യുക്മ ഡോ. സൈമൺസ് അക്കാദമി ഓഫ് സയൻസ് – നോർത്ത് വെസ്റ്റ് റീജിയണൽ കായികമേള നാളെ വാറിങ്ടണിൽ…….. യുക്മ നാഷണൽ ജനറൽ സെക്രട്ടറി  ജയകുമാർ നായർ ഉദ്ഘാടനം നിർവഹിക്കും

അനിൽ ഹരി

(പി ആർ ഒ, യുക്മ നോർത്ത് വെസ്റ്റ് റീജിയൺ)

വാറിങ്ടൺ: യുക്മ –  ഡോ. സൈമൺസ് അക്കാദമി ഓഫ് സയൻസ്  നോർത്ത് വെസ്റ്റ് റീജിയണൽ കായികമേള നാളെ ശനിയാഴ്ച (ജൂൺ 13) വാറിങ്ടണിൽ അരങ്ങേറും. വാറിങ്ടൺ മലയാളി അസോസിയേഷൻ (വാമ) ആതിഥേയത്വം വഹിക്കുന്ന കായികമേള യുക്മ നാഷണൽ ജനറൽ സെക്രട്ടറി  ജയകുമാർ നായർ ഉദ്ഘാടനം ചെയ്യും.

യുക്മ നോർത്ത് വെസ്റ്റ് റീജിയണൽ പ്രസിഡന്റ്  ഷാജി തോമസ് വരാകുടി അധ്യക്ഷനാകുന്ന ഉദ്ഘാടനച്ചടങ്ങിൽ യുക്മ ദേശീയ സമിതി അംഗങ്ങളും വാമ ഭാരവാഹികളും ആശംസകൾ നേർന്ന് സംസാരിക്കും.

യുക്മ ദേശീയ സമിതി അംഗം ശ്രീ ബിജു പീറ്റർ, യുക്മ നോർത്ത് വെസ്റ്റ് റീജിയണൽ പ്രസിഡന്റ് ഷാജി തോമസ് വരാകുടി, സെക്രട്ടറി  സനോജ് വർഗീസ്, ട്രഷറർ  ഷാരോൺ ജോസഫ്, സ്പോർട്സ് കോ-ഓർഡിനേറ്റർ  ബിനോയ് മാത്യു, മറ്റ് റീജിയണൽ ഭാരവാഹികൾ എന്നിവരുടെ നേതൃത്വത്തിൽ കായികമേളയുടെ എല്ലാ ഒരുക്കങ്ങളും പൂർത്തിയായതായി സംഘാടകർ അറിയിച്ചു.

നാനൂറിലധികം മത്സരാർത്ഥികളും കായികപ്രേമികളും പങ്കെടുക്കുന്ന ഈ കായികമാമാങ്കം നോർത്ത് വെസ്റ്റ് മേഖലയിലെ ഏറ്റവും വലിയ കായിക സംഗമങ്ങളിലൊന്നായിരിക്കും. കായികമേളയുമായി ബന്ധപ്പെട്ട വിവരങ്ങൾ ഉൾക്കൊള്ളുന്ന മാനുവൽ എല്ലാ അംഗ അസോസിയേഷനുകൾക്കും ഇതിനകം കൈമാറിയിട്ടുണ്ടെന്ന് റീജിയണൽ സ്പോർട്സ് സെക്രട്ടറി  ബിനോയ് മാത്യു അറിയിച്ചു.

ലാച്ച്ഫോർഡിലെ വിക്ടോറിയ പാർക്ക് സ്റ്റേഡിയത്തിൽ രാവിലെ 8.30 മുതൽ രജിസ്ട്രേഷൻ ആരംഭിക്കും. തുടർന്ന് 8.45ന് നടക്കുന്ന മാർച്ച് പാസ്റ്റോടെയാണ് മത്സരങ്ങൾക്ക് തുടക്കമാകുക. ട്രാക്ക് ആൻഡ് ഫീൽഡ് മത്സരങ്ങൾ വൈകിട്ട് മൂന്ന് മണിവരെ തുടരും. മത്സരങ്ങൾ കൃത്യം 9 മണിക്ക്  തന്നെ ആരംഭിക്കുന്നതിനാൽ എല്ലാ മത്സരാർത്ഥികളും അതിന് മുമ്പ് തന്നെ രജിസ്ട്രേഷൻ നടപടികൾ പൂർത്തിയാക്കി ഗ്രൗണ്ടിൽ എത്തിച്ചേരണമെന്ന് ഭാരവാഹികൾ അറിയിച്ചു.

വിശാലമായ ഗ്രൗണ്ടും അനുകൂലമായ കാലാവസ്ഥയും കായികമേളയ്ക്ക് കൂടുതൽ മികവ് പകരും. കൂടാതെ, വിഭവസമൃദ്ധമായ ഭക്ഷണശാലയുമായി Ma’s House ദിനം മുഴുവൻ പ്രവർത്തിക്കും.  കായികമേളയിൽ പങ്കെടുക്കുന്നവർക്കായി പ്രഭാതഭക്ഷണം, ഉച്ചഭക്ഷണം, സായാഹ്ന ഭക്ഷണം എന്നിവ തനത് കേരളീയ വിഭവങ്ങളോടെ ഒരുക്കുമെന്ന് Ma’s House അറിയിച്ചു. കൂടാതെ കുട്ടികൾക്കായി പ്രത്യേക മെനുവും ലഭ്യമാകുമെന്നും സംഘാടകർക്ക് Ma’s House ഉറപ്പ് നൽകിയിട്ടുണ്ട്.

 സമാപനച്ചടങ്ങിനോടനുബന്ധിച്ച് പ്രത്യേക ടേക്ക്-അവേ കൗണ്ടറും ഒരുക്കിയിട്ടുണ്ട്.

നോർത്ത് വെസ്റ്റ് റീജിയണിലെ വിവിധ മലയാളി അസോസിയേഷനുകളിൽ നിന്നുള്ള മത്സരാർത്ഥികൾ പങ്കെടുക്കുമെന്ന് യുക്മ ഭാരവാഹികൾ അറിയിച്ചു.

വൈകിട്ട് നടക്കുന്ന സമാപന സമ്മേളനത്തിൽ യുക്മ നാഷണൽ ട്രഷറർ  ഷീജോ വർഗീസ് മുഖ്യാതിഥിയായി പങ്കെടുക്കും. യുക്മ ചാരിറ്റി ഫൗണ്ടേഷൻ വൈസ് ചെയർമാൻ  അലക്സ് വർഗീസ്, യുക്മ നാഷണൽ പി.ആർ.ഒ. കുര്യൻ ജോർജ്, യുക്മ സാസ്‌കാരിക വേദി ജനറൽ കൺവീനർ ജാക്സൻ തോമസ് തുടങ്ങിയവർ വിശിഷ്ടാതിഥികളായും പങ്കെടുക്കും.

സമാപന സമ്മേളനത്തിൽ വിജയികൾക്കുള്ള ട്രോഫികളും സർട്ടിഫിക്കറ്റുകളും വിതരണം ചെയ്യും. മാഞ്ചസ്റ്റർ മലയാളിയും,  സംരംഭകനുമായ  ലൈജു മാനുവൽ തന്റെ  ഗ്രാൻഡ് ഫാദറിൻ്റെ സ്മരണാർത്ഥം സമർപ്പിച്ച പോത്തൻ ഔസേപ്പ് പുളിച്ചമാക്കിയിൽ മെമ്മോറിയൽ എവർറോളിംഗ്  ട്രോഫി ഏറ്റവും കൂടുതൽ പോയിന്റുകൾ നേടുന്ന ചാമ്പ്യൻ അസോസിയേഷന് സ്വന്തമാകും. കൂടാതെ രണ്ടും മൂന്നും നാലും സ്ഥാനങ്ങൾ നേടുന്ന അസോസിയേഷനുകൾക്കും ട്രോഫികൾ സമ്മാനിക്കും.

കായികമേളയിൽ പങ്കെടുക്കുന്നവർക്കും അനുഗമിക്കുന്നവർക്കുമായി വിപുലമായ സൗകര്യങ്ങളാണ് സംഘാടക സമിതി ഒരുക്കിയിട്ടുള്ളത്.

നോർത്ത് വെസ്റ്റ് റീജിയണൽ മത്സരങ്ങളിൽ വിജയികളാകുന്നവർക്ക് ജൂൺ 20-ന് നടക്കുന്ന യുക്മ ദേശീയ കായികമേളയിൽ റീജിയണിനെ പ്രതിനിധീകരിച്ച് പങ്കെടുക്കാനുള്ള സുവർണാവസരവും ലഭിക്കും.

കൂടുതൽ വിവരങ്ങൾക്ക്:

ശ്രീ ബിനോയ് മാത്യു

 07533 094770

 uukmanwrc@gmail.com

യുക്മ നേർത്ത് വെസ്റ്റ് റീജിയൻ സ്പോർട്സിൻ്റെ സ്പോൺസേഴ്‌സ്:

ഡോ. സൈമൺസ് അക്കാദമി ഓഫ് സയൻസ് (Dr. Simon’s Academy of science ). 

 പോൾ ജോൺ & കോ സോളിസിറ്റേഴ്‌സ്. (Paul John & co solicitors) 

ജിയ ട്രാവൽ ആൻഡ് ഹോളിഡേസ് (Gia Travel & Holidays) 

ലൈഫ് ലൈൻ മോർട്ടഗേജ്‌ ആൻഡ് ഇൻഷുറൻസ് സർവീസ്സ്

(LifeLine Protect Limited) 

സേവ്യേഴ്സ് ചാർട്ടേഡ് സർട്ടിഫൈഡ് അക്കൗണ്ടന്റ്സ് (Xaviers Accounts & Registered Auditors)

ബോബ് കെയർ നേഴ്സിംഗ് ഏജൻസി (Bob Care Health Care Staffing Solutions)

ഏലൂർ കൺസൾട്ടൻസി (Ealoor Study Abroad UK)

ജെ എം പി സോഫ്റ്റ്‌വെയർ (JMP Software)

ക്ലിക്ക് 2 ബ്രിങ്ങ് ഗ്രോസറീസ്, മാഞ്ചസ്റ്റർ (Click2Bring Groceries, Manchester)

എൽ റ്റി സി ഗ്ലോബൽ കൺസൽറ്റൻസി (LTC Global Consultancy) 

റോസ്റ്റർ കെയർ (Roster Care)

ഓറ ഫാഷൻസ് (AURA Fashions)  

പാർക്ക് ഹാൾ റിസോർട്ട് & സ്പാ (Park Hall Park Hall Resort & Spa)

മാസ് ഹൈപ്പർ മാർക്കറ്റ് (MAAS Hypermarket)

മീഡിയ പാർട്ടണർ – യുക്മ ന്യൂസ് (UUKMA News)

ഫോട്ടോഗ്രാഫി പാർട്ണർ –

അഭിഷേക് അലക്സ് ഫോട്ടോഗ്രാഫി &

ജീവൻ ഫോട്ടോഗ്രാഫി

സ്റ്റേഡിയത്തിൻ്റെ വിലാസം:

Victoria Park Stadium, Knutsford Road, Latchford, Warrington, WA4 1AG