1 GBP = 104.82
breaking news

റെക്സം കേരളാ കമ്മ്യൂണിറ്റിയുടെ ക്രിസ്മസ് ന്യൂ ഇയർ ആഘോഷവും മലയാളം പാട്ടുകുർബാനയും ഡിസംബർ 30,31തീയതികളിൽ

റെക്സം കേരളാ കമ്മ്യൂണിറ്റിയുടെ ക്രിസ്മസ് ന്യൂ ഇയർ ആഘോഷവും മലയാളം പാട്ടുകുർബാനയും ഡിസംബർ 30,31തീയതികളിൽ

ബെന്നി തോമസ്

റെക്സം കേരളാ കമ്മ്യൂണിറ്റിയുടെ ക്രിസ്മസ് ന്യൂ ഇയർ ആഘോഷം ഡിസംബർ 30-31 തീയതി കളിൽ.30- തിയതി രാവിലെ 10- മണിക്ക് ആരംഭിക്കുന്ന സാന്താ മാർച്ചോടെ പരിപാടികൾക്ക് തുടക്കം കുറിക്കും.സാന്താമാർച്ചിൽ ക്രിസ്മസ് സാന്താ കുട്ടികൾക്ക് സമ്മാനങ്ങൾ വിതരണം ചെയ്ത് കടന്നുപോകുന്നു. തുടർന്ന് ഹാളിൽ നടക്കുന്ന പരിപാടികൾക്ക് റെക്സം ബിഷപ്പ് റെവ പീറ്റർ ബ്രിഗ്നൽ തിരിതെളിച് ക്രിസ്മസ് പരിപാടികൾ ഉൽഘാടനം നിർവഹിക്കും. തുടർന്ന് വിശിഷ്ട അതിഥികളും റെക്സം കേരളാ കമ്മ്യൂണിറ്റി കമ്മറ്റി അംഗകളും ചേർന്ന് കേക്ക് മുറിച് വൈൻ വിതരണം ചെയ്ത് ആശംസകൾ നേരുന്നു. തുടർന്ന് ആകർഷകമായ നിരവധി കലാപരിപാടികൾ കുട്ടികളും മുതിർന്നവരും ചേർന്ന് അവതരിപ്പിക്കുന്നു.

പ്രോഗ്രാമുകൾക്ക് കൊഴുപ്പേക്കാൻ കേരളാ കമ്മ്യൂണിറ്റി ആദ്യമായി അവതരിപ്പിക്കുന്ന ബാന്റ്, ആടിത്തിമിർക്കാൻ പ്രമുഖ ടീം അവതരിപ്പിക്കുന്ന ഡീജേ നിരവധി സ്കിറ്റുകൾ, ഡാൻസ്, കപ്പിൾ ഡാൻസ്, കരോൾ സോങ്, ഡ്രാമ ഇമ്പമേറുന്ന ഗാനങ്ങൾ തുടങ്ങിയവ ഏവർക്കും ആകാംഷ നൽകുന്നതാണ്. നാവിൽ രുചിപകരുന്ന ത്രീ കോഴ്സ് കേരളാ സ്‌റ്റയിൽ ഭക്ഷണവും സ്നാക്സും ക്രിസ്തുമസ് ആഘോഷത്തിന് ഇരട്ടിമധുരം പകർന്നുതരും.

ആഘോഷ പരിപാടിയിൽ പങ്കെടുക്കുന്ന എല്ലാ അംഗങ്ങൾക്കും അവരുടെ പുതുവർഷത്തിലെ ഭാഗ്യം പരീക്ഷിക്കാൻ നിരവധി ആകർഷക സമ്മാനങ്ങൾ ആണ് കേരളാ കമ്മ്യൂണിറ്റി ഒരുക്കിയിരിക്കുന്നത്. ഈ അവസരം ഏവരും പ്രയോജനപെ
പെടുത്തുക.

റെക്സം രൂപതാ കേരളാ കമ്മ്യൂണിറ്റിയുടെ ക്രിസ്മസ് പുതുവത്സര ആഘോഷത്തിന്റെ ഭാഗമായ ആഘോഷമായ മലയാളം പാട്ടു കുർബാനയും മറ്റ് തിരുകർമ്മങ്ങളും, പുതുവത്സര പ്രാർത്ഥനകളും ഡിസംബർ 31-തിയതി ഞായറാഴ്ച 3- മണിക്ക് റെക്സം സെൻറ് മേരിസ് കത്തിഡ്രലിൽ നടത്തപെടുന്നു. ആഘോഷമായ പാട്ടുകുർബാന മധ്യേ റെക്സം ബിഷപ്പ് ബഹുമാനപെട്ട റെവ. ബിഷപ്പ് പീറ്റർ ബ്രിഗ്നൽ ക്രിസ്മസ് ന്യൂ ഇയർ സന്ദേശം നൽകുന്നതുമാണ്. പുതുവത്സര ഒരുക്കമായി കുർബാന മധ്യേ കുടുംബങ്ങൾക്കും, വ്യക്തികൾക്കും, കുട്ടികൾക്കും കാഴ്ച സമർപ്പണത്തിന് അവസരം ഉണ്ടായിരിക്കുന്നതാണ്. പൂക്കൾ, ഫ്രൂട്ട്സ്, തിരികൾ, കുർബാന വൈൻ ഇവ സമർപ്പിക്കാവുന്നതാണ്..കഴിഞ്ഞ ഒരു വർഷക്കാലം ദൈവം നല്കിയ നന്മകൾക്ക് നന്ദി നേരാനും നന്മയും ശാന്തിയും സമാധാനവും, ആരോഗ്യവുമുള്ള ഒരു പുതുവത്സരത്തിനായി ഒരുങ്ങുവാവും ഈ പരിശുദ്ധ കുർബാനവഴി നമുക്ക് പ്രത്യേകം പ്രാർത്ഥിക്കാം.. കുർബാനക്ക് ശേഷം ബിഷപ്പ് ക്രിസ്മസ് കേക്ക് മുറിക്കുന്നതുംവൈൻ വിതരണം നടത്തുന്നതുമാണ്.

ആഘോഷമായ പാട്ടൂർബാനയിൽ പങ്കെടുത്ത് നല്ലൊരു ഒരു വർഷത്തിന് ഒരുങ്ങുവാൻ റെക്സം രൂപതാ കേരളാ കമ്യൂണിറ്റി ഏവരേയും സ്വാഗതം ചെയ്തുകൊള്ളുന്നു….

Latest News:

Post Your Comments Here ( Click here for malayalam )

Press Esc to close
show more