മെറീന മോൾക്ക് ഇന്ന് അന്ത്യയാത്രാമൊഴിയേകും; ഹൃദയം നുറുങ്ങുന്ന വേദനയിലും അവസാനവട്ട ഒരുക്കങ്ങൾ പൂർത്തിയാക്കി ബന്ധുക്കളും സുഹൃത്തുക്കളും
Mar 08, 2024
വാറിംഗ്ടൺ: ഇന്ന് വാറിംഗ്ടണിൽ മരണമടഞ്ഞ മെറീന മോൾക്ക് ബന്ധുക്കളും സുഹൃത്തുക്കളുമടങ്ങുന്ന വൻ ജനാവലിയുടെ സാന്നിദ്ധ്യത്തിൽ അന്ത്യയാത്രാമൊഴിയേകും. ഹൃദയം നുറുങ്ങുന്ന വേദനയിലും മെറീന മോൾക്ക് അന്ത്യയാത്ര നൽകുന്നതിനുള്ള അവസാനവട്ട ഒരുക്കങ്ങളും പൂർത്തിയാക്കി കാത്തിരിക്കുകയാണ് ബന്ധുക്കളും സുഹൃത്തുക്കളും. യുകെയുടെ വിവിധ ഭാഗങ്ങളിൽ നിന്നായി നൂറുകണക്കിന് ജനങ്ങൾ അന്ത്യയാത്ര മൊഴിയേകാനെത്തും.
മുൻ നിശ്ചയിച്ചതിൽ നിന്നും വ്യത്യസ്തമായി രാവിലെ ഏഴര മണിയോടെ മെറീനയുടെ മൃതദേഹം സ്വഭവനത്തിൽ എത്തിച്ച് പ്രാർത്ഥനകൾക്ക് ശേഷം എട്ടു മണിയോടെ സംസ്കാര ചടങ്ങുകൾക്കായി വാറിംഗ്ടണിലെ സെന്റ് ജോസഫ് ദേവാലയത്തിൽ കൊണ്ടുവരും. സംസ്കാര ചടങ്ങുകൾക്ക് ശേഷം പൊതുദര്ശനത്തിനുള്ള സൗകര്യവും ഒരുക്കിയിട്ടുണ്ട്. അടുത്തുള്ള ഫോക്സ് കോവേർട് സിമിട്രിയിൽ പതിനൊന്ന് മണിയോടെയായിരിക്കും മെറീന ബാബു മാമ്പള്ളിക്ക് അന്ത്യവിശ്രമമൊരുങ്ങുക. മെറീന മോൾക്ക് അന്തിമോപചാരമർപ്പിക്കുന്നവർ പൂക്കളും ബൊക്കെകളും അർപ്പിക്കുന്നതിന് പകരം, അതിനായി കരുതുന്ന തുക ചാരിറ്റി ബോക്സിൽ നിക്ഷേപിക്കണമെന്ന് ബന്ധുക്കൾ അഭ്യർത്ഥിച്ചു.
വാറിംഗ്ടണിൽ താമസമാക്കിയിരിക്കുന്ന ബാബു മാമ്പള്ളി, ലൈജു ദമ്പതികളുടെ രണ്ടാമത്തെ മകളാണ് മെറീന. ബ്ലഡ് ക്യാൻസറിനെത്തുടർന്ന് റോയൽ ലിവർപൂൾ ആശുപത്രിയിൽ ചികിത്സയിലായിരുന്നു. ഫെബ്രുവരി ഇരുപതിന് ഉച്ചയ്ക്ക് പന്ത്രണ്ട് മണിയോടെയായിരുന്നു അന്ത്യം. മരണത്തിന് ഒരാഴ്ച്ച മുൻപ് മാത്രമാണ് മെറീനയ്ക്ക് രോഗം സ്ഥിരീകരിക്കുന്നത്. തുടർന്ന് കീമോ തെറാപ്പി ആരംഭിച്ചിരുന്നു. ഇരുപത് വയസ്സ് മാത്രമായിരുന്നു മെറീനയുടെ പ്രായം.
യൂണിവേഴ്സിറ്റി ഓഫ് മാഞ്ചസ്റ്ററിൽ മൂന്നാം വർഷ നേഴ്സിംങ് വിദ്യാർത്ഥിയായിരുന്നു മെറീന ബാബു. മൂത്ത സഹോദരി മെർലിൻ വാറിംഗ്ടൺ എൻഎച്ച്എസ് ആശുപത്രി ജീവനക്കാരിയാണ്. കോട്ടയം ചിങ്ങവനം സ്വദേശികളാണ് ബാബു മാമ്പള്ളിയും കുടുംബവും.
പൊതുദർശനവും സംസ്കാര ചടങ്ങുകളും നടക്കുന്ന ദേവാലയത്തിന്റെ അഡ്രെസ്സ്- St Joseph Church. Meeting Lane. Warrington WA5 2BB. സമയം: 8 AM
സിമിത്തേരിയുടെ അഡ്രസ്സ്: Fox Covert Cemetery, Red Lane, Warrington, WA4 5LLA സമയം: 11 AM
സംസ്കാര ചടങ്ങുകൾ താഴെക്കാണുന്ന ലിങ്കിൽക്കൂടി തത്സമയം വീക്ഷിക്കാം…
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages