ലി​യോ പ​തി​നാ​ലാ​മ​ൻ മാ​ർ​പാ​പ്പ ചു​മ​ത​ല​യേ​റ്റു

വ​ത്തി​ക്കാ​ൻ സി​റ്റി: പ​ത്രോ​സി​ന്‍റെ 267-മ​ത് പി​ൻ​ഗാ​മി​യാ​യി ലി​യോ പ​തി​നാ​ലാ​മ​ൻ മാ​ർ​പാ​പ്പ ചു​മ​ത​ല​യേ​റ്റു. സെന്‍റ് പീ​റ്റേ​ഴ്സ് ബസിലിക്കയിലെ ച​ത്വ​ര​ത്തി​ൽ ഇ​ന്ത്യ​ൻ സ​മ​യം ഉ​ച്ച​ക്ക് 1.30നാണ് സ്ഥാ​നാ​രോ​ഹ​ണ വി​ശു​ദ്ധ കു​ർ​ബാ​ന ആരംഭിച്ചത്. പൗ​ര​സ്ത്യ​സ​ഭ​ക​ളി​ലെ പാ​ത്രി​യാ​ർ​ക്കീ​സു​മാ​ർ​ക്കൊ​പ്പം വി​ശു​ദ്ധ പ​ത്രോ​സി​ന്‍റെ ക​ബ​റി​ട​ത്തി​ൽ പ്രാ​ർ​ഥി​ക്കു​ക​യും ധൂ​പാ​ർ​ച്ച​ന ന​ട​ത്തു​ക​യും ചെ​യ്ത​ ശേ​ഷ​ം പ്ര​ദ​ക്ഷി​ണ​മാ​യാണ് മാർപാപ്പ സ്ഥാ​നാ​രോ​ഹ​ണ ചടങ്ങിന് എത്തിയത്.

പ​ത്രോ​സി​ന്‍റെ തൊ​ഴി​ലി​നെ ഓ​ർ​മ​പ്പെ​ടു​ത്തി മു​ക്കു​വ​ന്‍റെ മോ​തി​ര​വും ഇ​ട​യ​ധ​ർ​മം ഓ​ർ​മ​പ്പെ​ടു​ത്തി ക​ഴു​ത്തി​ല​ണി​യു​ന്ന പാ​ലി​യ​വും മാർപാപ്പ സ്വീ​ക​രി​ച്ചതോടെ ആഗോള കത്തോലിക്ക സഭയുടെ പരമാധ്യക്ഷനായുള്ള സ്ഥാ​നാ​രോ​ഹ​ണ​ത്തി​ലെ പ്ര​ധാ​ന ച​ട​ങ്ങ് പൂർത്തിയായി. വി​ശു​ദ്ധ കു​ർ​ബാ​ന​ക്കി​ട​യി​ൽ ല​ത്തീ​ൻ, ​ഗ്രീ​ക്ക് ഭാ​ഷ​ക​ളി​ലെ സു​വി​ശേ​ഷ ​പാ​രാ​യ​ണ​ത്തി​ന് ശേ​ഷ​മാ​യി​രുന്നു പാ​ലി​യ​വും മോ​തി​ര​വും മാർപാപ്പ സ്വീ​ക​രിച്ചത്.

വി​വി​ധ ഭൂ​ഖ​ണ്ഡ​ങ്ങ​ളി​ൽ​ നി​ന്നു​ള്ള മെ​ത്രാ​ൻ, വൈ​ദി​ക​ൻ, ഡീ​ക്ക​ൻ തുടങ്ങി വ്യ​ത്യ​സ്ത പ​ദ​വി​ക​ളി​ലു​ള്ള മൂ​ന്ന് ക​ർ​ദി​നാ​ൾ​മാ​രാ​ണ് ഈ ​ച​ട​ങ്ങ് നി​ർ​വ​ഹി​ച്ചത്. ഡീ​ക്ക​ൻ ക​ർ​ദി​നാ​ളാണ് മാ​ർ​പാ​പ്പ​യെ പാ​ലി​യം അ​ണി​യി​ച്ചത്. തു​ട​ർ​ന്ന് മാർപാ​പ്പാ​യു​ടെ മേ​ൽ ക​ർ​ത്താ​വി​ന്‍റെ സാ​ന്നി​ധ്യ​വും സ​ഹാ​യ​വും ഉ​ണ്ടാ​കു​വാ​നാ​യി വൈ​ദി​ക ക​ർ​ദി​നാ​ൾ പ്ര​ത്യേ​ക പ്രാ​ർ​ഥ​ന ചൊ​ല്ലു​ക​യും ദൈ​വ​ത്തി​ന്‍റെ അ​നു​ഗ്ര​ഹത്തിനായി പ്രാ​ർ​ഥി​ക്കു​ക​യും ചെ​യ്തു. തുടർന്നായിരുന്നു മെ​ത്രാ​ൻ ക​ർ​ദി​നാ​ളിൽ നിന്ന് മാ​ർ​പാ​പ്പ മോ​തി​രം സ്വീ​ക​രി​ച്ചത്.

മോ​തി​ര​വും പാ​ലി​യ​വും സ്വീ​ക​രി​ച്ച​ ലിയോ പതിനാലാമൻ വിശ്വാസികളെ ആ​ശീ​ർ​വ​ദി​ച്ചു. തു​ട​ർ​ന്ന് ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ​നി​ന്നു​ള്ള 12 പേ​ർ മു​ഴു​വ​ൻ വിശ്വാസികളെയും പ്ര​തി​നി​ധാ​നം ചെ​യ്ത് മാ​ർ​പാ​പ്പ​യോ​ടു​ള്ള വി​ധേ​യ​ത്വം പ്ര​തീ​കാ​ത്മ​ക​മാ​യി പ്ര​ഖ്യാ​പി​ച്ചു. ശേ​ഷം മാ​ർ​പാ​പ്പ സു​വി​ശേ​ഷ സ​ന്ദേ​ശം ന​ൽ​കു​ക​യും വി​ശു​ദ്ധ കു​ർ​ബാ​ന തു​ട​രു​ക​യും ചെ​യ്തു.

സ്ഥാ​നാ​രോ​ഹ​ണ​ച്ച​ട​ങ്ങി​ൽ ഇ​ന്ത്യ ഉ​ൾ​പ്പെ​ടെ ലോ​ക​രാ​ജ്യ​ങ്ങ​ളി​ൽ​ നി​ന്നുള്ള പ്രതിനിധി സംഘങ്ങളും രാഷ്ട്രത്തലവന്മാരും പ്രമുഖരും പങ്കെടുത്തു. സ്ഥാ​നാ​രോ​ഹ​ണ​ച്ചടങ്ങ് കാണാനും പ്രാർഥനയിൽ പങ്കെടുക്കാനും വൻജനാവലിയാണ് സെന്‍റ് പീറ്റേഴ്സ് ചത്വരത്തിൽ എത്തിയത്.

മെയ് എട്ടിനാണ് അമേരിക്കയിൽ നിന്നുള്ള ക​ർ​ദി​നാ​ൾ റോബർട്ട് ഫ്രാൻസിസ് പ്രിവോസ്തിനെ പുതിയ മാർപാപ്പയായി കത്തോലിക്ക സഭ തെരഞ്ഞെടുത്തത്. വി​വി​ധ രാ​ജ്യ​ങ്ങ​ളി​ൽ​ നി​ന്നു​ള്ള 133 ക​ർ​ദി​നാ​ൾ​മാ​രാ​ണ് പു​തി​യ മാ​ർ​പാ​പ്പ​യെ ക​ണ്ടെ​ത്താ​നു​ള്ള കോ​ൺ​​ക്ലേ​വി​ൽ പ​​ങ്കെ​ടു​ത്തത്. പരിഷ്‍കരണ വാദിയായി അറിയപ്പെടുന്ന കർദിനാൾ റോബർട്ട് പ്രിവോസ്ത്, ലിയോ പതിനാലാമൻ എന്ന പേര് സ്വീകരിച്ചു.

ലിയോ പ​തി​നാ​ലാ​മ​ൻ മാ​ർ​പാ​പ്പ അ​ഗ​സ്റ്റീ​നി​യ​ൻ സ​ന്യാ​സ സ​മൂ​ഹ​ത്തി​ന്‍റെ (ഒ​.എ​സ്.എ) സു​പ്പീ​രി​യ​ർ ജ​ന​റ​ൽ ആ​യി​രു​ന്ന വേളയിൽ കേ​ര​ളം സ​ന്ദ​ർ​ശിച്ചിരുന്നു. 2004 ഏ​പ്രി​ൽ 22നാണ് കൊ​ച്ചി ക​ലൂ​ർ സെന്‍റ് ഫ്രാ​ൻ​സി​സ് അ​സീ​സി പ​ള്ളി​യി​ലാണ് മാ​ർ​പാ​പ്പ എത്തിയത്.

അ​ഗ​സ്റ്റീ​നി​യ​ൻ സ​ന്യാ​സ സ​ഭ​യി​ലെ ന​വ വൈ​ദി​ക​രു​ടെ പൗ​രോ​ഹി​ത്യ സ്വീ​ക​ര​ണ ശു​ശ്രൂ​ഷ​ക​ളി​ൽ പ​ങ്കെ​ടു​ക്കാനായിരുന്നു സന്ദർശനം. അ​ഗ​സ്റ്റി​ൻ സ​ഭ​യു​ടെ വി​വി​ധ സ്ഥാ​പ​ന​ങ്ങ​ളി​ലും പ​ള്ളി​ക​ളി​ലും വി​ശു​ദ്ധ​ കു​ർ​ബാ​ന​ അ​ർ​പ്പി​ച്ചിട്ടുള്ള മാർപാപ്പ, കൊ​ച്ചി​യി​ലെ അ​ഗ​സ്റ്റീ​നി​യ​ൻ സ​ന്യാ​സ സ​മൂ​ഹ​ത്തി​ന്‍റെ സെ​മി​നാ​രി​യി​ൽ ഏ​താ​നും ദി​വ​സം താ​മ​സി​ക്കുകയും ചെയ്തിട്ടുണ്ട്.