മുരളീ മുകുന്ദന്
മലയാളിയുടെ ഹൃദയം കീഴടക്കിയ ഭാവഗാനങ്ങള്, ദലമര്മ്മരമായി, ശ്രുതിലയ തരംഗണിയായി, ആസ്വാദ കര്ണ്ണപുടങ്ങളില് ഇമ്പമീട്ടി ; ഇംഗ്ലണ്ടിലെ പല ഭാഗങ്ങളില് നിന്നുള്ള ഗായികാഗായകന്മാരിലൂടെ പെയ്തിറങ്ങുന്ന ഗാനാലാപന വേദിയിലേക്ക് എല്ലാ സഹൃദയരേയും സ്വാഗതം ചെയ്തു കൊള്ളുന്നു …
ഈ വരുന്ന ശനിയാഴ്ച്ച ,മെയ് മാസം 27-ന് , വൈകീട്ട് 6.30 മുതല് രാത്രി 10 മണി വരെ , ഈസ്റ്റ് ലണ്ടനിലുള്ള ട്രിനിറ്റി കമ്യൂണിറ്റി സെന്ററിലെ ഓഡിറ്റോറിയത്തില് വെച്ചാണ് , ശ്രുതിലയ സായാഹ്നം അരങ്ങേറുന്നത്…
അവരവരുടെ തട്ടകങ്ങളിലും, മറ്റുള്ള ഗാനാലാപന രംഗമണ്ഡപങ്ങളിലും – മികവ് തെളിയിച്ചിട്ടുള്ള, ഇംഗ്ലണ്ടിലെ വിവിധ ദേശങ്ങളില് വസിക്കുന്ന മലയാളികളുടെ പ്രിയ ഗായികാഗായകരില് കുറച്ച് പേര് ഒത്ത് കൂടി ; മാഞ്ചസ്റ്ററിലെ സ്റ്റോക്പോര്ട്ടിലുള്ള അലക്സ് കണിയാമ്പറമ്പിലിന്റെ നേതൃത്വത്തിലാണ് , അന്നീ സംഗീത വിരുന്നായ ‘ശ്രുതിലയ സായാഹ്നം’ സംഘടിപ്പിക്കുന്നത് …
ഔപചാരികമായ ചടങ്ങുകളൊന്നുമില്ലാതെ, ഗൃഹാതുരത്വമുണര്ത്തുന്ന മലയാളത്തിലെയും, ഹിന്ദിയിലെയും ഭാവഗാനങ്ങള് മാത്രമുള്ക്കൊള്ളിച്ചുകൊണ്ടുള്ള ഈ പരിപാടിയില് പ്രവേശനം തികച്ചും സൌജന്യമാണ്.
ഇതില് പങ്കെടുക്കുന്ന കലാകാരന്മാര് :-
ഷെഫീല്ഡില് നിന്ന് അജിത്ത് പാലിയത്ത് , പൂളില് നിന്നുള്ള ബിനോയ് മാത്യു ,ബോണ്മൗത്തിലുള്ള ദീപാ സന്തോഷ് കവന്ട്രിയില് നിന്ന് ഹരീഷ് പാലാ , വാട്ട്ഫോഫോര്ഡില് നിന്ന് ജാസ് ലിന് വിജൊ , ഈസ്റ് ലണ്ടനിലുള്ള ജോയ് സി ജോയി , ബ്രിസ്റ്റോളില് നിന്ന് വരുന്ന പ്രമോദ് പിള്ള , കെന്റിലെ ചാത്തമ്മിലുള്ള റോയ് സെബാസ്ത്യന് , ലണ്ടന് വാട്ട്ഫോര്ഡിലുള്ള സ്നേഹ സണ്ണി, ലണ്ടനില് നിന്നുള്ള തമ്പി / സുരേഷ് കുമാര് ഗംഗാധരന് , ഇല്ഫോര്ഡിലുള്ള തോമസ് അലക്സാണ്ടര് മുതലായവര് ഗായികാഗായകന്മാരായും പിന്നെ ഷെഫീല്ഡില് നിന്നുള്ള ആനി ഇസിഡോര് പാലിയത്തും, എസ്സെക്സിലെ ചെംസ്ഫോര്ഡില് നിന്നും വരുന്ന രശ്മി രാജേഷും കൂടി പരിപാടിയുടെ അവതരണ രംഗത്തും പങ്കെടുക്കുന്നതാണ് …
ഈസ്റ്റ് ഹാം ട്യൂബ് സ്റ്റേഷനില് നിന്നും അഞ്ച് മിനിറ്റിനുള്ളില് നടന്നെത്താവുന്ന വേദിയുടെ വിലാസം:
Trinity Community Centre , East Avenue , East Ham , London E12 6SG.
Allied Mortgate Services, Ealoor Consultancy UK Ltd., Direct Accident Claim Assistance Ltd എന്നീ മൂന്നു സ്ഥാപനങ്ങളാണ് ഈ പരിപാടി സ്പോണ്സര് ചെയ്യുന്നത്.
സീറ്റുകള് പരിമിതമായതിനാല് നിരാശ ഒഴിവാക്കാന് അല്പം മുമ്പേതന്നെ വന്ന് ഹാളില് പ്രവേശിക്കണമെന്ന് സംഘാടകര് അഭ്യര്ത്ഥിക്കുന്നു.
കൂടുതല് വിവരങ്ങള്ക്ക് ശ്രീ.അലക്സ് കണിയാംപറമ്പിലിനെ വിളിക്കുക …. മൊബൈല് നമ്പര് : 0785 906 0216
click on malayalam character to switch languages