ലണ്ടൻ: ബ്രിട്ടീഷ് എയർവേയ്സും ഈസിജെറ്റും ഗാറ്റ്വിക്ക്, ഹീത്രൂ വിമാനത്താവളങ്ങളിലെ ജീവനക്കാരുടെ കുറവുകൾക്കിടയിൽ ഈയടുത്ത ദിവസങ്ങളിൽ ഷെഡ്യൂളുകളിൽ നിന്ന് ആയിരക്കണക്കിന് ഫ്ലൈറ്റുകൾ നീക്കം ചെയ്തു.
ഈയാഴ്ച ഈസി ജെറ്റിനെ ബാധിച്ച ഐടി തകരാർ മൂലം സ്ഥിതി കൂടുതൽ വഷളാക്കിയെങ്കിലും മിക്ക യാത്രക്കാർക്കും നേരത്തെ അറിയിപ്പ് നൽകിയിട്ടുണ്ടെന്ന് എയർലൈനുകൾ പറയുന്നു.
അടുത്ത 10 ദിവസത്തിനുള്ളിൽ 200 ലധികം വിമാനങ്ങൾ റദ്ദാക്കാൻ ഈസിജെറ്റ് ഒരുങ്ങുന്നതായാണ് റിപ്പോർട്ട്. ഇത് അർദ്ധകാല അവധികളിൽ വിദേശത്തേക്ക് പോകുന്ന കുടുംബങ്ങൾക്ക് തിരിച്ചടിയാകും. മെയ് 28 നും ജൂൺ 6 നും ഇടയിൽ ലണ്ടനിലെ ഗാറ്റ്വിക്ക് വിമാനത്താവളത്തിൽ നിന്ന് പ്രതിദിനം 24 വിമാനങ്ങൾ റദ്ദാക്കുമെന്ന് എയർലൈൻ അറിയിച്ചു. തിരക്കേറിയ ഈ കാലയളവിൽ വിശ്വസനീയമായ സേവനങ്ങൾ നൽകുന്നതിന് റദ്ദാക്കലുകൾ ആവശ്യമാണെന്ന് കമ്പനി പറഞ്ഞു.
സോഫ്റ്റ്വെയർ തകരാറിനെ തുടർന്നാണ് വ്യാഴാഴ്ച 200-ഓളം വിമാനങ്ങൾ റദ്ദാക്കാനാണ് ഈസിജെറ്റ് നിർബന്ധിതരായത്. യുകെയിലുടനീളമുള്ള വിമാനത്താവളങ്ങളെ പ്രശ്നം ബാധിച്ചു. വെള്ളിയാഴ്ച രാവിലെ മറ്റൊരു 20 ഈസിജെറ്റ് ഫ്ലൈറ്റുകൾ റദ്ദാക്കി, ചെറിയ എണ്ണം ടി യു ഐ ഫ്ലൈറ്റുകളും വൈകി, അതിൽ മൂന്നെണ്ണം 24 മണിക്കൂറിലധികമാണ് വൈകിയത്. അതേസമയം ഏറ്റവും പുതിയ റദ്ദാക്കലുകൾ ഐടി പ്രശ്നവുമായി ബന്ധമില്ലാത്തതാണെന്ന് ഈസിജെറ്റ് പറഞ്ഞു.
എയർ ട്രാഫിക് കൺട്രോൾ നിയന്ത്രണങ്ങൾ, റൺവേ ജോലികൾ, എയർപോർട്ട് കൈകാര്യം ചെയ്യുന്നതിനുള്ള കാലതാമസം എന്നിവയുൾപ്പെടെ നിരവധി പ്രശ്നങ്ങൾ അതിന്റെ പ്രവർത്തനങ്ങളെ ബാധിക്കുകയും റദ്ദാക്കലിലേക്ക് മാറുന്നുവെന്നും
ഒരു പ്രസ്താവനയിൽ എയർലൈൻ പറഞ്ഞു.
ഇത്തരത്തിലുള്ള ചില റദ്ദാക്കലുകളുടെയും ഈ ഫ്ലൈറ്റുകളിൽ ബുക്ക് ചെയ്ത ഉപഭോക്താക്കൾക്ക് ഉണ്ടായ അസൗകര്യങ്ങൾക്കും ഖേദിക്കുന്നുവെന്നും, ഈ തിരക്കേറിയ കാലയളവിൽ വിശ്വസനീയമായ സേവനങ്ങൾ നൽകാൻ ഇത് ആവശ്യമാണെന്ന് തങ്ങൾ വിശ്വസിക്കുന്നതായും കമ്പനി പറഞ്ഞു. ഫ്ലൈറ്റ് റീബുക്ക് ചെയ്യുന്നതിനോ റീഫണ്ട് സ്വീകരിക്കുന്നതിനോ ഉള്ള ഓപ്ഷൻ നൽകുകയും നിയമങ്ങൾക്കനുസൃതമായി നഷ്ടപരിഹാരത്തിന് അപേക്ഷിക്കുകയും ചെയ്യാമെന്നും കമ്പനിയുടെ പ്രസ്താവനയിൽ പറയുന്നു.
അതേസമയം വിമാന സർവീസുകൾ കൂടുതലായി റദ്ദാക്കിയതോടെ ഫെറി സർവീസുകളിലും റോഡ് വഴിയുള്ള ഗതാഗതത്തിലും കാര്യമായ വർദ്ധനവ് രേഖപ്പെടുത്തിയിട്ടുണ്ട്. ജൂബിലി ആഘോഷങ്ങൾക്കായുള്ള അവധിദിനങ്ങളിൽ റോഡ് യാത്രക്കാരുടെ എണ്ണത്തിൽ ക്രമാതീതമായ വർദ്ധനവുണ്ടാകുമെന്ന് ആർ എ സി മുന്നറിയിപ്പ് നൽകുന്നു.
click on malayalam character to switch languages