യു കെ മലയാളികളെ ദുഖത്തിൽ ആഴ്ത്തിക്കൊണ്ട് ഗ്ലോസ്റ്റർഷെയർ മലയാളി അസോസിയേഷൻ്റെ (ജി.എം.എ) അമരക്കാരനും മാർഗ്ഗദർശിയുമായ ഡോ.തിയോഡോർ ഗബ്രിയേൽ(85) അന്തരിച്ചു. ദീർഘകാലമായി രോഗശയ്യയിലായിരുന്ന ഡോ.ഗബ്രിയേൽ അല്പം മുൻപ് ബർമിംങ്ങ്ഹാം ഗുഡ് ഹോപ്പ് ഹോസ്പിറ്റലിൽ വച്ചാണ് മരണമടഞ്ഞത്. ഭാര്യ വിമല, ഏക മകൾ സുനൈന. തലശ്ശേരി സ്വദേശിയാണ്.
70 കളിൽ യുകെയിലേക്ക് വന്ന ഡോക്ടർ, അദ്ദേഹത്തിൻ്റെ മേഖലയായ അദ്ധ്യാപനത്തിൽ തന്നെ തുടർന്നു. MA; MLitt;PhD FRSA എന്നീ ബിരുദങ്ങൾ അദ്ദേഹത്തെ യൂണിവേർസിറ്റിAsst. Professor പദവിയിൽ എത്തിച്ചു
2002-ൽ ഗ്ലോസ്റ്റർ ഷെയർ മലയാളി അസോസിയേഷന് രൂപം കൊടുത്തപ്പോൾ ആദ്യ പ്രസിഡൻ്റായി തിരഞ്ഞെടുക്കപ്പെട്ട ഡോക്ടർ ആദ്യത്തെ ആറ് വർഷക്കാലം പ്രസിഡൻ്റായിരുന്നു. തുടർന്ന് നാളിതുവരെ രക്ഷിധികാരി ആയി പ്രവർത്തിച്ചു കൊണ്ട് ജി.എം.എ എന്ന സംഘടനയെ വളർച്ചയുടെ പടവുകൾ താണ്ടി ഉന്നതിയിലെത്തിക്കാൻ ഡോക്ടർ ഗബ്രിയേലിന് സാധിച്ചു.ജി.എം.എ യുടെ മാർഗ്ഗദർശിയും വഴികാട്ടിയുമായി എല്ലാവരുടെയും ആദരവ് പിടിച്ചു പറ്റിയ ഡോ.ഗബ്രിയേലിൻ്റെ നിര്യാണം ജി.എം എ യെ സംബന്ധിച്ചിടത്തോളം നികത്താനാവാത്ത നഷ്ടമാണ്.
ഡോ. ഗബ്രിയേലിൻ്റെ നിര്യാണം യുകെയിലെ പൊതുരംഗത്ത് കനത്ത നഷ്ടമാണെന്ന് യുക്മ പ്രസിഡൻ്റ് മനോജ്കുമാർ പിള്ള പറഞ്ഞു. ഡോക്ടറുടെ നിര്യാണത്തിൽ യുക്മ പ്രസിഡൻ്റ് മനോജ്കുമാർ പിള്ള, സെക്രട്ടറി അലക്സ് വർഗ്ഗീസ്, ട്രഷറർ അനീഷ് ജോൺ, വൈസ് പ്രസിഡൻ്റ് അഡ്വ.എബി സെബാസ്റ്റ്യൻ, ജോയിൻ്റ് ട്രഷറർ ടിറ്റോ തോമസ്, സൗത്ത് വെസ്റ്റ് റീജിയൻ പ്രസിഡൻ്റ് ഡോ.ബിജു പെരിങ്ങത്തറ, ജി.എം. എ പ്രസിഡൻ്റ് എലിസബത്ത്, സെക്രട്ടറി സണ്ണി ലൂക്കോസ് എന്നിവർ അനുശോചനം രേഖപ്പെടുത്തി. പരേതൻ്റെ ആത്മാവിന് നിത്യശാന്തി നേരുവാൻ പ്രാർത്ഥിക്കുന്നതിനൊപ്പം നിര്യാണത്തിൽ ദു:ഖിക്കുന്ന കുടുംബാംഗങ്ങളുടെ വേദനയിൽ യുക്മ ന്യൂസ് ടീമും പങ്കു ചേരുന്നു.
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages