1 GBP =
breaking news

കേരളത്തിൽ നിന്ന് കൂടുതൽ സർവ്വീസുകളുമായി ജെറ്റ് എയർവേയ്‌സ്; ആശ്വാസമാകുന്നത് യുകെ മലയാളികൾ ഉൾപ്പെടെയുള്ള പ്രവാസികൾക്ക്

കേരളത്തിൽ നിന്ന് കൂടുതൽ സർവ്വീസുകളുമായി ജെറ്റ് എയർവേയ്‌സ്; ആശ്വാസമാകുന്നത് യുകെ മലയാളികൾ ഉൾപ്പെടെയുള്ള പ്രവാസികൾക്ക്

തിരുവനന്തപുരം: കേരളം പ്രളയ ദുരന്തത്തില്‍ നിന്നും കരകയറിത്തുടങ്ങി. പ്രളയത്തെ തുടര്‍ന്ന് യാത്രമുടങ്ങിയവര്‍ക്ക് ആശ്വാസവുമായി ജെറ്റ് എയര്‍വെയ്‌സ്.  ഞായറാഴ്ച മുതല്‍ കൂടുതല്‍ കേരളത്തില്‍ നിന്നും കൂടുതല്‍ ജെറ്റ് എയര്‍വേസ് സര്‍വീസുകള്‍ ആരംഭിച്ചു. ആറ് അന്താരാഷ്ട്ര സര്‍വീസുകളും നാല് ആഭ്യന്തര സര്‍വീസുകളുമാണ് ജെറ്റ് എയര്‍വേസ് അധികമായി നടത്തുക. മുംബൈ, ബെംഗളൂരു എന്നിവിടങ്ങളിലേക്കാണ് ആഭ്യന്തര റൂട്ടുകളില്‍ അധിക സര്‍വീസുകള്‍. ഏറ്റവും കൂടുതൽ ആശ്വാസമാകുന്നത് യുകെയിലെ മലയാളികൾക്കാണ്. കൊച്ചി നെടുമ്പാശ്ശേരി വിമാനത്താവളം അടച്ചതോടെ, അവധി കഴിഞ്ഞു യുകെയിലേക്ക് മടങ്ങേണ്ട പലരുടെയും യാത്രകൾ റദ്ദാക്കുകയോ നീട്ടി വയ്‌ക്കേണ്ടി വരുകയോ ചെയ്തിരുന്നു. ജെറ്റ് എയർവേയ്‌സിന്റെ അധിക സർവ്വീസുകൾ യുകെ മലയാളികൾ ഉൾപ്പെടെയുള്ള പ്രവാസികൾക്ക് ആശ്വാസമാകുകയാണ്.

21, 22 തീയതികളിലാണ്  ആറ് അന്താരാഷ്ട്ര സര്‍വീസുകള്‍. ഞായറാഴ്ച മുതല്‍ 26 വരെയുള്ള എല്ലാ ദിവസങ്ങളിലുമാണ് നാല് വീതം ആഭ്യന്തര സര്‍വീസുകള്‍. തിരുവനന്തപുരം വിമാനത്താവളത്തില്‍ നിന്നാണ് എല്ലാ സര്‍വീസുകളും.

21-ന് രാവിലെ 7.55 ന് തിരുവനന്തപുരത്ത് നിന്ന് ദുബായിലേക്ക് പുറപ്പെട്ട് 10.35 ഓടെ അവിടെ എത്തുന്ന വിമാനം തിരിച്ച് ദുബായില്‍ നിന്ന് ഉച്ചയ്ക്ക്  12.10 ന് പുറപ്പെടും. ഈ വിമാനം തിരുവനന്തപുരത്ത് വൈകീട്ട് ആറു മണിയോടെ എത്തും.

ഇതേ സമയത്ത് 22നു ദുബായിലേക്കും അവിടേ നിന്ന് തിരിച്ചും സര്‍വീസുണ്ട്. കൂടാതെ അന്ന് വൈകീട്ട് ഏഴ് മണിക്ക് ദമാമിലേക്കും ഒരു സര്‍വീസുണ്ട്. തിരിച്ച് 10 മണിക്ക് ദമാമില്‍ നിന്നുള്ള വിമാനം തിരുവനന്തപുരത്ത് പുലര്‍ച്ച 5.30 ന് എത്തും.

Post Your Comments Here ( Click here for malayalam )

Press Esc to close
show more