ലണ്ടൻ: ജീവനക്കാരുടെ കുറവ് അനുഭവിക്കുന്ന കമ്പനികൾ തടവുകാരെ നിയമിക്കണമെന്ന് പുതിയ ജസ്റ്റിസ് സെക്രട്ടറി നിർദ്ദേശിച്ചു. യുകെയിലുടനീളമുള്ള ഒരു ദശലക്ഷം തൊഴിലവസരങ്ങളിൽ ചിലത് ദിവസ മോചനത്തിന് അനുവദിക്കപ്പെടുന്ന അല്ലെങ്കിൽ ജയിൽ ശിക്ഷ പൂർത്തിയാക്കിയ കുറ്റവാളികളാൽ നികത്താനാകുമെന്ന് ഡൊമിനിക് റാബ് പറഞ്ഞു. സമൂലമായ നീക്കം സമൂഹത്തെയും സമ്പദ്വ്യവസ്ഥയെയും സഹായിക്കുമെന്ന് അദ്ദേഹം അവകാശപ്പെട്ടു. കൂടാതെ ജീവനക്കാരായി പുതുജീവിതം തുടങ്ങുന്നത് കുറ്റകൃത്യ ജീവിതത്തിൽ നിന്ന് പിന്തിരിപ്പിക്കാൻ സഹായിക്കുമെന്നും അദ്ദേഹം കൂട്ടിച്ചേർത്തു.
ജയിൽ മോചിതരെ നിയമിക്കുന്നതിനായി ഏറ്റവുമധികം തൊഴിലാളി ക്ഷാമം അനുഭവിക്കുന്ന ഫ്രൂട്ട് ഫാമുകൾ, ഭക്ഷ്യ ഫാക്ടറി മേഖലകളിലെ കമ്പനികളുമായി അധികൃതർ ബന്ധപ്പെട്ട് ആവശ്യമായ നടപടികൾ സ്വീകരിക്കും.19 മാസങ്ങൾക്ക് ശേഷം സർക്കാരിന്റെ ഫർലോ ഇന്ന് അവസാനിക്കും. ജൂലൈയിലെ ഏറ്റവും പുതിയ കണക്കുകൾ കാണിക്കുന്നത് 1.6 മില്യൺ ജോലികൾ ഇപ്പോഴും കഴിഞ്ഞ മാർച്ച് മുതൽ നടപ്പിലാക്കി വരുന്ന ഫർലോ പദ്ധതിയിലൂടെയാണ്.
നാളെ മുതൽ, ബുദ്ധിമുട്ടുന്ന കുടുംബങ്ങൾക്ക് യൂണിവേഴ്സൽ ക്രെഡിറ്റിൽ ആഴ്ചയിൽ 20 പൗണ്ടിന്റെ അധിക വരുമാനം നൽകിയിരുന്നത് ഉൾപ്പെടെയുള്ള കോവിഡ് പിന്തുണ നടപടികൾ അവസാനിക്കും. സ്വയം തൊഴിലാളികൾക്ക് നൽകിയിരുന്ന പിന്തുണയും അവസാനിച്ചിരുന്നു. യുകെ തൊഴിൽ പരസ്യ നമ്പറുകൾ കുറഞ്ഞത് ഒരു വർഷത്തിനിടയിലെ ഏറ്റവും ഉയർന്ന നിരക്കിലെത്തി. നിലവിൽ ഏകദേശം രണ്ട് ദശലക്ഷം തൊഴിലവസരങ്ങളാണ് ഒഴിഞ്ഞു കിടക്കുന്നത്. സെപ്റ്റംബർ 13 മുതൽ സെപ്റ്റംബർ 19 വരെയുള്ള തൊഴിൽ മാർക്കറ്റ് ഡാറ്റ കാണിക്കുന്നത് 220,000 ത്തിലധികം പുതിയ തൊഴിൽ പരസ്യങ്ങൾ പോസ്റ്റ് ചെയ്തിട്ടുണ്ടെന്നാണ്.
അതേസമയം അഭയാർത്ഥി വിസയ്ക്കായി അപേക്ഷ നൽകി കാത്തിരിക്കുന്നവർക്ക് തൊഴിൽ ചെയ്യാൻ അവസരം നൽകിയേക്കുമെന്ന സൂചനകളും പുറത്ത് വരുന്നുണ്ട്. ഏറ്റവും പുതിയ കണക്കുകൾ കാണിക്കുന്നത് 33,000 ത്തിലധികം അഭയാർഥികൾ ഒരു വർഷത്തിലേറെയായി അവർക്ക് യുകെയിൽ തുടരാനാകുമോ എന്നറിയാൻ കാത്തിരിക്കുന്നുവെന്നാണ്. എന്നാൽ നിലവിലെ നിയമങ്ങൾ ആ സമയത്ത് ശമ്പളത്തിൽ ജോലി ചെയ്യുന്നതിൽ നിന്ന് അവരെ വിലക്കുന്നു. അവരെ ജോലിക്ക് അനുവദിക്കുമോയെന്ന മാധ്യമപ്രവർത്തകരുടെ ചോദ്യങ്ങൾക്ക് അത് നീതിന്യായ മന്ത്രാലയത്തേക്കാൾ ആഭ്യന്തര കാര്യാലയത്തിന്റെ കാര്യമാണെന്നും എന്നാൽ അതിനെക്കുറിച്ച് തുറന്ന മനസ്സോടെയിരിക്കും തന്റെ സമീപനമെന്നും റാബ് പറഞ്ഞു.
click on malayalam character to switch languages