“സവാരി ഗിരിഗിരി” ഷാജു ഉതുപ്പ് കുടിലിൽ, സണ്ണി ജോസഫ് എന്നിവരുടെ യു ട്യൂബ് യാത്രാ ചാനൽ ശ്രദ്ധേയമാകുന്നു….
Jun 01, 2021
“സവാരി ഗിരിഗിരി” എന്ന പേരിൽ ലിവർപൂൾ മലയാളികളായ ഷാജു ഉതുപ്പ് കുടിലിലും, സണ്ണി ജോസഫും ആരംഭിച്ചിരിക്കുന്ന യുട്യൂബ് ചാനൽ ഇതിനകം ശ്രദ്ധ നേടിക്കഴിഞ്ഞു. യൂറോപ്പിലെ ചരിത്ര നഗരങ്ങളും കൗതുക കാഴ്ചകളും കേരളീയരുമായി പങ്കുവെയ്ക്കുന്ന പുതിയ യൂട്യൂബ് യാത്രാ ചാനൽ ഇംഗ്ലണ്ടിലെ ലിവർപൂളിൽ നിന്നുമാണ് ആരംഭിച്ചിരിക്കുന്നത്. ചരിത്രവും വിജ്ഞാനവും ഇടകലർത്തി നർമ്മത്തിലൂടെ സംവദിക്കുന്ന ഈ യാത്രാചാനൽ, പതിവു യാത്രാ ചാനലുകളിൽ നിന്നും വേറിട്ട നവ്യമായ ഒരനുഭവമാണ് പകർന്നു നൽകുന്നത്. ഇംഗ്ലണ്ടിൽ സ്ഥിരതാമസമാക്കിയിട്ടുള്ള മലയാളികളായ ഷാജു ഉതുപ്പ്, സണ്ണി ജോസഫ് എന്നിവരാണ് അതിൻ്റെ സാരഥികൾ.
2001 മുതൽ ഇംഗ്ലണ്ടിലെ ലിവർപൂളിൽ സ്ഥിരതാമസമാക്കിയിട്ടുള്ള ശ്രീ ഷാജു ഉതുപ്പ്, ലിവർപൂളിലെ ഹാർട്ട് ആൻ്റ് ചെസ്റ്റ് ഹോസ്പിറ്റലിലെ സീനിയർ നഴ്സ് ഇൻ ചാർജ് ആണ്. തൻ്റെ തൊഴിലിനോടൊപ്പം സഞ്ചാരങ്ങളും നെഞ്ചോട് ചേർത്തുവെക്കുന്ന ഷാജു, മുൻ യുക്മ നോർത്ത് വെസ്റ്റ് റീജിയൻ ഭാരവാഹിയും ബ്രിട്ടനിലെ അറിയപ്പെടുന്ന ഗായകനുമാണ്. കലാ കായിക രംഗങ്ങളിൽ മികവു പുലർത്തുന്ന ഷാജു, ലിവർപൂൾ വോളിബോൾ ക്ലബിലെ അംഗവും, ലിവർപൂൾ മലയാളി അസോസിയേഷൻ്റെ മുൻകാല പ്രസിഡണ്ടുമാണ്. യാത്രകൾ വളരെയധികം ഇഷ്ടപ്പെടുന്ന ഷാജു, ഇതിനോടകം ഇരുപതിൽപ്പരം രാജ്യങ്ങളിൽ സഞ്ചരിച്ചിട്ടുണ്ട്.
2002 മുതൽ ലിവർപൂളിൽ സ്ഥിര താമസമാക്കിയിട്ടുള്ള സണ്ണി ജോസഫ്, ഇന്ത്യയിലെ എല്ലാ സംസ്ഥാനങ്ങളിലും സഞ്ചാരം നടത്തിയിട്ടുള്ളതാണ്. ലിവർപുളിലെ അറിയപ്പെടുന്ന തൊഴിൽ സംരംഭകനും നിലവിൽ ലിവർപൂളിലെ ലയൺസ് വോളിബോൾ ക്ലബ്ബിൻ്റെ മാനേജരുമാണ്. ലണ്ടനു വെളിയിൽ ആദ്യമായി കേരള റസ്റ്റോറൻ്റ് തുടങ്ങിയ വ്യക്തി എന്ന റെക്കോർഡും ഇദ്ദേഹത്തിന് സ്വന്തമാണ്. ലിവർപൂളിലെ മഹാരാജാ സൗത്ത് ഇന്ത്യൻ റസ്റ്റോറൻ്റ് ഇദ്ദേഹത്തിൻ്റെ സ്വന്തവും തദ്ദേശീയരായ ഇംഗ്ലീഷുകാരുടെ പ്രിയപ്പെട്ട ഭക്ഷണശാലയുമായിരുന്നു.
യാത്രകൾ ഇഷ്ടപ്പെടുന്ന ഇവരുടെ കൂട്ടുകെട്ടിൽ നിന്നും പിറവിയെടുത്ത ഈ യാത്രാ ചാനൽ ആഴ്ചയിൽ രണ്ട് പരമ്പര വീതം പുറത്തിറക്കുന്നു. ഊണിലും ഉറക്കത്തിലും യാത്ര മാത്രം സ്വപ്നം കാണുന്ന ഇവരിൽ നിന്നും കെട്ടിലും മട്ടിലും വ്യത്യസ്തതയേറിയ കാഴ്ചാനുഭവങ്ങൾ ലോകമെമ്പാടുമുള്ള മലയാളി പ്രേക്ഷകർക്ക് പ്രതീക്ഷിക്കാവുന്നതാണ്.
“സവാരി ഗിരിഗിരി” ഇതിനകം പുറത്തിറക്കിയ വീഡിയോകൾ കാണാം….
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages