1 GBP = 99.71
breaking news

ലോകകപ്പിൽ ആദ്യമായി ഇന്ത്യയെ വീഴ്​ത്തി പാകിസ്​താൻ

ലോകകപ്പിൽ ആദ്യമായി ഇന്ത്യയെ വീഴ്​ത്തി പാകിസ്​താൻ

ദുബൈ അന്താരാഷ്​ട്ര സ്​റ്റേഡിയത്തിൽ എല്ലാം ശരിയായ ദിനത്തിൽ ഇന്ത്യയെ പത്തു വിക്കറ്റിന്​ തോൽപ്പിച്ച്​ പാകിസ്​താൻ ചരിത്രം തിരുത്തിയെഴുതി. ട്വന്‍റി 20, ഏകദിന ലോകകപ്പ്​ ചരിത്രത്തിൽ ഇതുവരെയും ഇന്ത്യയെ തോൽപ്പിച്ചിട്ടില്ലെന്ന ചീത്തപ്പേര്​ ബാബർ അസമിലൂടെ പാകിസ്​താൻമാറ്റി. തുടക്കത്തിലെ പതർച്ചക്ക്​ ശേഷം ഇന്ത്യ പടുത്തുയർത്തിയ 151 റൺസ്​ പാകിസ്​താൻ ഒരുവിക്കറ്റ്​ പോലും നഷ്​ടമാക്കാതെ മറികടന്നു. ഓപ്പണർമാരായെത്തിയ മുഹമ്മദ്​ റിസ്​വാൻ 55 പന്തിൽ 79 റൺസോടെയും ബാബർ അസം 52 പന്തിൽ 68 റൺസോടെയും വിജയശ്രീലാളിതരായി മടങ്ങി.

മത്സരത്തിന്‍റെ ഒരു ഘട്ടത്തിലും പാകിസ്​താൻ ബാറ്റ്​സ്​മാൻമാർക്ക്​ വെല്ലുവിളി ഉയർത്താൻ ഇന്ത്യൻ ബൗളർമാർക്കായില്ല. മോശം പന്തുകളെ തെരഞ്ഞെടുത്ത്​ പ്രഹരിച്ച്​ ആത്മവിശ്വാസത്തോടെ ബാറ്റേന്തിയ പാക്​ ഓപ്പണർമാർ വിജയം ഉറപ്പാക്കി മടങ്ങുകയായിരുന്നു. ആറു റൺസിന്​ രണ്ട്​ ഓപ്പണർമാരെയും നഷ്​ടമായ ഇന്ത്യ ഏഴുവിക്കറ്റിന്​ 151 റൺസെന്ന നിലയിലാണ്​ ഇന്നിങ്​സ്​ അവസാനിപ്പിച്ചത്​. ചങ്കുതുളക്കുന്ന സമ്മർദ്ദത്തിലും ഒരറ്റത്ത്​ വിക്കറ്റ്​ കാത്ത നായകൻ വിരാട് കോഹ്​ലിയാണ്​ ഇന്ത്യൻ ഇന്നിങ്​സിന്​ നിറം പകർന്നത്​​. 30 പന്തിൽ 39 റൺസുമായി റിഷഭ്​ പന്തും കനപ്പെട്ട സംഭാവന നൽകി.

ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ ഇന്ത്യക്ക്​ ആദ്യ ഓവറുകൾ ദുസ്വപ്​നം പോലെയായിരുന്നു. ആദ്യ ഓവറിൽ നേരിട്ട ആദ്യ പന്തിൽ തന്നെ തന്നെ ഓപണർ രോഹിത്​ ശർമയെ വിക്കറ്റിന്​ മുന്നിൽ കുരക്കി ഷഹീൻ ഷാ അഫ്രീദി കൊടുങ്കാറ്റായി ആഞ്ഞടിക്കുകയായിരുന്നു. പിന്നാലെ ലോകേഷ്​ രാഹുലി (3) ക്ലീൻ ബൗൾഡാക്കി അഫ്രീദി വീണ്ടും ഇന്ത്യ​ക്ക്​ പ്രഹരമേൽപിച്ചു. ടീം സ്​കോർ 31ൽ നിൽക്കേ നന്നായി തുടങ്ങിയ സൂര്യകുമാർ യാദവും (11) പുറത്തായതോടെ സമ്മർദത്തിലായ ഇന്ത്യക്കായി വിരാട്​ കോഹ്​ലിയും (27 പന്തിൽ 28) റിഷഭ്​ പന്തും (28 പന്തിൽ 37 ) ഒത്തുചേരുകയായിരുന്നു.

ഒരറ്റത്ത്​ വിരാട്​ കോഹ്​ലി പക്വതയോടെ ബ​ാറ്റേന്തിയപ്പോൾ റൺനിരക്കുയർത്തി റിഷഭ്​ പന്ത്​ പിന്തുണനൽകി. ഹസൻ അലിയെ തുടർച്ചയായി രണ്ട്​ സിക്​സറുകൾക്ക്​ പറത്തിയ ആക്രമണ മൂഡിലേക്ക്​ മാറിയ റിഷഭ്​ പന്തിനെ ഷദാബ്​ ഖാൻ പുറത്താക്കുയായിരുന്നു. തുടർന്നെത്തിയ രവീന്ദ്ര ജദേജക്ക്​ (13 പന്തിൽ 13) ആഞ്ഞുവീശാനായില്ല. ഇതിനിടയിൽ അർധ സെഞ്ച്വറി പൂർത്തിയാക്കിയ കോഹ്​ലി നായകനൊത്ത ഇന്നിങ്​സ്​ കാഴ്ചവെച്ചു മടങ്ങി. നാലോവറിൽ 31റൺസിന്​ മൂന്നുവിക്കറ്റ്​ വീഴ്​ത്തിയ അ​ഫ്രീദിയാണ്​ പാക്​ നിരയിൽ മികച്ചുനിന്നത്​. രണ്ട്​ വിക്കറ്റ്​ വീഴ്​ത്തിയെങ്കിലും നാലോവറിൽ 44റൺസ്​ വഴങ്ങിയ ഹസൻ അലി പാക്​ നിരയിൽ നന്നായി തല്ലുവാങ്ങി.

Latest News:

Post Your Comments Here ( Click here for malayalam )

Press Esc to close
show more