ലിവര്പൂളില് മതേതരത്വത്തിന്റെ ശംഖൊലി നാദം മുഴക്കി കൊണ്ട് ലിവര്പൂള് മലയാളി അസോസിയേഷന് ലിമയുടെ വിഷു, ഈസ്റ്റര്, ആഘോഷങ്ങള് ഗംഭീരമായി നടന്നു.
Apr 18, 2023
പരിപാടികളുടെ മുഖ്യ അഥിതിയായി എത്തിയ ഡോക്ടര് സുസന് കുരുവിള, ഡോക്ടര് ജോര്ജ് കുരുവിള എന്നിവരും ലിമയുടെ പ്രസിഡന്റ് ജോയി അഗസ്തി, സെക്രട്ടറി ജിനോയി മാടന് ട്രസ്റ്റി ജോയിമോന് തോമസും മറ്റ് വനിത കമ്മിറ്റി ഭാരവാഹികളും കൂടി നിലവിളക്കില് ഭദ്രദിപം കൊളുത്തി കൊണ്ട് ലിമയുടെ പരിപാടികള്ക്കു തുടക്കമിട്ടു. പിന്നിട് കുട്ടികളെകൊണ്ട് വിഷുക്കണികാണിച്ചു അതിനുശേഷം വിഷുകൈനീട്ടം ലിമ സ്പോണ്സര് RFT ഫിലിംസ് എംഡി റൊണാള്ഡ് നല്കി.
ഡോക്ടര് സുസന് കുരുവിളയും, ഡോക്ടര് ജോര്ജ് കുരുവിളയും ചേര്ന്നു കുട്ടികള്ക്ക് ഈസ്റ്റര് എഗ്ഗ്സ് നല്കി. ആശംസകള് നേര്ന്നു കൊണ്ട് ഡോക്ടര് സുസന് ജോര്ജ്, സ്വാഗതം ജിനോയി മാടന്, നന്ദി ജോയി മോന് തോമസ് എന്നിവര് സംസാരിച്ചു. വിസ്റ്റന് ടൗണ് ഹാളിലാണ് പരിപാടികള് അരങ്ങേറിയത്.
കുട്ടികളും, മുതിര്ന്നവരും വിവിധതരം കലാപരിപാടികള് അവതരിപ്പിച്ചു. ഈ വര്ഷം ലിമ നടത്തിയ രാധ, കൃഷ്ണ മത്സരം വളരെ ആവേശകരം ആയിരുന്നു. ലിവര്പൂള് ഡാന്സ് മാസ്റ്റര് മഹേഷിന്റെ സരിഗമ ഡാന്സ് ഗ്രൂപ്പ്, റിയയുടെ ഡിഫാമം ഡാന്സ് ഗ്രൂപ്പ് എന്നിവര് അവതരിപ്പിച്ച ഡാന്സുകള് കാണികളുടെ പ്രശംസ പിടിച്ചു പറ്റി. കൂടാതെ ലിമ മുന് പ്രസിഡന്റ് ഹരികുമാര് ഗോപാലന്റെ കൃഷ്ണവേഷവും, അദ്ദേഹത്തിന്റെ മകള് ദേവുവിന്റ രാധവേഷവും, ഷാജുവിന്റെ കുചേലന് വേഷവും, റോയി മാത്യുവിന്റെ യേശുവിന്റെ വേഷവും കാണികളുടെ നിലക്കാത്ത കയ്യടി നേടി. രാധാകൃഷ്ണ മത്സരത്തിലെ വിജയികള്ക്ക് സമ്മാനം നല്കിയത് ശ്രീകൃഷ്ണനും, യേശു ക്രിസ്തുവും ആയിരുന്നു.
വൈകുന്നേരം 6 മണിക്കാരംഭിച്ച പരിപാടികള് രാത്രി 10 മണി വരെ തുടര്ന്നു. തുടര്ന്ന് ഡിജെയും ഉണ്ടായിരുന്നു. വളരെ രുചികരമായ ഭക്ഷണമാണ് അതിഥികള്ക്ക് വേണ്ടി ലിമ ഒരുക്കിയിരുന്നത്. അവസാനം എല്ലാവരും ചേര്ന്ന് ഇന്ത്യയുടെ ദേശിയ ഗാനം ആലപിച്ചു പരിപാടികള് സമാപിച്ചു.
ഡോ ഹിക്സിന് പിന്നാലെ സുജിത് രാമചന്ദ്രനും; ഞായറാഴ്ച് രണ്ടു മണിക്ക് ‘ETHICAL DILEMMAS IN NURSING’ എന്ന വിഷയത്തിൽ സുജിത് രാമചന്ദ്രൻ; യുഎൻഎഫ് സമ്മേളനം കെങ്കേമമാക്കാൻ സംഘാടക സമിതി /
യുഎൻഎഫ് സംഘടിപ്പിക്കുന്ന അന്താരാഷ്ട്ര നഴ്സസ് ദിനാചരണത്തിന് മുന്നോടിയായുള്ള ലൈവ് വെബിനാറുകൾ ശ്രദ്ധേയമാകുന്നു; ഈ ശനിയാഴ്ച്ച പ്രമുഖ കൺസൾട്ടൻ്റ് സൈക്യാട്രിസ്റ്റായ ഡോ. ഹിക്സ് ‘MINDFULNESS AND MENTAL RESILIENCE IN NURSING’ എന്ന വിഷയവുമായി വെബിനാറിൽ /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
click on malayalam character to switch languages