്റ്റ്….മേയർ ബൈജു തിട്ടാല വിശിഷ്ടാതിഥി /
യുക്മ – ടിഫിൻ ബോക്സ് കേരളപൂരം വള്ളംകളി 2024 മലയാളികളുടെ പ്രിയ നടി സുരഭി ലക്ഷ്മി മുഖ്യാതിഥി. കേംബ്രിഡ്ജ് മേയർ ബൈജു തിട്ടാല സമാപന സമ്മേളനത്തിൽ മുഖ്യാതിഥി…. /
click on malayalam character to switch languages